Հարցը վերաբերվել է եղբորս աղջկա անձնական կապերին. Վստրեչի Ապերը պատրաստվում է վերադառնալ

Քրեական հեղինակություն Վստրեչի Ապեր մականունով հայտնի Արամ Վարդանյանը պատրաստվում է վերադառնալ Հայաստան:

Մեզ հաջողվեց կապ հաստատել վերջինիս հետ եւ պարզաբանում ստանալ օրեր առաջ ՀՀ հատուկ քննչական ծառայության տարածած հաղորդագրության վերաբերյալ:

Վստրեչի Ապերը որպես մեղադրյալ է ներգրավվել ՀՀ քրեական օրենսգրքի 131-րդ հոդվածի 2-րդ մասի 1-ին, 2-րդ եւ 3-րդ կետերով (մարդուն առեւանգելը, որը կատարվել է մի խումբ անձանց կողմից նախնական համաձայնությամբ, զենքի կամ որպես զենք օգտագործվող առարկաների գործադրմամբ՝ պատժվում է ազատազրկմամբ՝ չորսից ութ տարի ժամկետով):

Նրա նկատմամբ արդեն իսկ միջազգային հետախուզում է հայտարարվել:

- Պարոն Վարդանյան, Հատուկ քննչական ծառայությունը հաղորդագրություն է տարածել, որ դուք կազմակերպել, ղեկավարել եւ անձամբ մասնակցել եք ոմն Գ.Հ-ի առեւանգմանը, նրան 3 ժամ պահել անազատության մեջ, ենթարկել ծեծի, այնուհետեւ սպանության սպառնալիքի ներքո նրանից պահանջել եք լքել Հայաստանի Հանրապետության տարածքը: Սա ինչպե՞ս կմեկնաբանեք:

- Խիստ զարմանքով տեղեկացա, որ ես մեղադրվում եմ նման հանցագործության կատարման մեջ։ Ավելին, պարզվեց, որ իմ նկատմամբ դատարանը կալանքի որոշում է կայացրել եւ ես հետախուզվում եմ։ Նախ, որեւէ մեկը ինձ չի հրավիրել հարցաքննության եւ անհասկանալի է, թե ես ինչու եմ հետախուզվում եւ ինչու տեղյակ չեմ եղել, որ դատարանը պետք է քննարկի իմ կալանավորման հարցը։ Ես ոչ մեկից փախնելու կարիք չունեմ, պատրաստվում եմ վերադառնալ Հայաստան եւ ապացուցել, որ դա սուտ է։ Քանի որ նշված անձի հետ ես ունեցել եմ անձնական հարցեր, ես այժմ դրան մանրամասն չեմ անդրադառնա։ Ընդամենը ասեմ, որ հարցը վերաբերվել է եղբորս աղջկա խիստ անձնական կապերին, որը ինձ համար անընդունելի ու աններելի է եւ ես նրան ջնջել եմ իմ կյանքից, նա եւ նրա կյանքը ինձ ընդհանրապես չեն հետաքրքրում։

Շրջանառվող տեղեկությունների համաձայն՝ կա մարդ, ով ձեզ մեղադրում է իրեն առեւանգելու մեջ:

- Արդեն ասեցի, որ նման բան չի եղել, թե ինչու է այդ անձը նման զրպարտություններով զբաղվում եւ ինչ իրական նպատակով, հենց դա պետք է պարզեն քննիչները։ Ու համոզված եմ՝ շատ բան կպարզվի։

- Հիմա, երբ գիտեք միջազգային հետախուզում է հայտարարվել գալո՞ւ եք Հայաստան ու պարզաբանում ստանաք:

- Նախ, պիտի փորձենք փաստաբաններիս հետ այդ հետախուզումը վերացնել, քանի որ այդ հետախուզումը ոչ թե արագացնում է իմ գալը Հայաստան, այլ հակառակը` հիմա, որ փորձեմ գալ, չեն էլ կարող ինձ կբռնեն ու Հայաստան հասնելը ամիսներ կտեւի, ինչպես լինում է հետախուզման ժամանակ։

Նշենք, որ ենթադրյալ առեւանգման դեպքը տեղի է ունեցել 2017 թվականի հուլիսին, սակայն այս դեպքի մասին  հայտնի է դարձել միայն օրեր առաջ, այն էլ ՀՀ հատուկ քննչական ծառայության տարածած հայտարարությունից: Հաղորդագրությունից պարզ է դառնում, որ գործով առեւանգված եւ տուժող ճանաչված Գ.Հ.-ն ապրիլին է վերադարձել Հայաստան եւ ըստ էության հենց այդ ժամանակ էլ ցուցմունք է տվել քրեական հեղինակություն Վստրեչի Ապերի դեմ: Երեկ էլ սույն գործի շրջանակում ՀՀ ոստիկանության հատուկ ջոկատայինները խուզարկություն էին իրականացրել Վստրեչի Ապերի բնակարանում: Մեր տեղեկություններով, խուզարկության ժամանակ նրա բնակարանից ոչինչ չի հայտնաբերվել ու առգրավել:

ՀՔԾ-ի օրեր առաջ տարածած հաղորդագրությունում մասնավորապես նշվում է հետեւյալը.

ՀՀ հատուկ քննչական ծառայությունում քննվող քրեական գործով պարզվել է, որ հանցավոր աշխարհում քրեական հեղինակություն համարվող Ա. Վ.-ն կազմակերպել, ղեկավարել եւ անձամբ մասնակցել է զենքի գործադրմամբ տուժողի կյանքի եւ առողջության համար վտանգավոր բռնության սպառնալիքով Գ. Հ.-ի առեւանգմանը:

ՀՔԾ լրատվական ծառայության փոխանցմամբ, Ա. Վ.-ն կենցաղային հարցերի շուրջ պարզաբանումներ կատարելու եւ Գ. Հ.-ին պատժելու նպատակով, նախնական համաձայնություն է ձեռք բերել մի խումբ անձանց հետ` վերջինիս առեւանգումը կազմակերպելու համար:

Հիշյալ անձինք իրենց հանցավոր նպատակն իրագործելու դիտավորությամբ, Ա. Վ.-ի ղեկավարությամբ եւ անմիջական մասնակցությամբ 2017թ. հուլիսի 17-ին Երեւան քաղաքի Նորագավիթ թաղամասում գտնվող սուպերմարկետի շրջակայքից բռնության գործադրմամբ առեւանգել են Գ. Հ.-ին եւ տեղափոխել Երեւան քաղաքի բնակարաններից մեկը, որտեղ Ա. Վ.-ն ծեծի է ենթարկել վերջինիս եւ զենքով սպառնացել սպանել նրան:

Շուրջ 3 ժամ Գ. Հ.-ին անազատության մեջ պահելուց հետո Ա. Վ.-ն սպանության սպառնալիքի ներքո նրանից պահանջել է լքել Հայաստանի Հանրապետության տարածքը: Նույն օրը՝ 17.07.2017թ.-ին, Գ. Հ.-ն մեկնել է ՀՀ-ից եւ վերադարձել 2018թ. ապրիլ ամսին:

Վերը նշված հանցավոր արարքի կատարման համար 18.06.2018թ.-ին Ա. Վ.-ն քրեական գործով ներգրավվել է որպես մեղադրյալ ՀՀ քրեական օրենսգրքի 131-րդ հոդվածի 2-րդ մասի 1-ին, 2-րդ եւ 3-րդ կետերով: Նույն օրը նրա նկատմամբ որպես խափանման միջոց է ընտրվել կալանավորումը եւ հայտարարվել հետախուզում:

Տպել
12737 դիտում

ՀՀ ԶՈՒ-երի,ՊԲ-ի կողմից իրավիճակը լիովին վերահսկվում է. Ն. Փաշինյանը՝ Արցախի դիրքերում (լուսանկարներ)

Մարմարաշեն գյուղի ձկնաբուծարանը սնուցող խողովակները գյուղացիներից մեկն ապամոնտաժել է (տեսանյութ)

«Հայկական գնդակից» սպանվել է Ադրբեջանի ԶՈւ զինծառայող, ԶԼՄ-ները հայտնում են եւս մեկ սպանվածի ու վիրավորի մասին

Վարչապետ Նիկոլ Փաշինյանն այցելել է Արցախի պաշտպանական դիրքեր

Լուսանկարների միջոցով ցուցադրվեց աղետալի հրդեհի պատճառով վերացած Սարյանի գործերը

Մենք պատրաստ ենք խաղաղ բանակցային գործընթացի, սակայն պատրաստ ենք նաեւ պատերազմի. վարչապետ (տեսանյութ)

Հետաձգել եմ Նյու-Յորք այցս՝ քվեարկելու, նոր մեկնելու համար. վարչապետը կքվեարկի ու կմեկնի ԱՄՆ

Քրեական հեղինակություն Չարբախցի Գեղամի մոտ լուրջ հիվանդություն է հայտնաբերվել. վիրահատությունը հետաձգվել է

Սեպտեմբերի 21-ին՝ Անկախության տոնին, զորահանդես չի լինելու, ծախսվելու է մոտ 100 մլն դրամ

Emmy 2018-ի հաղթողներն ու կարմիր գորգի աստղերը

Բակո Սահակյանը, Նիկոլ Փաշինյանն ու զինվորականները՝ արջերի ընկերակցությամբ Արցախում (տեսանյութ)

Երեւանում կբացվի սիրիահայերի ձեռքի աշխատանքների ցուցահանդես-վաճառք

Օլիգարխ ընտանիքից երիտասարդներ են ամուսնանում եւ որոշել են, որ իրենց նվերների` զարդերի գումարը փոխանցեն մեր հիմնադրամին

Մեր ֆուտբոլը ընդհանուր է հետ գնացել. Ռոբերտ Արզումանյան

Դաշնակցությունը չի պատրաստվում լքել համաձայնության կառավարությունը, դա ապատեղեկատվություն է. ՀՅԴ

Գործադիրը պետք է ԵՄ-Հայաստան համաձայնագրի վավերացման գործընթացը պահի ուշադրության կենտրոնում. Աշոտյան

Հայաստան կժամանեն Քըրք Քըրքորյանի ազգական Էրիկ Էսրաիլյանը եւ Կալիֆորնիայի համալսարանի ռեկտոր Ջին Բլոքը

Armenia! ցուցահանդեսը կկայանա Նյու Յորքի «Մետրոպոլիտեն» թանգարանում

Թմրանյութ են հայտնաբերել. Ադրբեջանցի ընդդիմադիր Օրհան Բախըշլըն դատապարտվել է 6 տարվա ազատազրկման

Օբաման Մերձավոր Արեւելքի երկրները ներքաշել է քաղաքացիական պատերազմի մեջ. փորձագետ