Մարզերի երեխաներն Ազգային պատկերասրահում. ներառված էին խոցելի ընտանիքների երեխաները

Հունիսի 21-ին Հայաստանի ազգային պատկերասրահ էին այցելել Իջևան քաղաքի մի խումբ երեխաներ: Իրենց ազգային մշակույթին ծանոթանալու ու հաղորդակից դառնալու գործընթացը երեխաների համար իրականություն դարձավ «Մշակույթը որպես սոցիալական փոփոխությունների բանալի» ծրագրի շնորհիվ:

Երեխաների համար երկակի տոն ու էքսկուրսիա էր, նախ, որ նրանք եկել էին իրենց սիրելի մայրաքաղաք՝ Երևան, եւ երկրորդ, որ հնարավորություն ունեցան նոր բաներ իմանալու: Մեզ հետ զրույցում երեխաներն ասացին, որ առաջին անգամը չէ, որ գալիս են Երևան, սակայն Ազգային պատկերասրահում շատերն առաջին անգամ էին:

Այցելության ժամանակ երեխաները շրջեցին ցուցասրահներով, ծանոթացան մեր ազգային կերպարվեստի պատմությանը, հայ եւ համաշխարհային հայտնի նկարիչների ստեղծագործություններին ու կենսագրության ուշագրավ դրվագներին:

Քաղաքացիական զարգացման եւ համագործակցության հիմնադրամի հասարակայնության հետ կապերի համակարգող Նունե Ղազարյանը, որը նույնպես երեխաների հետ այցելել էր պատկերասրահ, նշեց, որ երեխաների զարգացման ու լիարժեք կայացման մեջ կարևորում են գեղագիտական կրթությունն ու դաստիարակությունը, ուստի նպատակն է երեխաներին հնարավորինս մոտեցնել մշակույթին, որպեսզի նրանք ճանաչեն հայ եւ այլազգի մեծանուն արվեստագետներին ու նրանց աշխատանքները, ինչպես նաև որոշակի գիտելիքներ ունենան նրանց ստեղծագործական գործունեության մասին, ինչի հնարավորությունն էլ տալիս են նմանատիպ էքսկուրսիաները:

Նունե Ղազարյանը նշեց, որ մոտ օրերս կազմակերպվելու է ևս մեկ էքսկուրսիա դեպի Հայաստանի ազգային պատկերասրահ Մեծամոր քաղաքից, իսկ մինչ այդ՝ հունիսի 15-ին, եղել է Նոյեմբերյանից:

«Մեր նպատակն է Մշակույթը որպես սոցիալական փոփոխությունների բանալի ծրագրի միջոցով, որն իրականանում է Երամիության ֆինանսավորմամբ եւ «Աջակցություն ՀՀ քաղաքացիական հասարակության կազմակերպությունների կարողությունների հզորացմանը» ծրագրի աջակցությամբ, Նոյեմբերյան, Իջևան եւ Մեծամոր քաղաքների խոցելի ընտանիքների երեխաներին ներառել իրենց համայնքների սոցիալ-մշակութային կյանք, եւ ընդգրկելով նրանց մշակութային տարբեր խմբակներում, ինչպիսիք են, օրինակ, նկարչության, երգի, կավագործության, տիկնիկագործության, կարպետագործության խմբակները, զարգացնել երեխաների ստեղծագործական ներուժը»,- ամփոփեց Նունե Ղազարյանը:

«Մշակույթը որպես սոցիալական փոփոխությունների բանալի» ծրագիրն իրականցվում է Քաղաքացիական զարգացման եւ համագործակցության հիմնադրամի, ինչպես նաև «Ընտանիք եւ համայնք» ՀԿ-ի կողմից:

Տպել
961 դիտում

Ռազմաքաղաքական իրավիճակը լարված է, ցանկացած պահի պետք է պատրաստ լինենք հակահարված տալու

Խղճի ազատության «տանիքի» տակ չարաշահման որեւէ դեպք ես թույլ չեմ տա. Փաշինյան

Այսօր Ամուլսարն ենք փակում վարչապետի կամքով, մի օր էլ ԶԼՄ-ները կփակենք. վարչապետ

Տրանսպորտի խնդիրը լուրջ է Երեւանում. վարչապետն՝ ապագա քաղաքապետին

Պետական համակարգում էլ կան մարդիկ, ովքեր հույսեր չեն ներշնչում. Նիկոլ Փաշինյան

Կառավարությունը ներեկեղեցական հարցերի չի խառնվի, իսկ ոստիկանների աշխատանքից գոհ չեմ(ուղիղ)

«Վեոլիա ջուրը», «Սանիթեք»-ը պետք է իմանան, որ իրենցից այդքան էլ գոհ չենք. վարչապետ (ուղիղ)

Ֆրանսիան՝ ֆուտբոլի ԱԱ 2018-ի չեմպիոն

Ա. Սարգսյանը հանդիպել է հնդիկ գործարարի հետ, քննարկել են ՀՀ-ում ներդրումային ծրագիրը

Արմեն Սարգսյանը հանդիպել է Կատարի էմիր Թամիմ բին Համադ Ալ Թանիի հետ

Սպանություն Թբիլիսիում. սառը զենքի 22 հարվածով սպանվել է հայազգի երիտասարդ

Հուլիսի 16-ին հոսանքի մինչեւ 5-6 ժամյա անջատումներ կլինեն Երևանում եւ 6 մարզերում

Այս շաբաթ հակառակորդը հրադադարի ռեժիմը խախտել է 170 անգամ

Ամասիա գյուղում կորած 7-ամյա աղջկան գտել են

Լուսիկ Ագուլեցուն վերջին հրաժեշտը կտան վաղը՝ հուլիսի 16-ին

«Նոր Հայաստան, նոր Հայրապետ»շարժումը կաթողիկոսի դատախազ եղբորորդու դեմ հաղորդում է տվել

Իրականացել է Թուրքիայի պատմության մեջ ամենախոշոր ռազմարդյունաբերական գործարքը

Արագած գյուղում առվի մեջ հայտնաբերված 2-ամյա երեխայի սպանության դեպքով քրգործ է հարուցվել

Շիրակի թեմի առաջնորդը Հայրապետի հրաժարականը պահանջողների բարոյական մահվան մասին հայտարարեց

Ջրիմուռների առատ աճի հետեւանքով լիճը ծաղկել է. պարզաբանում է բնապահպանության փոխնախարարը