Ծռերի մեթոդը հուրն է, Փաշինյանինը՝ ջուրը, հուրն ու ջուրը փորձում են միանալ. Վ. Ավետիսյան

24/06/2018 schedule11:30

Վարուժան Ավետիսյանը վերջին օրերի աղմուկը հանդարտեցնելու համար հոդված է հրապարակել՝ Սասնա Ծռերի դատական նիստերի ձայնագրությունների ու իրենց վտանգավոր լինելու մասին կոչերին ի պատասխան:

Հոդվածը ներկայացնում ենք ստորեւ.

Վե՛րջ տվեք ժամանակավրեպ հաշիվներին 

Յուրաքանչյուր անգամ, երբ դատարանում հրապարակվում են Նիկոլ Փաշինյանի վերաբերյալ 2016 թ. հուլիսյան ապստամբության ժամանակ Սասնա Ծռերի հնչեցրած կոպիտ արտահայտություններ, մեր ընդհանուր հակառակորդն անմիջապես փորձում է ուռճացնել երևույթը ու սեպ խրել Սասնա Ծռերի ապստամբության և ներկայի Թավշյա հեղափոխության միջև, իսկ տասնամյակների թմբիրից նոր զարթնած մեր որոշ հայրենակիցներ, առանց ամսաթվին նայելու, առանց ժամանակներն ու իրավիճակները քննելու, ակամա ջուր են լցնում հակառակորդի ջրաղացին:

Սասնա Ծռերի մեթոդը հուրն է, Նիկոլ Փաշինյանինը՝ ջուրը:

2016 թ. հուլիսին հուր էր անհրաժեշտ: Բնական երևույթ է, երբ հուրը հանդիպում է ջրին, ընդվզում և պոռթկում է:

Քննարկել կամ քննադատել այդ երևույթը, կնշանակի բնության օրենքների դեմ անիմաստ սուր ճոճել:

2016 թ. Սասնա Ծռերի ապստամբության հուրը խանձեց հակառակորդի երախը:

Դրա շնորհիվ հնարավոր դարձավ 2018 թ. Թավշյա հեղափոխության ջրով մաքրելու մեր երկիրը, ինչն էլ Նիկոլ Փաշինյանի գլխավորությամբ բոլորս միասին անում ենք:

Հիմա, երբ հուրն ու ջուրը ձգտում են հասկանալ միմյանց, ըմբռնել իրենց միասնական առաքելությունը և, հրեղեն ջուր, այսինքն՝ սերմ, դառնալ մեր Հայրենի հողից ազատության, արժանապատվության ու երջանկության բերք ստանալու համար, երկու տարի առաջ հուր և ջուր եզրույթների միջև միանգամայն օրինաչափ ու բնական բախումից առաջացած մնացորդներն ասպարեզ բերելը և երևույթը պառակտման ու հակադրության տրամաբանությամբ քննարկելը նույնն է, թե տրորես ու ոտնակոխ անես այն արտը, որ բոլորիս ձեռքով է ցանվել և բոլորիս արյունով ու քրտինքով է ջրվել:

Ուստի բոլորին կոչ եմ անում՝ վե՛րջ տվեք ժամանակավրեպ հաշիվներին, մաքու՛ր պահեք ձեր սիրտն ու միտքը, և ձեր էներգիան ծախսեք երկիրը մաքրելու ու շենացնելու վրա:

Նիկոլ Փաշինյանի և Սասնա Ծռերի զավակներն ուս-ուսի մասնակցել են Թավշյա հեղափոխությանը և դարձել են այն հրեղեն սերմի մարմնացումը, որին կարոտով սպասում է Հայրենի հողը: 

Սասնա Ծուռ Վարուժան Ավետիսյան

23 հունիսի 2018 թ., «Արմավիր» ՔԿՀ

Տպել
2850 դիտում

Էրդողանը աշխարհի ամենավտանգավոր մարդկանցից է. Թրամփի նախկին խորհրդական

Շիրակի թեմի առաջնորդն առողջական խնդիրներ ունի. նա «Իզմիրլյան» ԲԿ-ում է, վիրահատվելու է

Երեւանում եւ մարզերում սպասվում է անձրեւ եւ ամպրոպ, ամպրոպի ժամանակ` քամու ուժգնացում

Ալիևը Փարիզում է. Ֆրանսիայի նախագահի հետ հանդիպել, խոսել են ղարաբաղյան խնդրի կարգավորումից

Աջափնյակ մետրոյի կայարանի կառուցման պետբյուջեյից ծախսեր չպահանջվող տարբերակ. բաց նամակ

ՀՀ ԱԳՆ ղեկավարը շնորհավորել է Արցախի Հանրապետության ԱԳՆ 25-ամյակի կապակցությամբ

Ականատեսի հայացքով այն, ինչ դեռ չի ասվել ֆուտբոլի ԱԱ 2018-ի մասին

Ոչ մի նյութական միջոց չենք հատկացնում ԵԿՄ-ին. ԶՈւ թիկունքի վարչության գնդապետ

Կաթողիկոսն իր օրհնությունն է բաշխել «Անդրանիկ» սկաուտական ճամբարի մասնակիցներին

Այստեղից է սկսվել թավշյա հեղափոխությունը. ցուցանակ՝ Հանրային ռադիոյի հայտնի դռան մոտ

Դատավորն առանց պատճառ հետաձգել է զինված խմբի գործով նիստը. պաշտպանները միտում են տեսնում

«Սուրբ Սարգիս» եկեղեցու տարածքում գողություն է եղել

Հանցագործությունների մասին զեկույցներ, հանձնարարություններ ոստիկանությունում (տեսանյութ)

«Հաղթանակ» զբոսայգու մոտակայքում 12 հազար քմ տարածք է այրվել

Սեպտեմբերին նախատեսվում է ՀՀ վարչապետի այցն ԱՄՆ

Էրեբունիում անչափահասին առևանգելու փորձի մեղադրանքով հետախուզվողը ներկայացել է բաժին

ԱԱԾ տնօրենը հանդիպել է ՀՀ-ում Ճապոնիայի արտակարգ և լիազոր դեսպան Ջուն Յամադային

ՎՏԲ-Հայաստան Բանկը գնում է ոսկու գրավադրմամբ վարկեր`ավելացնելով վարկի գումարը

Իտալիայի պատվո հյուպատոսը Գյումրու Ռուսթավելին ինքնագլուխ է քանդում. գլխավոր ճարտարապետ

6-ի տղաներն ասեցին՝ Էդոյի գլխին սարքեցին. Սարի թաղի գործով մեղադրյալը կրկին կալանավորվել է