Հայաստանի մշակութային ժառանգությունը կներկայացվի Վաշինգտոնի սրտում

25/06/2018 schedule15:35

Այս չորեքշաբթի ԱՄՆ-ի մայրաքաղաք Վաշինգտոնում մեկնարկող Սմիթսոնյան ֆոլքլայֆ կամ ժողովրդական կենցաղի ամենամյա փառատոնում հանդես կգան Հայաստանը եւ Կատալոնիան: Վաշինգտոնի Նեշընլ Մոլ զբոսավայրում հունիսի 27-ից հուլիսի 1-ը եւ հուլիսի 4-ից 8-ը տեղի ունեցող փառատոնում հայկական կենցաղն այցելուներին կներկայացնեն Հայաստանից եւ սփյուռքից ժամանած ավելի քան 170 ներկայացուցիչներ՝ արհեստագործներ, դիզայներներ, երաժիշտներ, խոհարարներ, գինեգործներ, պարողներ եւ կատարողներ: Այս մասին հայտնում են ՀՀ-ում ԱՄՆ-ի դեսպանատան մամուլի ծառայությունից։

Տասնօրյա այս միջոցառմանը մասնակից են դառնում միլիոնավոր մարդիկ՝ Միացյալ Նահանգներից եւ տարբեր երկրներից ժամանելով մայրաքաղաք Վաշինգտոն կամ հետեւելով առցանց: Սմիթսոնյանն իր հայաստանյան գործընկերների հետ կներկայացնի «Հայաստան. տուն արարելը» ծրագիրը, որտեղ ներառված են երկրի խոհանոցն ու արհեստագործությունը եւ ի ցույց է դրվում, թե համայնքներն ինչպես են ժառանգությունը դարձնում իրենց տնտեսական եւ մշակութային կայուն զարգացման ռազմավարությունների անբաժաների մասը:  

Հունիսի 28-ին փառատոնի բացման արարողությանը ներկա կլինեն Հայաստանի Հանրապետության նախագահ Արմեն Սարգսյանը, ՀՀ մշակույթի նախարար Լիլիթ Մակունցը, ՀՀ-ում ԱՄՆ դեսպան Ռիչարդ Միլսը, ԱՄՆ ՄԶԳ հայաստանյան գրասենյակի տնօրեն Դեբորա Գրիսերը, ԱՄՆ-ում Հայաստանի դեսպան Գրիգոր Հովհաննիսյանը, ինչպես նաեւ ներկայացուցիչներ ՀՀ կառավարությունից, ԱՄՆ պետքարտուղարությունից, ԱՄՆ ՄԶԳ-ից եւ ամերիկահայ սփյուռքի կազմակերպություններից: Հունիսի 28-ին եւ 30-ին դեսպան Միլսը, դեսպան Հովհաննիսյանը եւ տ-ն Գրիսերը նաեւ կմասնակցեն մշակութային դիվանագիտության եւ մշակութային զբոսաշրջության շուրջ Սմիթսոնյանի հանրային քննարկումներին:

Հայաստանը կովկասյան տարածաշրջանի առաջին երկիրն է, որ ներկայացվում է Միացյալ Նահանգների մայրաքաղաքի հենց սրտում անցկացվող այս հեղինակավոր փառատոնում: Այցելուները հայաստանյան տաղավարներում կսովորեն ինչպես թոնիրում լավաշ թխել, գաթա եւ պանիր պատրաստել, խորոված անել: Գինի համտեսելու հետ մեկտեղ այցելուները կտեսնեն ու նաեւ առիթ կունենան պարել, սեփական ձեռքերով մի բան թխել, փորագրել, գորգ գործել, ինչպես նաեւ իրականացնել վիրտուալ ճանապարհորդություն դեպի հայաստանյան երկու հայտնի պատմական վայրեր. Արենի-1 քարանձավ, որտեղ 6100-ամյա գինու հնձան կա եւ 13-րդ դարի Նորավանքի վանական համալիր: Եռաչափ այս տուրը մշակվել է Սմիթսոնյանի եւ CyArk-ի կողմից՝ ԱՄՆ ՄԶԳ աջակցությամբ:

«Հյուրասենյակ», «Հացատուն», «Հազարաշեն» եւ «Կենաց ծառ» տաղավարներում կազմակերպվող ինտերակտիվ ցուցադրումներից ու ուսուցողական պարապմունքներից զատ կլինի նաեւ «Սմիթսոնյանն Հայաստանում» տաղավարը, որտեղ կներկայացվի  «Իմ Հայաստան» մշակութային զբոսաշրջության ծրագրի ներքո իրականացված աշխատանքը: Այս ծրագիրն ինքնատիպ գործընկերություն է ԱՄՆ ՄԶԳ-ի եւ Սմիթսոնյանի միջեւ՝ խթանելու գյուղի կայուն զարգացումը եւ միաժամանակ պահպանելու երկրի հարուստ մշակութային ժառանգությունը:

Հայաստանի արհեստագործների պատվիրակության կազմում ԱՄՆ ՄԶԳ-ի 18 շահառուներ են, ովքեր «Իմ Հայաստան» ծրագրի շրջանակում մասնագիտական ուսուցում են անցել ձեռքի աշխատանքների դիզայնի, ձեռնարկատիրության, բրենդավորման ու մարկետինգի հարցերի շուրջ: Այս հեղինակավոր փառատոնում «Հայաստան. տուն արարելը» խորագրով գունագեղ ծրագրի միջոցով Հայաստանի հարուստ մշակութային ժառանգության ներկայացումը  եւ «Իմ Հայաստան» ծրագրի շարունակական ջանքերն ուղղված զբոսաշրջային պրոդուկտների մշակմանն ու ոլորտի խթանմանը կարող են ամրապնդել Հայաստանի դիրքերն ու հեղինակությունը՝ զբոսաշրջիկների շրջանում այն ընկալելի դարձնելով որպես ինքնատիպ ու եզակի զբոսաշրջային նպատակակետ:

Զբոսաշրջության խթանմանն ուղղված իր ջանքերի շրջանակում «Իմ Հայաստան» ծրագիրը փառատոնի լուսանցքներում կազմակերպում է երեք հանդիպում գործարարների համար՝ Բոստոնում, Նյու Յորքում եւ մայրաքաղաք Վաշինգտոնում: Այս քաղաքներից յուրաքանչյուրում թվով 5 հայաստանյան ներգնա տուրօպերատորներ ու հյուրընկալության ոլորտի ընկերություններ հնարավորություն կունենան հանդիպել ամերիկյան զբոսաշրջային ու հարակից ոլորտների ընկերությունների 12 ներկայացուցիչների հետ: Այս հանդիպումներում կլինեն լրատվամիջոցների հետ շփվելու առիթներ, զեկուցումներ, ծանոթացման ու կապերի հաստատման հնարավորություններ, որոնք բոլորն ուղղված են ներկայացնելու Հայաստանը որպես մշակութային զբոսաշրջության գրավիչ նպատակակետ, ստեղծելու կապեր գործարարների միջեւ եւ, ի վերջո, ավելացնելու ԱՄՆ-ից Հայաստան ժամանող զբոսաշրջիկների թիվը:

«Հայաստան. տուն արարելը» ծրագրի գործընկերներն են ՀՀ Գիտությունների ազգային ակադեմիայի Հնագիտության եւ ազգագրության ինստիտուտը, «Իմ Հայաստան» ծրագիրը, ՀՀ-ում ԱՄՆ դեսպանությունը եւ ԱՄՆ-ում Հայաստանի դեսպանությունը:

Տպել
442 դիտում

Մխիթարյանը չի ապաքինվել. կարող է բաց թողնել «Արսենալի» խաղը

Արմեն Սարգսյանը հանդիպել է ՀՀ-ից հեռացած «Օրանժ» ընկերության գլխավոր տնօրենի հետ

Նոր ներկայացում Սունդուկյան թատրոնում, Խորեն Լեւոնյանը կմարմնավորի Սասունցի Դավթի կերպարը

Լոռու մարզում կտրուկ աճել է կոռուպցիայի գործով քրեական հետապնդումների ենթարկված անձանց թիվը. դատախազություն

Օսիպյանը սպայական կոչում է շնորհել ՊՊԾ գնդի իրադարձությունների ընթացքում զոհված ոստիկան Յուրի Տեփանոսյանի կնոջը

Պուտինն այցելում է Ադրբեջան. խորտակվող «Տիտանիկ»-ի մեծ մտրակն ու փոքր քաղցրաբլիթը

Արա Սաղաթելյանը մասնակցել է ԱԳ երկրների խորհրդարանների գլխավոր քարտուղարների աշխատանքային հանդիպմանը

Մենք պաշտպանել ու պահպանել ենք այն ամենը, ինչ մեզ բնորոշում է իբրեւ ազգ. Գարեգին Բ-ն՝ Նյու Յորքի «Մետրոպոլիտան»-ում

Մխիթարյանը քվեարկել էր Մոդրիչի, Վարդան Մինասյանը՝ Գրիզմանի օգտին

Արագ ու ճիշտ զարգացման մեր միակ շանսը Ազգային Ժողովի նոր ընտրություններն են. Կարեն Անդրեասյան

«Ժողովրդավարական ուղի» կուսակցությունը շնորհավորել է ՀՀ վարչապետ Փաշինյանին՝ «Իմ քայլը» դաշինքի հաղթանակի առթիվ

Մանվել Բադեյանը հետ է կանչվել. Սարմեն Բաղդասարյանը նշանակվել է Քուվեյթում ՀՀ դեսպան

Գեղամ Ղարիբջանյանը հետ է կանչվել Արաբական Միացյալ Էմիրություններում ՀՀ դեսպանի պաշտոնից

Իրանը մերժում է հանդիպում անցկացնելու Թրամփի առաջարկը

Ընտրությունը ցույց տվեց, որ հակահեղափոխություն չի լինելու, մնացել է մեկ ճանապարհ՝ հեղաշրջումը. քաղաքագետ

Համաշխարհային ֆուտբոլում էլ է իրավիճակ փոխվել. Մոդրիչը՝ տարվա լավագույն ֆուտբոլիստ

«Կանայք հանուն խաղաղության» գաղափարը տարածվում է. Աննա Հակոբյանը Պետերբուրգում էր

Որդիս չի ենթարկվել բռնության, նա շատ գոհ էր. թուրք սահմանահատի հայրը Հայաստանում է

Սպան ասաց՝ մի հատ թուրք բեր, օտպուսկ կտամ. հետաքննության պահանջով գյումրեցի Ժ. Գալստյանը դիմում է Նիկոլ Փաշինյանին

Դե Բիազին ՀՀ-ում է. կարող է գլխավորել ՀՀ ֆուտբոլի հավաքականը