Վաղն այս առաջնությունում լավագույն Արգենտինան կտեսնեք. Սամպաոլին խոստանում է

Արգենտինայի ֆուտբոլի ազգային հավաքականը պատրասվում է բեկել աշխարհի 2018 թ. առաջնությունում անհաջող ընթացքը: Այսօր՝ հունիսի 25-ին, «Հայկական ժամանակ»-ը ներկա էր թիմի գլխավոր մարզիչ Խորխե Սամպաոլիի՝ խմբային փուլի 3-րդ տուրի Նիգերիայի դեմ նախախաղյա ասուլիսին: Մասնագետը չասաց՝ ովքեր են վաղը խաղադաշտ դուրս գալու, սակայն ընդգծեց, որ նրանք իրենց լավագույնն են անելու:

«Եթե խաղան փորձառուները, բացատրությունը կլինի այն, որ շատ նուրբ իրավիճակ է, եւ ավելի հարմար է, որ ավելի շատ փորձ ունեցողները խաղան: Ով էլ խաղադաշտ դուրս գա, պետք է մինչեւ վերջին շունչը պայքարի, որպեսզի Արգենտինան հաջորդ փուլ անցնի: Վստահ եմ, որ վաղն այս առաջնությունում լավագույն Արգենտինան կտեսնեք»,- ասաց նա:

Խմբային փուլի 2-րդ տուրում Խորվաթիային պարտվելուց հետո (0:3) Արգենտինայի շուրջ բավական շատ խոսակցություններ եղան: Քննադատում էին Սամպաոլիին, նշում էին, որ վատ հարաբերություններ ունի խաղացողների հետ, անգամ, որ Նիգերիայի դեմ խաղում նա չէ որոշելու թիմի կազմը, այլ խաղացողները:  Մարզիչը խոստովնեց, որ վերջին օրերը բավական ծանր են եղել: Պարտությունը լուրջ հարված է եղել, սակայն ինքը՝ որպես մարզիչ, կենտրոնացած է եղել միայն հաջորդ հանդիպմանը պատրաստվելու վրա: Խոսակցություններին ուշադրություն չի դարձրել:

«Բարդ շաբաթ էր: Պարտությունը ծանր հարված էր, որովհետեւ այնպիսի իրավիճակի մեջ է դրել, որ վերջին խաղում անպայման պետք է հաղթես, նույնիսկ կախված ես հաշվից: Ինչ վերաբերում է այն ամենին, ինչ խոսում են, չեմ կարող պարզաբանել բաներ, որոնք գոյություն չունեն: Պարտության հաջորդ օրվանից սկսած ես՝ որպես մարզիչ, մտածել եմ միայն հաջորդ խաղի մասին: Այդ պատճառով նման խոսակցությունները վերլուծելու ժամանակ չեմ ունեցել»,- ասաց նա:

Խմբային փուլի 2 հանդիպումներից հետո Նիգերիան 3 միավորով 2-րդն է, եւ ոչ-ոքին էլ բավական է 1/8 եզրափակչի ուղեգիր նվաճելու համար: Իսկ ահա Արգենտինան վաստակել է ընդամենը 1 միավոր, եւ միայն հաղթանակը հաջորդ փուլի հույսեր կպարգեւի: Սամպաոլին ընդգծում է, որ նպատակն իրականացնելու համար բարդ մրցակցի են հանդիպելու:

«Ունեն խաղացողներ, որոնք անհատական որակների հաշվին կարող են գլխացավանք պատճառել: Անկանխատեսելի թիմ է: Խաղում են առանց ճնշման, ազատորեն, եւ դա կբարդացնի մեր գործը: Մենք պետք է գիտակցենք, որ վաղն առաջինն է այն 5 խաղերից, որոնք մեզ եզրափակիչ են հասցնելու»,- ասաց նա:

D խմբի՝ Նիգերիա-Արգենտինա հանդիպումը տեղի է ունենալու վաղը: Այս պահին խմբի մրցաշարային աղյուսակը հետեւյալն է.

1.Խորվաթիա 6 միավոր

2.Նիգերիա 3

3.Իսլանդիա 1

4.Արգենտինա 1

Տպել
1156 դիտում

Որոշ գովազդներ կհեռարձակվեն միայն ժամը 22:00-ից մինչեւ 06:00-ն. +21 նշագրումը կլինի պարտադիր

Բաքվի գործողությունները խաթարում են խաղաղությանը նպաստող մթնոլորտի ձեւավորմանն ուղղված ջանքերը

Անցել է ժամանակը, երբ Հայաստանի ղեկավարի սիրտն ու ուղեղը հանած է ու տեղը դոլար է շարած. վարչապետ

«Ես որոշակի քիմիա զգացի մեր միջեւ». Քոչարյանի հարցազրույցը «Комерсантъ»-ին

ԱԻՆ-ում անցկացվել է միգրացիոն հոսքերի կառավարման թեմայով շտաբային ուսումնավարժություն

Հայաստանում վարչապետի քիփ, վարչապետի՝ փայ մտնող ախպեր, ավտոների վրա քշող ախպոր տղա չի լինելու

ԱԻՆ սեյսմիկ ծառայության թիմը՝ «Գեովիկտորինա» մրցույթի հաղթող

Ասում են՝ արտահերթ խորհրդարանականին կողմ չենք քվեարկի, Սերժը կասեր՝ իյա, իրո՞ք, էդ դու՞ք եք որոշում. վարչապետ

Հայ-գերմանական համագործակցությունը բարձր մակարդակի վրա է. Տոնոյանն ընդունել է Գերմանիայի դեսպանին

Պրոռեկտորի կնոջից ավտոմեքենա վարձակալելու խնդիրը կարող է լինել միայն բարոյական. Դավիթ Մուրադյան

Բոլոր ուժերը իսկապես պայքարում են, ոչ ոք թատրոն չի տալիս, ոչ մեկի համար ոչինչ գրված չէ այս անգամ. վարչապետ

Սարյանի պուրակում տեղադրված դաշնամուրի վրա առաջինը նվագեց մաեստրո Մանսուրյանը

Կոնկրետ Տարոն Ավիայի հարցով չեմ զբաղվում. Տիգրան Ավինյանը Գյումրիում ասուլիս է անցկացրել

Մանիպուլյատիվ մեթոդներ. Լը Մոնդի ու Վաշինգթոն Փոստի «ֆեյքերը»

Վերանայեք Գյումրու բյուջեն. առաջարկը Սամվել Բալասանյանը ներկայացրել է Գյումրի եկած Տիգրան Ավինյանին

Առեւտրի կետից գողություն կատարելու հետքերով գնալիս, ոստիկանները հանցավոր խումբ են բերման ենթարկել

Հայաստանի Ազգային պատկերասրահից Արա Շիրազի աշխատանքները տեղափոխվել են Գյումրի

Հանրապետության, Շահումյան հրապարակներում, մի շարք փողոցներում վաղը երեկոյից մեքենաների կայանումը կարգելվի

Քոչարյանի գործն՝ ԱԺ Քննիչ հանձնաժողովում. Կոստանյանը հակասում է իրեն եւ Արփինե Հովհաննիսյանին

ԵԽ մարդու իրավունքների հանձնակատարն առաջին անգամ այցելել է Հայաստան, հյուրընկալվել ԱԺ-ում