Երևան
16 °C
ՀՀ հատուկ քննչական ծառայությունը դեռ չի շտապում հայտարարել՝ Մարտի 1-ի գործով Ռոբերտ Քոչարյանն արդեն հարցաքննվե՞լ է, թե՝ ոչ:
ՀՔԾ մամուլի խոսնակ Մարինա Օհանջանյանը Քոչարյանին հարցաքննելու մասին մեր հարցին ի պատասխան ասաց, որ հարցաքննված անձանց վերաբերյալ որեւէ տեղեկություն չեն կարող տրամադրել: Մեր տեղեկություններով, Մարտի 1-ի գործն ըստ էության վերաբացելուց հետո գործը քննող քննիչները տարբեր անձանց արդեն իսկ հրավիրել են հարցաքննության: Սակայն մեզ չհաջողվեց պարզել, թե այդ անձանց մեջ Ռոբերտ Քոչարյանը, Միքայել Հարությունյանը, Սեյրան Օհանյանը մտնո՞ւմ են, թե՝ ոչ:
Մի քանի օր առաջ ՀՀ հատուկ քննչական ծառայությունը Մարտի 1-ի սպանությունների ամբողջական բացահայտման նպատակով դիմել էր հանրությանը՝ աջակցության եւ ակտիվ ներգրավվածության համար: Մեր հարցին ի պատասխան ՀՔԾ-ից ասացին, որ Մարտի 1-ի գործով բազմաթիվ զանգեր են ստացվում ՀՔԾ տարբեր քաղաքացիներից, ովքեր ցանկություն են հայտնել աջակցել քննությանը:
Մինչ այս գործն ըստ էության վերաբացելը ՀՔԾ-ն գործին էր կցել «Բանակի ներգրավվածությունը Մարտի 1, 2-ի իրադարձություններին» Փաստահավաք խմբի զեկույցը: Երեկ մեր զրույցում Անդրանիկ Քոչարյանն ասաց, որ ինքն ու Փաստահավաք խմբի նախկին անդամ Սեդա Սաֆարյանը հանդիպել են ՀՔԾ նորանշանակ պետ Սասուն Խաչատրյանի հետ:
- Պարոն Քոչարյան, Փաստահավաք խմբի զեկույցը՝ բանակի ներգրավածության վերաբերյալ, գործին կցելուց հետո ձեզ դիմե՞լ են, տեղյա՞կ եք՝ այդ մասով քննությունն ինչ փուլում է:
- Ես եւ տիկին Սաֆարյանը հանդիպում ենք ունեցել ՀՔԾ նորանշանակ պետի հետ: Ընդհանուր զրույց ենք ունեցել, ես իմ կարծիքն եմ ասել, որ քննչական խումբը լավ կանի Մարտի 1-բացահայտումը իրականացնի մեր վերջին զեկույցի ուսումնասիրություններից, բանակի մասնակցության հարցից, այդ կերպ նաեւ հնարավորություն կտա բացահայտել ուժային ամբողջ խճանկարը: Եղել է կարճ զրույց, դրանով մեր հանդիպումն ավարտվել է:
- ՀՔԾ պե՞տն էր ձեզ դիմել հանդիպելու առաջարկով, թե՝ դուք:
- ՀՔԾ պետի տեղակալը դիմել էր Սեդա Սաֆարյանին եւ առաջարկել, որպեսզի տիկին Սաֆարյանը գնա ՀՔԾ եւ որոշակի բացատրություն տա: Մենք չհասկացանք, թե ինչ է նշանակում՝ Փաստահավաք խմբի անդամը գնա եւ բացատրություն տա: Երբ որ ինձ զանգահարեցին, ես ասացի, որ ոչ թե պետք է մեզ այդպիսի առաջարկով դիմել, այլ՝ խորհրդակցելու: Իրենք հասկացան, որ լավ չէին մտածել՝ ինչ քայլեր պետք է անեին եւ զանգահարեցին մեզ, հետ հանդիպում խնդրեցին: Մենք գնացինք հանդիպման, ոչ թե բացատրություն տալու: Կարծում եմ, իրենք հասկացան, որ Փաստաավաք խմբի անդամները, ովքեր աշխատանք են տարել տասը տարի շարունակ, իրենց տվել են հիմնավոր նյութեր, որոնք ժամանակին քննչական խմբի կողմից անտեսված են եղել եւ դրանցով նոր պետք է իրականացնեն որոշակի բացահայտումներ: Ես ասացի, որ իրենք առաջին հերթին պետք է դիմեին իրավապահ մարմիններին՝ ոստիկանություն, ԱԱԾ, պաշտպանության նախարարություն: Բանակի 0038 հրամանով ներգրավված բոլոր զինվորականները պետք է բնականաբար բացատրություններ տան, այդ հրամանի նախ գոյության մասին անհերքելի ապացուցյներ ունի Փաստահավաք խումբը: Ամբողջ ծավալով քննությունն ի հայտ կբերի, որ բանակը, խախտելով Սահմանադրությունը, օգտագործվել է ներքաղաքական զարգացումների մեջ:
- Դրանից հետո տեղյա՞կ եք՝ այդ մասով ռեալ գործողություններ ՀՔԾ-ի կողմից արվե՞լ են:
- Տեղյակ չեմ, իրենք բնականաբար, իրենց պլանավորած քայլերի շրջանակներում պետք է իրականացնեն քննչական գործողություններ եւ կարծում եմ՝ հետագայում եթե արդյունքներ լինեն, մենք, հասարակությունը կիմանանք եւ հնարավորություն կունենանք գնահատելու էֆեկտիվությունը:
- Պարոն Քոչարյան, 10 տարի անց այս գործով առաջընթաց տեսնո՞ւմ եք, ինչպես հայտնի է՝ սույն գոծով արդեն իսկ պետք է հարցաքննվի Ռոբերտ Քոչարյանը...:
- Եթե վերցնենք միայն նպատակը, որ Քոչարյանը պետք է հարցաքննվի, ես կարծում եմ, որ դրանով մենք որեւէ առաջընթաց չենք արձանագրի: Պետք է հարցաքննվեն շատ-շատ պաշտոնյաներ, նաեւ՝ Ռոբերտ Քոչարյանը. այդ հարցաքննության արդյունքում պետք է ապացուցվեն այն փաստերը, որոնք մենք ներկայացրել ենք եւ արդեն գտնվում են քննչական խմբի ձեռքում, ուսումնասիրում են եւ պետք է գործողությունն անեն: Ես ենթադրում եմ, որ քննության արդյունքում այդ փաստերը երբ որ կարձանագրվեն որպես եղած իրողություն, ապա քննչական խումբը Քոչարյանին եւ մյուս պաշտոնայներին, որոնք օրենքը խախտած կլինեն, մեղադրանք կառաջադրեն: Միայն հարցաքննեն կամ խուզարկեն տները, հետո դուրս գան... պետք է անեն շատ հիմնավոր, ոչ թե հասարակությանը ինչ-որ բան ցույց տալու համար: Բանակի ներգրավվածության վերաբերյալ բոլորը պետք է հարցաքննվեն՝ Միքայել Հարությունյանը, գլխավոր շտաբի պետը, ծառայությունների պետերը, սկսած այն ժամանակվա նախարարի բոլոր տեղակալաներից: Կարծում եմ, այսօրվա նախարարները շահագրգռված են ամբողջ տեղեկատվությունը ամբողջ ծավալով ներկայացնելու քննչական խմբին՝ ե՛ւ պաշտպանության նախարարը, ե՛ւ այսօրվա ոստիկանապետը ե՛ւ Ազգային անվտանգության ծառայության տնօրենը: Հսկայական տեղեկատվություն գտնվում է իրենց կառույցների ներսում, եթե քննչական խումբը կարողացավ իրացնել նրանց մոտ եղած այդ տեղեկատվությունը, մենք կունենանք շատ լուրջ առաջընթաց, իսկ եթե հանկարծ ինչ-ինչ պատճառներով այդ տեղեկատվությունը թերի ներկայացվի կամ չներկայացվի, կամ քննությունը որակյալ չիրականացվի, ես կարծում եմ, որ մենք կապրենք հերթական հիասթափությունը, որը ես չէի ուզենա, որ լիներ: ...Աշխատանքի հսկայական ծավալ կա եւ արդեն պետք է վերանայեն այն ժամանակվա քրեական գործի տրամաբանությունը, որովհետեւ այդ քրեական գործը կառուցված էր այնպես, իբր ցուցարարները զենք-զինամթերք են հավաքել եւ պետք է իրականացնեն ապօրինի գործողություններ: Ես կարծում եմ, որ պետք է վերանայվի այդ ձեւակերպումը: ...Այդ սարքովի մասը պետք է հերքվի անմիջապես... Այսօր քննչական խումբը պետք է գնա բացահայտումների, թե ո՞ւմ հրամաններով այս ամենը տեղի ունեցավ, իսկ որ հրամանները գոնե բանակի մասով միայն մեկ մարդ կարող էր տալ, դա ակնհայտ է նաեւ մեր զեկույցից. Ռոբերտ Քոչարյանի հրամանով փետրվարի 23-ին խորհրդակցության արդյունքում Միքայել Հարությունյանի անմիջական բաց թողած 0038 հրամանի արդյունքում բանակը ներգրավվեց ներքաղաքական զարգացումների մեջ: Բոլորը ոչ միայն պետք է հարցաքննվեն, այլ ամեն մեկն իր թույլ տված սխալի համար պատասխանատվություն պետք է կրի:
- ՀՔԾ-ն օրեր առաջ դիմեց քաղաքացիներին՝ արժեքավոր տեղեկատվություն փոխանցելու խնդրանքով: Սա կարո՞ղ է օգնել գործին:
- ՀՔԾ-ն ամեն տարի էլ դիմել է քաղաքացիներին. նա պետք է առգրավի ուժային կառույցներում եղած ամբողջ տեղեկատվությունը եւ դրա հիման վրա իրականցնի քննություն:
- Կարծում եք՝ այդ տեղեկատվությունները ուժային կառույցներում պահպանվե՞լ են:
- Եթե պահպանված չլինեն, ուրեմն, բոլոր ղեկավարները պետք է պատասխան տան, թե ո՞ւմ հրամանով են «կորցրել», դա լուրջ խնդիր կլինի:
Կրակը մարելուց հետո այրված շինությունում տղամարդու դի է հայտնաբերվել
Նարեկ Մանթաշյանին նոր մեղադրանք է առաջադրվել
Զինծառայողն ինքնասպան է եղել համածառայակիցների և իր ոչ կանոնադրական հարաբերությունների պատճառով․ վարույթը դատարանում է
Վասիլիս Մարագոսը վերահաստատել է ԵՄ աջակցությունը արդարադատության ոլորտի բարեփոխումներին
Հայուհի Վարսեն Աղաբեկյանը Պաղեստինի արտաքին գործերի նախարար է նշանակվել (լուսանկար)
Աննա Հակոբյանը մասնակցել է «Փրկություն» հաշմանդամ երիտասարդների կենտրոնի շահառուների ներկայացմանը (լուսանկարներ)
Մոսկվայում կարծում են, թե ՀՀ-ում 102-րդ ռազմաբազայի առկայությունը Հայաստանի ինքնիշխանության միակ իրական երաշխիքն է
Մահացել է Crocus City Hall-ի ահաբեկչությունից տուժած ևս մեկ մարդ․ զոհերի թիվը հասել է 144-ի
Ucom-ի գլխավոր տնօրենը ելույթ է ունեցել աշխատաշուկային նվիրված համաժողովին
Արաբկիրում կառուցապատող ընկերությունը հարկեր չվճարելու նպատակով պայմանագրերում պակաս է նշել բնակարանների իրական արժեքը
Սպառնացել է վնասել մեքենան, ավելի ուշ կրակել է ավտոտեխսպասարկման կետի ուղղությամբ․ 32-ամյա տղամարդը կալանավորվել է
Ռուբլին էժանացել է․ ինչ փոփոխություններ է արձանագրել տարադրամի շուկան մարտի 29-ին
Հայաստանն ԱՄՆ-ի ու Եվրամիության հետ անվտանգային հարցեր չի քննարկելու. Ստանո
Ինչո՞ւ ադրբեջանական լրատվամիջոցը չի հրապարակել Արայիկ Հարությունյանի հետ հարցազրույցը
Ամերիաբանկը ճանաչվել է 2024 թ-ի լավագույն բանկը Հայաստանում ըստ Global Finance ամսագրի
«Վանաձոր» ՔԿՀ-ի 17 ծառայողի նկատմամբ կիրառվել է կարգապահական տույժ
«Crocus City»-ի գործով Տաջիկստանում ձերբակալվել է 9 մարդ
Տեղի է ունեցել ՀՀ պաշտպանության նախարարին կից կոլեգիայի նիստ (լուսանկարներ)
Շիրակում գործում է պետական ծառայությունների անվան տակ գործող ինքնակոչների խումբ. Կարեն Սարուխանյանը զգուշացնում է
Ալեքսեյ Սանդիկովը կգործուղվի Մոսկվա
Ծանրամարտի աշխարհի առաջնությունը տեղի կունենա Երևանում. Հայաստանի հայտը ճանաչվել է լավագույնը
ԱԺ պատգամավորները կգործուղվեն Բեռլին
5 հայ ծանրորդ կմեկնի Թայլանդ՝ մասնակցելու վարկանիշային աշխարհի գավաթին
Հայաստանում տեղումների դադար է, ջերմաստիճանը կբարձրանա 8-10 աստիճանով
«Հայաստանի հեռուստատեսային և ռադիոհաղորդիչ ցանց»-ի տնօրենը հրաժարականի դիմում է ներկայացրել
200 եվրո՝ 200 հազար դրամի փոխարեն. առցանց անմաքս առևտրի շեմը ենթարկվել է փոփոխության
Սյունիքի մարզում դատավոր է նշանակվել
Իրավապահները խուզարկում են Ժիրայր Սեֆիլյանի ու «Բևեռ»-ի մյուս անդամների բնակարանները
Նոր Նորքի ոստիկանական բաժին ներխուժելու դեպքի շրջանակում խուզարկություն է անցկացվում ավելի քան 40 վայրում
Հորը ծեծելու, հարևանուհիներից մեկին սպանելու համար մեղադրվող տղամարդը հաշվառված է եղել հոգեկան առողջության կենտրոնում
Երևանում թմրամոլության և ապօրինի թմրաշրջանառության մի շարք դեպքեր են բացահայտվել (տեսանյութ)
Մարտի 30-ից 11 բանկի քարտապան կարող է օգտվել կենսաթոշակի և նպաստի հետվճարի ծրագրից. որոնք են դրանք
«Երևան ավտոբուս» ընկերության տնօրենն աշխատանքից ազատման դիմում է ներկայացրել
Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում
Միաժամանակ մի քանի հոդվածով հետախուզվող տղամարդը ներկայացել է ոստիկանության բաժին
Կարեն Գիլոյանը հետևել է հեծանվուղու և մարզադպրոցի կառուցման աշխատանքներին
Գևորգ Պապոյանը Կորեայի ԱԳ փոխնախարարին ներկայացրել է «Խաղաղության խաչմերուկ» նախաձեռնությունը
Փորձ է արվել Աբու Դաբիից Հայաստան ներմուծել առանց հայտարարագրման բջջային հեռախոսներ
Ինչ թեմայի շուրջ է կենտրոնանալու Բրյուսելում ԱՄՆ-Հայաստան-ԵՄ հանդիպումը. Միլլերը մանրամասներ է հայտնել
Երբ է սպասվում դեղձենու մասսայական ծաղկումն Արարատյան դաշտում
© 2024 Հայկական ժամանակ