Սահմանամերձ Ջիլիզայում անասնագողությունները շարունակվում են. գողը շարքային մեկը չէ

Հայ-վրացական սահմանին գտնվող Ջիլիզա բնակավայրում մարդիկ այսօր վախի ու անպատժելիության մթնոլորտում են ապրում, ինչի պատճառը վերջին տարիներին գյուղից կատարված ու չբացահայտված անասնագողության դեպքերն են: Գյուղացիների խոսքով՝ օրը ցերեկով խոշոր եղջերավոր անասուններ են գողանում եւ անարգել տեղափոխում հարեւան հանրապետություն: Միայն վերջին 4 տարվա ընթացքում 25 խոշոր եղջերավոր անասուն են գողացել, որից միայն 10-ը համայնքի վարչական ներկայացուցիչ Մհեր Վարդանյանից: Բնակիչներն ասում են, որ կորած անասունների հետքերը մշտապես հարեւան հանրապետության սահման են տանում. «Մեր անասունները մոտ 7 կմ տարել են, մինչեւ հասցրել են հայ-վրացական սահման, սկզբում 1 գլուխ գողացան, վերջերս էլ միանգամից 9 անասուն տարան»,- ասում է Մհեր Վարդանյանն ու հայտնում, անասնագողերին կոնկրետ օգնող կա, ով էլ նախ՝ տեղանքին է քաջածանոթ, այնուհետ նաեւ կարողանում է սահմանն անցկացնել. «25 գլուխ անասունը մեծ գումար է, մարդիկ վախենում են, որ էլի կշարունակվի, ու չի բացառվում, որ անասունը պահողին էլ մի օր վնաս կտան ու կգողանան անասուններին»:

Վարդանյանի խոսքով՝ մարդիկ արդեն վախենում են անասնագլխաքանակն ավելացնել, քանի որ ոչ կորած անասուններն են վերադարձում, ոչ էլ մեղավորներն են պատժվում: Վարչական ներկայացուցիչը նշում է, որ չնայած ներկայումս էլ գողությունների հետ կապված քննություն է տարվում, սակայն արդյունքների հետ առանձնապես հույսեր չի կապում:

Ջիլիզեցի Ալբերտ Լալայանի խոսքով՝ գյուղում շարունակվող արտագաղթին նպաստում է նաեւ հենց անասնագողությունն ու անպատժելիությունը. «Տարիներ շարունակ գողություն է կատարվում, ո՞վ պետք է պատասխան տա, սահմանապահից պատասխան ենք ուզում՝ ձեռները լվանում է…փշալար չկա, անցակետ չկա, որ գոնե սահմանն անցած անասունին գնանք անցակետով հետ բերենք… սահմանապահն էլ ասում ա՝ ես չեմ կարա էդքան տարածքը հսկեմ, իրենց վերադասները չեն թողում ժողովուրդը խոսեն, վերեւները դաժե արգելում են ժուռնալիստների հետ շփվել..»,- ասում է ջիլիզեցի Ալբերտ Լալայանն ու կարծիք հայտնում, որ երկու կողմի հանցավոր պայմանավորվածության արդյունք է սա. «Սահմանապահ զորքերն ինչ են անում, ինչով են զբաղված, որ հենց իրենց կողքով են գողացած անասուններին տանում, սա մի խառը վիճակ է, պետությունը քայքայում է էս ժողովրդին, մինչեւ երբ է շարունակվելու, 20 հատ մենակ խոզ են տարել, մի 30 հատ էլ կով… բա էլ գյուղացին ո՞նց պետք ա ապրի»:

Սոցիալական դժվարին պայմաններում բնակվող գյուղացիների համար շարունակվող անասնագողություններն ու անպատժելիության մթնոլորտի ավարտը բնակիչները չեն տեսնում: Փոխարենը վստահ են՝ սահմանամերձ գյուղից կով գողացողները շարքային գողեր չեն, քանի որ նրանք օրը ցերեկով կարողանում են գողոնը հայ-վրացական սահմանով անարգել տեղափոխել Վրաստան: Անասնագողության դեպքերից եւ ոչ մեկը ոստիկանության կողմից չի բացահայտվել:

Տպել
1065 դիտում

Գործարարները պատրաստակամություն են հայտնել աջակցել «Իմ քայլը» հիմնադրամին ոչ միայն ֆինանսապես

Քիչ առաջ Վանաձորում բերման են ենթարկել «օրենքով գող» Օշականցի Գեւորիկի եղբորորդուն

Հայկական ստորաբաժանումը առաջիկայում լիովին պատրաստ կմեկնի Սիրիա. Դավիթ Տոնոյան

Կարգադրվել է բարձրացնել զինվորականներին տրվող ներքնաշորերի որակը. Դավիթ Տոնոյան

Արցախում կայացել է մարտավարական զորավարժություն. ՊԲ-ն ներկայացնում է լուսանկարներ

Բուռն քննարկումներից հետո ՀԱԿ-ը որոշել է չմասնակցել արտահերթ ընտրություններին

Հայաստանի մի մասում անձրեւ, մյուսում՝ ձյուն է սպասվում. ԱԻՆ-ը հորդորում է անցնել ձմեռային անվադողերի

Գալուստ Սահակյանին փոխարինելու է Նաիրա Կարապետյանը

Պարգեւատրվել են լավագույն պարտադիր ժամկետային զինծառայողների ուսուցիչները

Դատախազությունն ուսումնասիրում է Հակոբ Հակոբյանի հայտարարությունը՝ կեղծ դեղեր գնվելու մասին

Հիմա էլ որպես ընդդիմություն են ստում. վերջին վարիանտ՝ Սերժ Սարգսյանը չէր հրաժարվի նաեւ ժողովրդի դեմ չերյոմուխա կիրառել

Քաղաքապետը Միջազգային պարալիմպիկ կոմիտեի նախագահի հետ հանդիպմանը կարևորել է պարասպորտի զարգացումը

Քրեական հեղինակություն Շալիկոյի սպանությունը նախապատրաստելու համար մարզիկին մեղադրանք է առաջադրվել

Ամփոփվել են ՎՏԲ-Հայաստան Բանկի #երբշահումես  մարքեթինգային արշավի արդյունքները

Աննա Հակոբյանը Մոսկվայում է. հանդիպումների ժամանակ ներկայացրել է իր ծավալած գործունեությունը

Վարչապետի խորհրդականը՝ ռեյտինգային թեկնածու

Ազգային ժողովի արձակումից հետո նոյեմբերի 11-ին տեղի կունենա առաջին լիագումար նիստը

Թուրքիային Քեմալ Օքսուզին հանձնելու միջնորդությունը ստացվել է ԱՄՆ-ի միջնորդությունը բավարարելուց հետո

Քունջութի յուղից և մածուկից մինչև դիզայն ու փրոդաքշն. սփյուռքահայերի բիզնեսը Հայաստանում (տեսանյութ)

Աննա Հակոբյանն այցելել է սիրված դերասան, թատրոնի ռեժիսոր Արմեն Ջիգարխանյանին