Երեւանի Գաբրիել Սունդուկյանի անվան ազգային ակադեմիական թատրոնի դերասան Արմեն Մարությանի հետ ՀԺ-ն զրուցեց ՀՀ-ում տեղի ունեցած վերջին իրադարձությունների եւ մշակույթի ոլորտում ակնկալվող փոփոխությունների շուրջ:

- Պարոն Մարության, դուք առավել հայտնի եք որպես սերիալի դերասան, մասնավորապես՝ շատ տպավորիչ էր «Որոգայթ» հեռուստասերիալում ձեր մարմնավորած «Ցոգոլ»-ի կերպարը: Վարչապետ Նիկոլ Փաշինյանի հետ մշակույթի գործիչների հանդիպման ժամանակ քննարկվեց նաեւ հայկական սերիալների անորակության հարցը: Մտահոգություն չունե՞ք, որ տեւական քարկոծումից հետո ՀՀ-ում սերիալների թիվը կտրուկ կնվազի եւ դուք աշխատելու հնարավորություն չեք ունենա:

- Ես խնդրում եմ, որ դուք տաք մեկ սերիալի անուն, որտեղ ես խաղացել եմ եւ ասեք, որ ես վատ եմ խաղացել. չեք կարող: Նույն «Ցոգոլ»-ի կերպարը, ես ստեղծել եմ մի կերպար՝ խզված ձայնով, ճակատագիր ունեցող հետաքրքիր մի անձնավորություն, որն իրականում ինձ նման չէ, դա մարդկային տեսակ է, որը ես կարողացել եմ մարմնավորել: Նույնը մնացածների մասին է: Ցանկացած դեպքում, եթե դու լուրջ ես մոտենում քո արվեստին, դու դա լավ կանես: Իսկ մեր դեպքում էլ, լավ դերասան լինելով, կողքիններին էլ կարող ես ձգել վերեւ եւ հանել բարձր արվեստ:

- Վերջերս աղմկոտ բացահայտումներ եղան, այդ թվում՝ քրեական աշխարհում, գուցե սցենարիստների մոտ նոր «Որոգայթ» ստեղծելու գաղափա՞ր հասունանա: Պատրա՞ստ եք Մանվել Գրիգորյանի նման կամ մեկ այլ կերպարի բնորոշ «պարկեշտ» անձնավորության դեր մարմանվորել:

- Ես ավելի վատ դերեր էլ եմ խաղացել: Այո, չի բացառվում, որ մեր սցենարիստների համար վերջին ներքաղաքական իրադարձություններն ու սարսափեցնող դեպքերը նոր մտահղացումների առիթ հանդիսանան եւ ինչու ոչ՝ նոր «Որոգայթ» սկսենք նկարահանել: Բայց անկախ ամեն ինչից՝ բոլոր դերասաններն էլ ամեն պատահած սերիալում սկսել են խաղալ ֆինանսական կարիքից դրդված, քանի որ սերիալներում բավականին լավ են վճարում: Այնուամենայնիվ, ես իմ կարծիքը չեմ փոխում, առաջին տեղում թատրոնն է: Թատրոնը կենդանի արվեստ է: Այնտեղ շփումը կենդանի է, այն՝ ինչ երեխան, մեծը, պատանին, տեսնում է թատրոնում, դա չի կարող տեսնել հեռախոսների, համակարգիչների, կամ հեռուստացույցի մեջ: Այս առումով ճշմարիտ արվեստը թատրոնն է: ԿՎՆ-ն էլ, սերիալներն էլ, ամեն ինչն էլ իր չափ ու սահմաններն ունեն, բայց որ դրանց մեջ խորանանք ու արվեստ որոնենք՝ չի լինի, հանաքչիների շուկայում եւ սերիալներում հնարավոր չէ: Մենք այն ազգն ենք, որ ունեցել է հզոր թատերարվեստ եւ պետք է շեշտը դրա վրա դնել, առավելեւս, որ այսօր մեծ պոտենցիալով հիանալի երիտասարդություն ունենք:

- Այսօրվա երիտասարդությունն ինչո՞վ է տարբերվում ձեր ժամանակի երիտասարդներից:

- Իր համարձակությամբ, խելքով, ամեն ինչով: Այսօր մենք մի ժողովուրդ ենք դարձել, որը ունի լեգիտիմ նախագահ: Նման բան չի լինում, մենք պիտի փայփայենք մեր ունեցածը: Եկավ այն ժամանակը, որ ժողովուրդը հասկացավ, որ ամեն ինչ իրենից է կախված, որ ինքը կարող է լուծել իր հարցերը: Երբ 20 տարի առաջ ես ԱՄՆ-ում էի, մի ամերիկահայի հարցրեցի՝ Դուք Բիլ Քլինթոնին սիրու՞մ եք, նա ինձ ասաց. «Քլինթոնի մայրը նեԴեմ, կնի՞Գ է, ինչ է, որ սիրեմ: Անօր ընդրաձ ենք, որ մեր հարցերով զբաղվի, չզբաղվեց մեր հարցերով, այլեւս չպիտի ընդրենք». վե՛րջ: Եվ ես շատ ուրախ եմ, որ վերջապես եկավ մի սերունդ, որը կարողացավ ասել՝ չեմ ընտրելու քեզ, դու չե՛ս կարողանում մեր հարցերով զբաղվել: Մենք վճարում ենք քեզ, որ մեր հարցերով զբաղվես, մեր մասին մտածես, չես կարողանում, մեկ ուրիշը կընտրվի, որը կկարողանա անել այդ գործը:

- Իսկ նոր կառավարությունը կկարողանա՞ հավուր պատշաճի զբաղվել ձեր հարցերով:

- Ինչ-որ ես եմ տեսնում, շատ գովելի է: Այս ջահելները, (խոսքը նոր նախարարների մասին է), ինչ-որ նախկինում կային, դրանցից պակաս չեն, դեռ մի բան էլ ավելի են, իրենցից ավելի շատ լեզու գիտեն, ավելի զարգացած են ու ավելի հետաքրքիր են մտածում: Հենց մեր մշակույթի նախարարին վերցնենք, ավելի գրագետ է ու ավելի բանիմաց, քան Հասմիկ Պողոսյանը: Հասմիկ Պողոսյանը մի կին էր, որը զբաղված էր կոռուպցիայով (լավ բառ եք գտել), կաշառակերությամբ: Այսօր ինքն էլ կիսախռոված ման է գալիս ու ասում՝ ինչի՞ ինձ չեք գովում: Իսկ այս երեխան (Մակունցը) ավելի հետաքրքիր է, ավելի մաքուր է, ավելի ճիշտ է աշխատում: Հիմա ես այդ աղջկան սիրե՞մ, թե Հասմիկ Պողոսյանին, կամ իրենից առաջ եղածներին: Սրանից առաջ եղածների ի՞նչը սիրեմ, որ ասում էին՝ սա այսպես արեք, նա այնպես, Մարության Արմենին կոչում չտա՛ք, էն մեկի մեդալը ձեռքից խլեք:

- Մեդալներից խոսեցիք, բայց դուք նախկին նախագահի կողմից մեդալ ստացել եք, եթե չեմ սխալվում:

- Ինչի հետ չե՞մ տվել. Ես համարում եմ, որ քիչ են եղել իմ ստացած մեդալները: Այդ մեդալը ես վաստակել եմ, իսկ ով որ եկավ ասեց, որ չի ուզում, երեւում է՝ այնտեղ մի բան այն չէր, դրա համար են ասել: Հեղափոխության օրերին վիրահատվել էի, թե չէ ուզում էի գալ հրապարակ, բարձրանալ եւ ամբիոնից հայտարարել, որ ինձ քիչ են տվել, ես դեռ ուզում եմ իմ ժողովրդականի կոչումն էլ տան:

Տպել
4584 դիտում

Շոկային սկիզբը, Յուրայի պոկերը ու ՀՀ ֆուտբոլի հավաքականի ջախջախիչ հաղթանակը

Ծեծկռտուք Արտաշատի զինկոմիսարիատում. ըստ քաղաքացու ահազանգի՝ կապիտանը կոտրել է իր քիթը

Պարզաբանումներ եմ պահանջելու Բելառուսի ու Ղազախստանի նախագահներից. Փաշինյանը՝ ՀԱՊԿ նիստի զարգացումների մասին

Ոստիկանությունը օպերատիվ տվյալներ է ստացել, որ Երեւանում հիպնոսի միջոցով փող են կորզում

Ջիբրալթար-Հայաստան ֆուտբոլային հանդիպման մեկնարկային կազմերը

Երկու օր առաջ Հայաստանում էր, հիմա՝ չգիտեմ. Շարմազանովը՝ Տարոն Մարգարյանի գտնվելու վայրի մասին

Աշխարհը չէի փոխի քո հետ. Սիրուշոն շնորհավորել է Լեւոն Քոչարյանի ծնունդը

Իրական ընդդիմություն կձեւավորվի ընտրություններից հետո

Արսեն Ջուլֆալակյանն ու լրագրողը պարզաբանել են թյուրիմացությունը

Նոր մանրամասներ հոկտեմբերի 27-ին նռնակով կառավարության շենք ներխուժման դեպքից. պարզվել է՝ ով է նա

Արցախի պետնախարար Մարտիրոսյանն ընդունել է Արցախի պետական համալսարանի ուսանողների

Այդ տարածքը իմն է, իմ սեփականությունն է. Լոռու մարզպետը՝ սեփական ատամնաբուժարան կառուցելու մասին

Մարկոս Պիզելին՝ Ղազախստանի առաջնության լավագույն ֆուտնոլիստ

Քաղաքապետն ընդունել է ՀՀ-ում ԵՄ դեսպան Պյոտր Սվիտալսկիին

Վաչագան Ղազարյանը ցուցմունք է տվել. քննարկվում է կրկին գրավի միջնորդությամբ հանդես գալու տարբերակը

Ավան վարչական շրջանի ղեկավարը հրաժարական է տվել

23-ամյա Վահագնի շնորհիվ մարդկանց կյանքեր կփրկվեն. արյան տարբեր խումբ ունեցողներ շարունակում են արյուն հանձնել

Վարչապետ Նիկոլ Փաշինյանի միջնորդությամբ Սիմոն Մարտիրոսյանն ու Գոռ Մինասյանը կպարգեւատրվեն

Հույս ունեմ կկարողանանք Աբաջյանի հերոսությանն արժանի ապրել՝ անկախ նրանից` ինչով ենք զբաղվում. Փաշինյան

Հայ մարզիչը ղազախական ակումբի մանկապատանեկան ֆուտբոլը ղեկավարելու ու Հենոյի գեղեցիկ քայլի մասին