Լրագրողին քաշքշել եւ հայհոյե՞լ են. «Լիդիան Արմենիա»-ի գործադիր տնօրենը տեղյակ չէ այդ մասին

Լուսանկարում աջից` «Փաստ» օրաթերթի լրագրող Նարեկ Միրզոյան

«Փաստ» օրաթերթի լրագրող Նարեկ Միրզոյանը ֆեյսբուքյան իր էջում հայտարարություն է տարածել, որ երեկ Ջերմուկում տեղի ունեցած բողոքի ցույցի ժամանակ «Լիդիան Արմենիա» ընկերության աշխատակիցները, հաշվի չառնելով, որ նա լրագրող է եւ կատարում է իր մասնագիտական պարտականությունները, քաշքշել, անձնական վիրավորանքներ եւ սպառնալիքներ են հնչեցրել իր հասցեին։

Հարցի վերաբերյալ մեզ հետ զրույցում մանրամասներ ներկայացրեց Նարեկ Միրզոյանը:

«Երբ բողոքի ցույցերը արդեն սկսել էին եւ բնակիչները գալիս էին դեպի «Լիդիան Արմենիա»-ի գրասենյակ, ես տեսա, որ ոստիկանները պատնեշ են կազմել, իսկ մյուս հատվածում Լիդիանի աշխատակիցներն էին եւ այն մարդիկ, ովքեր հանքում են աշխատում եւ կողմ են Ամուլսարի ոսկու հանքի շահագործմանը: Ես մոտեցա իրենց, ինձ սկսեցին հարցնել, թե ով եմ, ինչո՞ւ եմ նկարում, ասեցի, որ լրագրող եմ, բեյջս կախված էր կողքիցս, երբ ցույց տվեցի, որ լրագրող եմ, իրենք սկսեցին հայհոյել»: Ըստ Միրզոյանի՝ իրեն սեռական բնույթի հայհոյանքներ են տվել: Նա նշեց, որ աշխատողներից երկուսն ավելի բարձր պաշտոն ունեին, չնայած որ չեն ներկայացել:

«Երբ ես ասեցի, որ լրագրող եմ եւ իրավունք ունեմ լուսաբանելու, իրենք սկսեցին մեղադրել՝ ասելով, թե էլի ցույց եք կազմակերպել, դու ես հրահրել, դու ես կազմակերպել, վերցրու ցույցդ այստեղից տար: Հետո թեւիցս քաշեցին, երբ շրջվեցի դեպի ոստիկանները, իրենք սկսեցին իմ հետեւից հայհոյել, վիրավորել: Ոստիկանության աշխատողներին տեղեկացրեցի, որ միջադեպ է տեղի ունեցել, բայց նրանք տեղում ինչ-որ քայլ չեն արել»:

Միրզոյանը տեղեկություն չուներ, թե դրանից հետո ոստիկանությունը քայլ արե՞լ է, թե՞ ոչ: Մեր հարցին՝ իրավապահներին հետո դիմե՞լ է, Միրզոյանը պատասխանեց. «Ոչ, դեռ չեմ դիմել, սպասում եմ, տեսնեմ՝ «Լիդիան Արմենիա»-ն հայտարարություն կտարածի՞ իմ հայտարարությունից հետո, ներողություն կխնդրի՞, թե՞ ոչ»:

Դեպքի վերաբերյալ պարզաբանում ստացանք «Լիդիան Արմենիա» ընկերություն գործադիր տնօրեն Հայկ Ալոյանից:

- Պարոն Ալոյան, երեկ «Փաստ» օրաթերթի լրագրող Նարեկ Միրզոյանը հայտարարություն է տարածել, որ Ջերմուկում տեղի ունեցած բողոքի ցույցերի ժամանակ «Լիդիան Արմենիա»-ի աշխատակիցներն իրեն հայհոյել եւ քաշքշել են, ինչպե՞ս սա կմեկնաբանեք:

- Արդեն 6 օր է, մեր՝ դեպի ծրագիր տանող ճանապարհներն անօրինական ձեւով փակ են, եւ ընկերությունը բոլոր աշխատակիցներին տեղեկացրել է, որ հանկարծակի ակցիային մասնակցող մարդկանց հետ շփումներ չլինեն, թողնեն հանգիստ այդ մարդիկ իրենց ակցիան անեն: Ամեն դեպքում, երկու-երեք օր առաջ եղել է հավաք Ջերմուկ քաղաքում, ես տեղյակ եմ, որ ակցիա իրականացնող մարդիկ փորձել են սադրանքներ անել:

- Սա կոնկրետ երեկ է եղել:

- Ես հրահանգ եմ տվել մեր բոլոր աշխատակիցներին՝ ընդհանրապես առնչություն չունենալ եւ չշփվել ակցիայի մասնակիցների հետ: Ես վստահ եմ, որ այս օրերի ընթացքում բռնություն չի եղել եւ ընդհանրապես նման դեպքեր չեն եղել, բայց եթե կա նման դեպք, կարող եք մեզ տեղեկացնել, մենք ուսումնասիրենք, թե ինչ է եղել: Գիտեմ, որ սադրանքներ եղել են ցուցարարների կողմից, մեր աշխատակիցներին հայհոյել են, բայց տեղյակ չեմ, որ նման բան է եղել Նարեկ Միրզոյանի նկատմամբ:

- Լրագրողն արդեն հայտարարություն է տարածել այդ մասին:

- Դե հիմա ինքը ինչ ուզի, կարող է տարածի, ես չեմ կարող ասել: Ես նորից եմ կրկնում՝ հրահանգ է եղել ղեկավարության կողմից, ես մինչեւ այսօր նման դեպք չգիտեմ, ուղղակի հակառակը գիտեմ, որ սադրանք է եղել մեր աշխատողների նկատմամբ:

- Իսկ ձեր աշխատողները դրան չե՞ն պատասխանել, թե՞ ուղղակի այդ մասին տեղեկություն չունեք:

- Ես տեղեկություն չունեմ ինչ-որ բռնություն կամ վատ քաշքշուկ եղած լինելու մասին, այդ պահով չեմ կարող մեկնաբանել: Վստահ եմ, որ այս մի քանի օրերի ընթացքում որեւիցե բռնություն չի եղել:

Տպել
2169 դիտում

Ընտրություններին մասնակցող ամենահարուստ ուժը ՀՅԴ-ն է. ունեցվածքը սփռված է ողջ երկրով

Անկախության տոնի առթիվ վարչապետ Նիկոլ Փաշինյանին շնորհավորական ուղերձ է հղել ՌԴ նախագահ Վլադիմիր Պուտինը

Հայաստանի անկախության տոնի առթիվ Թբիլիսիի հեռուստաաշտարակը լուսավորվել է հայոց եռագույնով

GOOGLE որոնողական համակարգը եռագույնով է ներկվել՝ ի պատիվ Հայաստանի անկախության տոնի

Ամենից շատ վճարովի եթերաժամանակ ԲՀԿ-ն է գնել ու գրանցել ռեկորդ. նման ցուցանիշ դեռ չի եղել

Մեգան Մարքլը ներկայացրել է իր խոհարարական գիրքը

Պաշտպանը Գլխավոր դատախազին է ուղարկել Նաիրա Զոհրաբյանի տրամադրած նյութերը

Արագած գյուղում օտարերկրացիներ են մոլորվել

ՀԱՊԿ-ն Հայաստանից որևէ դիմում չի ստացվել. Միացյալ շտաբի պետը՝ հայ-ադրբեջանական սահմանի լարվածության մասին

Խաղաղ շարժումը մի նոր դարաշրջան բացեց Հայաստանում. Դոնալդ Թրամփի շնորհավորական ուղերձը

Սա առիթ է հիշել մեր երկրների միջև սերտ պատմական կապերը. Էլիզաբեթ 2-րդ թագուհին շնորհավորել է անկախության տոնի առթիվ

«Արսենալը» սկսում է պայքարը Եվրոպա լիգայում. Մխիթարյանը մեկնարկային կազմում է

Պետք է բացահայտվի Ռոբերտ Քոչարյանի մեղսակցությունը. Պողոս Պողոսյանի հարազատները դիմել են ԱԱԾ-ին և դատախազությանը

Անցել է 3 օր, սակայն խուզարկությունների հիմնավորումներ չկան. լրագրողական կազմակերպությունների հայտարարությունը

ՀՀ ոստիկանության պետի ուղերձը Երևանի ավագանու ընտրությունների առթիվ

The Daily Mail-ը կոչ է անում վերականգնել «Զվաթնոցի» հին շենքը

ՔԿ նախագահի տեղակալ Արթուր Ղամբարյանն ընդունել է Երևանում ԵԽ գրասենյակի պատվիրակությանը

Արմեն Սարգսյանը հյուրընկալել է Ջին Բլոքին եւ Էրիկ Էսրաիլյանին. առաջին այցից հյուրերը տպավորված են

ՀՀ-ում է «օրենքով գող» Պզոն (Արմեն Ղազարյանը)

Ես և մեր թիմը հույս ենք դնում ձեզ վրա, այս ընտրություններով պետք է լուծենք համապետական խնդիր. վարչապետ