Ֆրանսիան ԱԱ 2018-ի ֆավորիտներից է. Մասկերանոն՝ ՀԺ-ի հարցին

Արգենտինայի ֆուտբոլի ազգային հավաքականի կիսապաշտպան Խավիեր Մասկերանոն ԱԱ 2018-ի1/8 եզրափակչի իրենց մրցակցին՝ Ֆրանսիային, մրցաշարի ֆավորիտներից է համարում: Այս մասին նա նշեց երեկ՝ հունիսի 27-ին, խմբային փուլի 3-րդ տուրում Նիգերիային հաղթելուց (2:1) ու հաջորդ փուլ դուրս գալուց հետո: Խառը գոտում պատասխանելով՝ ՀԺ-ի հարցին նա գովեց ֆրանսիացիներին:

«Ֆրանսիան մեծ թիմ է: Աշխարհի առաջնությունը հաղթելու հավակնորդներից մեկն է»,- ասաց նա:

Արգենտինացիները մեծ հույսեր ունեն աշխարհի 2018 թ. առաջնության հետ կապված: Այդուհանդերձ, իրենց չեմպիոնի գլխավոր հավակնորդների թվին չեն դասում: ՀԺ-ի հարցին՝ արդյո՞ք իրենց ֆավորիտ զգում են, Մասկերանոն բացասական պատասխան տվեց:

«Ո՛չ: Մենք ֆավորիտ չենք: Այստեղ ենք պայքարելու համար, տեսնենք, Աստված տա»,- ասաց նա:

Ֆուտբոլիստը խոսեց նաեւ Նիգերիայի դեմ լարված հանդիպումից: Ֆրանսիայի դեմ 1/8 եզրափակչում պայքարելու իրավունք ստանալու համար նիգերիացիներին անգամ ոչ ոքին էր բավարարում, իսկ իրենց դրա համար միայն հաղթանակ էր պետք: Նրանք այդ հաղթանակը կորզեցին հանդիպման վերջին րոպեներին: Մասկերանոն ընդգծում է, որ դրան հասել են մինչեւ վերջ պայքարելու շնորհիվ:

«Գոհ ենք, թեթեւացած ենք: Գիտեինք՝ ինչ բարդ իրավիճակում էինք եւ ինչ մեծ պատասխանատվություն կար: Առաջ շարժվեցինք, իհարկե կան առավելություններ, թերություններ, որոնք պետք է շտկել: Սա պարգեւն էր այն բանի, որ թիմը չհանձնվեց, պայքարեց: Մեծ ուրախություն է»,- ասաց նա:

Այդ ուրախությունը կարող էր չլինել հենց Մասկերանոյի պատճառով: 2-րդ խաղակեսում հաշիվը երկար ժամանակ 1:1 էր, ինչը նիգերիացիների օգտին էր: Նրանք պատասխան գնդակը խփել էին այն բանից հետո, ինչ Մասկերանոն սեփական տուգանային հրապարակում խախտել էր կանոնները մրցակցի նկատմամբ, եւ մրցավարը 11-մետրանոց էր նշանակել:

«Իհարկե, փորձում էի կանգնեցնել խաղացողին, բայց ոչ մի դեպքում նրան չեմ գցել»,- ասաց նա:

Նիգերիայի դեմ խաղից հետո Արգենտինան միավորների քանակը հասցրեց 4-ի ու D խմբում 2-րդ տեղով դուրս եկավ հաջորդ փուլ: Առաջին տեղով 1/8 եզրափակչի ուղեգիր նվաճեց Խորվաթիան (9 միավոր): Խորվաթների մրցակիցը կլինի Դանիան:

Ֆրանսիա-Արգենտինա հանդիպումը կկայանա հունիսի 30-ին: Խորվաթիան ու Դանիան կմրցեն հուլիսի 1-ին:

Տպել
822 դիտում

Շոկային սկիզբը, Յուրայի պոկերը ու ՀՀ ֆուտբոլի հավաքականի ջախջախիչ հաղթանակը

Ծեծկռտուք Արտաշատի զինկոմիսարիատում. ըստ քաղաքացու ահազանգի՝ կապիտանը կոտրել է իր քիթը

Պարզաբանումներ եմ պահանջելու Բելառուսի ու Ղազախստանի նախագահներից. Փաշինյանը՝ ՀԱՊԿ նիստի զարգացումների մասին

Ոստիկանությունը օպերատիվ տվյալներ է ստացել, որ Երեւանում հիպնոսի միջոցով փող են կորզում

Ջիբրալթար-Հայաստան ֆուտբոլային հանդիպման մեկնարկային կազմերը

Երկու օր առաջ Հայաստանում էր, հիմա՝ չգիտեմ. Շարմազանովը՝ Տարոն Մարգարյանի գտնվելու վայրի մասին

Աշխարհը չէի փոխի քո հետ. Սիրուշոն շնորհավորել է Լեւոն Քոչարյանի ծնունդը

Իրական ընդդիմություն կձեւավորվի ընտրություններից հետո

Արսեն Ջուլֆալակյանն ու լրագրողը պարզաբանել են թյուրիմացությունը

Նոր մանրամասներ հոկտեմբերի 27-ին նռնակով կառավարության շենք ներխուժման դեպքից. պարզվել է՝ ով է նա

Արցախի պետնախարար Մարտիրոսյանն ընդունել է Արցախի պետական համալսարանի ուսանողների

Այդ տարածքը իմն է, իմ սեփականությունն է. Լոռու մարզպետը՝ սեփական ատամնաբուժարան կառուցելու մասին

Մարկոս Պիզելին՝ Ղազախստանի առաջնության լավագույն ֆուտնոլիստ

Քաղաքապետն ընդունել է ՀՀ-ում ԵՄ դեսպան Պյոտր Սվիտալսկիին

Վաչագան Ղազարյանը ցուցմունք է տվել. քննարկվում է կրկին գրավի միջնորդությամբ հանդես գալու տարբերակը

Ավան վարչական շրջանի ղեկավարը հրաժարական է տվել

23-ամյա Վահագնի շնորհիվ մարդկանց կյանքեր կփրկվեն. արյան տարբեր խումբ ունեցողներ շարունակում են արյուն հանձնել

Վարչապետ Նիկոլ Փաշինյանի միջնորդությամբ Սիմոն Մարտիրոսյանն ու Գոռ Մինասյանը կպարգեւատրվեն

Հույս ունեմ կկարողանանք Աբաջյանի հերոսությանն արժանի ապրել՝ անկախ նրանից` ինչով ենք զբաղվում. Փաշինյան

Հայ մարզիչը ղազախական ակումբի մանկապատանեկան ֆուտբոլը ղեկավարելու ու Հենոյի գեղեցիկ քայլի մասին