Լոռու մարզպետն ու փոխմարզպետը՝ իրենց լարված փոխհարաբերությունների մասին (տեսանյութեր)

Լոռու մարզպետ,«Բարգավաճ Հայաստան» կուսակցության անդամ Հրանտ Մարգարյանի եւ փոխմարզպետ, «Քաղաքացիական պայմանագիր» կուսակցության անդամ Անդրեյ Ղուկասյանի հարաբերությունները ավելի են լարվել: Պատճառը՝ փոխմարզպետի՝ դատարկ աշխատասենյակի վերաբերյալ սոցցանցերով արված գրառումն էր, ինչպես նաեւ՝ առանց մարզպետի իմացության մարզպետարանի աշխատասենյակներով շրջելը:

Լրագրողների հետ զրույցում փոխմարզպետ Անդրեյ Ղուկասյանը մեկնաբանել է իրենց միջեւ առկա լարվածությունը: «Երբ որ առաջին աշխատանքային օրը մտնում ես քո աշխատասենյակ ու տեսնում ես՝ գույք չկա, դա լավ տրամադրություններ չի առաջացնում, բայց ես դա համարում եմ փոքրիկ տեխնիկական խնդիր, իսկ մնացած առումով աշխատանքը ցույց կտա՝ լարվածություն կա՞, թե՞ չկա: Դա կախված է երկու կողմից, դա կախված է ե՛ւ ինձնից, ե՛ւ մարզպետից»,- ասաց Լոռու փոխմարզպետ, «Քաղաքացիական պայմանագիր» կուսակցության անդամ Անդրեյ Ղուկասյանը՝ մեկնաբանելով իր եւ մարզպետի միջեւ առաջացած լարվածությանը:

Մարզպետ Հրանտ Մարգարյանը, սակայն հերքել է, թե իրենց մեջ որեւէ լարվածություն կա.

«Մենք մի ամիս առաջ իրար թեւ ընկած պայքարում էինք անարդարության դեմ, հիմա ինչի՞ պետք է լարվենք, ես ոչ մի խնդիր չեմ տեսնում»:

Լոռու մարզպետը մեկ անգամ եւս հաստատել է իր դժգոհությունը՝ կապված Անդրեյ Ղուկասյանի՝ առանց իր հետ համաձայնեցնելու աշխատավայրում շրջայց իրականացնելու, ապա նաեւ դատարկ աշխատասենյակի մասին սոցցանցում հրապարակում անելու վերաբերյալ. «Ես Երեւան էի, մինչեւ վերադարձա, իմացա, որ առանց տեղյակ պահելու, առանց ինձ ներկայացնելու շրջայց է շենքում իրականանում: Հետո սենյակը նկարել, ասել, թե տեսեք՝ ոնց են դիմավորում, կներեք, բայց դա էսօր…վաղը մյուս օրն էլ էդ գույքը կարան նկարեն, սոցցանցեր գցեն: Ես չեմ հասկանում՝ սոցցանցերով իրար հետ շփվելու ու աշխատելու իմաստը, ինձ թվում ա սոցցանցերով էլ կշարունակենք իրար հետ աշխատել»,- ասել է մարզպետը՝ նշելով, որ կոնկրետ իր աշխատասենյակի գույքը եղել է:

Լրագրողների դիտարկմանը, թե երկրի վարչապետ Նիկոլ Փաշինյանն էլ է սոցցանցերով շփվում բնակչության հետ, մարզպետն ասել է, որ ինքը դեմ չէ, դեռ ողջունում է, ապա նաեւ հորդորել է Փաշինյանին չհամեմատել փոխմարզպետի հետ:

Տպել
2673 դիտում

Շոկային սկիզբը, Յուրայի պոկերը ու ՀՀ ֆուտբոլի հավաքականի ջախջախիչ հաղթանակը

Ծեծկռտուք Արտաշատի զինկոմիսարիատում. ըստ քաղաքացու ահազանգի՝ կապիտանը կոտրել է իր քիթը

Պարզաբանումներ եմ պահանջելու Բելառուսի ու Ղազախստանի նախագահներից. Փաշինյանը՝ ՀԱՊԿ նիստի զարգացումների մասին

Ոստիկանությունը օպերատիվ տվյալներ է ստացել, որ Երեւանում հիպնոսի միջոցով փող են կորզում

Ջիբրալթար-Հայաստան ֆուտբոլային հանդիպման մեկնարկային կազմերը

Երկու օր առաջ Հայաստանում էր, հիմա՝ չգիտեմ. Շարմազանովը՝ Տարոն Մարգարյանի գտնվելու վայրի մասին

Աշխարհը չէի փոխի քո հետ. Սիրուշոն շնորհավորել է Լեւոն Քոչարյանի ծնունդը

Իրական ընդդիմություն կձեւավորվի ընտրություններից հետո

Արսեն Ջուլֆալակյանն ու լրագրողը պարզաբանել են թյուրիմացությունը

Նոր մանրամասներ հոկտեմբերի 27-ին նռնակով կառավարության շենք ներխուժման դեպքից. պարզվել է՝ ով է նա

Արցախի պետնախարար Մարտիրոսյանն ընդունել է Արցախի պետական համալսարանի ուսանողների

Այդ տարածքը իմն է, իմ սեփականությունն է. Լոռու մարզպետը՝ սեփական ատամնաբուժարան կառուցելու մասին

Մարկոս Պիզելին՝ Ղազախստանի առաջնության լավագույն ֆուտնոլիստ

Քաղաքապետն ընդունել է ՀՀ-ում ԵՄ դեսպան Պյոտր Սվիտալսկիին

Վաչագան Ղազարյանը ցուցմունք է տվել. քննարկվում է կրկին գրավի միջնորդությամբ հանդես գալու տարբերակը

Ավան վարչական շրջանի ղեկավարը հրաժարական է տվել

23-ամյա Վահագնի շնորհիվ մարդկանց կյանքեր կփրկվեն. արյան տարբեր խումբ ունեցողներ շարունակում են արյուն հանձնել

Վարչապետ Նիկոլ Փաշինյանի միջնորդությամբ Սիմոն Մարտիրոսյանն ու Գոռ Մինասյանը կպարգեւատրվեն

Հույս ունեմ կկարողանանք Աբաջյանի հերոսությանն արժանի ապրել՝ անկախ նրանից` ինչով ենք զբաղվում. Փաշինյան

Հայ մարզիչը ղազախական ակումբի մանկապատանեկան ֆուտբոլը ղեկավարելու ու Հենոյի գեղեցիկ քայլի մասին