Գագիկ Ծառուկյանը կապ ունի՞ Կենտրոն Հ/Ը հաղորդման կասեցման հետ. պարզաբանում է տնօրենը

«Կենտրոն» հեռուստաընկերությունով նախկինում հեռարձակված «Առողջարան» հաղորդաշարի պրոդյուսեր Մարգարիտա Դավթյանը բաց նամակով դիմել է Գագիկ Ծառուկյանին, որտեղ նշում է, որ այս տարվա ապրիլի 20-ին, անհասկանալի պատճառներով, առանց հիմնավորման, հեռուստաընկերությամբ հեռարձակվող իր «Առողջարան» հաղորդաշարի հերթական թողարկման եթերը կեսից ընդհատվել է, այնուհետեւ հաղոդման հեռաձակումը կասեցվել է: Նրա խոսքով, հեռուստաընկերությունից իրեն ասել են, որ անձամբ Գագիկ Ծառուկյանն է արգելել հաղորդման հեռարձակումը:

«Բաց նամակ Գագիկ Ծառուկյանին

Ես՝ Մարգարիտ Դավթյանս, «Կենտրոն» հեռուստաընկերությամբ մոտ 2 տարի եթեր հեռարձակվող «Առողջարան» հաղորդաշարի պրոդյուսերս, Ձեզ եմ ուղղում իմ դիմում-բողոքը:
Պարոն Ծառուկյան, ս/թ ապրիլի 20-ին, անհասկանալի պատճառներով, առանց հիմնավորման, Ձեր հեռուստաընկերությամբ հեռարձակվող իմ «Առողջարան» հաղորդաշարի հերթական թողարկման եթերը կեսից ընդհատվել է, այնուհետև հաղոդման հեռաձակումը կասեցվել է:
Հեռուստաընկերությունում մեզ ասացին, որ անձամբ Գագիկ Ծառուկյանն է արգելել հաղորդման հեռարձակումը: Այլևս որևէ այլ հիմնավորում-պատճառ չի հնչել:
Ես բազմիցս փորձել եմ հանդիպել Ձեզ հետ, դիմել եմ Ձեր օգնականներին, դիմել եմ Իվետա Տոնոյանին, ով խոստացավ Ձեր օգնականի միջոցով կապ հաստատել մեր միջեւ:

Բայց, վերջինիս դիմելուց հետո այլևս ոչ ինքը, ոչ էլ՝ օգնականները հեռախոսազանգերիս առ այսօր չպատասխանեցին: Ինձ համար այս երեւույթը ևս մնաց առեղծված: 

Այստեղից և այլ պատճառներից, որոնք այս տեքստի բովանդակության մեջ կշրջանցեմ, ինձ համար ակնհայտ է դառնում, որ ոմանք ուղղակի խոչընդոտում են մեր հանդիպմանը՝ ելնելով իրենց պատճառներից:

Հարկ եմ համարում նշել, որ հաղորդման հեռարձակումը ընդհատվեց այն օրը, երբ «Առողջարան» հաղորդաշարը Մոսկվայում, որպեսզ ՄԻԱՎ/ՁԻԱՀ-ի թեմայով հայտարարված 10 երկրների համապետական մրցույթի հաղթող լավագույն հաղորդաշար, մասնակցում էր 63 պետությունների ընդգրկումով միջազգային խոշոր կոնֆերանսի, այդպիսով ամենաբարձր մակարդակով արտերկրում ներկայացնելով նաև «Կենտրոն» հ/ռ-ը: Միայն «Կենտրոն». հ/ռ-ի հետ հաղորդաշարի համագործակցության 2 տարվա ընթացքում այն բազմիցս լավագույնս ներկայացրել է հեռուստաընկերությունը պատվավոր ամենաբարձր հարթակներում: Այդ թվում էր նաև պատվավոր հյուրի կարգավիճակով հաղորդաշարի մասնակցությունը Հնդկաստանում անցկացված միջազգային խոշորագույն ցուցահանդես-կոնֆերանսին՝ ի աջակցություն գերժամանակակից բուժտեխնոլոգիաների և բժշկական տուրիզմի զարգացման:

Այսպիսով՝ փաստել կուզեմ «Առողջարան» հաղորդաշարի մասնագիտական բարձր որակը: Այսինքն, այն եթերից չէր կարող հեռացվել որպես անորակ հեռուստանախագիծ: Խորապես համոզված եմ, որ առանց նախազգուշացման ու պատճառաբանության աշխատակիցներին այսպես հեռացնելը մեղմ ասած, պարզապես ապտակ է ԶԼՄ-ների ներկայացուցիչներին, եթե չխոսենք բարոյական հարթության մասին:
Ակնկալում եմ կատարվածի մասին մեկնաբանություն:
Հարգանքներով՝ Մարգարիտ Դավթյան», - գրել է Դավթյանը ֆեյսբուքյան իր էջում:

«Կենտրոն» հեռուստաընկերության տնօրեն Սերգեյ Ադումյանը մեզ հետ զրույցում պարզաբանեց իրավիճակը:

Ադումյանի խոսքով՝ Դավթյանի գրած բաց նամակի մեջ շատ բաներ կան, որոնք չեն համապատասխանում իրականությանը, նա նաեւ նշեց, որ Մարգարիտա Դավթյանը իրենց աշխատողը չէ, այլ ուղղակի հաղորդման պրոդյուսեր:

- Պարոն Ադումյան, ինչո՞ւ է հաղորդումը փակվել:

- Մի հեռուստատեսությունում 3 հատ առողջապահական հաղորդում ունենալը մի քիչ անիմաստ է: Մեր գեղարվեստական խորհուրդը նայեց վարկանիշները եւ որոշեց, որ «Առողջարան» հաղորդումը պետք է փակվի եւ երկու հաղորդում պետք է մնա, մեկը` առավոտյան, մեկը` երեկոյան: Ես անգամ Մարգարիտային ասել եմ՝ մի քիչ համբերի, հնարավոր է մի հաղորդում լինի եւ դու կմտնես: Ես անգամ զարմացած եմ, որ նա բաց նամակ է գրել, ինձ համար շատ տարօրինակ է: Ես իր հետ հանդիպել եմ եւ ասել եմ, որ 3 հատ չի կարող լինել, վարկանիշով եւ մնացած ամեն ինչով իր հաղորդաշարը ամենացածրն էր եւ ձեռնտու չէր:

- Դավթյանը նշել է, որ Գագիկ Ծառուկյանն է ասել, որ իր հաղորդումը հանեն, այդ մասին ի՞նչ կասեք:

- Չկա նման բան, ընդհանրապես Գագիկ Ծառուկյանը հաղորդումներով չի զբաղվում եւ չի էլ խառնվում: Մենք ունենք գեղարվեստական խորհուրդ, որոշում է տնօրենը եւ գեղարվեստական խորհուրդը: Դա այն պրոեկտը չի, որ Ծառուկյանը խառնվեր, կամ ընդհանրապես ի՞նչ խառնվելու բան կա, առողջապահական սովորական հաղորդում է: Զուտ դա է եղել պատճառը, 3 հատ հաղորդում է եղել, որոնցից մեկը ավելորդ էր, եւ մենք նայել ենք զուտ վարկանիշին:

- Նա նաեւ նշել է, որ հաղորդումը կիսատ է թողնվել, դա ինչպե՞ս կբացատրեք:

- Ոչ, դա ուրիշ ձեւ է եղել, տեխնիկական խնդիր է եղել:

Տպել
5146 դիտում

Նիկոլ Փաշինյանն այսօր մեկնում է Արագածոտնի մարզ. հանդիպումներ կլինեն Աշտարակում և Ապարանում

Ինչ արժե նախընտրական գովազդի 1 րոպեն. 100 հազարից մինչև հազար դրամ՝ մարզերում ու Երեւանում

Ջիգարխանյանի նախկին կնոջը 250 ժամյա հարկադիր աշխատանք է տրվել. նա պատրաստ է ավլել փողոցները, բայց մեղավոր չի զգում

ԿԸՀ-ն հրապարակել է ընտրություններին մասնակցող ուժերի համապետական և տարածքային ցուցակները

Շերեմետեվո օդանավակայանի թռիչքուղում ինքնաթիռը ոչ թե կենդանու, այլ մարդու է հարվածել՝ ՀՀ քաղաքացու

ԿԸՀ-ն հրապարակել է ընտրողների թիվը մարզերում ու Երևանում. մարզերից ամենաշատ ընտրողները Կոտայքում են

Անցկացվել են հայ-գերմանական երկկողմ ռազմաքաղաքական խորհրդակցություններ

ԲՀԿ-ն արտահերթ ընտություններին կմասնակցի 169 թեկնածուով, 7 հոգին ինքնաբացարկ է հայտնել

Փաշինյանը իրականացրել է նախընտրական քարոզչություն` աշխատանքային ժամին. ՀՀԿ շտաբ

Վթար Կիևյան և Մոնթե Մելքոնյան փողոցների խաչմերուկում, բախվել է 5 մեքենա. կան տուժածներ

ԼՂ հակամարտությունում մարդկանց իրավունքներն ու անվտանգությունը առաջնահերթություններ են. ԱԳ նախարար

Դավիթ Տոնոյանը ժամանել է Քեմփ Մարմալ ռազմաբազա, որտեղ ծառայում են հայ խաղաղապահները

Պեկինում տեղի է ունեցել «Նոր Հայաստանը եւ նրա տարածաշրջանային կարեւորությունը» թեմայով գիտաժողով

Եռագույն փողկապն աղքատությունն ու արտագաղթը չի վերացնում, գնաճը շարունակվում է. Շարմազանովը՝ վարչապետին

Նոյեմբերի 20-ի դրությամբ համաներմամբ ազատ է արձակվել 501 դատապարտյալ

Եւ մի տանիր զմեզ ի փորձություն ...

Տեղի կունենա մոմավառություն՝ ի հիշատակ բալետի արտիստ Վահագն Մարգարյանի

Քրտնաջան և թափանցիկ աշխատանքի ակնկալիքով. քաղաքապետը ներկայացրել է Քանաքեռ-Զեյթունի նոր ղեկավարին

էրեբունու զանգվածային անկարգությունների գործով ինքնակամ ներկայացած անձը Մասիսի սպորտդպրոցի տնօրենն է

Ոստիկանները Շենգենյան վիզայի կեղծման դեպք են բացահայտել. վիզան 6500 եվրո է արժեցել (տեսանյութ)