Անհամբեր ու «դուխով» սպասեք իմ վերադարձին. Դեմոյանը սպառնում է, ԿԳ նախարարն ասում՝ համեցիր

Հայոց ցեղասպանության թանգարան-ինստիտուտի (ՀՑԹԻ) նախկին տնօրեն, պատմական գիտությունների դոկտոր Հայկ Դեմոյանը ֆեյսբուքյան իր էջում այսօր սկանդալային գրառում էր հրապարակել՝ թիրախավորելով կրթության եւ գիտության նախարար Արայիկ Հարությունյանին ու փոխնախարար Հովհաննես Հովհաննիսյանին:

Այդ տեքստի որոշ ձեւակերպումներ նախարարն ավելի ուշ որակեց անմակարդակություն՝ դրանց անդրադառնալ չցանկանալով: Մյուսների հետ կապված ներկայացրեց իր պարզաբանումները:

Դեմոյանը մասնավորապես գրել էր. «Երեկ առավոտյան, ժամը 10:30-ի սահմաններում, օգտվելով Հայաստանից իմ բացակայելու հանգամանքից, Կրթության եւ գիտության նախարար Արայիկ Հարությունյանը եւ նրան ուղեկցող փոխնախարար Հովհաննես Հովհաննիսյանը, մտնելով ՀՑԹԻ վարչական մաս, մուտք են գործել իմ առանձնասենյակ, այն պահին, երբ հավաքարարը աշխատանքի ընթացքում սենյակի դուռը բաց էր թողել: Գործուղման մեկնելուց առաջ սենյակում էի թողել անձնական իրերս, համակարգիչը, Միացյալ Նահանգներից բերված, սակայն մշակման փուլում գտնվող թանգարանային արժեքներ: Այնուհետեւ այս երկու հայախոս օրգանիզմները, ովքեր, ի դեպ ՀՑԹԻ անձնակազմի միաձայն որոշումով, հրավիրվել էին թանգարան՝ լրատվամիջոցների ներկայությամբ առկա խնդրահարույց հարցերը համատեղ քննարկելու համար, փոխանակ տեղեկանալու, թե ինչ խնդիրներ կան, բացահայտ ու անթաքույց հովանավորչություն դրսեւորելով, փորձել են անձնակազմի շրջանում ստահոդ լուրեր տարածել, հոխորտալով, թե իմ մուտքը ՀՑԹԻ վարչական մաս այլեւս արգելված է»:

Դեմոյանը նշում է, որ վերջին մեկ ամսվա ընթացքում փորձել է հանդիպել ԿԳ նախարարի հետ՝ քննարկելու իր կարգավիճակի եւ թանգարանում առկա խնդիրները, նախորդ կառավարության որոշումներով իր իրավունքները խախտվելու փաստը եւ այլն: Փոխարենը, ինչպես պնդում է, փոխնախարար Հովհաննես Հովհաննիսյանը սպառնացել է, թե ոստիկաններ կուղարկի Հայոց ցեղասպանության թանգարան՝ իր մուտքն այնտեղ արգելելու համար: Հայկ Դեմոյանը հայտարարում է ՀՑԹԻ-ում ԿԳ նախարարի ու փոխնախարարի ոմն հովանավորյալի մասին, որն, ըստ նրա, «այլանդակություններ» է իրականացրել եւ խաթարել հուշահամալիրի ընդհանուր անվտանգությունը:

«Արայի´կ, իսկ դու մեկ էջի սահմաններում ներկայացրու քո հովանավորյալի հետ 1998 թ. Դամասկոսում չորս ամիս տեւած մերձեցման մանրամասնությունները, որպեսզի հանրության շրջանում մութ կետեր չմնանան քո հովանավորչության ու կոռուպցիոն գործելաոճի մասով: Ի դեպ, նա հինգ ամիս շարունակ չի ներկայացել աշխատանքի, սակայն բացակա օրերի փոխարեն ստորագրելով աշխատավարձ է ստացել: Այս կապակցությամբ առկա են երկու զեկուցագրեր, որոնք տրամադրվել են ԿԳՆ աշխատակազմի ղեկավարին, բայց որքան հասկանում եմ, դա քեզ չի հետաքրքրել թանգարան ներխուժելու ժամանակ... Հաջորդիվ կլինեն նոր հանձնարարություններ, չթուլանաք հանկարծ ու մի´ հաբռգեք….
Անհամբեր ու «դուխով» սպասեք իմ վերադարձին: …Դե իսկ հիմա կարող եք համբուրվել տղաներ…»,- շարունակել է գիտությունների դոկտոր Հայկ Դեմոյանը:

Ցեղասպանության թանգարան-ինստիտուտի նախկին տնօրենը «հովանավորյալի» անուն չի հրապարակել: Հաստատության աշխատակիցները մեզ հետ զրույցում ասացին, որ իրենք չգիտեն՝ խոսքն ում մասին է: Դեմոյանն այժմ գտնվում է ԱՄՆ-ում: Տնօրենի պաշտոնից նա ազատվել է նախորդ տարեվերջին: ՀՑԹԻ-ում ասացին, որ առանձնասենյակը, որտեղ մուտք գործելու համար Հայկ Դեմոյանը մեղադրում է նախարարին ու փոխնախարարին, ինքը չէր ազատել եւ այն զբաղեցրել է նաեւ տնօրենի պաշտոնակատար Գեւորգ Վարդանյանը:

Աշխատակիցները տեղեկացրին, որ Վարդանյանը մի քանի շաբաթ առաջ աշխատանքից ազատման դիմում է գրել եւ հեռացել, ու նախարարի հետ հանդիպում խնդրելով՝ իրենք նպատակ են ունեցել քննարկել ստեղծված իրավիճակը: Արայիկ Հարությունյանը, նրանց փոխանցմամբ, տեղեկացրել է, որ Գեւորգ Վարդանյանը կշարունակի պաշտոնավարել, մինչեւ որ ՊՈԱԿ-ից հիմնադրամ դարձած ՀՑԹԻ հոգաբարձուների խորհուրդը կհայտարարի տնօրենի թափուր պաշտոնի մրցույթ ու կկատարի ընտրություն: Այդ գործընթացը, ինչպես պարզաբանվել է, կտեւի մինչեւ 40 օր:

Կրթության եւ գիտության նախարար Արայիկ Հարությունյանը, լրագրողների հետ զրույցում անդրադառնալով Հայկ Դեմոյանի հայտարարություններին, ասաց, որ նա անցյալ տարվա սեպտեմբերին ԱՄՆ մեկնելուց հետո այս տարվա հունիսի սկզբին վերադարձել է եւ, այլեւս չլինելով տնօրեն, զավթել է տնօրենի աշխատասենյակը, ինչ-որ նիստեր գումարել, անձնակազմի անունից ուղերձներ հղել: Նախարարին նաեւ տեղեկացրել են, որ Դեմոյանն այդ ընթացքում օգտագործել է տնօրենի համար նախատեսված ծառայողական ավտոմեքենան:

«Մենք այն ժամանակ, նաեւ հաշվի առնելով, որ դա ինստիտուտ է, թանգարան է, եւ աղմուկը դրա շուրջ ավելորդ է, նրան պարզապես զգուշացրել ենք, որ այն, ինչ որ անում է, հակաօրինական է, նախարարությունը եւ իշխանությունը բոլոր իրավունքները ունեն դիմելու իրավապահներին այդ հակաիրավական գործողություններին վերջ տալու համար»,- ասաց Արայիկ Հարությունյանը: Հավելեց, որ իրավապահներին դիմելու է մեկ այլ խնդրով եւս. ՀՑԹԻ տնօրենի ժամանակավոր պաշտոնակատար Գեւորգ Վարդանյանն, ըստ նրա, տեղեկացրել է, որ Հայկ Դեմոյանը տարբեր միջոցներով իր վրա ճնշումներ է գործադրել, որպեսզի ինքը հրաժարականի դիմում ներկայացնի:

Արայիկ Հարությունյանը ընդգծեց, որ ինքը կրթության եւ գիտության նախարարն է, հետեւաբար իրավունք ունի գնալ ցանկացած վայր, որի հիմնադիրն է պետությունը: Ասաց, որ Դեմոյանի հիշատակած սենյակում տեղի է ունեցել փոխտնօրենների հետ իր հանդիպումը: Հետո հանդիպել է նաեւ աշխատակազմի հետ: Նրանք, ի տարբերություն Դեմոյանի պնդումների, առաջացած ապոկալիպտիկ խնդիրների մասին չեն խոսել: Միայն հաշվապահն ասել է, որ փոխանցումների հետ կապված ինչ-որ բարդություն կա, որն, ըստ նախարարի, շուտով կկարգավորվի:

Ինչ վերաբերում է Դեմոյանի հիշատակած «հովանավորյալին», Արայիկ Հարությունյանը սպասում է անուն հրապարակվելուն, որպեսզի կարողանա պարզաբանումներ տալ: Այդուհանդերձ, նա վստահեցրեց, որ ինքն ու փոխնախարարը մութ պատմությունների հետ կապված չեն, եւ բացահայտումներ լինել չեն կարող: Անդրադառնալով Դեմոյանի հաջորդ գրառման մեջ առաջ քաշված պնդմանն էլ, թե ԿԳՆ իրավաբանական վարչության պետը հաստատել է, որ իր իրավունքները մի քանի դրվագով խախտվել են, նախարարը խոստացավ զրուցել ԿԳՆ այդ ստորաբաժանման ղեկավարի հետ՝ հասկանալու, թե ինչի մասին է խոսքը: 

Տպել
6489 դիտում

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում