Ես ո՛չ Հայաստանում եմ եկվոր, ո՛չ էլ որեւէ հայաստանցի Արցախում է եկվոր. ԱՀ ԱԺ պատգամավոր

Երեկ Արցախի Ազգային ժողովի նիստի ժամանակ ԱՀ ԱԺ պատգամավոր Հայկ Խանումյանը պահանջել է Արցախի նախագահ Բակո Սահակյանի հրաժարականը: Խանումյանի ելույթը դուր չի եկել ԱՀ ԱԺ պատգամավոր, Արցախի հերոս Ժաննա Գալստյանին: Վերջինս ԱԺ նիստի ժամանակ սեռական բնույթի հայհոյանքներ է հնչեցրել Հայկ Խանումյանի հասցեին, եւ Խանումյանի կողմից նույնաբովանդակ պատասխաններ ստացել:

ԱՀ ԱԺ նախագահ Աշոտ Ղուլյանը հանձնարարեց էթիկայի հանձնաժողով ստեղծել եւ ուսումնասիրել միջադեպը: ԱՀ ԱԺ նախագահի մամուլի քարտուղար Անուշ Ղավալյանը մեզ հետ զրույցում նշեց, որ երեկվա նիստում անմիջապես ստեղծվել է էթիկայի հանձնաժողովը:

Հանձնաժողովի նախագահը ԱՀ ԱԺ «Հայրենիք» խմբակցության ղեկավար, Ազգային ժողովի նախկին նախագահ Արթուր Թովմասյանն է:

- Պարոն Թովմասյան, ի՞նչ փուլում է ուսումնասիրությունը:

- Ես հիմա ուզում եմ խոսել ոչ թե որպես «Հայրենիք» խմբակցության ղեկավար, այլ որպես ԱԺ նախկին նախագահ: Այդպիսի երեւույթները անթույլատրելի են երկու հայկական պետությունների խորհրդարաններում: Մենք եւս մի քանի այդպիսի դեպքեր ունեցել ենք տարբեր գումարումների ժամանակ, ոչ այդ մակարդակի: Սրանք երեւույթներ են, որոնք խորթ են հայ ազգի համար, որովհետեւ հայ ազգը ավանդապահ ազգ է: Ինչքան էլ մենք մեր օրենքները համապատասխանեցնենք եվրոպական օրենքներին, կան չգրված օրենքներ, որոնք մենք պետք է պահպանենք, դրանք մեր պապական օրենքներն են:

Ես դատապարտում եմ այդպիսի երեւույթները, դա անթույլատրելի է: Այս պահին, որպես էթիկայի հանձնաժողովի անդամ, ես կարծում եմ, որ իմաստուն որոշում են կայացրել, որ պետք է քննվի գործը: Ես հիմա ձայնագրություններն եմ սկզբից մինչեւ վերջ նայում, թե ոնց առաջացավ դա:

- Ժաննա Գալստյանը Հայկ Խանումյանին եկվոր անվանեց, ինչպե՞ս եք դրան վերաբերվում:

- Դա անթույլատրելի է: Ես ո՛չ Հայաստանում եմ եկվոր, ո՛չ էլ որեւէ հայաստանցի Արցախում է եկվոր, մենք միեւնույն հայկական պետությունն ենք: Մենք ունենք երկու պետություն, բայց մեկ ազգ ենք: 1988 թվականի փետրվարին մեր ժողովուրդը դուրս էր եկել ոչ թե Արցախի Հանրապետություն հռչակելու համար, այլ հայկական ԽՍՀ-ին վերամիավորվելու համար:

- Իսկ ի՞նչ պատիժ է հնարավոր այս դեպքում:

- Ես ուզում եմ ժամանակից առաջ չընկնենք: Ես այն եզակի բարձր պաշտոն զբաղեցրած անձանցից եմ, որ իմ հրաժարականից հետո մնացել եմ Արցախում եւ իմ պատիվը, իմ որոշումը պետք է ժողովրդի բացարձակ մեծամասնության հավանությանը արժանանա ե՛ւ ՀՀ-ի, ե՛ւ ԱՀ-ի:

- Բայց նայելով տեսագրությունը, ըստ ձեզ՝ ո՞վ է հրահրել վիճաբանությունը:

- Եթե նայել եք տեսագրությունը, դուք արդեն գիտեք:

Տպել
4464 դիտում

Փաշինյանը իրականացրել է նախընտրական քարոզչություն` աշխատանքային ժամին. ՀՀԿ շտաբ

Վթար Կիևյան և Մոնթե Մելքոնյան փողոցների խաչմերուկում, բախվել է 5 մեքենա. կան տուժածներ

ԼՂ հակամարտությունում մարդկանց իրավունքներն ու անվտանգությունը առաջնահերթություններ են. ԱԳ նախարար

Դավիթ Տոնոյանը ժամանել է Քեմփ Մարմալ ռազմաբազա, որտեղ ծառայում են հայ խաղաղապահները

Պեկինում տեղի է ունեցել «Նոր Հայաստանը եւ նրա տարածաշրջանային կարեւորությունը» թեմայով գիտաժողով

Եռագույն փողկապն աղքատությունն ու արտագաղթը չի վերացնում, գնաճը շարունակվում է. Շարմազանովը՝ վարչապետին

Նոյեմբերի 20-ի դրությամբ համաներմամբ ազատ է արձակվել 501 դատապարտյալ

Եւ մի տանիր զմեզ ի փորձություն ...

Տեղի կունենա մոմավառություն՝ ի հիշատակ բալետի արտիստ Վահագն Մարգարյանի

Քրտնաջան և թափանցիկ աշխատանքի ակնկալիքով. քաղաքապետը ներկայացրել է Քանաքեռ-Զեյթունի նոր ղեկավարին

էրեբունու զանգվածային անկարգությունների գործով ինքնակամ ներկայացած անձը Մասիսի սպորտդպրոցի տնօրենն է

Ոստիկանները Շենգենյան վիզայի կեղծման դեպք են բացահայտել. վիզան 6500 եվրո է արժեցել (տեսանյութ)

Ժողովուրդ ջան, հավատացե՛ք Նիկոլ Փաշինյանին, քանի դեռ ինքը հակառակը չի ապացուցել. Արփինե Հովհաննիսյան

Երևանի քաղաքապետը խոստացել է օգնել նախադպրոցական կրթության մոդելի կիրառման հարցում

Երևանի հ. 48 մանկապարտեզի տնօրենը կարգապահական տույժի է ենթարկվել (լուսանկար)

Վերսկսվել է «Բերդ» բնակելի շենքի կառուցապատումը

Ողբերգական վթարից մահացած Հրանտ Գասպարյանի ծնողները խնդրում են կրտսեր որդուն վաղաժամկետ զորացրել

Մոլորված ու Ադրբեջանում հայտնված Կ. Ղազարյանին դատարանում ահաբեկիչ են որակել (լուսանկարներ)

ՎՏԲ-Հայաստան Բանկը և «ՌԵՍՈ» ընկերությունը առաջարկում են իրենց հաճախորդներին «Ապահով հանգիստ» ապահովագրական փաթեթը

Մեղադրանքները Կ. Հարությունյանի հիվանդ երեւակայության արդյունքն են. ԱԺ-ն պատասխանում է աշխատակցի բողոքին