Ինչ իրային եւ պարենային ապահովում պետք է հատկացվի պարտադիր ժամկետային զինծառայողներին

Երեկ «Հայկական Ժամանակ»-ի խմբագրությունն ահազանգ էր ստացել մի քաղաքացուց, այն մասին, որ Արցախի ՊԲ N զորամասում, ՀՀ վարչապետ Նիկոլ Փաշինյանի կոչը չեն լսել եւ զինծառայողներին հասանելիք մի շարք պարագաներ չեն տրամադրում, մասնավորապես` գուլպա, անդրավարտիք, անթեւ շապիկ եւ այլն:

ՀԺ-ն ուսումնասիրեց զինվորների մոտ գտնվող «Զինվորի հուշատետր»-ը, որտեղ մանրամասնորեն նշված է, թե ինչ իրային եւ պարենային ապահովում պետք է հատկացվի պարտադիր ժամկետային զինծառայողներին:

Այսպիսով, պարտադիր զինվորական ծառայության զորակոչված զինվորներին, սերժանտներին եւ ավագներին ըստ ցուցակի պետք է հատկացվեն.

Գլխարկ մորթուց` ձմեռային հատկացվում է 2 տարվա մեջ մեկ հատ:

Գլխարկ կիսաբրդյա` տոնական հատկացվում է 2 տարվա մեջ մեկ հատ:

Վերարկու ձմեռային կիսաբրդյա հատկացվում է 2 տարվա մեջ մեկ հատ:

Կոստյում տոնական կիսաբրդյա հատկացվում է 2 տարվա մեջ մեկ հատ:

Կոստյում ձմեռային` արհեստական մորթե օձիքով հատկացվում է 2 տարվա մեջ մեկ հատ:

Կոստյում բամբակյա կեպիով, այսինքն զինվորական համազգեստ հատկացվում է 8 ամիսը մեկ:

Վերնաշապիկ երկարաթեւ հատկացվում է 2 տարվա մեջ 2 անգամ:

Փողկապ հատկացվում է 2 տարվա մեջ մեկ հատ:

Տաք ներքնաշոր հատկացվում է 2 տարվա մեջ 2 անգամ:

Շապիկ բամբակյա հատկացվում է 1 տարվա մեջ 3 անգամ:

Կիսավարտիք բամբակյա հատկացվում է 3 հատ մեկ տարվա մեջ:

Գուլպա բամբակյա 1 տարվա մեջ հատկացվում է 8 զույգ:

Գուլպա կիսաբրդյա 1 տարվա մեջ հատկացվում է 4 զույգ:

Ձեռնոց բամբակյա երկմատնյա հատկացվում է 1 տարվա մեջ 1 զույգ:

Ենթաօձիք բամբակյա հատկացվում է 1 տարվա մեջ 36 հատ:

Թաշկինակ հատկացվում է 1 տարվա մեջ 3 հատ:

Սրբիչ վաֆլե բամբակյա հատկացվում է 1 տարվա մեջ 3 հատ:

Կոշիկ ճտքավոր յուֆետ հատկացվում է 8 ամիսը մեկ` 1 զույգ:

Կոշիկ խրոմե հատկացվում է 2 տարվա մեջ մեկ զույգ:

Մարզակոշիկներ հատկացվում է 2 տարվա մեջ 1 զույգ:

Հողաթափ զորանոցային հատկացվում է 2 տարվա մեջ մեկ զույգ:

Գոտեփոկ ճարմանդով հատկացվում է 2 տարվա մեջ 1 հատ:

ՀՀ զինված ուժերի պարտադիր ժամկետային ծառայողների համար նախատեսված են դրամական բավարարման հետեւյալ տեսակները.

Շարքային զինվորի ամսական դրամական բավարարման չափը կազմում է 3400 դրամ:

Եֆրեյտորի ամսական դրամական բավարարման չափը կազմում է 3600 դրամ:

Կրտսեր սերժանտի ամսական դրամական բավարարման չափը կազմում է 4000 դրամ:

Սերժանտի ամսական դրամական բավարարման չափը կազմում է 4500 դրամ:

Ավագ սերժանտի ամսական դրամական բավարարման չափը կազմում է 5000 դրամ:

Ավագի ամսական դրամական բավարարման չափը կազմում է 5300 դրամ:

ՀԺ-ն ուսումնասիրեց նաեւ մարտական հերթապահություն իրականացնող անձնակազմի պարենային ապահովման չափաքանակը` մեկ օրում մեկ զինծառայողի հասանելիքի չափով:

Հաց 1-ին տեսակի 650 գրամ` 200 գրամ նախաճաշին, 250 գրամ ճաշին, 200 գրամ ընթրիքին:

Թխվածքաբլիթ 60 գրամ:

Արագ պատրաստվող կիսաֆաբրիկատ 60 գրամ` ճաշին:

Մսի պահածո 125 գրամ, որից 75 գրամը ճաշին, իսկ 50 գրամը ընթրիքին:

Կիսաապխտած երշիկ 40 գրամ, որից 20 գրամը հատկացվում է նախաճաշին, 20 գրամը ընթրիքին:

Մսաբուսական պահածո 300 գրամ, որից 150 գրամը հատկացվում է ճաշին, 150 գրամը ընթրիքին:

Բանջարեղենի ռագու 150 գրամ հատկացվում է նախաճաշին:

Կարագ անհատական փաթեթավորմամբ 20 գրամ հատկացվում է նախաճաշին:

Հալած պանիր 30 գրամ հատկացվում է ընթրիքին:

Խտացրած կաթ 50 գրամ հատկացվում է ընթրիքին:

Հավի ձու հատկացվում է 1 հատ շաբաթը 4 անգամ:

Շաքարավազ 70 գրամ, որից 30 գրամը հատկացվում է նախաճաշին, 30 գրամը ընթրիքին, իսկ 10 գրամը երեկոյան ժամը 00:00-ից մինչեւ 06:00 մարտական հերթապահություն իրականացող զինծառայողներին:

Կերակրի աղ հատկացվում է 10 գրամ:

Կետչուպ հատկացվում է 20 գրամ ճաշին:

Մարինադ հատկացվում է 40 գրամ ճաշին:

Կարմիր լոլիկ սեփական հյութում հատկացվում է 40 գրամ ճաշին:

Խավիար հատկացվում է 50 գրամ ընթրիքին:

Թեյ 1.5 գրամ, որից 0.5 գրամը հատկացվում է նախաճաշին, 0.5 գրամը ընթրիքին, իսկ 0.5 գրամը նոյեմբերից ապրիլ ամիսներին ժամը 00:00-ից 06:00 մարտական հերթապահություն իրականացնող զինծառայողներին:

Օշարակ հատկացվում է 28 գրամ ճաշին:

Կոնֆետ կարամել հատկացվում է 30 գրամ:

Ջեմ հատկացվում է նոյեմբերից ապրիլ ամիսներին 30 գրամ` նախաճաշին:

Մուրաբա հատկացվում է 20 գրամ ընթրիքին:

Բնական սուրճ հատկացվում է 6 գրամ: