Դոն Պիպոյի հետ ում հանդիպեին, սպանելու էին. նրա թիկնապահներն ազատ են արձակվել

Քրեական հեղինակություն Դոն Պիպո մականունով հայտնի Արթուր Ասատրյանի 4 թիկնապահը, որոնք նույն օրը Պիպոյի հետ ձերբակալվել էին, մեր տեղեկություններով, ազատ են արձակվել:

Նրանց նկատմամբ որպես խափանման միջոց է ընտրվել չհեռանալու մասին ստորագրությունը:

Դոն Պիպոն եւ եւս 4 անձինք, ովքեր հանդիսանում են ՌԴ քաղաքացիներ, ձերբակալվել էին հունիսի 17-ին: Դոն Պիպոն, մասնավորապես, մեղադրվում է ՀՀ քրեական օրենսգրքի 131-րդ հոդվածի 1-ին, 2-րդ, 3-րդ եւ 6-րդ կետերով (մի խումբ անձանց կողմից նախնական համաձայնությամբ, առողջության համար վտանգավոր բռնություն գործադրելով, զենքի կամ որպես զենք օգտագործվող առարկաների գործադրմամբ, երեք անձի առևանգումը) եւ 235-րդ հոդվածի 2-րդ մասով (մի խումբ անձանց կողմից նախնական համաձայնությամբ հրազեն եւ ռազմամթերք ապօրինի կերպով ձեռք բերելը եւ պահելը): Ըստ մեղադրանքի՝ Դոն Պիպոն առեւանգել եւ երեք օր ապօրինի պահել է իր դեմ սպանության նախապատրաստման մեջ մեղադրվող երեք անձանց, որոնց ծեծի են ենթարկել, պահանջելով խոստովանել, թե ով է սպանության պատվիրատուն։

Դոն Պիպոյի թիկնապահներն էլ մեղադրվում են զենքն ու ռազմամթերքը պահելու մեջ:

Ըստ ԱԱԾ-ի՝ հունիսի 16-ին կատարված խուզարկություններով Արթուր Ասատրյանին պատկանող Էջմիածին քաղաքի առանձնատանը հայտնաբերվել է ապօրինի պահվող մեծ քանակությամբ զենք եւ ռազմամթերք, մասնավորապես՝ «ԱԿ-74» տեսակի 2 հատ ինքնաձիգ՝ լիցքավորված 56 փամփուշտներով, 7.62 մմ տրամաչափի «ՏՏ» տեսակի 1 հատ ատրճանակ, 9 մմ տրամաչափի «ՊՄ» տեսակի ատրճանակ, լիցքավորված 8 փամփուշտներով, 9 մմ տրամաչափի «ԱՊՍ» տեսակի ատրճանակ, լիցքավորված 10 փամփուշտներով, 9 մմ տրամաչափի «Բերետտա» տեսակի 2 հատ ատրճանակ, լիցքավորած 34 փամփուշտներով, «Կոլտ» տեսակի թմբուկավոր 1 հատ ատրճանակ։

Սույն թեմայի վերաբերյալ մեր մի քանի հարցերին պատասխանել է Արթուր Ասատրյանի պաշտպան Գեղամ Հակոբյանը:

- Պարոն Հակոբյան, ձեր պաշտպանյալն առաջադրված մեղադրանքի վերաբերյալ ի՞նչ դիրքորոշում է հայտնել: Ընդունո՞ւմ է այն, թե՞ ոչ:

- Իրեն մեղավոր չի ճանաչում:

- Ցուցմունք տվե՞լ է:

- Բովանդակային առումով չի մեկնաբանել, դիրքորոշում է հայտնել միայն այն մասով, որ իրեն մեղավոր չի ճանաչում եւ առաջադրված մեղադրանքը բացարձակ անհիմն է:

- ԱԱԾ խուզարկությամբ Արթուր Ասատրյանի բնակարանից մեծ քանակությամբ զենք-զինամթերք է հայտնաբերվել, ձեր պաշտպանյալը հայտնե՞լ է, թե որտեղից այդ զենքերը, անօրինակա՞ն են, թե՞ օրինական:

- Դա իր բնակարանը չի, ինքը տարվա մեջ 25 օր է Հայաստանում լինում: Դա իր հոր բնակարանն է: Արթուր Ասատրյանը նշում է, որ որեւէ կապ չունի հայտնաբերված զենքերի հետ: Դա իր հոր տունն է, այդտեղ տարբեր մարդիկ են մտնում, դուրս գալիս:

- ԱԱԾ-ն նաեւ տեսանյութ հրապարակեց Դոն Պիպոյի կողմից ենթադրյալ առեւանգման դրվագի վերաբերյալ: Սա ինչպե՞ս կմեկնաբանեք: Ձեր պաշտպանյալն այդ տեսանյութը դիտե՞լ է, ի՞նչպես է մեկնաբանել:

- Ոչ, նա չի տեսել, դա հրապարակելու ժամանակ նա անազատության մեջ է գտնվել: Նախ, տեսանյութում մեկնաբանվում է, որ առեւանգում է եղել, բռնություններ եւ այլն, բայց այդ տեսանյութում ո՛չ առեւանգում կա, ո՛չ բռնություն, ընդամենը զրույց է, նստած շատ հանգիստ խոսում են, ո՛չ սպառնալիք կա, ո՛չ բռնություն: Հետագայում, երբ գործի նյութերին ծանոթանանք, կհասկանանք եւ պարզաբանում կներկայացնենք այդ տեսանյութի հետ կապված:

- Եթե առեւանգված չէին, այդ դեպքում որտե՞ղ էին մեղադրյալները պատասխանում ձեր պաշտպանյալի հարցերին, ի՞նչ տարածք է դա:

- Ես վստահ չեմ, որ հարցեր տվողը Արթուր Ասատրյանն է, չեմ կարող այդ հարցին պատասխանել: Մենք իր հայտնած դիրքորոշման շրջանակում կարող ենք միայն վստահ լինել, որ իր կողմից նման արարք չի կատարվել:

- Ասացիք՝ բռնություն չի եղել, բայց ձերբակալվելուց հետո մեղադրյալների մարմնի տարբեր մասերում վնասվածքներ էին հայտնաբերվել: Սա ինչպե՞ս կմեկնաբանեք, գաղտնիք չէ, որ ձեր պաշտպանյալն է նրանց հանձնել իրավապահներին:

- Քանի որ իմ պաշտպանյալը ցուցմունք չի տվել բովանդակային առումով, գործի այս սկզբնական փուլում որեւէ ավել տեղեկություն չեմ կարող հայտնել… Եթե նշվում է՝ վնասվածքներ կան, ապա չեմ կարող ասել՝ դա երբ եւ որտեղ է առաջացել, ինչ միջադեպի արդյունքում:

Այս պահի դրությամբ մեր առաջնային խնդիրն այն է, որ կալանավորման հիմքերի բացակայության պայմաններում նրա նկատմամբ կիրառվել է անհիմն կալանավորում: Մեկ տարի շարունակ քննվել է այս գործը, որի շրջանակներում քննիչի բազմաթիվ կանչերով Արթուր Ասատրյանը մշտապես ներկայացել է վարույթն իրականացնող մարմնին եւ չունենք մեկ դեպք արձանագրված, որ Արթուր Ասատրյանին հրավիրեն հարցաքննության կամ քննչական որեւէ գործողության եւ նա չներկայանա: Չունենք դեպք, որ որեւէ վկայի կամ այլ անձի վրա անօրինական ազդեցություն գործադրի, այսինքն՝ քննությանը խոչընդոտելու հանգամանք եւս չունենք: Այս պահին մեր առաջնային խնդիրը զուտ կալանքի վիճարկմանն է վերաբերվում: Բուն մեղադրանքի առումով հետագայում կանդրադառնանք, երբ որ ավելի մանրամասն կհասկանանք՝ ինչի մասին է խոսքը: Կամ առերեսումներ կարվեն, կհասկանանք՝ ի վերջո ճանաչո՞ւմ են այդ անձինք Արթուր Ասատրյանին, թե ոչ:

Առջեւում դեռ շատ դատավարական գործողություններ ունենք եւ մեր համար էլ պարզ կլինի մեր քայլերի հաջորդականությունը: Բացի այդ, քննիչի ներկայացված նյութերից պարզ է դառնում, որ այդ տեսագրությունը 2017 թվականի մայիսից նախաքննական մարմնի տրամադրության տակ է եղել եւ որեւէ նոր նյութ  չի ավելացել, որը նոր հանգամանք կդառնա, որը նախկինում հայտնի չէր: …Ամեն դեպքում այսօր Արթուր Ասատրյանին մեղադրում են այն անձանց առեւանգելու համար, ովքեր նախապատրաստել էին իր սպանությունը: Ընդ որում՝ գործով արծարծվում է, որ Արթուր Ասատրյանի հետ ում հանդիպեին, սպանելու էին, այդ թվում՝ ընտանիքի անդամներին, երեխաներ, թոռներ, պատկերացնո՞ւմ եք՝ եթե դա իրական է, ապա ինչ է կանխվել: Ես այս ամենը ներկայացնում եմ ըստ առաջադրված մեղադրանքի բովանդակության պարզ վերլուծության… Այսօրվա առաջադրված մեղադրանքն այսպիսին է, որ իրեն չեն ասում՝ դու շահադիտական դրդումներով ես անձին առեւանգել, որեւէ այլ նպատակ ես ունեցել, գործի տրամաբանությունից ու փոխկապակցվածությունից պարզ է դառնում, որ նրան մեղադրում են իր սպանությունը նախապատրաստող անձանց գործողությունները կանխելու և խափանելու համար:

- Այս գործով ձերբակալված ՌԴ քաղաքացիներն ի՞նչ հարաբերութունների մեջ են Դոն Պիպոյի հետ:

- Երեւի ընկերներ են, նրանց մասով տեղեկություն չունեմ:

- Ձեր պաշտպանյալի սպանությունը նախապատրաստելու պատվիրատուի մասով ի՞նչ տեղեկություն կա:

- Բացարձակ որեւէ տեղեկություն չունեն:

- Տեսանյութում նշվում է ոմն Արտյոմ, խոսքը Արտյոմ Կանեւսկոյի մասի՞ն է: Արթուր Ասատրյանը ի՞նչ է նշում, այդ մասով քննարկում եղե՞լ է:

- Քննարկում չի եղել այդ մասով:

Տպել
5316 դիտում

Ծառուկյանը փորձում է վերահսկողություն իրակացնել բոլոր ֆեդերացիաների վրա. Արթուր Գեւորգյան

ԼՂ հիմնախնդրի շուրջ քննարկումներն այլ հարթակներ տեղափոխելու փորձերը վնասում են տարածաշրջանում կայունությանը. ԱԳՆ

Վիրահայոց թեմը գրադարան եւ համայնքային կենտրոն է վարձակալել. թեմապատկան 3-րդ կենտրոնը Թբիլիսիում

Բաքուն սպառնում է հայկական իշխանություններին ավիացիայի ոչնչացմամբ

Հայկ Մարությանի գլխավորությամբ Երեւանի ավագանու առաջին նիստը պետք է հրավիրվի հոկտեմբերի 10-ին

ԿԸՀ-ն հրապարակել է Երեւանի ավագանու ընտրություններին մասնակցած ընտրողների ստորագրված ցուցակները

Առաջին անգամ  ԵԽ նախարարների կոմիտե է ներկայացվել ՄԻԵԴ վճռի կատարման հետ կապված Պաշտպանի հատուկ դիրքորոշում

Թրամփը պատրաստ է հանդիպել Իրանի իր պաշտոնակցին. Ռոհանին մեղադրում է ԱՄՆ-ի դաշնակինցերից մեկին

Հայաստանի անդամակցումը ԵԱՏՄ-ին բխում է մեր պետական շահերից. Էդուարդ Շարմազանով

ՀՀ ՊՆ ռազմական ոստիկանության պետը մասնակցել է «ՆԱՏՕ-գործընկերներ» ձեւաչափով ՌՈ պետերի ամենամյա համաժողովին

Նիկոլ Փաշինյանն այցելել է Նյու Յորքի Մետրոպոլիտեն թանգարանում բացված «Արմենիա» խորագրով ցուցահանդեսին

Առաջիկա օրերին ՀՀ առանձին հատվածներում սպասվում է անձրեւ, ամպրոպ, մառախուղ, ջերմաստիճանի նվազում

Մանրամասներ ԲՀԿ–ի կաշառքի գործից. մի մասով վճարումներ են արել, մյուսով ներկայացել ոստիկաններին

Իրավապահները Աշոցք գյուղում զենք-զինամթերք են հայտնաբերել եւ առգրավել (տեսանյութ)

Ամոթ չունեցող էլ կա. Կարո Փայլանն անդրադարձել է Էրդողանի կողմից շքեղ օդանավ գնելու փաստին

Ոստիկանության զորքերի նախկին հրամանատար Լևոն Երանոսյանը հրավիրվել է Հատուկ քննչական ծառայություն

Երեւանում եւ 6 մարզում այսօր էլեկտրաէներգիայի մինչեւ 6 ժամյա պլանային անջատումներ կլինեն

ՀՀ արտակարգ իրավիճակների նախարարն աշխատանքային այցով ՌԴ-ում է

Մանդելայի իդեալների ճշմարիտ ոգով մեր շարժումն աշխարհին հայտնի դարձավ. վարչապետը՝ Նյու-Յորքում

Ուրախ եմ տեսնել Ձեզ, վարչապե՛տ Փաշինյան. Կանադայի վարչապետի գրառումը թվիթերում