Ռուսաստանցի փորձագետները Ադրբեջանում. Բաքուն հռետորաբանությո՞ւն է փոխում

Հուլիսի 1-ին Ադրբեջանի Չոջուկ Մարջանլի բնակավայրում անցավ «Բաքու–Մոսկվա՝ աշխարհաքաղաքական առանցք. Ադրբեջանը՝ Կովկասում Ռուսաստանի միակ դաշնակից» թեմայով ռուս-ադրբեջանական համաժողովը: Դրան մասնակցում էին ռուսաստանցի հասարակական գործիչ Ալեքսանդր Դուգինը, լրագրողներ Մաքսիմ Շեւչենկոն, Պետդումայի պատգամավորներ Դմիտրի Սավելեւն ու Ալեքսանդր Եզուբովը եւ այլոք: Չոջուկ Մարջանլին գտնվում է 2016 թ. ապրիլին ադրբեջանական ԶՈւ-ի վերահսկողության տակ անցած Լելե Թեփեի մոտակայքում: Համաժողովի մասնակիցների կենսագրությունները եւ անցկացման վայրը հուշում են, որ սա Ադրբեջանի հերթական քարոզչական գործողությունն է, ընդ որում կրկին ուղղված ներքին լսարանին, քանի որ տեղեկատվական բաց հոսքերի պարագայում ուղղակի անհնար է լուրջ ընունել ելույթ ունեցած «հռետորների» խոսքերը:

Ինչեւէ, անդրադառնանք բանախոսների արտահայտած որոշ մտքերին: Մաքսիմ Շեւչենկոն, որը ժամանակին առիթ է ունեցել աչքի ընկնել հակահայկական անհեթեթ հայտարարություններով՝ իբր հայկական լոբբին է արգելակում ռուս-վրացական հարաբերությունների կարգավորումը, այս անգամ եւս իր «բարձունքի» վրա է գտնվել: Նա նախ հայտարարել է, որ Հայաստանի նոր իշխանությունները՝ ձերբակալելով Սերժ Սարգսյանի մերձավորներին, փոխում են հայ-ռուսական հարաբերությունների տրամաբանությունը: Բացի այդ, Շեւչենկոյի խոսքով, Ռուսաստանն աստիճանաբար դուրս է մղվում բանակցային գործընթացից: Թե հայկական կողմի՝ Մինսկի խմբի համանախագահ երկրների ջանքերին ապավինելու կոնկրետ ո՞ր մասն է դուրս մղում համանախագահ երկիր հանդիսացող Ռուսաստանին բանակցային գործընթացից՝ Շեւչենկոն չի նշում: Ռուսաստանցի լրագրողի կարծիքով՝ «հեղափոխությունը Հայաստանում՝ ամերիկյան ծրագրի մաս է կազմում», որը նպատակ ունի վերահսկողության տակ վերցնել հայ-իրանական սահմանը:

«Հայ-իրանական սահմանը վերահսկելի չէր ԱՄՆ-ի եւ Իսրայելի կողմից: Այժմ Իրանի սահմանը փաստացի շրջափակման մեջ է», - ասել է Շեւչենկոն:

Այն, որ հայ-իրանական սահմանին կանգնած են Ռուսաստանի ԱԴԾ սահմանապահներ, որեւէ կերպ չի խանգարում Շեւչենկոյին պնդել իր տեսակետը:

Հավաքվածներն առհասարակ աչքի չէին ընկնում համեստությամբ: Քաղաքագետ Ալեքսանդր Դուգինը, խոսելով իրենց «պատվիրակության» մասին, նշել է, որ իրենց ներկայությունը համաժողովին խորհրդանշական բնույթ է կրում եւ ներկայացնում ռուս մտավորականության վերաբերմունքը տվյալ խնդրին: Բացի այդ, Դուգինը կարծում է, որ Ռուսաստանն իրավասու է ինքնուրույն որոշել՝ վաճառե՞լ զենք իր ռազմավարական գործընկերոջը, թե՞ ոչ:

Դմիտրի Սավելյեւի եւ Վալերի Կորովինի կարծիքով էլ Հայաստանում տեղի ունեցած հեղափոխությունը ոչ այլ ինչ է, քան «պետական հեղաշրջում»: Դրա հետեւում թաքնված են, իհարկե, ԱՄՆ-ն եւ Եվրոպան, իսկ Հայաստանը շուտով սկսելու է շարժվել դեպի Արեւմուտք:

Ռազմական փորձագետ ներկայացող Իգոր Կորոտչենկոն եւս վստահ է, որ «Փաշինյանն իշխանության է եկել ԱՄՆ օգնությամբ»:

«Այլապես, ինչո՞ւ է Վաշինգտոնն այդքան մեծ դիվանագիտական կորպուս պահում Երեւանում», - հետաքրքրվում է Կորոտչենկոն:

Թերեւս, ավելի տեղին կլիներ հետաքրքրվել սեփական ԱԳՆ-ից՝ ինչով է զբաղվում իրենց, նույնպես բավական տպավորիչ դիվանագիտական կորպուսը եւ տասնյակ կազմակերպությունները, որոնք, երբեմն, հայ-ռուսական հարաբերությունները ամրապնդելու փոխարեն վհուկների որս են հայտարարում եւ սկսում մեղադրել «հայ-ռուսական հարաբերությունների մեջ սեպ խրող» վերացական ուժերի:

Այն, որ նմանատիպ հանդիպումների ընթացքում հայերը մեղադրվում են բոլոր հնարավոր ու անհնար դավադրությունների կազմակերպման եւ իրագործման մեջ՝ սովորական երեւույթ է դարձել: ՀՀ ԱԳՆ խոսնակ Տիգրան Բալայանը լրագրողների հետ զրույցում՝ անդրադառնալով համաժողովին նշել էր, որ ադրբեջանական շոուն տապալվել է:

«ՌԴ-ի դիրքորոշումը թե՛ ՀՀ-ի հետ հարաբերությունների, թե՛ ԼՂ հիմնախնդրի հետ կապված՝ հայտնի է, պարբերաբար վերահաստատվում է ամենաբարձր մակարդակով»,- հավելել է Բալայանը:

Իրականում սխալ կլիներ վերոնշյալ անձանց հնչեցրած մտքերն ընդունել որպես Ռուսաստանի դիրքորոշում: Նրանք ավելի շատ հենց պաշտոնական Բաքվի մեսիջներն են ուղարկում Հայաստան: Այս առումով հետաքրքրական են երկու ելույթ, որոնք տարբերվում էին մնացածից եւ դրանց ֆոնին անգամ ադեկվատ են թվում:

Հատկանշական է, որ դրանցից մեկի հեղինակը Միլլի մեջլիսի պատգամավոր, Խոջալուի գործադիր իշխանության ղեկավար Էլման Մամեդովն է, մյուսինը՝ «Հայաստանի եւ Ադրբեջանի խաղաղության պլատֆորմի» անդամ Սյուզան Ջաղինյանը:

Մամեդովը մասնավորապես նշել է, որ մշտական պատերազմներ եւ մշտական թշնամություն գոյություն չունեն:

«Չնայած մեր պատմության մեջ տեղ գտած արյանը, տառապանքներին եւ պատերազմներին՝ ադրբեջանցի եւ հայ ժողովուրդները պետք է հաշտվեն», - ասել է Մամեդովը: Նա հիշեց նաեւ Խոջալուի ողբերգության զոհերին, սակայն նշեց, որ այդ ամենն անցյալում է եւ պետք է առաջ նայել:

«Մենք պետք է պատրաստ լինենք հայերի հետ ապրել այս հողի վրա», - եզրափակել է Մամեդովը:

Իհարկե, հաճելի է, որ հարեւան երկրում կան մարդիկ, որոնք թույլ են տալիս մեզ ապրել մեր հողի վրա, սակայն իրականում դա ցույց է տալիս հակառակը՝ թե որքան խորը արմատներ է գցել հայատյացությունը:

Սյուզան Ջաղինյանը, մարդկային կյանքերը վեր դասելով պատերազմից, նույնպես կարծում է, որ անհրաժեշտ է տեւական խաղաղություն հաստատել: Ճանապարհը, ըստ նրա, փոխզիջումներն են՝ փոխադարձ ընդունելի տարբերակը:

Եթե ռուսաստանցի գործիչների հռետորաբանության մասով ամեն ինչ պարզ է եւ հասկանալի, ապա Մամեդովի եւ Ջաղինյանի մտքերը նորություն էին վերջին շրջանում: Խաղաղության մասին հայտարարություններ ադրբեջանական կողմից հազվադեպ են լսվում: Դա թերեւս, կարելի է բացատրել երկու տարբերակով: Առաջին՝ Ալիեւը հրաժարվել է խնդրի ռազմական լուծման ճանապարհից եւ փորձում է պարարտ հող նախապատրաստել սեփական հասարակության շրջանում՝ ապագա խաղաղությունը հնարավորինս անցավ անցկացնելու համար: Այս սցենարը գործնականում գրեթե անհնար է:

Առավել հավանական է, որ նմանատիպ հայտարարություններով Ադրբեջանը փորձում է փափուկ բարձ դնել հայկական կողմի գլխի տակ՝ տպավորություն ստեղծելով, որ հրաժարվել է ռազմական նկրտումերից: Փոխվստահության մթնոլորտում այդ բլեֆը միգուցե ստացվեր, սակայն այս իրավիճակում, մանավանդ 2016 թ. ապրիլից հետո, գործնականում անհնար է համոզել հայկական կողմին, որ Ադրբեջանը ձգտում է խաղաղության:

Տպել
5132 դիտում

Երևանում թմրամոլության և ապօրինի թմրաշրջանառության մի շարք դեպքեր են բացահայտվել (տեսանյութ)

Մարտի 30-ից 11 բանկի քարտապան կարող է օգտվել կենսաթոշակի և նպաստի հետվճարի ծրագրից. որոնք են դրանք

«Երևան ավտոբուս» ընկերության տնօրենն աշխատանքից ազատման դիմում է ներկայացրել

Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում

Միաժամանակ մի քանի հոդվածով հետախուզվող տղամարդը ներկայացել է ոստիկանության բաժին

Կարեն Գիլոյանը հետևել է հեծանվուղու և մարզադպրոցի կառուցման աշխատանքներին

Գևորգ Պապոյանը Կորեայի ԱԳ փոխնախարարին ներկայացրել է «Խաղաղության խաչմերուկ» նախաձեռնությունը

Փորձ է արվել Աբու Դաբիից Հայաստան ներմուծել առանց հայտարարագրման բջջային հեռախոսներ

Ինչ թեմայի շուրջ է կենտրոնանալու Բրյուսելում ԱՄՆ-Հայաստան-ԵՄ հանդիպումը. Միլլերը մանրամասներ է հայտնել

Երբ է սպասվում դեղձենու մասսայական ծաղկումն Արարատյան դաշտում

«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին

Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է

Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ

Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում

Թթուջուր-Նավուր ավտոճանապարհը բոլոր տեսակի տրանսպորտային միջոցների համար փակ է

Լեհաստանը զորքեր կուղարկի Ֆրանսիա

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Երևանի և 2 մարզի որոշ հասցեներ մի քանի ժամով կհոսանքազրկվեն

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված