Չի բացառվում, որ Լիդիանը դիմի դատարան ներդրված գումարներն ու եկամուտները գանձելու պահանջով

Արդեն 12 օր է` Ջերմուկի եւ հարակից համայնքների բնակիչները շարունակում են փակ պահել Ամուլսարի հանք տանող բոլոր հողային ճանապարհները: Ցուցարարները պնդում են, որ Ամուլսարում հանքարդյունաբերական գործունեության ամեն օրը բնապահպանական լուրջ վտանգ է ներկայացնում եւ ցանկանում են, որ Ջերմուկում դադարեցվի հանքարդյունաբերությունը: «Լիդիան Արմենիա» ընկերությունը հերքում է բնապահպանական վտանգների հավանականությունը:

Այսօր կայացած մամուլի ասուլիսի ժամանակ «Լիդիան ինթերնեյշնլ» ընկերության իրավական խորհրդատու Արմեն Մելքումյանը ըստ էության զգուշացրեց, որ խնդրի լուծումը չստանալու դեպքում ընկերությունը եւ այլ բաժնետերեր իրավունք ունեն դիմելու ներդրումային վեճերի կարգավորման միջազգային կենտրոն` արբիտրաժային դատարան` Հայաստանում իրենց ներդրված գումարներն ու եկամուտները գանձելու պահանջով:

Հարցին՝ ի՞նչ է սպասվում, ինչո՞ւ ընդհանուր հայտարարի չեն գալիս ցուցարարների հետ եւ երեկ կառավարության շենքի դիմաց ընկերության իրականացրած բողոքի ակցիան ի՞նչ նպատակ ուներ, ընկերության իրավական խորհրդատու Արմեն Մելքումյանը պատասխանեց. «Պետք է նշել, որ կոնկրետ այս ակցիայի շրջանակներում  ընկերության 1500 աշխատող չեն կարողանում իրականացնել իրենց աշխատանքային պարտավորությունները եւ խախտվել է ընկերության ազատ տնտեսական գործունեություն իրականացնելու իրավունքը: Այս պահին ոստիկանության կողմից դրսեւորվում է ոչ բավարար գործառություններ` ճանապարհները բացելու շրջանակներում եւ ես, որպես իրավաբան, գտնում եմ, որ այս անձանց գործողություններում կան քրեական օրենսգրքով նախատեսված հանցակազմի բոլոր հատկանիշներ»:

Լրագրողների հարցին՝ կառավարության շենքի դիմաց բողոքի ակցիա իրականացնելը ինչքանո՞վ խնդրին լուծում կտա, ընկերության կայուն զարգացման գծով փոխնախագահ Արմեն Ստեփանյանը պատասխանեց. «Արդեն թվով երրորդն էր, ճանապարհների փակելը, որպես գործողություն բնակիչների կողմից, ընթացքում անընդհատ մեր աշխատակիցները ուզում էին ինչ-որ բան անել եւ մեր այդ ակցիան տեղի ունեցավ: Մենք` տնօրեններով, ղեկավարներով աջակցեցինք այդ ակցիային, որովհետեւ այդ մարդիկ էլ ունեն իրավունք՝ իրենց ձայնը հասցնել համապատասխան տեղեր եւ կոչը արվում է կառավարությանը, որովհետեւ իրականում այդ գործառույթը մեր խորին համոզմամբ կառավարության դաշտում է: Կոչ կառավարությանը` վարչապետին, որպեսզի այն հորդորը, որ հնչել էր պարոն Փաշինյանից, որ բացեն ճանապարհները եւ չխոչնդոտեն ընկերության աշխատանքներին, իրականում կյանքի կոչվի»:

Հարցին՝ կարելի՞ է ենթադրել, որ ջերմուկցիներն առանց հիմքերի, ուղղակի ճանապարհ են փակում, քանի որ ընկերության պնդմամբ հայ բնապահպաններն այցելել են տարածք եւ որեւէ խնդիր չեն տեսել, միջազգային փորձագետները նույնպես եկել են տարածք` իրենց դիրքորոշումներում փոփոխություններ են ունեցել եւ դարձյալ խնդիր չեն տեսել, Արմեն Մելքումյանը պատասխանեց.

«Եկեք ճիշտ հասկանանք եւ բոլորիս համար ընկալելի լինի, այսօր ընկերությունը պատրաստ է ցանկացած երկխոսության, բայց դա պետք է լինի առարկայական, մասնագիտական եւ դրա հիմքում լինի կողմերի` միմյանց լսելու ցանկություն: Մենք այս պահին չունենք հակառակ կողմի ցանկությունը, սա կարծիք է: «Ես գտնում եմ, որ այս հանքը պետք է փակվի եւ վերջ» սա ռադիկալ մոտեցում է, որը իրավական պետությունում առհասարակ անընդունելի է: Մենք նորից կրկնում ենք՝ հարգելի բնապահպաններ, եկեք նստենք, երկխոսենք, մենք ապացուցենք մեր տեսակետը, դուք փորձեք ապացուցել ձեր տեսակետը: Բայց այդ երկխոսությունը չի ստացվում, որովհետեւ հակառակ կողմը դրսեւորում է ուղղակի ռադիկալ մոտեցում: Ընկերությունը ասել է՝ այո, մենք ողջունում ենք այդ բարեփոխումները, եւ մենք ենք ասել՝ եկեք այդ ուսումնասիրությունները իրականցրեք, բայց ընկերության աշխատանքը պետք է վերականգնվի:

Ի վերջո, ինչո՞ւ է թվում, որ ընկերության կառավարման մարմիններում գտնվող մարդիկ ազգասեր չեն, ինչո՞ւ է թվում, որ մենք չենք մտածում բնապահպանության մասին: Եթե ընկերությունը իմանա, որ մի փոքր բնապահպանական ռիսկ կա եւ այդ բնապահպանական ռիսկը կառավարելի չի, օր առաջ կդադարեցներ այդ աշխատանքը»,- ասաց Մելքումյանը:

Հարցին՝ ինչպե՞ս է ստացվում, որ մասնագետը, ով հեռվից է ստուգում ընկերության փաստաթղթերը, ասում է՝ խնդիր կա, բայց հասնում է ընկերություն, պարզվում է, որ այդ խնդիրը չկա, ի՞նչ են ցույց տվել, որի հիման վրա մասնագետը փոխել է իր կարծիքը, Ստեփանյանը պատասխանեց. «Դա նորմալ երեւույթ է, այս մեր ներկայացրած փաստաթղթերը մի շարք միջազգային փորձաքննություններ են անցնում, ինչպես ձեզ մոտ է հարց առաջանում, ինչպես կառավարությունում է հարց առաջանում, այդպես էլ ֆինանսավորողի կողմից է հարց առաջանում, նա էլ ասում է՝ եկեք անկախ երրորդ մարմին վարձենք, որը կգա, կտեսնի այս փաստաթղթերում ներկայացված նյութերը ինչքանով են իրականությանը համապատասխանում:

Արմեն Մելքումյանի խոսքով՝ միջազգային փորձագետները նշել են, որ «Լիդիան» ընկերության աշխատանքն ամբողջությամբ համապատասխանում է միջազգային սերտիֆիկատներով ենթադրվող պայմաներին:

«Արդարությունը կվերականգնվի, խոհեմ կգտնվեն այդ մարդիկ, ոստիկանները խոհեմ կգտնվեն, եթե չէ, ապա կա միջկառավարական ընկերության ու բաժնետերերի նկատմամբ միջկառավարական երեք համաձայնագիր, որոնց համաձայն՝ Հայաստանը ստանձնել է ներդրումների պաշտպանությունը: Ընկերությունը 400 մլն դոլար է ներդրել, եթե չլինեն այդ քայլերն ու գործիքակազմը, եթե չի պաշտպանվում ներդրողը, ապա ընկերությունը եւ այլ բաժնետերերը իրավունք են ստանում դիմելու համապատասխան ներդրումային վեճերի կարգավորման միջազգային կենտրոն` արբիտրաժային դատարան, որը գտնվում է Վաշինգտոնում՝ իր ներդրված գումարներն ու եկամուտները գանձելու պահանջով: Ընկերությունն այս պահին ակնկալում է, որ ի վերջո կվերականգնվի արդարությունը: Մենք չենք ասում, որ ընկերությունը կդիմի  դատարան, բայց չենք կարող բացառել, որ որեւէ բաժնետեր կարող է դիմել»,- եզրափակեց Արմեն Մելքումյանը:

ՀԺ-ի հարցին՝ վերջին երկու ամսվա ընթացքում ընկերության բաժնետոմսերը արժեզրկվե՞լ են, ընկերության փոխնախագահ Արմեն Ստեփանյանը պատասխանեց. «Ստաբիլ է»:

Մեր դիտարկմանը, թե որքա՞ն պիտի իջնի «Լիդիան»-ի բաժնետոմսերի գինը, որ ընկերությունը սնանկանա, Մելքումյանը պատասխանեց. «Ձեր հարցում չկա ընդհանրապես տրամաբանություն: Խոսքը ընկերության սնանկության մասին չէ, խոսքը նորից եմ կրկնում Հայաստանի Հանրապետության վարկանիշի մասին է, եթե դուք, որպես քաղաքացի, դրա համար մտահոգված չեք, ցավում եմ դրա համար: Ես, որպես այս երկրում ծնված հայրենասեր եւ ոչ պակաս հայրենասեր, քան ակցիա իրականացնողները, մտահոգված եմ, դա նշանակում է, որ ՀՀ-ում չի պաշտպանվում ցանկացած տնտեսական գործունեություն, լինի դա օտարերկրյա ներդրումային կամ տեղական: Դա նշանակում է, որ ընկերությունը որեւիցե պաշտպանություն չունի, ինչը շատ վատ ազդակ է բոլորիս համար եւ յուրաքանչյուր քաղաքացի դրա համար պիտի մտահոգվենք»:

Տպել
1727 դիտում

Հայաստանի անդամակցումը ԵԱՏՄ-ին բխում է մեր պետական շահերից. Էդուարդ Շարմազանով

ՀՀ ՊՆ ռազմական ոստիկանության պետը մասնակցել է «ՆԱՏՕ-գործընկերներ» ձեւաչափով ՌՈ պետերի ամենամյա համաժողովին

Նիկոլ Փաշինյանն այցելել է Նյու Յորքի Մետրոպոլիտեն թանգարանում բացված «Արմենիա» խորագրով ցուցահանդեսին

Առաջիկա օրերին ՀՀ առանձին հատվածներում սպասվում է անձրեւ, ամպրոպ, մառախուղ, ջերմաստիճանի նվազում

Մանրամասներ ԲՀԿ–ի կաշառքի գործից. մի մասով վճարումներ են արել, մյուսով ներկայացել ոստիկաններին

Իրավապահները Աշոցք գյուղում զենք-զինամթերք են հայտնաբերել եւ առգրավել (տեսանյութ)

Ամոթ չունեցող էլ կա. Կարո Փայլանն անդրադարձել է Էրդողանի կողմից շքեղ օդանավ գնելու փաստին

Ոստիկանության զորքերի նախկին հրամանատար Լևոն Երանոսյանը հրավիրվել է Հատուկ քննչական ծառայություն

Երևանում և 6 մարզում այսօր էլեկտրաէներգիայի մինչեւ 6 ժամյա պլանային անջատումներ կլինեն

ՀՀ Արտակարգ իրավիճակների նախարարն աշխատանքային այցով ՌԴ-ում է

Մանդելայի իդեալների ճշմարիտ ոգով մեր շարժումն աշխարհին հայտնի դարձավ. վարչապետը՝ Նյու-Յորքում

Ուրախ եմ տեսնել Ձեզ, վարչապե՛տ Փաշինյան. Կանադայի վարչապետի գրառումը թվիթերում

Կստորագրվի համագործակցության նոր ծրագիր՝ ՀՀ-ի և Բուլղարիայի կառավարությունների միջև

Լավագույնս դրսևորվեց ժողովրդի բարձր քաղաքացիական գիտակցությունը. Հայ Ազգային Կոնգրեսը շնորհավորել է «Իմ քայլ»-ին

Հայաստանի պետական սիմֆոնիկ նվագախումբը նոր համերգաշրջանի մեկնարկը տալիս է նոր կարգավիճակում (տեսանյութ)

Երեւանի ավագանու արտահերթ ընտրություններում գրանցված խախտումների ամփոփագիր

ՎՏԲ Հայաստան Բանկը գործարկել է ինտերնետ էկվայրինգ ծառայություն

Քվեաթերթիկները լրացրել են քվեախցերից դուրս, խցում մի քանի անձ է եղել. «Անկախ դիտորդ»-ի եզրակացությունները

Ռոբերտ Քոչարյանը դատի է տվել Նիկոլ Փաշինյանին

ՄԱԿ-ի կենտրոնակայանում Նիկոլ Փաշինյանը հանդիպել է Ռուանդայի նախագահի հետ