Հատուցումը միլիարդների է. «Լիդիան Արմենիա» ընկերության իրավական խորհրդատու

Մի քանի օր է արդեն Ջերմուկում «Լիդիան Արմենիա» ընկերության հանքարդյունաբերության ծրագիրը դադարեցված է, քանի որ մի խումբ քաղաքացիներ բողոքի ցույցեր են իրականացնում ընկերության դեմ: «Հայկական Ժամանակ»-ը մի շարք կարեւոր հարցերի պատասխան ստացավ ընկերության կայուն զարգացման գծով փոխնախագահ Արմեն Ստեփանյանից եւ իրավական խորհրդատու Արմեն Մելքումյանից:

- Պարոն Մելքումյան, բնապահպանական առումով ձեր փաստարկներն են ավելի հզո՞ր, թե հակառակ կողմի:

- Ես առավել քան վստահ եմ, որ մեր կողմի փաստարկները առավել քան ճիշտ են եւ իրականությունից բխող, քանի որ մենք չունենք հակառակը ապացուցող մյուս կողմից բերած որեւիցե փաստարկ: Դա ընդամենը էմոցիոնալ հողի վրա արված հայտարարություններ են, բայց կոնկրետ ասում եմ՝ չկա առարկայական որեւիցե փաստաթուղթ, որը հերքում է մեր կողմից բնապահպանությանը առնչվող բոլոր փաստաթղթերը:

- Չե՞ք կարծում, որ Ամուլսարի ոսկու հանքի շահոգործումը դադարեցնելու դեպքում Հայաստանի վարկը ավելի կբարձրանա, որպես բնության պահպանությունը կարեւորող երկիր:

- Ընկերությունը որեւիցե ձեւով բնապահպանությունը արատավորելու կամ փչացնելու միտում չունի: Այսօր ուղղակի ձեզ մոտ թյուր կարծիք է ձեւավորվել, որովհետեւ անհիմն եւ սին արտահայտություններում ասվում է, որ այս ընկերության կողմից իրականացված գործունեության հետեւանքով Ջերմուկը կտուժի, փոշին կգա կնստի եւ այլն: Չկա նման բան, մենք կողմ ենք, որ այդ հայտարարությունները անող անձինք գան երկխոսության, որպեսզի հասկանան, որ իրականում այդպես չէ:

- Տարեկան որքա՞ն արտահանում պետք է լիներ եւ մոտավորապես որքա՞ն հարկ պետք է վճարեր պետբյուջե ընկերությունը:

- Մոտ 50-ից 60 մլն դոլարի հարկի մասին է խոսքը, արտահանման հետ կապված այս պահին ոչինչ չեմ կարող ասել, որովհետեւ ճշգրտված չեն իմ տվյալները:

- Ո՞ր բորսայում է գրանցված ընկերությունը:

- Ընկերության բաժնետերը` «Lydian international corporation»-ը, գրանցված է Տորոնտոյի բորսայում:

- Մենք ուսումնասիրել ենք Տորոնտոյի բորսան, ըստ այնտեղի տվյալների՝ ընկերության բաժնետոմսերն արժեզրկվել են գրեթե 70 տոկոսով:

- Դուք ասում եք 3-4 տարվա ժամանակահատվածի մասին, այլ ոչ թե երկու ամսվա: Բայց դա ոչ թե ընկերության հետ է կապված, այլ ոսկու գնի, այսինքն ընդհանուր շուկայում ոսկու գնի իջեցման հետեւանքն է, այլ ոչ թե ընկերության որոշակի գործողության կամ անգործության:

- Եթե կառավարությունը այս պահին որոշի դադարեցնել հանքի աշխատանքները, ընկերությունը որքա՞ն փոխհատուցում է պահանջելու:

- Եթե կառավարությունը ընդունի, որ չպետք է շահագործվի, ապա նման որոշում կայացնելու համար կառավարությունը պետք է ունենա բավարար փաստեր` անհերքելի եւ անվիճելի փաստեր: Եթե ընդունենք, որ 400 միլիոն դոլարից ավել ուղղակի ներդրում է կատարվել վերջին երկու տարվա ընթացքում դա նշանակում է հատուցման հարցը միլիարդների չափով է:

Որոշ հարցերի շուրջ էլ մանրամասնեց ընկերության կայուն զարգացման գծով փոխնախագահ Արմեն Ստեփանյանը:

- «Լիդիան» ընկերությունը վարկ ունի՞ հայաստանյան բանկերում:

- «Ամերիա» բանկում ունի:

- Ի՞նչ է գրավադրված վարկի դիմաց:

- Դրա պատասխանը հիմա չունեմ, կա գրավադրված բան, բայց ինչն է՝ հստակ չեմ կարող ասել:

- Տարօրինակ չե՞ք համարում, որ Զանգեզուրի պղնձամոլիբդենային կոմբինատի դեմ մինչեւ հիմա ցույցեր չեն եղել, այն դեպքում, որ այն չափերով ավելի մեծ եւ գործող հանք է: Նրանք ավելի լավ տեխնոլոգիանե՞ր են ապահովում, թե այլ խնդիր կա:

-  Այո, շատ տարօրինակ եմ համարում, իսկ ինչո՞ւ, այդ հարցի պատասխանը, ցավոք սրտի, չունեմ, հաճույքով կհրապարակեի:

- Կարծում եք, որ ձեր փաստարկներն ավելի հզո՞ր են բնապահպանական առումով, քան ակցիա իրականացնողներինը:

- Մի քանի մակարդակ ավելի հզոր են, որովհետեւ կա կոնկրետ կատարված հետազոտություն: Նրանք պարզապես առանց հետազոտություն իրականացնելու պնդում են: Նորմալ է ունենալ մտահոգություն, նորմալ է պնդել մտահոգության մասին, բայց եթե փորձագետ ես ու մասնագետ, լավ կլինի գոնե գաս եւ ծանոթանաս: Մեր պնդումը ավելի հզոր է, որովհետեւ տակը ֆունդամենտալ գիտելիք կա դրված:

- Դուք, ձեր գործադիր տնօրենը նշում եք, որ սա հրահրված է, ո՞ւր են այդտեղ փաստերը, ո՞վ է հրահրողը:

- Ձեր կարծիքով՝ հրահրված չի՞, դուք եք ինձ հարցը տալիս, թե ինչո՞ւ Քաջարանի դեպքումը չեն բողոքում, մեր դեմ բողոքում են, ձեր հարցը արդեն պնդում է այն, որ ձեզ մոտ այդ հարցն առաջանում է:

Տպել
3251 դիտում

Ռոբերտ Քոչարյանը Սիլվա Համբարձումյանից նաեւ 2 միլիոն է պահանջում. դատավորի անունը հայտնի է

Արտահերթ խորհրդարանական ընտրություններին մասնակցելու հայտ է ներկայացրել 11 քաղաքական ուժ

ՀՀ նախագահի հրամանագրով Երեւան քաղաքի առաջին ատյանի դատարանը նոր դատավոր ունի

ԲՀԿ համապետական ցուցակի առաջին տասնյակը. այն գլխավորում է Գագիկ Ծառուկյանը

ՀՅԴ համապետական ցուցակը ամբողջությամբ. այն գլխավորում է Արմեն Ռուստամյանը

6-րդ գումարման ԱԺ-ի հարցուպատասխանը եզրափակվեց փոխադարձ կոմպլիմենտներով. Փաշինյանն ու Բաբլոյանը հին օրերն էին հիշել

Վթարի ենթարկված բալետի 23-ամյա արտիստի մոտ դրական դինամիկա է նկատվում

Որոշում եմ կայացրել չմասնակցել գալիք խորհրդարանական ընտրություններին. Արգամ Աբրահամյան

Առաջին համարը Վարուժան Ավետիսյանն է. «Սասնա Ծռեր»-ը ներկայացնում է առաջին 33 համարները

Մարտուն Գրիգորյանը չի մասնակցի խորհրդարանական արտահերթ ընտրություններին

ԿԳ փոխնախարարը պատասխանել է ՀՊՏՀ-ի ուսանողների բաց նամակին

Նախկին ԱԺ-ի դեպքում մտքիս ծայրով չէի անցկացնի գործել այնտեղ. Արսեն Ջուլֆալակյան

Նորաստեղծ «Քաղաքացու որոշում» սոցիալ-դեմոկրատական կուսակցության նախընտրական ցուցակի առաջին տասնյակը

Ներողն ո՞վ է՝ Նիկոլ Փաշինյան կոչեցյա՞լը. թքած ունեմ համաներման վրա. «Սասնա ծռեր» խմբի անդամ Սմբատ Բարսեղյան

Էդմոն Մարուքյան, Մանե Թանդիլյան, Արման Բաբաջանյան եւ այլք. «Լուսավոր Հայաստան»-ի տասնյակը

Գյումրու թիվ 18 դպրոցը չի ջեռուցվում. ծնողները խոստանում են բողոքի ցույց անել

Եթե արտագաղթեմ՝ կգտնվեն հայ լրագրողներ, ովքեր կասեն ՝ չե՞ք կարծում, որ ԽԾԲ-ի շնորհիվ եք վիզա ստացել. պատգամավոր

Բերեզովսկու, Ռոհնի և Հայաստանի պետական սիմֆոնիկ նվագախմբի համատեղ համերգով ամփոփվեց Խաչատրյանի 6-րդ միջազգային փառատոնը

Ժողովրդին համազգային «ղումարբազության» մեջ ներքաշելը անարգանք է. տոտոների եւ վիվառոների հարցն՝ ԱԺ-ում

Հրաժարական է տվել Իսրայելում ադրբեջանցիների հիմնական լոբբիստը․ պատմական պահ է ՀՀ-ի համար