Մարտի 1-ի գործով մեղադրյալ Միքայել Հարությունյանը բացակայում է երկրից. ՀՔԾ պետ

ՀՀ պաշտպանության նախկին նախարար, Մարտի 1-ի գործով որպես մեղադրյալ ներգրավված Միքայել Հարությունյանը բացակայում է երկրից:

Այս մասին Կառավարության նիստից առաջ մեր հարցին ի պատասխան ասաց ՀՀ հատուկ քննչական ծառայության պետ Սասուն Խաչատրյանը: Նա ասաց, որ ծանուցում ուղարկվել է Հարությունյանին, սակայն նա չի ներկայացել, ապա ներգրավվել է որպես մեղադրյալ եւ նրա նկատմամբ հետախուզում է հայտարարվել:

Խաչատրյանը նաեւ նշեց, որ Ռոբերտ Քոչարյանը Մարտի 1-ի գործով հարցաքննության է հրավիրվել առայժմ վկայի կարգավիճակով: Մեր դիտարկմանը, որ Քոչարյանը երկրից բացակայում է, այս մասով մտավախություն չկա՞, եւ եթե նա չներկայանա, որո՞նք են լինելու նախաքննական մարմնի գործողությունները, Խաչատրյանը պատասխանեց. «Ես չեմ կարող գաղտնազերծել մեր գործողությունների հաջորդականությունը՝ քննչական տակտիկայի պատճառով: Մեր մյուս հարցին՝ ՀՀ նախկին ոստիկանապետ Հայկ Հարությունյանը, ՀՀ ներքին զորքերի նախկին հրամանատար Գրիգոր Գրիգորյանը, ՀՀ արտաքին գործերի նախկին նախարար Վարդան Օսկանյանը, Սերժ Սարգսյանը հրավիրվե՞լ են հարցաքննության, ՀՔԾ պետն ասաց. «Հրավիրվել են բոլոր այն անձինք, ովքեր կարող են որեւէ տվյալ հայտնել Մարտի 1-ի գործի հետ կապված, որեւէ կաշկանդվածություն՝ կապված անունների հետ, զբաղեցրած պաշտոնների հետ չկա եւ հուսով եմ՝ դուք արդեն իսկ համոզվել եք դրանում»:

Ինչ վերաբերում է ՀՀ պաշտպանության նախկին նախարար, Մարտի 1-ին ՀՀ ԶՈՒ գլխավոր շտաբի պետի պաշտոնը զբաղեցնող Սեյրան Օհանյանին, ապա Սասուն Խաչատրյանն ասաց, որ նա գործով հարցաքննվել է վկայի կարգավիճակով:

Մեր դիտարկմանը, որ քննարկումների առիթ է դարձել այն, որ Միքայել Հարությունյանը որպես մեղադրյալ է ներգրավվել այն հոդվածով, որ 2008-ին գոյություն չի ունեցել, արդյո՞ք դա վրիպակ է, ՀՔԾ պետը պարզաբանեց. «Ոչ, դա չի կարող վրիպակ լինել այսպիսի լուրջ գործով: Սահմանադրական կարգի տապալումը քրեորեն հետապնդելի է եղել նաեւ 2008 թվականին, պարզապես այն նախատեսված է եղել մեկ այլ հոդվածով: Հոդված 300-ը (պետական իշխանությունը յուրացնելը) 2008 թվականի մարտի 1-ի դրությամբ գործող այս հոդվածով, որպես հանցակազմը բնորոշող հանգամանք դիսպոզիցան սահմանել է նաեւ ՀՀ սահմանադրական կարգը բռնությամբ տապալելուն ուղղված գործողությունները, այսինքն՝ այս գործողությունն այն ժամանակ նախատեսված է եղել որպես հանցագործություն, ընդամենը նախատեսված է եղել 300 հոդվածով: Խնդիրը հետեւյալն է, որ նույն արարքը 300 հոդվածով ընդամենը բաղդատվել է հոդվածը եւ նախատեսվել է այդ նույն հոդվածը 300.1-ով՝ սահմանադրական կարգը տապալելով:

Լրագրողների դիտարկմանը՝ ինչպե՞ս Սեյրան Օհանյանը կարող էր չիմանալ 0038 գաղտնի հրամանի մասին, Խաչատրյանը պատասխանեց. «Ես այս պահին չեմ ցանկանում նախաքննության գաղտնիք հրապարակել եւ չեմ ցանկանում նաեւ մեր հետագա քայլերի մասին խոսել: Մեկ շաբաթ առաջ խոսք տվեցի ձեզ այն ինչ կատարվում է քրեական գործով, կհրապարակվեն տվյալները այն ծավալով, որը չի վնասի քննությանը»: Մյուս հարցին՝ մտավախություն ձեր, ձեր ընտանիքի անվտանգության հետ կապված չունե՞ք, Խաչատրյանը բացասական պատասխան տվեց, ապա հավելեց. «Ես չունեմ, եթե ամբողջ թիմը ազնիվ է եւ աշխատում է կոռուպցիան արմատախիլ անելու, հանցագործությունները բացահայտելու ուղղությամբ, ապա այդ թիմի մի անդամին շարքից հանելը որեւէ էֆեկտի չի կարող հանգեցնել, դա իմ համոզմունքն է:»

Մեր դիտարկմանը, որ ըստ Մարտի 1-ի Փաստահավաք խմբի ներկայացրած փաստաթղթի՝ Մարտի 1-ին բարձրաստիճան պաշտոնյաների թիկնազորին ՀՀ ՊՆ թիկունքի ծառայության պահեստից զինվորական կոստյումներ են տրամադրվել, ՀՔԾ պետն ասաց՝ այդ վարկածը ստուգվում է:

Տպել
3353 դիտում

Փաշինյանը իրականացրել է նախընտրական քարոզչություն` աշխատանքային ժամին. ՀՀԿ շտաբ

Վթար Կիևյան և Մոնթե Մելքոնյան փողոցների խաչմերուկում, բախվել է 5 մեքենա. կան տուժածներ

ԼՂ հակամարտությունում մարդկանց իրավունքներն ու անվտանգությունը առաջնահերթություններ են. ԱԳ նախարար

Դավիթ Տոնոյանը ժամանել է Քեմփ Մարմալ ռազմաբազա, որտեղ ծառայում են հայ խաղաղապահները

Պեկինում տեղի է ունեցել «Նոր Հայաստանը եւ նրա տարածաշրջանային կարեւորությունը» թեմայով գիտաժողով

Եռագույն փողկապն աղքատությունն ու արտագաղթը չի վերացնում, գնաճը շարունակվում է. Շարմազանովը՝ վարչապետին

Նոյեմբերի 20-ի դրությամբ համաներմամբ ազատ է արձակվել 501 դատապարտյալ

Եւ մի տանիր զմեզ ի փորձություն ...

Տեղի կունենա մոմավառություն՝ ի հիշատակ բալետի արտիստ Վահագն Մարգարյանի

Քրտնաջան և թափանցիկ աշխատանքի ակնկալիքով. քաղաքապետը ներկայացրել է Քանաքեռ-Զեյթունի նոր ղեկավարին

էրեբունու զանգվածային անկարգությունների գործով ինքնակամ ներկայացած անձը Մասիսի սպորտդպրոցի տնօրենն է

Ոստիկանները Շենգենյան վիզայի կեղծման դեպք են բացահայտել. վիզան 6500 եվրո է արժեցել (տեսանյութ)

Ժողովուրդ ջան, հավատացե՛ք Նիկոլ Փաշինյանին, քանի դեռ ինքը հակառակը չի ապացուցել. Արփինե Հովհաննիսյան

Երևանի քաղաքապետը խոստացել է օգնել նախադպրոցական կրթության մոդելի կիրառման հարցում

Երևանի հ. 48 մանկապարտեզի տնօրենը կարգապահական տույժի է ենթարկվել (լուսանկար)

Վերսկսվել է «Բերդ» բնակելի շենքի կառուցապատումը

Ողբերգական վթարից մահացած Հրանտ Գասպարյանի ծնողները խնդրում են կրտսեր որդուն վաղաժամկետ զորացրել

Մոլորված ու Ադրբեջանում հայտնված Կ. Ղազարյանին դատարանում ահաբեկիչ են որակել (լուսանկարներ)

ՎՏԲ-Հայաստան Բանկը և «ՌԵՍՈ» ընկերությունը առաջարկում են իրենց հաճախորդներին «Ապահով հանգիստ» ապահովագրական փաթեթը

Մեղադրանքները Կ. Հարությունյանի հիվանդ երեւակայության արդյունքն են. ԱԺ-ն պատասխանում է աշխատակցի բողոքին