Հանրակացարանի փախստականները բողոքում են. իսկ տնօրենն ասում, որ նրանք ապերախտներ են

Նորք-Մարաշ համայնքում գործող «Նաիրի» հյուրանոցին անմիջապես կից հանրակացարանի շենքում շուրջ 64 փախստական ընտանիք է ապրում:

1988-ից, 1990-ականներին Ադրբեջանից բռնագաղթած եւ հանրակացարանում ապաստան գտած փախստականներին բնակարաններով ապահովելու համար պետությունը գումար չի հատկացրել: Բազմաթիվ ընտանիքներ 30 տարի է՝ սպասում են իրենց բնակարանին: Այդ ընտանիքներն Արմենակյան 121/7 հասցեում տեղավորվել են սումգայիթյան ջարդերի եւ Արցախյան պատերազմի հետեւանքով տեղահանվելուց ու Հայաստան տեղափոխվելուց ի վեր:

1-ից 4 հոգանոց ընտանիքները 30 տարի է՝ ապրում են 12-15 քմ տարածք զբաղեցնող սենյակներում: Սերունդ է փոխվել, այն ժամանակ երիտասարդ կանայք ու տղամարդիկ այսօր արդեն ծերացել են, նրանցից ոմանք հաշմանդամության խնդիր ունեն, աշխատել չեն կարողանում եւ միակ հույսը թոշակներն ու պետության կողմից հատկացվող նպաստներն են:

Այստեղ ապրող կանայք առանձնապես շատ բան չեն երազում՝ երազում են խոհանոց ունենալ եւ 30 տարվա մեջ գոնե մեկ անգամ նորմալ պայմաններում ընտանիքի համար կերակուր պատրաստել: Բոլորի բնակարաններում խոհանոցը, հյուրասենյակն ու ննջարանը մեկ սենյակի մեջ են: Լոգարան չունեն, զուգարանի մի հատվածում են լողանում՝ ջուրը տաքացնելով էլեկտրական սալիկի վրա:

«Մեր կյանքի կեսը անցել է այստեղ, ո՛չ ջուր ունենք, ո՛չ էլ նորմալ պայման, ջուրը երկու ժամ է՝ առավոտը 8-ից մինչեւ 9-ը, երեկոյան էլ նույն ժամով՝ 8-ից մինչեւ 9-ը: Վերեւի հարկերը դժվար է բարձրանում, շատ հաճախ դա էլ չենք ունենում»,- մեր զրույցում ասաց տիկին Ռիտան:

Լուսանկարում՝ աջից երկրորդը՝ տիկին Ռիտան

Բնակիչներից Լաուրա Անանյանը պատմեց, որ Հայաստան տեղափոխվել է 1988 թվականից. «Մինչեւ հիմա այս պայմաններում մայրս էր հետս ապրում, երկու երեխաներս էին ապրում, մեծացան երեխաներս գնացին, չդիմացան էս կյանքին ու անհույս վիճակին, մայրս էլ մահացավ, հիմա միայնակ եմ»: 

Լուսանկարում ՝ աջից երկրորդը՝ Լաուրա Անանյան

«Բնակարաններ կան, որ 4 հոգով են ապրում, ո՛չ խոհանոց կա, ո՛չ էլ որեւէ հարմարություն»,- ասաց Էվելինա Աղաբեկյանը: «30 տարի է՝ այս հյուրանոցում ենք, ոչ մի պայման չունենք, միակ հույսը 29 հազար նպաստն է:

Հյուրանոցի բնակիչներից Ռաիսա Ակոպովնան ասաց, որ «Նաիրի» հյուրանոցն ու հարակից տարածքը 2010 թվականին առք ու վաճառքի են ենթարկել՝ փախստականներին դիտարկելով որպես գույք: «Գույքի տեղ մեզ էլ են առել, առք ու վաճառք են անում: Հիմա վազքի մեջ են, սրանք էլ են ՀՀԿ-ականներ, կռիսի նման այս ու այն կողմ են վազում, որ գռփածներից ինչ կարողանան՝ պահեն»,- ասաց Ռաիսա Ակոպովնան:

Լուսանկարում՝ Ռաիսա Ակոպովնան

Ընդգծեց, որ հանրակացարանի տիրոջ՝ Հարություն Սիմոնյանի որդին՝  Հակոբը Սիմոնյանը, իրեն դրել է Մանվել Գրիգորյանի տեղը. աջ ու ձախ կարգադրություններ է անում ու բնակիչներին ճնշում: Փախստականները իրավունք չունեն իրենց տարածքի կողքը ավտոմեքենա կանգնեցնել կամ ազատ ելումուտ անել:

Հանրակացարանի բնակիչներն ասում են՝ երբ նոր են տեղափոխվել այդտեղ, սկզբում մեկ անձի համար ամսական վճարել են 800 դրամ, հետո 1000 դրամ, ապա 2000, որն էլ այս տարի ավելացրել են, դարձրել 3000: Այժմ ամեն մի շնչին հասնում է 3000 դրամ, եւ կան ընտանիքներ, որոնք 4-5 հոգով ապրում են մեկ սենյականոց այդ փոքրիկ բնակարաններում: Մինչդեռ «Փախստականների կոմիտե»-ն գումար է փոխանցել, որպեսզի կոմունալ հարցերը կարգավորվեն:

«Մեր տնօրենը հանրակացարանի կողքի նոր շենքը, որ սարքել էր տղայի համար, լվացքատուն չկար, եւ երկար տարիներ պարկերով ինչ-որ հագուստներ էին բերում այստեղ, լվացվում արդուկվում, տանում էին: Ապա 8 միլիոն 4 հարյուր հազար տուգանել էին Հակոբ Սիմոնյանին՝ ջրաչափը պլոմբելու համար, որի կեսը մեր վզից հանեցին»,-պատմեց Ռաիսա Ակոպովնան: Բնակիչների պնդմամբ՝ տուգանվելուց անմիջապես հետո վարձը թանկացրել են:

Բնակիչները երազում են մի փոքրիկ հողատարածք ունենալ, նրանցից ոմանք համաձայն են անգամ գյուղերում ապրել, միայն թե դուրս գան այդ «խցերից»:

Հանրակացարանի խնդիրների, բնակիչների բողոքների շուրջ ՀԺ-ն զրուցեց հանրակացարանի տնօրեն Հովհաննես Սիմոնյանի հետ: Վերջինս ասաց, որ իր հանրակացարանը հանրապետությունում միակն է, որ պետական չլինելով՝ ընդունել է նախկինում 350 փախստական՝ Ադրբեջանից եւ Արցախից: «Պատկերացրեք՝ 30 տարի պահել ենք այդ մարդկանց եւ պետության կողմից որեւէ օժանդակություն չենք ստացել, միայն ստացել ենք 5 հաստիք, որով պահում ենք երեք պահակ, մեկ էլեկտրիկ եւ մեկ հավաքարար»,- ասաց նա:

Մեր դիտարկմանը, թե հանրակացարանում սարսափելի վատ պայմաններ են, պարոն Սիմոնյանն ասաց. «Նման հրաշք հանրակացարան դուք որեւէ մի տեղ չեք տեսնի, վերելակ կա, երկու ժամով ջուր կա, որն անխնա օգտագործում են այդ մարդիկ»:

Սիմոնյանը հերքեց, որ Փախստականների կոմիտեն շենքի բնակիչների համար հատկացնում է կոմունալ ծախսերի գինը: Ասաց, որ շենքն էլ 50 տարվա շենք է, արդեն շարքից դուրս է եկել: Հարցին՝ իսկ ինչո՞ւ հաշվիչներ չկան, պատասխանեց. «Իրենք էլ են ասում, որ ջրաչափեր լինի, բայց դե որտե՞ղից բերեմ»:

Մեր դիտարկմանը, թե բնակիչների պնդմամբ՝ վարձավճարը թանկացել է, երբ իրենց 8 միլիոն 400 հազար դրամ տուգանել են, Սիմոնյանը ժխտեց, ավելացրեց, որ տուգանքը 4 միլիոն է. «Մեզ անհիմն «Վեոլիա Ջուր»-ը տուգանել է, որեւիցէ ամիս չի եղել, որ չվճարենք: Հիմա գործը դատարանում է»:

Հովհաննես Սիմոնյանի կարծիքով՝ բնակիչները բարեկեցիկ կյանքով են ապրում եւ բողոքելու տեղ չունեն, իսկ իր արածը չեն գնահատում: «Այդ շենքում մի 8-10 հոգի մարդկանց խումբ կա, որ պարզապես ապերախտներ են: Իրենց միայն գրությամբ ընդունել եմ, տեղ եմ տվել, բարեգործություն եմ արել: 80-ն անց մարդկանցից գումար էլ չեմ վերցնում»,- ասաց Սիմոնյանը:

Տպել
4608 դիտում

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում

ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան

Ահաբեկիչները հոգեմետ նյութերի ազդեցության տա՞կ են եղել. նոր մանրամասներ «Crocus»-ի ահաբեկչության գործից