Ինչու են ՊՆ-ում գնդապետին հանել ցուցակից եւ վերջինիս անձնական գործերն ուղարկել ԱԻՆ

2005 թվականի մարտի 22-ից թոշակի անցած գնդապետ Հարություն Կարապետյանը բողոքում է, որ ՀՀ զինվորական կոմիսարիատը ցուցաբերել է կամայական մոտեցում եւ օրենքով իրեն հասանելիք կենսաթոշակը վճարվում է ոչ թե պաշտպանության նախարարության սոցիալական վարչությունից, այլ ԱԻՆ-ից: ՊՆ-ում քաղաքացին ստանում էր 176 հազար ՀՀ դրամ, իսկ ԱԻՆ-ում ստանում է 143 հազար դրամ:

Հարություն Կարապետյանը հայտնում է, որ երբ 2005 թվականից անցել է երկարամյա կենսաթոշակի՝ մինչեւ 2013 թվականը վճարումը կատարել է ՀՀ պաշտպանության նախարարությունը: Այնուհետեւ, 2013-ին տեղափոխվել է Ռուսաստանի Դաշնություն եւ մինչեւ 2016 թվականը քաղաքացուն թոշակ է տրամադրել ՌԴ-ն:

Երկրից Հարություն Կարապետյանի 3-ամյա բացակայությունն աշխատել է ի վնաս իրեն: 2017 թվականին քաղաքացի Կարապետյանը վերադարձել է ՀՀ եւ նույն թվականի հոկտեմբերին ՀՀ ԱԻ նախարարությունից են նրա համար թոշակ նշանակել:

«ՀՀ զինվորական կոմիսարիատը, խախտելով «Զինծառայողների եւ նրանց ընտանիքների անդամների սոցիալական ապահովման մասին օրենքի 10-րդ հոդվածի պահանջները, ինձ զրկել է թոշակից: Նա իրավունք չուներ իմ անձնական երկարամյա կենսաթոշակի գործն ուղարկել ՀՀ ԱԻ նախարարություն»,- մեզ հետ զրույցում ասաց Հարություն Կարապետյանը:

Նշեց, որ ԱԻ նախարարությունը եւս խախտում է թույլ տվել իր նկատմամբ՝ անտեսելով, որ 2006 թվականից նշանակված է եղել իր կենսաթոշակը, որը չեղյալ է համարվել եւ 2017 թվականին վերանշանակվել:

Քաղաքացի Կարապետյանը պահանջում է անվավեր ճանաչել 2017 թվականին ԱԻՆ-ի կողմից երկարամյա ծառայության համար զինվորական կենսաթոշակ նշանակելու որոշումը եւ վերջինիս երկարամյա կենսաթոշակի գործը վերադարձնել ՀՀ ՊՆ զինվորական կոմիսարիատ:

ԱԻՆ-ի լրատվության եւ հասարակայնության հետ կապերի վարչությունից մեզ հայտնում են, որ արտակարգ իրավիճակների վարչության համակարգում 2005 թվականին նշանակված Հարություն Կարապետյանի կենսաթոշակը ՊՆ-ում դադարեցվել է ՌԴ տեղափոխվելու կապակցությամբ՝ ՀՀ օրենսդրությամբ սահմանված կարգով:

Նաեւ հայտնում, որ «Պետական կենսաթոշակների մասին» ՀՀ օրենքի 41-րդ հոդվածի 3-րդ մասի 3.2-րդ կետի համաձայն՝ կենսաթոշակ ստանալու իրավունքը դադարեցնելուց հետո, կենսաթոշակ ստանալու իրավունքը չի վերականգնվում: Անձին կենսաթոշակ է նշանակվում գրավոր դիմումի եւ կենսաթոշակի գործում առկա կամ դիմումի հետ ներկայացված փաստաթղթերի հիման վրա:

ԱԻՆ-ից տեղեկացնում են, որ ՀՀ պաշտպանության նախարարության կենսաթոշակ նշանակող ստորաբաժանում Հարություն Կարապետյանի կողմից կենսաթոշակ նշանակելու համար դիմում է ներկայացվել 2017 թվականի մարտի 28-ին: Սակայն կենսաթոշակի գործը Զինվորական կոմիսարիատում Ռուսաստանի Դաշնությունից ստացվել է 2017 թվականի հուլիսի 21-ին, այսինքն՝ չորս ամիս անց: ՀՀ ԱԻՆ է փոխանցվել՝ դարձյալ երկու ամիս ուշացումով՝ 2017 թվականի սեպտեմբերի 8-ին, իսկ կենսաթոշակ նշանակող ստորաբաժանում՝ եւս մեկ ամիս անց՝ հոկտեմբերի 10-ին:

Ինչ վերաբերում է Հարություն Կարապետյանին ՀՀ ԱԻՆ-ի կողմից նշանակված կենսաթոշակի չափին, նշում են, որ այն հաշվարկվել է ՀՀ տարածքային կառավարման եւ արտակարգ իրավիճակների նախարարի հրամանի եւ սահմանված օրենքի համաձայն, ըստ որի՝ քաղաքացի Կարապետյանի կենսաթոշակի չափը կազմում է 138 հազար 840 դրամ, որպես մարտական գործողությունների մասնակից՝ պարգեւավճար 5000 դրամ (ընդամենը՝ 143.840 դրամ):

Հարություն Կարապետյանի երկարամյա կենսաթոշակը ՊՆ-ից ԱԻՆ տեղափոխելու եւ դրդապատճառներն այդպես էլ չկարողացանք պարզել, քանի որ ՀՀ պաշտպանության նախարարություն ուղարկված մեր գրավոր հարցումն անպատասխան մնաց:

Տպել
2447 դիտում

Բակո Սահակյանը Փարիզում հանդիպել է Ֆրանսիա-Արցախ բարեկամության շրջանակի անդամների հետ

Սամբոյի աշխարհի առաջնությունում հայաստանցի սամբիստները նվաճեցին երեք մեդալ

Իտալիայի Ազգային հետազոտությունների խորհրդի նախագահը հետաքրքրված է ՀՀ նախագահի քվանտային տեսությամբ

ՀՀԿ-ն գալիս է որպես ընդդիմություն՝ ունենալով Արցախի անվտանգ ապագան իր օրակարգի 1-ին կետ. Վ. Սարգսյան

Ձյան ու մերկասառույցի պատճառով արդեն ահազանգեր կան, մեքենա է արգելափակվել. ԱԻՆ

Հայաստանում ձյուն է տեղում, դժվարանցանելի են Դիլիջանի ոլորանները, որոշ տեղերում մառախուղ է, մերկասառույց

Արարատի աղբավայրից վտանգավոր արտանետումներ այլևս չեն լինի, աղբը թաղել են, մի մասը՝ մշակել

«Արզնի կաթ»-ը հերքում է բուսական յուղի մասին հրապարակումը. սեփական կովերի կաթն է օգտագործում

Հոգեկան խնդիրներ ունեցող հարևանուհու պատճառով տունը մոխրակույտի է վերածվել. տանտիրուհին օգնություն է խնդրում

Սոցիալ Դեմոկրատ Հնչակյան կուսակցությունը չի մասնակցի ընտրություններին. գաղափարական սկզբունքի խնդիր է

Քրեական գործեր՝ հոգեբուժարաններում արձանագրված խախտումների վերաբերյալ

«Քաղաքացու որոշում» ՍԴԿ-ն հրապարակել է ցուցակի առաջին 31 թեկնածուների անունները

Վարորդներին խորհուրդ է տրվում երթեւեկել ձմեռային անվադողերով

Ես կլինեմ ՀՀԿ-ի կենտրոնական հարձակվողը. Մենուա Հարությունյան

Դեկտեմբերին արտահերթ ընտրություններ կլինեն նաեւ Ուրցաձորում, համայնքի ղեկավար են ընտրելու

«Ազգային Առաջընթաց» կուսակցության ցուցակը կին է գլխավորում

Գլխավոր դատախազությունը կարճել է Հայաստանում Քևին Օքսուզի դեմ հարուցված քրեական գործը

Գողություն Աբովյան փողոցի սրճարաններից մեկում. որոնվում է տեսապատկերված անձը (տեսանյութ)

ՀՀ գյուղատնտեսության նախարարի պաշտոնակատար Գեղամ Գևորգյանն այցելել է «Սպայկա» ընկերություն

Դատախազությունը նոր երևան եկած հանգամանքով վերանայման վարույթ կսկսի. Մարտի 1-ի գործով նախկին փոխոստիկանապետը փոշմանել է