«Լիդիան»-ի ներկայացուցիչն ու Ամուլսարի շահագործման դեմ պայքարող քաղաքացին բանավիճում են

Փաշինյանը Ջերմուկի բնակիչների, «Լիդիան»-ի ներկայացուցիչների եւ հանքի շահագործման դեմ պայքարողների հետ հանդիպման ժամանակ առաջարկեց կենտրոնանալ իր ասած երկու ֆունդամենտալ հարցերի վրա՝ Ջերմուկին վնաս հասնելո՞ւ է՝ որպես առողջարանային կենտրոն, եւ ջուրը աղտոտվելո՞ւ է, թե՞ ոչ:

Թեպետ ներկաները, մասնավորապես՝ բնապահպանները, առաջարկում էին հաշվի առնել այլ հարցեր եւս, վարչապետը խնդրեց չշեղվել վերը նշված հարցերից.

«Ես առաջարկում եմ մնալ այդ երկու հարցերի շրջանակում, մնացած հարցերը շեղում են մեզ այդ ֆունդամենտալ հարցերի պատասխանները գտնելուց: Որովհետեւ իմ կարծիքը՝ որպես ՀՀ վարչապետ, պետք է ձեւավորվի այս երկու հարցերի փորձագիտական, հիմնավորված եւ ապացուցված կարծիքի վրա, քանի որ ամեն որոշում ունի իր գինը: Սա մեր դիրքորոշումն է»,- ասաց վարչապետը:

Փաշինյանն առաջարկեց եռակողմ մեխանիզմ ստեղծել՝ այդ հարցերի պատասխանը գտնելու համար:

«Դուք շատ ճիշտ բան ասացիք, որ «Լիդիան»-ի դեմ չեք պայքարում, այլ հանքի շահագործման դեմ: Բայց թույլ տվեք ես ձեր կողմից ավելի խորացնեմ ձեւակերպումը՝ դուք պայքարում եք հանքի շահագործման հնարավոր նեգատիվ հետեւանքների դեմ»,-վարչապետն ասաց բնապահպաններին, ինչին ի պատասխան վերջիններս դիտարկում արեցին՝ «հանքի շահագործման դեմ»:

«Ընդհանրապե՞ս շահագործման: Հիմա ես առաջարկում եմ ստեղծել մի մեխանիզմ՝ էս երկու հարցի համատեղ պատասխանը գտնելու համար: Որովհետեւ ձեր գտած պատասխանը ձեր պատասխանն է, «Լիդիան»-ի գտած պատասխանը «Լիդիան»-ի պատասխանն է, կառավարության պատասխանը կառավարության գտած պատասխանն է»,- ասաց վարչապետը:

Ներկաները հանդես եկան ելույթներով: Ջերմուկ համայնքի բնակիչ Կորյուն Ստեփանյանն առաջարկեց առաջին հերթին ստուգել հանքի շահագործման թույլտվության իրավականությունը: Վարչապետն ասաց, որ կառավարությունը պատշաճ կերպով կճշտի:

«Լիդիան Արմենիա» ընկերության ներկայացուցիչ Արմեն Ստեփանյանն անդրադարձավ Կորյուն Ստեփանյանի բարձրաձայնած հարցին, սակայն նրա խոսքի ժամանակ բնակիչներն ու բնապահպանները սկսեցին զուգահեռաբար խոսել ու չհամաձայնել՝ պնդելով, թե «Լիդիան»-ի ներկայացուցիչը ստում է, որ նույն այդ դահլիճում քննարկումներ են եղել եւ այլն:

Կորյուն Ստեփանյանն ասաց, որ «Լիդիան»-ի կատարած հետազոտությունները անցկացվել են հստակ մեթոդաբանությամբ: Վերջինս առաջարկեց, որ եթե հետազոտողների նոր խումբ ձեւավորվի, ապա այդ խմբում ներգրավված լինեն հավասարակշռված փորձագետներ, այլ ոչ թե մարդիկ, ովքեր տարիներ շարունակ զբաղվել են միայն քննադատությամբ, ըստ էության, ակնարկելով ներկա քաղաքացիներին, բնապահպաններին:

Տպել
1570 դիտում

Վերին Լարս տանող ճանապարհահատվածը բացվել է մարդատար ավտոմեքենաների համար. դեսպանություն

Առաջիկա օրերին տեղումներ չեն սպասվում, օդի ջերմաստիճանն էապես չի փոխվի

Ես աշխատող, գործ անող պատգամավոր եմ. Նաիրա Զոհրաբյանը Սյունիքում է, շրջում է գյուղերում (տեսանյութ)

ՀՀ նախագահը իտալական ռազմաարդյունաբերական ընկերության ղեկավարի հետ քննարկել է համագործակցության հնարավորությունը

Հրդեհ բնակարանում, կա տուժած. հայտարարվել է բարդության ԲԻՍ-1 աստիճան

Հանդիպել են Հայաստանի և Իտալիայի նախագահները

Հրադադարի պահպանման ռեժիմն այս շաբաթ խախտվել է 80 անգամ, արձակվել է 700 կրակոց

Կադաստրի գրասենյակները Երևանում կաշխատեն նաև շաբաթ-կիրակի, մարզերում՝ առանց ընդմիջման

Գյուղերում տուն կառուցելու համար նոր փոխառություն կտրվի. խորհրդակցություն Կարմիր շուկայում

Ստեփանծմինդա–Լարս ավտոճանապարհը փակ է. ռուսական կողմում կա 435 բեռնատար և 172 մարդատար ավտոմեքենա

Թուրքիայում Աթաթուրքի արձանը պղծելու համար պատանիներ են ձերբակալվել

Լարսում խցանման մեջ հայտնված վարորդների համար սնունդ, տաք ջուր, դեղորայք է ապահովվել. Փամբուխչյան

Ամենայն Հայոց Կաթողիկոսի ձեռամբ օծվեց Նովոսիբիրսկի նորակառույց եկեղեցին

Գոռ Վարդանյանն այդ օրը փրկել է ինձ. Մարինա Խաչատրյանը՝ քաղաքապետարանի հայտնի միջադեպի մասին

Լարսը շարունակում է փակ մնալ. ռուսական կողմում 400 մարդատար և 150 բեռնատար ավտոմեքենա է մնացել

Գյումրիում ավտոլվացման կետ է այրվել. մեկ մարդ հոսպիտալացվել է տարբեր աստիճանի այրվածքներով

Մարուքյան, Թանդիլյան, Բաբաջանյան, Գորգիսյան. «Լուսավոր Հայաստան»-ի 157 հոգանոց համամասնական ցուցակը

Շոկային սկիզբը, Յուրայի պոկերը ու ՀՀ ֆուտբոլի հավաքականի ջախջախիչ հաղթանակը

Ծեծկռտուք Արտաշատի զինկոմիսարիատում. ըստ քաղաքացու ահազանգի՝ կապիտանը կոտրել է իր քիթը

Պարզաբանումներ եմ պահանջելու Բելառուսի ու Ղազախստանի նախագահներից. Փաշինյանը՝ ՀԱՊԿ նիստի զարգացումների մասին