ԲՀԿ-ն առաջարկում է 300 հոգանոց ընտրացուցակ ունենալ, որի ամեն 6-րդը կլինի մարզի թեկնածու

Ծառուկյան խմբակցությունն առաջարկում է արտահերթ ընտրություններն անցկացնել պարզ, հարյուր տոկոս փակ համամասնական ընտրակարգի միջոցով: Այս մասին ասաց խմբակցության պատգամավոր Սերգեյ Բագրատյանը՝ ներկայացնելով ԲՀԿ-ի ԸՕ-ի փոփոխությունների տարբերակը: Այնուհետ, նա նշեց, որ այսպիսով ԱԺ ընտրությունները չեն անձնավորվի: Նշենք, որ փակ համամասնական ընտրակարգն իրենից ենթադրում է այն, որ ընտրությունների ժամանակ քաղաքացին միայն ընտրում է կուսակցությունը:

«Սրա հետեւանքով ընտրողին հնարավորություն կտրվի անկաշկանդ ընտրություն կատարել իր նախընտրած կուսակցությունների միջեւ»,- ասաց նա եւ խոսեց մարզերից պատգամավորական թեկնածուների ընդգրկվածության խնդրի մասին:

ԲՀԿ-ն այս խնդրի լուծումը տեսնում է հետեւյալ կերպ, որ մարզերից կուսակցությունների համապետական ցուցակում յուրաքանչյուր 6-րդ թեկնածուն պետք է լինի հանրապետության որեւէ մարզից: Բագրատյանի խոսքով՝ այդ թեկնածուները պետք է վերջին հինգ տարում գրանցված եւ ապրած լինի տվյալ մարզում:

Հարցին, եթե մարզից ընտրված պատգամավորը այս պարագայում հրաժարվում է իր մանդատից ի՞նչ լուծում է տրվում, Բագրատյանը պատասխանեց.

«Եթե բոլորը հրաժարվում են, ապա գալիս են համամասնական ցուցակից»,- նշեց նա, իսկ ՀՅԴ-ից արձանագրեցին՝ այսինքն, մարզերից կրկին ներկայացուցիչներ չենք ունենում:

«Տեսեք, Լոռու մարզից մեկ թեկնածու է լինում, Կոտայքի մարզից մեկ, եթե Լոռու մարզի թեկնածուն հրաժարվեց, ապա Լոռու մարզից ներկայացուցիչ չենք ունենում»:

ԲՀԿ-ից Նաիրա Զոհրաբյանն էլ Սպարտակ Սեյրանյանի մտահոգությունը որակեց խելագարության կանխավարկած, եթե բոլորը հրաժարվեն: Բագրատյանն էլ կրքերը հանդարտեցրեց, որ մեկ մարզից երեք թեկնածու է լինելու, եթե մեկը հրաժարվի, ապա քվոտան չի կորի, կփոխանցվի մյուսին:

Այնուհետեւ, ԲՀԿ-ի փորձագետը նշեց, որ համամասնական ցուցակը բաղկացած է լինելու 300 հոգուց եւ մինչեւ ցուցակի ավարտը, ըստ բնակչության թվի հնարավոր է լինելու յուրաքանչյուր մարզից ընդգրկել 10 թեկնածուի: Ստացվում է, որ օրինակ, եթե Շիրակի մարզի թեկնածուն, որը 50-րդ համարն է եւ հրաժարվում է իր մանդատից, ապա կարող է իր մանդատը փոխանցել նույն մարզի մեկ այլ թեկնածուի, եթե անգամ նա ցուցակի 299-րդ համարն է զբաղեցնում:

Արփինե Հովհաննիսյանն էլ մեկ այլ վարկած առաջ բերեց. իսկ եթե մեկ մարզի բոլոր թեկնածուներն են հրաժարվում, ապա այդ մարզը թեկնածու չի ունենում: Նաիրա Զոհրաբյանն էլ արձանագրեց, որ դա խելագարության կանխավարկածի ժանրից է եւ ժամանակ նշեց, որ անգամ, եթե ցուցակի 300 հոգին միանգամից հրաժարվի իր մանդատից, ապա այդ ուժը խորհրդարանում ներկայացված չի լինի:

Իսկ, թե ինչպես են որոշելու, թե օրինակ Լոռու մարզից ով ցուցակ ընդգրկվի առաջինը, ով՝ երկրորդն, ապա դա ներկուսակցական որոշելիք հարց է լինելու:

ԱԺ փոխնախագահ Արփինե Հովհաննիսյանն էլ անդրադարձավ մարզի թեկնածուների այն պայմանին, որ պետք է վերջին 6 տարում տվյալ մարզի մշտական բնակիչ լինել: Հովհաննիսյանն հետաքրքրվեց, թե ո՞վ եւ ինչպե՞ս է որոշելու, որ այդ անձը 6 տարի այդ մարզի մշտական բնակիչ է եղել, քանի որ նա կարող է մարզում հաշվառված լինել եւ հանրապետության այլ վայրում ապրել: Այս հարցին պատասխան չտվեց, առաջիկայում քննարկվելուն է:

ԵԼՔ-ից Էդմոն Մարուքյանն էլ իր օրինակով ասաց, որ միայն շաբաթ, կիրակի է գնում Վանաձոր, գրանցված է այնտեղ, բայց Երեւանում է բնակվում, թեեւ Վանաձորում ունի գրասենյակ: Ապա հարցրեց՝ արդյո՞ք համապատասխանում է ԲՀԿ-ի առաջարկած փոփոխության քվոտային: Սերգեյ Բագրատյանն էլ պատասխանեց, որ Կապանից ու Մեղրիից պատգամավորն ամեն օր չի կարող գալ Երեւան ու գնալ՝ նստաշրջանի օրերին: Նա ընդգծեց, որ այդ իսկ պատճառով, որպեսզի հիմք լինի, թե այդ թեկնածուն, օրինակ՝ Մեղրիում է գրանցված, ապա համայնքապետից եւ անձնագրային վարչությունից տեղեկանք կներկայացնի:

ՀՀԿ-ի մեկ այլ ներկայացուցիչ Վիգեն Սարգսյանին էլ խոսեց այն մասին, որ, եթե թեկնածուների ընդգրկվածությունը պետք է լինի ըստ մարզի բնակչության թվի, ապա փոքր մարզերը կրկին կմնան երկրորդ պլանում:

«1-ին, 2-րդ եւ 3-րդ մարզերից, որոնք ըստ բնակչության թվի մեծ են, կանցնենք մի քանի թեկնածուներ, իսկ 4-րդ մարզից ներկայացուցիչ ԱԺ-ում չի լինի: Որպեսզի բոլոր մարզերը ներկայացված լինեն, ապա քաղաքական ուժերից մեկը պետք է լինի բացարձակ մեծամասնություն, որպեսզի փոքր մարզերը հույս ունենան, մեկ հոգի կունենան, թե՝ ոչ»,- մտահոգվեց Վիգեն Սարգսյանը:

Նաիրա Զոհրաբյանն էլ պատասխանեց, որ իրենց առաջարկը «տաբու» չէ, պարզապես քննարկում են, ապա Նաիրա Զոհրաբյանը իր ոճի մեջ խայթեց գործող պատգամավորներին: «Հիմա, որ նայում ես պատգամավորների 99 տոկոսն ապրում են Երեւանում եւ նրանց կապը մարզի հետ այն է, որ պատահական ծնվել են այդ մարզում»:

Տպել
5473 դիտում

12-րդ դասարանում կենտրոնացված ավարտական քննություն կլինի միայն հայոց լեզու առարկայից

Վարդան Մինասյանը հեռացել է ՀՀ ֆուտբոլի հավաքականից

Անկախության տոնին պարգեւատրումներ, ցուցահանդեսներ, «Սուտլիկ որսկան» ու տոնական համերգ Գյումրիում

Սեւ մածուն. մոնստր է, մոնստր

ՀՀՇ-ով մեզ թող չվախեցնեն. ասում է Հովհաննես Հովհաննիսյանը

Ընտրություններին մասնակցող ամենահարուստ ուժը ՀՅԴ-ն է. ունեցվածքը սփռված է ողջ երկրով

Անկախության տոնի առթիվ վարչապետ Նիկոլ Փաշինյանին շնորհավորական ուղերձ է հղել ՌԴ նախագահ Վլադիմիր Պուտինը

Հայաստանի անկախության տոնի առթիվ Թբիլիսիի հեռուստաաշտարակը լուսավորվել է հայոց եռագույնով

GOOGLE որոնողական համակարգը եռագույնով է ներկվել՝ ի պատիվ Հայաստանի անկախության տոնի

Ամենից շատ վճարովի եթերաժամանակ ԲՀԿ-ն է գնել ու գրանցել ռեկորդ. նման ցուցանիշ դեռ չի եղել

Մեգան Մարքլը ներկայացրել է իր խոհարարական գիրքը

Պաշտպանը Գլխավոր դատախազին է ուղարկել Նաիրա Զոհրաբյանի տրամադրած նյութերը

Արագած գյուղում օտարերկրացիներ են մոլորվել

ՀԱՊԿ-ն Հայաստանից որևէ դիմում չի ստացվել. Միացյալ շտաբի պետը՝ հայ-ադրբեջանական սահմանի լարվածության մասին

Խաղաղ շարժումը մի նոր դարաշրջան բացեց Հայաստանում. Դոնալդ Թրամփի շնորհավորական ուղերձը

Սա առիթ է հիշել մեր երկրների միջև սերտ պատմական կապերը. Էլիզաբեթ 2-րդ թագուհին շնորհավորել է անկախության տոնի առթիվ

«Արսենալը» սկսում է պայքարը Եվրոպա լիգայում. Մխիթարյանը մեկնարկային կազմում է

Պետք է բացահայտվի Ռոբերտ Քոչարյանի մեղսակցությունը. Պողոս Պողոսյանի հարազատները դիմել են ԱԱԾ-ին և դատախազությանը

Անցել է 3 օր, սակայն խուզարկությունների հիմնավորումներ չկան. լրագրողական կազմակերպությունների հայտարարությունը

ՀՀ ոստիկանության պետի ուղերձը Երևանի ավագանու ընտրությունների առթիվ