Զինվորի քվեարկության ժամանակ վերադասը ներկա չպետք է լինի. Վիգեն Սարգսյանը ԲՀԿ-ին չհասկացավ

Այսօր Ազգային ժողովում Ընտրական Օրենսգրքի փոփոխությունների շուրջ քննարկմանը ԲՀԿ-ն առաջարկեց զինվորականների քվեարկության ժամանակ ընտրական տեղամասում արգելել վերադաս սպայի ներկայությունը: ՀՀԿ ներկայացուցիչ Վիգեն Սարգսյանը հետաքրքրվեց, թե ինչ է նշանակում վերադաս սպա: ԲՀԿ-ի տեսակետը ներկայացնող Սերգեյ Բագրատյանը պարզաբանեց.

«Ինչպես գիտեք, զինվորներին ուղեկցում են ընտրության դասակի հրամանատարը, ջոկի հրամանատարը, նայած որտեղ ով է կատարում, ուղեկցող սպան, որը պետք է ուղեկցի, պայմանական չպետք է 100 մետից մոտ լինի»:

Վիգեն Սարգսյանը նշեց, թե ցանկացած սպա վերադաս է: «Ջոկի հրամանատարը, ինչպես նաեւ դասակի հրամանատարը հաճախ կարող է լինել նույն զինվորներից մեկը, հիմա ինքը կարո՞ղ է լինել, ինքն էլ է քվեարկող զինվոր: Սպան էլ է քվեարկում, ստացվում է՝ ինքը դուրսը սպասում է, շարքային կազմն է քվեարկում, հետո սպայական կազմն է գալիս քվեարկում ու ջհանդամ, որ շարքայինում կա վերադաս: Հիմա դա խնդի՞ր է, թե՞ ոչ»,-հարցրեց Սարգսյանը, որին ի պատասխան Բագրատյանը նշեց, որ խնդիր է:

Վիգեն Սարգսյանը նշեց՝ ուրեմն հարցը չի լուծվում, իսկ նիստը վարող Էդմոն Մարուքյանն ասաց, որ եթե զինվոր է, ուրեմն նորմալ է:

«Զինվորների միջեւ ոչ պաշտոնական հեղինակության հարցը ո՞նց եք լուծում: Սպան քվեախցիկի մոտ չի հետեւում, եթե հետեւելու լինի, այլ զինվորի հետ կարող է հետեւի, եթե այդպես է, չեք կարող վերահսկել, դա հարց չի լուծում, ամեն ինչ կարելի է գրել, բացի բարդացնելուց գործընթացը»,- ասաց նա:

Դավիթ Հարությունյանն արձանագրեց, որ խնդիրը վերաբերում է ոչ թե սպային, այլ ցանկացած անձի. «Պետք չէ արհեստական ձեւակերպում տալ եւ կենտրոնացնել ուժը որեւէ անձի վրա, որ նա չպետք է վերահսկողության ենթարկվի: Կապ չունի, թե ով է վստահված անձը՝ կուսակցության ներկայացուցիչ, թե ով»:

ԲՀԿ-ն առաջարկում է նաեւ զորամասում հավասար պայմաններ ստեղծել քարոզչության համար, Հանրայինով բանավեճեր կազմակերպել, արգելել համատիրություններին իրենց տարածքները շտաբի վերածելու: Առաջարկներից էր՝ արգելել նույն անձի կողմից մեկից ավելի ընտրողներին օգնելը:

«Այս օգնելու ինստիտուտի վերաբերյալ բոլորս գիտենք, նախորդ ընտրություններին օգնելով ընտրել են 79 500 մարդ, այնինչ օգնելու իրական իրավական քաղաքացիների թիվը, որոնք ունեն բժշկի տեղեկանք, մի քանի անգամ պակաս է»,- ասաց Բագրատյանը:

Նաիրա Զոհրաբյանը հստակեցրեց, որ ըստ աշխատանքի եւ սոցիալական ծառայության վարչության բաժնից ստացած տվյալների՝ այլ քաղաքացիների օգնությամբ ընտրություն կատարողների թիվը մոտավորապես 15 000-ի է հասնում: ՀՀԿ-ի ներկայացուցիչները արձագանքեցին, որ շատ են խնդիրներ ունեցողները, ովքեր ուղղակի գրանցված չեն: ԵԼՔ-ի ներկայացուցիչ Գեորգի Դոխոլյանը հավելեց, թե նախորդ ընտրությանն այնքան շատ էին օգնության կարիք ունեցող քաղաքացիները, որոնց վերաբերյալ համապատասխան գրանցամատյանում գրանցում չի կատարվել:

«Տոտալ գալիս էին օգնությամբ ընտրելու համար»,- ասաց նա:

Տպել
5135 դիտում

Իլ դը Ֆրանսի պատվիրակությունը հարգանքի տուրք է մատուցել Ցեղասպանության զոհերի հիշատակին

ՀՀ ոստիկանության պատվիրակությունը Դուբայում մասնակցում է Ինտերպոլի 87-րդ Գլխավոր Ասամբլեային

Վերին Լարս տանող ճանապարհահատվածը բացվել է մարդատար ավտոմեքենաների համար. դեսպանություն

Առաջիկա օրերին տեղումներ չեն սպասվում, օդի ջերմաստիճանն էապես չի փոխվի

Ես աշխատող, գործ անող պատգամավոր եմ. Նաիրա Զոհրաբյանը Սյունիքում է, շրջում է գյուղերում (տեսանյութ)

ՀՀ նախագահը իտալական ռազմաարդյունաբերական ընկերության ղեկավարի հետ քննարկել է համագործակցության հնարավորությունը

Հրդեհ բնակարանում, կա տուժած. հայտարարվել է բարդության ԲԻՍ-1 աստիճան

Հանդիպել են Հայաստանի և Իտալիայի նախագահները

Հրադադարի պահպանման ռեժիմն այս շաբաթ խախտվել է 80 անգամ, արձակվել է 700 կրակոց

Կադաստրի գրասենյակները Երևանում կաշխատեն նաև շաբաթ-կիրակի, մարզերում՝ առանց ընդմիջման

Գյուղերում տուն կառուցելու համար նոր փոխառություն կտրվի. խորհրդակցություն Կարմիր շուկայում

Ստեփանծմինդա–Լարս ավտոճանապարհը փակ է. ռուսական կողմում կա 435 բեռնատար և 172 մարդատար ավտոմեքենա

Թուրքիայում Աթաթուրքի արձանը պղծելու համար պատանիներ են ձերբակալվել

Լարսում խցանման մեջ հայտնված վարորդների համար սնունդ, տաք ջուր, դեղորայք է ապահովվել. Փամբուխչյան

Ամենայն Հայոց Կաթողիկոսի ձեռամբ օծվեց Նովոսիբիրսկի նորակառույց եկեղեցին

Գոռ Վարդանյանն այդ օրը փրկել է ինձ. Մարինա Խաչատրյանը՝ քաղաքապետարանի հայտնի միջադեպի մասին

Լարսը շարունակում է փակ մնալ. ռուսական կողմում 400 մարդատար և 150 բեռնատար ավտոմեքենա է մնացել

Գյումրիում ավտոլվացման կետ է այրվել. մեկ մարդ հոսպիտալացվել է տարբեր աստիճանի այրվածքներով

Մարուքյան, Թանդիլյան, Բաբաջանյան, Գորգիսյան. «Լուսավոր Հայաստան»-ի 157 հոգանոց համամասնական ցուցակը

Շոկային սկիզբը, Յուրայի պոկերը ու ՀՀ ֆուտբոլի հավաքականի ջախջախիչ հաղթանակը