Կտա՞ք մեկ ազնիվ պաշտոնյայի անուն. Լիլիթ Ավագյանի հոդվածը

07/07/2018 schedule13:10

ԱԱԾ-ի հայտնի տեսագրությունը գեներալ Մավել Գրիգորյանի տնից,  «Հայաստան» հիմնադրամի ղեկավար Արա Վարդանյանի խոստովանությունը, թե հիմնադրամին տրամադրված 25 միլիոն դրամի վարկային գծով բանկային քարտն օգտագործել է անձնական նպատակներով, այդ թվում՝ դրանք ուղղելով տարբեր առցանց խաղատներում խաղադրույքներ կատարելուն, նախկին պաշտոնյաներին անակնկալի է բերել: Ինչպե՞ս, պետական բյուջեն այդ սրիկաները թալանե՞լ  են:

Բարձրաստիճան պաշտոնյաները գողացել են մեծ մասշտաբներով: Ոչ բարձրաստիճանները՝ փոքր մասշտաբով: Դպրոցի տնօրենները գուցե ժխտեն, բղավեն ձեզ վրա, մեղադրեն զրպարտության մեջ, սակայն այսօր աշխատանքի ընդունվելու համար ուսուցչից պահանջում են 3000-5000 դոլար կաշառք: Նույն խնդիրը կա բուժհաստատություններում` պոլիկլինիկայում կամ հիվանդանոցում աշխատանքի տեղավորվելու համար գլխավոր բժիշկներին պետք է կաշառք տալ:

Սա  կոռուպցիո՞ն երեւույթ է, թե՞ գողություն:

Սա էական է, քանի որ կոռուպցիոներների եւ գողերի հանդեպ իրավապահների վերաբերմունքը խտրական է: Գողերը մայրաքաղաքի փողոցներից ծաղկի թաղարներ գողացողներն են, դարպասից դուրս մնացած խողովակները, շինարարությունից ավելացած կղմինդրը, գերեզմանում խունկ այրելու ալյումինե թասերը, շիրմաքարի ետեւում դրված խունկի տոպրակները գողացողները, բնակարան կողոպտողները… Նրանց հանդեպ օրենքը խիստ է: Ինչպես խիստ գտնվեց 4 երեխաների մոր հանդեպ՝ նրան հինգ տարվա ազատազրկման դատապարտելով՝ 10 000 դրամ գողության համար: Նրա համար որեւէ մեկը միլիոն դրամ գրավ չդրեց:

Արդարադատությունը չափազանց զգայուն է հարուստ մարդկանց հանդեպ՝ գրավ է վերցնում ու ազատ արձակում Արա Վարդանյանին: Սերժ Սարգսյանի եղբայր Ալեքսանդր Սարգսյանին բերման ենթարկելն ու ազատ արձակելը արդեն սովորական գործողություն է:

Կոռուպցիոն այս սկանդալների էական բաղադրիչն այն է, որ  գողությունը, մախինացիաները կատարել են ընտանիքի բոլոր անդամներով:

Մանվել Գրիգորյանը՝ տիկնոջ՝ Նազիկ Ամիրյանի եւ որդու՝ Կարեն Գրիգորյանի հետ:

Պետեկամուտների կոմիտեի հետաքննության վարչությունը քրեական գործ հարուցեց Սերժ Սարգսյանի մյուս եղբոր՝ Լեւոն Սարգսյանի նկատմամբ, Քրեական օրենսգրքի 314. 3-րդ՝ «Հայտարարագրերում կեղծ տվյալ ներկայացնելը», եւ 310.1-ին՝ «Ապօրինի հարստանալը» հոդվածներով։ Մեկը նախատեսում է 3-6 տարի ազատազրկում, մյուսը՝ 2-4 տարի։ Ընդ որում, այս դեպքում եւս պարոն Սարգսյանը միայնակ չի եղել. Մեղադրանք է առաջադրվել նաեւ նրա որդուն եւ դստերը:

Երրորդ եղբայր Ալեքսանդր Սարգսյանը եւս ԱԱԾ տեսանյութերում զավակների հետ է. սյուժեն՝ թմրանյութ, ապօրինի զենք, Մարտիրոս Սարյանի կտավը…

Ժամանակին Սյունիքի մարզպետ Սուրեն խաչատրյանի որդու հանցագործությունները եւս իրավապահների ուշադրության կենտրոնում էին:

Ի՞նչ է ստացվում. հսկայական կարողություն ունեցող այս  (եւ մյուս պաշտոնյաները եւս) մարդիկ իրենց զավակներին, ընտանիքի անդամներին եւս ներքաշել են մախինացիաների մեջ, կոտրել իրենց զավակների ապագան՝ դարձնելով թմրամոլ, խաղամոլ՝ բոլոր հնարավոր հետեւանքներով:

Բայց գիտենք, որ հայերի համար ընտանիքը… ըհը…ըհը…սրբություն է: Կինը՝ առավել եւս:

Բայց բարձրաստիճան պաշտոնյաների կանանց նվիրատվության ինստիտուտն, ի դեպ, Հայաստանում զարգացած է:

Այդպես, ՀՀ Գլխավոր դատախազ Գեւորգ Կոստանյանին, ըստ իր հայտարարագրի, 2011 թ., դեռեւս Զինվորական դատախազ եղած շրջանում, 35 միլիոն դրամ նվիրատվություն են կատարել: Նրա տիկինը եւս 100 000 դոլար նվիրատվություն էր ստացել:

Նվերներ սիրել են նաեւ ՀՀ վերահսկիչ պալատի նախագահը եւ նրա տիկինը՝ Գայանե Սողոմոնյանը, որը նվեր ստանալիս նաեւ Երեւանի քաղաքապետարանի կրթության վարչության ղեկավարն էր: Նա 15 000 դոլար նվիրատվություն է ստացել: Իշխան Զաքարյանին նվիրել էին մի ապարանք:

ԱԱԾ այս բացահայտումները շատ տաբուներ կկոտրեն:

Հայաստանում պաշտոնյայի, աշխատավարձերը սահմանելիս՝ հաշվի են առնվում ծառայողների ծանրաբեռնվածությունը, տվյալ աշխատանքի պատասխանատվության աստիճանը: Եվ բարձր աշխատավարձը նաեւ երաշխիք է, որ մարդը աչքը չի տնկի պետական գանձարանի վրա:

Մարդը կա՛մ ազնիվ է, կա՛մ անազնիվ: Եթե նա լրացուցիչ վարձատրության անհրաժեշտություն է տեսնում՝ գողություն չանելու  համար, սա այլ պատմություն է:

Ժամանակին, երբ ԲՀԿ-ն ՀՀԿ-ի հետ կոալիցիա էր կազմել, Գագիկ Ծառուկյանը հրապարակայնորեն նկատեց, թե լրացուցիչ վարձատրում է իր նախարարներին, որպեսզի վերջիններս պետական գանձարանի վրա աչք չունենան: Պետական բյուջեն անձնական կարիքների համար օգտագործելը, փաստորեն, իշխանության կողմից ընկալվել է իբրեւ բնական, հասկանալի երեւույթ: Այդ մասին, ենթադրում եմ, առավել մանրամասն կպատմի Արա Վարդանյանը:

ԱԱԾ-ի չընդհատվող բացահայտումներից ապշահար՝ սոցցանցի մի օգտատեր ԱԱԾ-ին խնդրեց «բերման ենթարկել» ու ի տես բոլորի ցուցադրել ազնիվ մի պաշտոնյայի: Կա՞ն այդպիսիք: Իհարկե, կան: Սակայն նրանց անունները ոչ ոք չգիտի:

Այս առումով հետաքրքիր է  «Մոռանալ Հերոստրատին» պիեսի ավարտը. Հերոստրատի մահից հետո շինարարության աղմուկ է լսվում. քաղաքի բնակիչներն էին՝ որոշել էին վերականգնել Արտեմիսի այրված տաճարը:

- Ովքե՞ր են,- հարցնում է Ժամանակը դատավոր Քլեոնին:

- Նրանք՝ եփեսացիները…

- Նրանց անուննե՛րը: Տուր գոնե մեկի անունը: Դա այնքան կարեւոր է մեզ համար: Դե՞…

- Չեմ հիշում…

- Հիշի՛ր, Քլեոն: Արդար չէ, որ նրանք միշտ անհայտ են մնում: Հիշի՛ր…

Կոռումպացված, պետական բյուջեի փողերը գողացող պաշտոնյաների անուն-ազգանունները գիտենք, իսկ ազնիվ պաշտոնյաների անուննե՞րը: Կտա՞ք գոնե մեկի անունը…

Տպել
5624 դիտում

Աշտարակի ոստիկանները հայտնաբերել են Կարբիի ձորում թակարդը դրած անձին, որում հայտնվել էր արջը

Արմեն Սարգսյանը շնորհավորական ուղերձ է հղել Լատվիայի նախագահ Ռայմոնդս Վեյոնիսին

ՀՀ նախագահը շնորհավորական ուղերձ է հղել Օմանի Սուլթանության Սուլթանին, շնորհավորել ազգային տոնը

Ադրբեջանը բողոք կհայտնի ԱՄՆ-ին՝ Բակո Սահակյանին մուտքի արտոնագիր տրամադրելու համար

Տավուշում մեքենա է այրվել, պատճառը վերասարքավորումն է եղել՝ ղեկը փոխելը. «Ղեկը աջ» նախաձեռնություն

Իլ դը Ֆրանսի պատվիրակությունը հարգանքի տուրք է մատուցել Ցեղասպանության զոհերի հիշատակին

ՀՀ ոստիկանության պատվիրակությունը Դուբայում մասնակցում է Ինտերպոլի 87-րդ Գլխավոր Ասամբլեային

Վերին Լարս տանող ճանապարհահատվածը բացվել է մարդատար ավտոմեքենաների համար. դեսպանություն

Առաջիկա օրերին տեղումներ չեն սպասվում, օդի ջերմաստիճանն էապես չի փոխվի

Ես աշխատող, գործ անող պատգամավոր եմ. Նաիրա Զոհրաբյանը Սյունիքում է, շրջում է գյուղերում (տեսանյութ)

ՀՀ նախագահը իտալական ռազմաարդյունաբերական ընկերության ղեկավարի հետ քննարկել է համագործակցության հնարավորությունը

Հրդեհ բնակարանում, կա տուժած. հայտարարվել է բարդության ԲԻՍ-1 աստիճան

Հանդիպել են Հայաստանի և Իտալիայի նախագահները

Հրադադարի պահպանման ռեժիմն այս շաբաթ խախտվել է 80 անգամ, արձակվել է 700 կրակոց

Կադաստրի գրասենյակները Երևանում կաշխատեն նաև շաբաթ-կիրակի, մարզերում՝ առանց ընդմիջման

Գյուղերում տուն կառուցելու համար նոր փոխառություն կտրվի. խորհրդակցություն Կարմիր շուկայում

Ստեփանծմինդա–Լարս ավտոճանապարհը փակ է. ռուսական կողմում կա 435 բեռնատար և 172 մարդատար ավտոմեքենա

Թուրքիայում Աթաթուրքի արձանը պղծելու համար պատանիներ են ձերբակալվել

Լարսում խցանման մեջ հայտնված վարորդների համար սնունդ, տաք ջուր, դեղորայք է ապահովվել. Փամբուխչյան

Ամենայն Հայոց Կաթողիկոսի ձեռամբ օծվեց Նովոսիբիրսկի նորակառույց եկեղեցին