Հովիվների վեճը դարձել է սպանության պատճառ. սպանողը դոկտոր, պրոֆեսորի եղբոր թոռն է

Հուլիսի 8-ին Գեղարքունիքի մարզում սպանված Գեղամավան գյուղի բնակիչ, 56-ամյա Հուսիկ Զաքարյանին իր տան բակում դանակահարած Աշոտ Աբրահամյանը եղել է ալկոհոլի ազդեցության տակ: Մեր տեղեկություններով՝ Հուսիկ Զաքարյանին սպանող Աշոտ Աբրահամյանը բանասիրական գիտությունների դոկտոր, պրոֆեսոր, ԳԱԱ թղթակից անդամ Աշոտ Աբրահամյանի եղբոր թոռն է:

Երկարատև վեճից հետո Հուսիկ Զաքարյանը վատ է արտահայտվել Աշոտ Աբրահամյանի հոր՝ Սահակ Աբրահամյանի մասին, որը չնայած բարձրագույն կրթությանը՝ հովիվ էր աշխատում: Աշոտ Աբրահամյանը վրեժխնդիր լինելու նպատակով՝ ալկոհոլի ազդեցության տակ կատարել է սպանությունը:

Տեղեկությունները մեր զրույցում հաստատեց Գեղամավան գյուղի համայնքապետարանի աշխատակազմի քարտուղար Գագիկ Խաչատրյանը՝ որոշ մանրամասներ պատմելով ողբերգությամբ ավարտված միջադեպի մասին:

Վերջինիս խոսքով՝ հուլիսի 8-ին Գեղամավան գյուղում Հուսիկ Զաքարյանի աներոջ հոգեհանգստի արարողությունն է եղել: Հոգեհանգստի հացկերույթի արարողության ժամանակ է ամեն ինչ սկսվել: Սկզբում վեճը սպանվողի՝ Հուսիկ Զաքարյանի որդիների եւ Աշոտ Աբրահամյանի միջև է եղել: Պատճառը Աշոտ Աբրահամյանի ալկոհոլի ազդեցության տակ ծայրահեղ վատ վարքն է եղել:

«Իմ իմացած տեղեկությունների համաձայն՝ սպանողն իրեն ճիշտ չի պահել: Մի քանի անգամ Աշոտ Աբրահամյանին Հուսիկի տղաները զգուշացրել են, որ իրեն նորմալ պահի, խմել է՝ թող տուն գնա: Տղաները չեն ցանկացել, որ մորական պապիկի հոգեհացի արարողությունը խանգարվի: Վեճ է առաջացել, քաշքշել են իրար»,- պատմեց Գագիկ Խաչատրյանը:

Ավելի ուշ Աշոտ Աբրահամյանը գնացել է Հուսիկ Զաքարյանի տուն, որ վերջինիս որդիների հետ հաշվեհարդար տեսնի, սակայն նրանք տանը չեն եղել: Տանը պառկած է եղել միայն Հուսիկ Զաքարյանը, դարձյալ վեճ է առաջացել, միմյանց հարազատների են վիրավորել եւ հայհոյել, որից հետո էլ Աշոտ Աբրահամյանը դանակահարել է նրան: Հ.Զաքարյանը մահացել է:

Հուլիսի 9-ին ՀՀ ոստիկանության լրատվական ծառայության փոխանցմամբ, Գեղարքունիքի մարզում կատարված սպանությունը բացահայտվել է, Աշոտ Աբրահամյանը եւ եղբայրը ձերբակալվել են:

Հիշեցնենք՝ ՀԺ-ն ավելի վաղ հայտնել էր, որ հուլիսի 8-ին՝ ժամը 21:30-ի սահմաններում Սևանի բժշկական կենտրոնից ոստիկանության Սևանի բաժին ահազանգ էր ստացվել, որ սուր-կտրող-ծակող առարկայից ստացած հարվածից իրենց մոտ է տեղափոխվել մի քաղաքացի, որը կարճ ժամանակ անց վերակենդանացման բաժանմունքում գիտակցության չգալով, մահացել էր:

Տպել
2569 դիտում

Գերմանիան դադարեցնում է զենքի մատակարարումները Սաուդյան Արաբիա

12-րդ դասարանի ավարտական քննությունները կենտրոնացված չեն լինի. այդպես կլինի միայն 9-րդում

«Վորլդ Վիժն» Հայաստանն ու Իմ Քայլը հիմնադրամը համագործակցության տարբերակներն են քննարկում

Ավարտին է հասցվել «Թուրքական հոսք» գազատարի ծովային հատվածը

Ստեփանծմինդա-Լարս ավտոճանապարհը ծանրաքարշ բեռնատարների համար շարունակում է փակ մնալ

Երեւանի քաղաքապետարանը հրավիրում է քննարկելու 2019-ի բյուջեն ու զարգացման ծրագիրը

Լատվիայի դեսպանը հավատարմագրերի պատճենն է հանձնել ԱԳ նախարարի տեղակալին

Ակցիաների հետեւում մարդիկ են, որոնք մեծ բիզնեսներ ձեռնարկելու շահ ունեն. Ռ. Խաչատրյանը հրաժարականի մասին

Սերժ Սարգսյանը դիմել է կենսաթոշակ ստանալու համար

Շախմատի ֆեդերացիան հետին ամսաթվո՞վ փաստաթուղթ է տեղադրել կայքում. պատմում է Լիլիթ Գալոյանը

Սասնա Ծռեր Համահայկական կուսակցության նախընտրական ամբողջական ցուցակը՝ 174 հոգուց բաղկացած

Վալերի Օսիպյանը հանդիպել է Ինտերպոլի գլխավոր քարտուղարի հետ

Մենք լուռումունջ համակերպվողի դերում չենք. Նիկոլ Փաշինյանը՝ Բելառուսի ԱԳՆ-ի վերջին հայտարարության մասին

Արտագնա աշխատանքի մեկնածների եկամուտը հարկելու որեւէ նախագիծ կամ գաղափար չկա. ՊԵԿ նախագահի հավելյալ պարզաբանումը

Կենդանաբանական այգու 213 կենդանատեսակից մնացել է 143-ը. գործառույթները պատկանում են Երեւանի ավագանուն

Փաշինյանն ընդունել է Իլ դը Ֆրանսի շրջանային խորհրդի նախագահ Վալերի Պեկրեսին

Գյումրիում 325 մլն դրամանոց ստրատեգիական նշանակության փողոց է շահագործվել

Խորվաթիայի նորանշանակ դեսպանը հավատարմագրերի պատճենն է հանձնել ԱԳ նախարարի տեղակալին

Հանդիպել են Աննա Հակոբյանը և Գարո Արմենը, քննարկել են համագործակցության հնարավոր ուղիները

Որոշ մարդիկ անձնական խնդիրների պատճառով կարող են ստոր քայլի գնալ. Խաչատրյանը՝ թունավորված զեբրի մասին