Եղվարդում բողոքի ցույց էր ընդդեմ «Արմօյլ»-ի կողմից նավթավերամշակման գործարանի կառուցման

Այսօր Եղվարդ քաղաքի Նատի թաղամասում բողոքի ակցիա էր իրականացվել ընդդեմ «Արմօյլ» ՓԲԸ-ի կողմից նավթավերամշակման գործարանի կառուցման: Բնակիչները փակել էին Եղվարդ-Երեւան մայրուղին։ Նրանք պահանջում էին, որպեսզի կասեցվի գործարանի կառուցումը, քանի որ այն կարող է վնաս հասցնել շրջակա միջավայրին, մասնավորապես` հարակից բնակելի տներում ապրող քաղաքացիներին։

Բողոքի ակցիայի մասնակիցների թիվը հասնում էր մոտ 200-ի: Գործարան էր ժամանել նաեւ Արմօյլ ընկերության տնօրեն Ալֆրեդ Աբեդին, ով վստահեցրել է բնակիչներին, որ կառուցվելիք գործարանը վնաս չի հասցնելու շրջակա միջավայրին եւ Նատի թաղամասի բնակիչներին, սակայն բնակիչները դարձյալ պահանջել են կասեցնել գործարանի կառուցումը` մինչեւ անվտանգության վերաբերյալ անհրաժեշտ երաշխիքների առկայությունը:

Խնդրի վերաբերյալ զրուցել ենք Եղվարդի համայնքապետարանի աշխատակազմի քարտուղար Վարդան Մուրադխանյանի հետ:

- Պարոն Մուրադխանյան, ինչո՞ւ են Եղվարդի բնակիչներն այսօր բողոքի ցույց կազմակերպել, գործարանի կառուցումն իսկապե՞ս վտանգավոր է:

- Այսօր նշանակվել էր հանրային լսում, դրա մասին մենք շատ լայն իրազեկում ենք իրականացրել հատկապես այն թաղամասում, որտեղ բնակիչները բողոքում են: Այսինքն, իրենք բոլորը գիտեին, որ այսօր ժամը 12-ին տեղի էր ունենալու հանրային լսում, վայրն էլ գիտեին, որտեղ կարող էին եւ իրենց բոլոր հուզող հարցերը ուղղել կոմպետենտ մարդկանց եւ ստանալ այդ հարցերի պատասխանները:

Մեզ համար մի քիչ անհասկանալի է, որ այսօր փոխանակ գալու այն հարթակը, որ իրենց համար ստեղծված էր, իրենց հուզող հարցերի պատասխանները գտնելու համար, իրենք ճանապարհ փակեցին: Ես կարծում եմ՝ դա այդքան էլ ինքնաբուխ բնակիչների արած քայլը չէր: Իմ անձնական կարծիքով՝ դա ինչ-որ ձեւով ինչ-որ մեկի կողմից ուղղորդված շարժում էր: Ու, կարծես թե, այդ տարածքի բնակիչներից էլ այդքան շատ ներկա չէին:

- Իսկ բողոքը նո՞ր է առաջացել, ի՞նչն է բնակիչներին մտահոգվելու առիթ տվել:

- Ես այսօր ներկա եմ եղել այդ հանրային լսմանը եւ մանրամասնորեն, հանգամանալից բացատրություն եմ լսել  կառուցապատողից, մասնագետներից, ովքեր ներկայացրել են, թե դա ինչ է իրենից ներկայացնում: Իրենք ասեցին, որ դա կանաչ ծրագիր է կոչվում իր դասակարգումով, այսինքն՝ ինքը չի ենթադրում որեւէ թափոնի կամ որեւէ արտանետման հավանականություն կամ հնարավորություն: Այստեղ նավթամշակման գործարան կամ նմանատիպ արտադրություն չի լինելու:

Սա նավթի վերամշակման հետ որեւէ առնչություն չունի, ընդամենը բերվում են մի քանի տեսակի յուղեր, դրանք խառնվում են իրար, ստացվում է մի այլ տեսակ ու դա շշալցվում է եւ դրվում է վաճառքի: Ենթադրենք՝ բերում են 100 տոննա հումք, տալիս են 100 տոննա արտադրանք, այստեղ ոչ մի գրամ թափոն կամ արտանետում չկա: Սա ոչ քիմիական պրոցես է, ոչ թափոն ենթադրող, ես սա ձեզ ասում եմ, որպես մասնակից:

Բնակիչները մտավախություն ունեին, որ դա վառոդ է, շրջակայքի վրա հնարավոր ազդեցություն կարող է ունենալ, այսօր փարատեցին իրենց վախերը, կասկածները եւ իրենց փաստարկները բերեց ծրագիրն իրականացնող կողմը, հորդորեցին սպասել կոմպետենտ պետական կառույցների գնահատականին, այսինքն՝ բնապահպանության նախարարության կողմից անցկացվող փորձաքննության պատասխանին:

- Հանրային լսումները քաղաքացիների բողոքին վերջ դրեցի՞ն:

- Այն մարդը, ով եկել էր առողջ պատասխան գտնելու իր առողջ հարցին, ես կարծում եմ, լիովին բավարարվեց այսօր այնտեղ հնչած պատասխաններով, իսկ այն մարդը, ով որ չէր ուզում որեւէ բան լսել, ինչպես եկավ, այդպես էլ գնաց: Այսինքն, ով սեւեռուն գաղափարով եկել էր, որ դա իրեն վնաս է ու աշխարհում ոչ մի ուժ իրեն չէր կարող հակառակը համոզել, նա այդպես էլ հետ գնաց: Իմ անձնական կարծիքով՝ ինչ-որ մի ուժ իրենց հրահրում է: Այսօր ինչ-որ մեկը հնչեցրեց, թե մեր տները առեք շուկայական գներով: Չգիտեմ միգուցե ինչ-որ մեկը իրենց տրամադրել է, որ եկեք այսպիսի ցույցեր արեք, գին թելադրեք, ձեր բնակարանը շուկայականից մի քանի անգամ ավել գնով իրենք կգնեն, սա որպես վարկած եմ, իհարկե ասում:

- Բնապահպանության նախարարությունը արդեն փորձաքննություն անցկացրե՞լ է:

- Իհարկե, այսօրվա հանրային լսումը այդ փորձաքննության համար դիմելու ճանապարհի առաջին քայլն էր: Այսօր նախնական հայտի քննարկումը եղավ, որը ներկայացվում է, որպեսզի այդ ընթացակարգը մեկնարկի:

- Ընկերությունը մինչ այդ որեւէ վտանգ ներկայացրե՞լ է իրենից:

- Բացարձակ, այդտեղ ընդամենը շենքեր են կառուցվել, անգամ իրենց տեխնիկական սարքավորումները դեռ չեն բերել: Իհարկե, դա դեռեւս չի ընթանում եւ չի ընթանա մինչեւ փորձաքննությունը չավարտվի: Այնտեղ ընդամենը շինարարություն է գնում, քարը քարի վրա են դնում:

Տպել
1186 դիտում

Շոկային սկիզբը, Յուրայի պոկերը ու ՀՀ ֆուտբոլի հավաքականի ջախջախիչ հաղթանակը

Ծեծկռտուք Արտաշատի զինկոմիսարիատում. ըստ քաղաքացու ահազանգի՝ կապիտանը կոտրել է իր քիթը

Պարզաբանումներ եմ պահանջելու Բելառուսի ու Ղազախստանի նախագահներից. Փաշինյանը՝ ՀԱՊԿ նիստի զարգացումների մասին

Ոստիկանությունը օպերատիվ տվյալներ է ստացել, որ Երեւանում հիպնոսի միջոցով փող են կորզում

Ջիբրալթար-Հայաստան ֆուտբոլային հանդիպման մեկնարկային կազմերը

Երկու օր առաջ Հայաստանում էր, հիմա՝ չգիտեմ. Շարմազանովը՝ Տարոն Մարգարյանի գտնվելու վայրի մասին

Աշխարհը չէի փոխի քո հետ. Սիրուշոն շնորհավորել է Լեւոն Քոչարյանի ծնունդը

Իրական ընդդիմություն կձեւավորվի ընտրություններից հետո

Արսեն Ջուլֆալակյանն ու լրագրողը պարզաբանել են թյուրիմացությունը

Նոր մանրամասներ հոկտեմբերի 27-ին նռնակով կառավարության շենք ներխուժման դեպքից. պարզվել է՝ ով է նա

Արցախի պետնախարար Մարտիրոսյանն ընդունել է Արցախի պետական համալսարանի ուսանողների

Այդ տարածքը իմն է, իմ սեփականությունն է. Լոռու մարզպետը՝ սեփական ատամնաբուժարան կառուցելու մասին

Մարկոս Պիզելին՝ Ղազախստանի առաջնության լավագույն ֆուտնոլիստ

Քաղաքապետն ընդունել է ՀՀ-ում ԵՄ դեսպան Պյոտր Սվիտալսկիին

Վաչագան Ղազարյանը ցուցմունք է տվել. քննարկվում է կրկին գրավի միջնորդությամբ հանդես գալու տարբերակը

Ավան վարչական շրջանի ղեկավարը հրաժարական է տվել

23-ամյա Վահագնի շնորհիվ մարդկանց կյանքեր կփրկվեն. արյան տարբեր խումբ ունեցողներ շարունակում են արյուն հանձնել

Վարչապետ Նիկոլ Փաշինյանի միջնորդությամբ Սիմոն Մարտիրոսյանն ու Գոռ Մինասյանը կպարգեւատրվեն

Հույս ունեմ կկարողանանք Աբաջյանի հերոսությանն արժանի ապրել՝ անկախ նրանից` ինչով ենք զբաղվում. Փաշինյան

Հայ մարզիչը ղազախական ակումբի մանկապատանեկան ֆուտբոլը ղեկավարելու ու Հենոյի գեղեցիկ քայլի մասին