5-րդ անգամ է, որ ֆուտբոլի ԱԱ կիսաեզրափակչում միայն եվրոպական թիմեր են. հետաքրքիր փաստեր

Ռուսաստանում ավարտին մոտեցող ֆուտբոլի աշխարհի 2018 թ. առաջնությունը սկսած 32 թիմերից 4-ն այլեւս չեն լքի մրցաշարը: 4-ն էլ ներկայացնում են Եվրոպան՝ Բելգիա, Ֆրանսիա, Խորվաթիա, Անգլիա: Սա 5-րդ անգամն է, որ Մունդալի կիսաերափկչում մնում են միայն եվրոպական թիմեր:

Բոլոր այդ դեպքերում էլ մցրաշարը կայացել է Եվրոպայում: Նման դեպք է եղել 1934, 1966, 1982, 2006 եւ 2018 թթ.:

Վերջին անգամ Բելգիան ԱԱ կիսաեզրափակչում խաղացել է 1986 թ.: Անգլիան այս փուլ վերջին անգամ հասել է 1990-ին, Խորվաթիան՝ 1998-ին, Ֆրանսիան՝ 2006-ին:

ԱԱ կիսաեզրափակչում Բելգիան ու Ֆրանսիան միմյանց կհանդիպեն 74-րդ անգամ: Դրանցից 30-ում հաղթել են բելգիացիները, 24-ում՝ ֆրանսիացիները: Ընդհանուր հաղթանակներով Բելգիան առջեւում է, սակայն աշխարհի առաջնությունների շրջանակներում նրանց միջ կայացած 2 խաղում էլ (1938, 1986 թթ.) հաղթել է Ֆրանսիան:  

Բելգիայի հավաքականի իսպանացի գլխավոր մարզիչ Ռոբերտո Մարտինեսը 2006 թվականից հետո առաջինն է, ով ԱԱ կիսաեզրափակիչ է հասցնում ոչ իր հայրենի երկիրը ներկայացնող հավաքականը: 2006 թ. նման արդյունքի հասել է բրազիլացի Լուիշ Ֆելիպե Սկոլարին Պորտուգալիայի հետ:

ԱԱ 2018-ում Բելգիան միակ թիմն է, որը հաղթել է մասնակցած բոլոր խաղերում (5): Նաեւ մրցաշարում ամենաշատ գոլերը խփած հավաքականն է (14):

Խորվաթիայի հավաքականը 2-րդն է, որ աշխարհի նույն առաջնության ընթացքում 2 անգամ հաղթում է 11-մետրանոց հարվածաշարում: 1/8 եզրափակչում հաղթեց Դանիային, քառորդ եզրափակչում՝ Ռուսաստանին: Նման ցուցանիշ մինչեւ այս գրանցել է Արգենտինան 1990-ին: Կիսաեզրափակչում խորվաթների մրցակիցը՝ Անգլիան, ԱԱ 2018-ի 1/8 եզրափակչի Կոլումբիայի դեմ խաղում իր պատմության մեջ առաջին անգամ հաղթեց 11-մետրանոցներում: Նախորդ 3 դեպքերում պարտվել է:

Անգլիան 3-րդ անգամ է ԱԱ կիսաեզրափակչում: 3 անգամ էլ Մունդիալն անց է կացվել Եվրոպայում՝ 1966-ին Անգլիայում, 1990-ին՝ Իտալիայում եւ 2018-ին՝ Ռուսաստանում:

Անգլիայի հավաքականի հարձակվող Հարի Քեյնը ընթացիկ մրցաշարի լավագույն ռմբարկուն է: Հեղինակել է 6 գոլ: Բելգիայի լավագույն ռմբարկուն Ռոմելու Լուկակուն է (4 գոլ): Ֆրանսիայից ամենաշատն աչքի են ընկել Անտուան Գրիզմանն ու Կիլիան Մբապեն՝ 3-ական անգամ, իսկ Խորվաթիայից՝ Լուկա Մոդրիչը: Վերջինս 2 գոլ է խփել:

Այսօր՝ հուլիսի 10-ին, կկայանա կիսաեզրափակիչ առաջին հանդիպումը՝ Ֆրանսիա-Բելգիա: Կսկսվի ժամը 22:00-ին: Վաղ տեղի կունենա կիսաեզրափակիչ 2-րդ խաղը՝ Խորվաթիա-Անգլիա: Նույնպես կմեկնարկի 22:00-ին:

Աշխարհի առաջնությունը մեկնարկել է հունիսի 14-ին: Կավարտվի հուլիսի 15-ին:

Տպել
755 դիտում

ՀՀ ներքաղաքական կյանքը կրկին ալեկոծվում է, պետք է հարցերը լուծենք համաձայնությամբ. Բաբլոյան

Մի քանի օրից մենք մասնակից ենք լինելու ՀՀ պատմության ամենաարդար և ազնիվ ընտրություններին. Հայկ Մարության

Ըստ հայ ֆուտբոլիստների՝ Վանեցյանը դրական փոփոխություններ կանի հայկական ֆուտբոլում

ԱԱԾ տնօրեն Արթուր Վանեցյանը հարցաքննվել է հայտնի գաղտնալսման գործով

Փոփոխությունները չեն ազդի 700 աշխատատեղի և 25000 տոննա բանջարեղենի արտադրողականության վրա. «Սպայկա»

Ես շրջում եմ այնպես, ինչպես ուզում եմ. Միհրան Պողոսյանը՝ «ասֆալտին փռելու» օպերացիայի մասին

ՊՆ հոսպիտալից գողություն է կատարվել, գումար է կանխիկացվել քաղաքացու բանկային հաշվեհամարից

Տարոն Մարգարյանը հարցաքննվել է, նրանից առգրավվելու է 1 մլրդ 800 մլն դրամ. Վանեցյան

Չեմ փոշմանել, որ չեմ քվեարկել Նիկոլ Փաշինյանի օգտին. Աղվան Վարդանյան

Հայաստանի պատվիրակությունը մասնակցում է ՄԱԿ-ի Ատոմային էներգիայի ՄԳ գլխավոր կոնֆերանսին

Արմեն Սարգսյանի հրամանագրով վարչական դատարանի դատավորներ են նշանակվել

Արցախի զինկոմի որդին հոր հետ վիճելու համար, ընկերների հետ ծեծել է քաղաքացուն (տեսանյութ)

ՆԱՏՕ-ի փորձագետները վերապատրաստման դասընթացներ են անցկացնում ՌՈւՀ-երի ներկայացուցիչների համար

Ինչպե՞ս նորոգել ռազմական նշանակության օբյեկտներն ու ենթակառուցվածքները. քննարկում բելառուսական կողմի հետ

ԵԱՏՄ գազի ընդհանուր շուկայի պայմանագրի կկնքվի 2025 թ-ին. հանդիպում Մոսկվայում

Հայաստանի քաղաքացիներին՝ խաղաղություն ու բարօրություն. Պուտինը շնորհավորել է Արմեն Սարգսյանին ՀՀ Անկախության տոնի առթիվ

Երիտասարդ հունահռոմեականները ԱԱ-ից վերադարձել են 1 ոսկով, 2 արծաթով

Սփյուռքի նախարարը կհանդիպի Եգիպտոսի վարչապետի հետ

Խաղաղություն եւ մեծագույն հաջողություններ. Բակո Սահակյանը շնորհավորել է ՀՀ անկախության 27-րդ տարեդարձը

Հրազդանի նախկին քաղաքապետ Արամ Դանիելյանի նկատմամբ հարուցվել է քրգործ. պաշտոնական