Հարությունովն ասել է՝ եղել է դեղերի ազդեցության տակ. Տոնոյանը՝ Օլիմպավանի սկանդալի մասին

ԱԺ Ծառուկյան խմբակցության պատգամավոր, Գագիկ Ծառուկյանի մամուլի խոսնակ Իվետա Տոնոյանը Գագիկ Ծառուկյանի եւ նրա անվտանգության ծառայության պետի կողմից Սլավիկ Հարությունովին ծեծի ենթարկելու մասին տեղեկատվության չի տիրապետում: Խորհրդարանում լրագրողների հետ զրույցում նա ասաց, որ գիտի այնքան, որքան մամուլում լուրեր է կարդում:

«Իսկ մամուլին Սլավիկ Հարությունովն ասել է, որ ծեծկռտուք չի եղել, եւ որ ինքը սայթաքել ընկել է ու ստացել է այդ վնասվածքները: Ես այս պահին այդ տեղեկատվությանն եմ տիրապետում, իսկ Գագիկ Ծառուկյանի մասով որեւէ զարգացում, ընթացակարգ չկա»,- ասաց նա եւ շարունակեց.

«Նրա հարցազրույցները հիմք ընդունելով, ստացվում է, որ Հարությունովն ասել է՝ եղել է դեղերի ազդեցության տակ: Նա ասել է, որ պատերազմի մասնակից է, կանտուզիա է ունեցել, դրանով է պայմանավորված եղել իր նախնական ասածը, նաեւ որոշակի նեղվածություն է եղել: Նա ասաց, որ բազմաթիվ անգամ փորձել է կապվել Գագիկ Ծառուկյանի հետ, անընդհատ չի ստացվել, դրանից էլ լարվածություն է առաջացել իր մոտ: Այդ օրն էլ ժողովի ժամանակ բավականին խոսակցություն եղավ եւ կարողացավ դիմել պարոն Ծառուկյանին: Պարոն Ծառուկյանը սպորտի նախարարին ասաց, որ ուսումնասիրեն փաստաթղթերը, եթե հնարավորություն կա՝ իր տղայի հետ կապված հարցին ընթացք տան: Դրանից հետո առանձնազրույցի համար էր դիմել, իսկ այդ զրույցը հետաձգվել էր: Ես նրա հարցազրույցից առաջնորդվելով եմ ասում այս ամենը: Ես որպես հիմք ունեմ այդ հայտարարությունը»,- բացատրեց նա:

Հարցին` հնարավո՞ր է կաշառել կամ ճնշել են, որ հետ կանգնի իր նախնական խոսքից, Տոնոյանն ասաց. «Ես ձեզ խնդրում եմ, դուք բազմաթիվ հնարավորություններ կունենաք խոսելու ե՛ւ Հարությունովի, ե՛ւ իր տիկնոջ հետ: Կարծում եմ` այս հարցն իրականության հետ առնչություն չունի: Հարցի քննության օրը նա եկել էր, որ ցուցմունք տար, սակայն միջնորդությունը չընդունվեց եւ իրեն չկանչեցին ցուցմունք տալու»:

Դիտարկմանն էլ` ոստիկանապետը հայտարարել է, որ ընկնելու հետեւանքով նման վնասվածքներ հնարավոր չէ ստանալ, նա ասաց, որ ծանոթ է ոստիկանության պետի հայտարարությանը:

«Թե ինչո՞ւ է նա այդպիսի հայտարարություն արել հենց այն օրը, երբ դատարանում քննվում էր Էդուարդ Բաբայանի վերաբերյալ հարցը, դա թողնում եմ հանրության դատին, գնահատականին: Ինչ վերաբերում է Բաբայանին կալանավորելու որոշմանը, այժմ հարցը գտնվում է վերաքննիչ դատարանում եւ այս հարցը դեռեւս վիճարկման փուլում է: Այնպես չէ, որ համաձայն ենք այս դիրքորոշման հետ»,- ասաց նա:

Հիշեցնենք, որ Սլավիկ Հարությունովը հայտարարել էր, որ իրեն ծեծել են ՀԱՕԿ նախագահ Գագիկ Ծառուկյանն ու նրա անվտանգության ծառայության պետը, այնուհետեւ հետ էր կանգնել խոսքից:

Տպել
3681 դիտում

Ն. Փաշինյանն այցելել է «Մեգերյան կարպետ» ընկերություն, աշխատանքային ընթրիք ունեցել Հարվարդի շրջանավարտների հետ

Արցախի ՄԻՊ-ն ու Աննա Հակոբյանը քննարկել են մարդու իրավունքներին եւ մարդասիրական խնդիրներին առնչվող ծրագրերը

Հոգով ու սրտով կապված եմ եղել մարզիս հետ. Վահրամ Բաղդասարյանը դիմում է լոռեցիներին

ԿԸՀ-ն բաշխել է ընտրությունների տեղամասային հանձնաժողովների նախագահների ու քարտուղարների պաշտոնները

Ցուկերբերգն արգելել է Facebook-ի գրասենյակում Apple սմարթֆոնների օգտագործումը

Եղանակային պայմաններից ելնելով շարունակում է փակ մնալ Վերին Լարս տանող ճանապարհը

Եթե որևէ պրոֆեսոր ֆինանսական վնաս է պատճառել, ապա դա Գագիկ Եթիմյանն է. ՎՊՀ-ում զայրացած են

Զվարճալի միջադեպերի պատճառով Հայկ Կասպարովի տեսահոլովակը պատրաստելը ձգձգվել է

Տեղացած ձյունը մի շարք ճանապարհներին դժվարություններ է առաջացրել (լուսանկարներ)

Նոյեմբերի 15-ի դրությամբ համաներմամբ ազատ է արձակվել 484 դատապարտյալ

2 խնդիր, ինչի համար Հովհաննես Մարգարյանը չի մասնակցի ընտրություններին

«Իմ քայլը» դաշինքի նախընտրական ցուցակում ընդգրկված է 8 լրագրող. ովքե՞ր են նրանք

Ըստ դիմումի՝ Հայաստանում ստեղծվել է ֆինանսական բուրգ հանդիսացող կազմակերպություն. հարուցվել է քրգործ

Ստեփանավանի 2 բնակչի մեղադրանքներ են առաջադրվել՝ բնակարաններից գողություններ կատարելու համար

Ձյուդոյի ՀՀ առաջնության որակը լավացել է, խոստումնալից մարզիկներից 1-ը գուցե պատժվի. մարզիչ

Մեկնարկել է «Հայաստանի հմտություններ» ազգային մրցույթի եզրափակիչ փուլը

Անակնկալ ստուգումներ Երեւանի մանկապարտեզներում. հայտնաբերվել են խախտումներ, կլինեն հետեւանքներ (լուսանկարներ)

Վաղվա առաջնորդ կդառնան աշխարհում կատարվող սրընթաց փոփոխությունների կարևորությունը գիտակցողները. նախագահ

Դատարանը որոշեց բեկանել Քոչարյանի վերաբերյալ բողոքը, ուղարկել նոր քննության. Քոչարյանը հրապարակմանը ներկա չէր

Արդեն 25 անձ արյուն է հանձնել վթարի ենթարկված բալետի 23-ամյա արտիստի համար