ՊՆ նախկին նախարար Միքայել Հարությունյանի եւ իր կնոջ` Սվետլանա Հարությունյանի ունեցվածքը

Վերջին օրերին բուռն քննարկման առիթ է դարձել ՀՀ ՊՆ նախկին նախարար, Սերժ Սարգսյանի նախկին խորհրդական, ՀՀ նախագահի նախկին գլխավոր ռազմական տեսուչ Միքայել Հարությունյանի կալանավորման որոշումը: Հիշեցնենք, որ մոտ 3 շաբաթ առաջ Մարտի 1-ի գործով նոր զարգացումներ տեղի ունեցան: Ինչպես արդեն տեղեկացրել ենք, 2008 թվականի մարտի 1-ից 2-ն ընկած ժամանակահատվածում Երեւան քաղաքում տեղի ունեցած իրադարձությունների վերաբերյալ քրեական գործի նախաքննության ընթացքում ապացույցների բավարար համակցության հիման վրա 2018 թվականի հուլիսի 3-ին որոշում է կայացվել Հայաստանի Հանրապետության պաշտպանության նախկին նախարար, գեներալ-գնդապետ Միքայել Հարությունյանին ՀՀ քրեական օրենսգրքի 300.1-ին հոդվածի 1-ին մասով որպես մեղադրյալ ներգրավելու մասին:

ՀԺ-ն ուսումնասիրեց Միքայել Հարությունյանի եւ նրա կնոջ` Սվետլանա Հարությունյանի ներկայացրած հայտարարագրերը: Հարկ է նշել, որ պաշտոնը ստանձնելու օրվա դրությամբ Բարձրաստիճան պաշտոնատար անձանց էթիկայի հանձնաժողով ներկայացված հայտարարագիր չկա, բոլոր հայտարարագրերը տարեկան ձեռք բերած գույքի, դրամական միջոցների եւ եկամուտների վերաբերյալ են:

Միքայել Հարությունյանը 2014 թվականի մարտի 18-ին բարձրաստիճան պաշտոնատար անձանց էթիկայի հանձնաժողով է ներկայացրել իր գույքի եւ եկամուտների տարեկան հայտարարագիրը, ըստ որի՝ անցած հարկային տարվա սկզբում նրա դրամական միջոցները կազմել են 20 մլն դրամ եւ 10 հազար դոլար, իսկ տարեվերջում այն դարձել է 28 մլն դրամ եւ 10 հազար դոլար:

Հարկային տարում Հարությունյանի եկամուտը կազմել է 15 մլն 524 հազար 192 դրամ, որից 10 մլն 524 հազար 192 դրամը գոյացել է աշխատավարձից, իսկ 5 մլն դրամը՝ գույքի օտարումից:

Ամուսնու հետ զուգահեռ նույն օրը Միքայել Հարությունյանի կինը` Սվետլանա Հարությունյանը, ներկայացրել է իր տարեկան եկամուտները:

Ըստ այդ հայտարարագրի՝ Սվետլանա Հարությունյանը նախորդ հարկային տարվա սկզբում ունեցել է 3 մլն դրամ եւ 30 հազար դոլար, իսկ տարեվերջում՝ 6 մլն դրամ եւ 30 հազար դոլար:

Սվետլանա Հարությունյանի տարեկան եկամուտները 2014-ին նախորդող տարում կազմել են 13 մլն 315 հազար 921 դրամ, որը գոյացել է վարձակալության դիմաց ստացված վճարից:

2015 թվականի փետրվարի 4-ին Միքայել Հարությունյանը դարձյալ էթիկայի հանձնաժողով է ներկայացրել իր տարեկան հայտարարագիրը:

Ըստ այդ հայտարարագրի՝ Միքայել Հարությունյանը հարկային տարվա սկզբում ունեցել է 30 մլն դրամ եւ 10 հազար դոլար, ինչը տարեվերջում դարձել է 25 մլն դրամ եւ 10 հազար դոլար: Նախորդող տարում Հարությունյանի եկամուտները կազմել են 14 մլն 996 հազար 314 դրամ, ինչը գոյացել է աշխատավարձից:

2015 թվականի փետրվարի 4-ին ամուսնուն զուգահեռ իր տարեկան հայտարարագիրն է ներկայացրել նաեւ Սվետլանա Հարությունյանը:

Ըստ այդ հայտարարագրի՝ Սվետլանա Հարությունյանի դրամական միջոցները հարկային տարվա սկզբում կազմել են 7 մլն դրամ եւ 30 հազար դոլար, իսկ տարեվերջում այն դարձել է 8 մլն դրամ եւ 25 հազար դոլար:

Իսկ նրա եկամուտները կազմել են 9 մլն դրամ, որը գոյացել է վարձակալության դիմաց ստացված վճարից:

Ըստ 2016 թվականի փետրվարի 5-ին Միքայել Հարությունյանի ներկայացրած տարեկան հայտարարագրի՝ նա այդ տարվա սկզբում ունեցել է 25 մլն դրամ եւ 10 հազար դոլար, իսկ տարեվերջում նրա դրամական միջոցները զրոյական են եղել:

Միքայել Հարությունյանի տարեկան եկամուտը կազմել է 14 մլն 815 հազար 488 դրամ, որը գոյացել է աշխատավարձից:

Նույնը օրը ՊՆ նախկին նախարարի կինը` Սվետլանա Հարությունյանը, եւս ներկայացրել է իր տարեկան հայտարարագիրը: Ըստ այդմ՝ նա տարեսկզբում ունեցել է 8 մլն դրամ եւ 25 հազար դոլար, իսկ տարեվերջում ինչպես եւ ամուսնու դեպքում, նրա միջոցները զրոյական են եղել:

Սվետլանա Հարությունյանի տարեկան եկամուտը կազմել է 3 մլն 240 հազար դրամ, որը գոյացել է վարձակալության դիմաց ստացված վճարից:

Ըստ 2017 թվականի հունվարի 24-ին ներկայացրած հայտարարագրի Միքայել Հարությունյանը չի ունեցել դրամական միջոցներ: Հարությունյանն ունեցել է տարեկան եկամուտ 13 մլն 728 հազար 272 դրամի չափով, որից 4 մլն 630 հազար 311 դրամը գոյացել է կենսաթոշակից, 7 մլն 733 հազար 234 դրամը գոյացել է աշխատավարձից, իսկ 1 մլն 364 հազար 727 դրամը ըստ հայտարարագրի գոյացել է մեկ այլ աշխատավարձից:

Հարությունյանի տիկնոջ`Սվետլանա Հարությունյանի նույն օրը ներկայացրած հայտարարագրի համաձայն, նա չի ունեցել դրամական միջոցներ: Սվետլանա Հարությունյանը ունեցել է եկամուտ 4 մլն 320 հազար դրամի չափով, որը գոյացել է վարձակալության դիմաց ստացված վճարից:

Ըստ 2018 թվականի մարտի 12-ին Միքայել Հարությունյանի ներկայացրած հայտարարագրի, նա անցած տարում ունեցել է միայն եկամուտ 14 մլն 620 հազար 182 դրամի չափով, որից 9 մլն 405 հազար 462 դրամը գոյացել է աշխատավարձից, իսկ 5 մլն 214 հազար 720 դրամը կենսաթոշակից:

Սվետլանա Հարությունյանը 2018 թվականի մարտի 12-ին ներկայացրած տարեկան հայտարարագրի համաձայն ունեցել է միայն եկամուտ` 4 մլն 320 հազար դրամի չափով, որը գոյացել է վարձակալության դիմաց ստացված վճարից:

Այսինքն, Հարությունյանների ընտանիքը, ըստ հայտարարագրի, 4 տարի է՝ ձեռք չի բերել շարժական եւ անշարժ գույք:

Տպել
7266 դիտում

192 ընտրատեղամասի վերջնական արդյունքներով՝ «Իմ քայլը» դաշինքն առաջատար է՝ ձայների 81.05 %-ով

Դավիթ Խաժակյանն ու Արտակ Զեյնալյանը «Իմ քայլը» դաշինքի շտաբում են, շնորհավորում են հաղթանակի առթիվ

4/36 ընտրատեղամասում հաղթել է «Իմ քայլը» դաշինքը, 8 քաղաքական ուժեր ձայներ չեն ստացել

6/05 ընտրատեղամասում 734 քաղաքացուց 560-ը քվեարկել է «Իմ քայլը» դաշինքի օգտին

էրեբունու 10/49 ընտրատեղամասում եւս բացարձակ հաղթանակ է տարել «Իմ քայլը» դաշինքը

Հայկ Մարությանը 547 քվե ստացավ 01/08 ընտրատեղամասում

էրեբունու 10/50 ընտրատեղամասում 789 ընտրողից 678-ը քվեարկել են «Իմ քայլը» դաշինքի օգտին

Ավանի 1/09 տեղամասում ձայների ճնշող մեծամասնությամբ հաղթեց «Իմ քայլը» դաշինքը՝ 569 ձայն, «Լույսը»՝ 95, ԲՀԿ-ն 68 ձայն

Որքան ձայն է ստացել յուրաքանչյուր քաղաքական ուժ. ԿԸՀ հաշվիչը միացել է. արդյունքները՝ ուղիղ

Մարմնով պաշտպանել ենք քվեատուփը, կռիվ ենք տվել, հայտնվել մահակների տակ՝ այս օրը մոտեցնելու համար

Երեւանի 8/28 ընտրատեղամասում մի քանի հարյուր ձայնով առաջատար է «Իմ քայլը» դաշինքը

Արաբկիրի 4/38 ընտրատեղամասում «Իմ քայլը» դաշինքը հավաքել է 516 ձայն. նախնական տվյալներ

09/18 ընտրատեղամասում «Իմ քայլը» ստացել է 530 քվե, ԲՀԿ-ն՝ 73, «Լույսը»՝ 59

9/18 ընտրատեղմասում առաջատարը կրկին «Իմ քայլը» դաշինքն է. նախնական արդյունքներ

«Իմ քայլը» դաշինքի կենտրոնական շտաբում՝ այս պահին. հետեւում են ընտրությունների արդյունքներին

Շենգավիթում «Իմ քայլը» դաշինքը 80,23% է հավաքել. նախնական արդյունք

Երեւանի 7/35 ընտրատեղամասում եւս հաղթում է «Իմ քայլը» դաշինքը. նախնական արդյունք

6/51 ընտրատեղամասում «Իմ քայլը» դաշինքը հաղթանակ է տարել. նախնական տվյալ

Նախընտրական շրջանում ամենաշատ մուծումներ է արել ԲՀԿ-ն, ամենամեծ գումարը ծախսել է «Իմ քայլը» դաշինքը

Նորք-Մարաշ համայնքի 9/03 ընտրատեղմասում կրկին առաջատարը «Իմ քայլը» դաշինքն է. նախնական արդյունք