Փորձել եմ զերծ մնալ թայֆայից. Էդվարդ Միլիտոնյանը 1 դեմ ձայնով վերընտրվեց ՀԳՄ նախագահ

Այսօր Հայաստանի գրողների միությունում տեղի ունեցավ (ՀԳՄ) 18-րդ համագումարը, որի ընթացքում կայացավ ՀԳՄ նախագահի ընտրությունը: Միության 530 անդամից քվեարկությանը մասնակցեց 320 հոգի: ՀԳՄ անդամները գրեթե միաձայն կողմ քվեարկեցին կառույցն արդեն 4 տարի ղեկավարող Էդվարդ Միլիտոնյանի օգտին, դեմ քվեարկեց ընդամենը մեկը:

Էդվարդ Միլիտոնյանի ցանկությամբ՝ համագումարը սկսվեց աղոթքով եւ Տեր Թովմասի օրհնանքով: Ամենայն հավանականությամբ, Միլիտոնյանը ցանկանում էր աղոթքի միջոցով նպաստել աշխատանքի բնականոն ընթացքին եւ հավատ ներշնչել այդ մեկուկես ժամվա ընթացքում կատարվելիք «իրադարձության» անկողմնակալությանը:

Բացման խոսքում Միլիտոնյանն ասաց. «Ես այս չորս տարվա մեջ փորձել եմ զերծ մնալ թայֆայից կամ որևիցե խմբից: Ոմանք կարծել են՝ գրողների միությունը հսկայական ֆինանսների տեր կազմակերպություն է, եւ որ 2013 թվականին այդ «մեծ» ժառանգությունը կտակվել է մեզ: Պիտի սառը ջուր լցնեմ ձեր ջրաղացներին եւ ասեմ, որ 2014 թվականի հունվարի մեկով մեր հաշվեհամարին եղել է 63 հազար դրամ եւ ունեցել ենք 8 միլիոն 700 հազար դրամ պարտք՝ տարբեր հարկերի մասերով: Գրական հիմնադրամը ունեցել է 1 միլիոն դրամ, որը հաշվապահի աշխատավարձ պիտի լիներ»,-ասաց Միլիտոնյանը:

Վստահեցրեց, որ այդ հայտարարությամբ բոլորովին էլ չի ցանկանում ստվեր գցել նախորդ նախագահի՝ Լեւոն Անանյանի գործունեության վրա, որովհետև ժամանակին իրենք միասին են աշխատել: «Դժվարություններ եմ տեսել, որը յուրաքանչյուր մեր անդամ չէ, որ պատկերացնում է, եւ այն ռոմանտիզմը, որ Հայաստանում եւ այլուր մեր հսկա բարերարները սպասում են, որ արագ իրենց գրպաններից հանեն, կամ հաշվեհամարներից գումար փոխանցեն՝ չարաչար սխալվում ենք բոլորս»,- ասաց ՀԳՄ նախագահը:

ՀԳՄ նախագահի պաշտոնում իր թեկնածությունն առաջադրեց նաեւ Վոլոդյա Հայրապետյանը, սակայն ներկաներից ոչ ոք վերջինիս օգտին չքվեարկեց:

Նշենք, որ Հայաստանի գրողների միության նախագահի պաշտոնում մինչ այս այլ գրողների թեկնածություններ`բացի միության գործող նախագահ Էդվարդ Միլիտոնյանից, չէին շրջանառվում: Միության կուլիսներում մինչ ընտրությունը խոսվում էր` այլ թեկնածու ի հայտ չի գալու: Միլիտոնյանը միությունը կնախագահի եւս մեկ ժամկետ, ուստի, այլ գրողներ չեն համարձակվել, կամ էլ ժամանակի անիմաստ վատնում են համարել իրենց թեկնածության առաջադրումը:

Սակայն մինչ քվեարկությունն ու Միլիտոնյանի վերընտրվելը՝ գրողների միության անդամների կողմից հնչեցին բազմաթիվ բողոքներ՝ հասարակությունից ու Կառավարության կողմից իրենց անտեսված լինելու եւ կտրված լինելու վերաբերյալ: Քննարկման եւ կարծիքների տեղատարափից հետո, գրող Հարություն Հովնաթանը բողոքեց նաև գրողներին տրվող ամենամյա մրցանակների ոչ օբյեկտիվ մոտեցումից:

Հովնաթանը Էդվարդ Միլիտոնյանին հանդիմանեց, թե ինչու վերջինս ոչ մի անգամ չի ընդգրկվում ժյուրիի կազմում եւ իր հստակ դիրքորոշումը չի հայտնում: «Դուք անպայման պետք է խառնվեք, քանի որ այսօր ամեն մի պոռնո գրականություն ստեղծող մրցանակի է արժանանում, իսկ իրական ստեղծագործողներն այդպես էլ ստվերում են մնում»,- ասաց Հովնաթանը:

Տպել
2611 դիտում

Ռոբերտ Քոչարյանը Սիլվա Համբարձումյանից նաեւ 2 միլիոն է պահանջում. դատավորի անունը հայտնի է

Արտահերթ խորհրդարանական ընտրություններին մասնակցելու հայտ է ներկայացրել 11 քաղաքական ուժ

ՀՀ նախագահի հրամանագրով Երեւան քաղաքի առաջին ատյանի դատարանը նոր դատավոր ունի

ԲՀԿ համապետական ցուցակի առաջին տասնյակը. այն գլխավորում է Գագիկ Ծառուկյանը

ՀՅԴ համապետական ցուցակը ամբողջությամբ. այն գլխավորում է Արմեն Ռուստամյանը

6-րդ գումարման ԱԺ-ի հարցուպատասխանը եզրափակվեց փոխադարձ կոմպլիմենտներով. Փաշինյանն ու Բաբլոյանը հին օրերն էին հիշել

Վթարի ենթարկված բալետի 23-ամյա արտիստի մոտ դրական դինամիկա է նկատվում

Որոշում եմ կայացրել չմասնակցել գալիք խորհրդարանական ընտրություններին. Արգամ Աբրահամյան

Առաջին համարը Վարուժան Ավետիսյանն է. «Սասնա Ծռեր»-ը ներկայացնում է առաջին 33 համարները

Մարտուն Գրիգորյանը չի մասնակցի խորհրդարանական արտահերթ ընտրություններին

ԿԳ փոխնախարարը պատասխանել է ՀՊՏՀ-ի ուսանողների բաց նամակին

Նախկին ԱԺ-ի դեպքում մտքիս ծայրով չէի անցկացնի գործել այնտեղ. Արսեն Ջուլֆալակյան

Նորաստեղծ «Քաղաքացու որոշում» սոցիալ-դեմոկրատական կուսակցության նախընտրական ցուցակի առաջին տասնյակը

Ներողն ո՞վ է՝ Նիկոլ Փաշինյան կոչեցյա՞լը. թքած ունեմ համաներման վրա. «Սասնա ծռեր» խմբի անդամ Սմբատ Բարսեղյան

Էդմոն Մարուքյան, Մանե Թանդիլյան, Արման Բաբաջանյան եւ այլք. «Լուսավոր Հայաստան»-ի տասնյակը

Գյումրու թիվ 18 դպրոցը չի ջեռուցվում. ծնողները խոստանում են բողոքի ցույց անել

Եթե արտագաղթեմ՝ կգտնվեն հայ լրագրողներ, ովքեր կասեն ՝ չե՞ք կարծում, որ ԽԾԲ-ի շնորհիվ եք վիզա ստացել. պատգամավոր

Բերեզովսկու, Ռոհնի և Հայաստանի պետական սիմֆոնիկ նվագախմբի համատեղ համերգով ամփոփվեց Խաչատրյանի 6-րդ միջազգային փառատոնը

Ժողովրդին համազգային «ղումարբազության» մեջ ներքաշելը անարգանք է. տոտոների եւ վիվառոների հարցն՝ ԱԺ-ում

Հրաժարական է տվել Իսրայելում ադրբեջանցիների հիմնական լոբբիստը․ պատմական պահ է ՀՀ-ի համար