Ջավախքում ամոթ էր, երբ տղամարդը եկեղեցի էր մտնում

Վրաստանի, մասնավորապես՝ Ջավախքի տարածաշրջանում սովորական են այն դեպքերը, երբ Շիրակի մարզի եկեղեցականները ծառայության են անցնում այդ տարածաշրջանի տարբեր քաղաքներում։ Դիլիսկայի եւ հարակից գյուղերի հոգեւոր հովիվ Տեր Տիգրան քահանա Մխիթարյանը ՀԺ-ի հետ զրույցում ասաց, որ միտումնավոր ոչինչ չկա, պարզապես պատահական համընկնում է: Տեր Տիգրանի հետ զրուցեցինք նաեւ տեղի հոգեւոր-մշակութային եւ ազգապահպանման հարցերի շուրջ:

Տեր Տիգրանի վստահեցմամբ՝ ջավախահայության թիվ մեկ խնդիրն այն է, որ գյուղական բնակավայրերում զբաղվածության եւ գերծանրաբեռնվածության պատճառով չեն կարողանում լիարժեք հոգեւոր կյանքով ապրել: «Կիրակի օրերի այցելությունն առատ չէ, բայց որ մեծ տոներին բազմության հոսք կա, դա փաստ է»,- ասաց նա:

Խոսելով ծիսակատարությունների եւ տոների մասին՝ Տեր Տիգրանը փաստեց, որ վերջին տարիներին տեղեկացվածության առումով բավականին առաջընթաց կա. «Իմ հոգեւոր ծառայության ընթացքում կամաց-կամաց սկսել ենք այդ տոները դարձնել ճանաչված: Նախկինում Ջավախքում ապրող հայերը երկու տոն գիտեին՝ Սուրբ ծնունդ եւ Զատիկ, մնացածները ինչ-որ մի տեղից լսել էին եւ չէին էլ հետաքրքրվել, թե դա ինչ է, բայց մենք կատարեցինք մեր առաքելությունը, տարբեր տոներ ներկայացրեցինք, դրանց նախապատմությանը ծանոթացրեցինք եւ այլն: Դեռ 99 տոկոս ունենք անելու եւ հույս ունենք, որ դա էլ կհասցնենք»,- ասաց նա:

Տեր Տիգրանը 9 տարուց ավելի է՝ ինչ Հայաստանից տեղափոխվել է Վրաստան՝ Ջավախք, նախնական հոգեւոր ծառայությունը սկսել է Ախալցիխեի տարածաշրջանից, ապա տեղափոխվել է Դիլիսկա եւ հարակից գյուղեր: «Հետխորհրդային տարիներից հետո թվաքանակով Ախալցիխեի հայերը գերակշռել են, նույնիսկ գյուղերում բազմաթիվ վրացիներ մկրտվել են հայկական եկեղեցիներում, որովհետեւ իրենք եկեղեցի չեն ունեցել»,- պատմեց քահանան:

Տեր Տիգրանն անդրադարձավ նաեւ Ջավախքում բազմաթիվ գյուղերի եկեղեցի չունենալու խնդրին. «Ես իմ հովվության ներքո ունեմ 11 գյուղ, որից եկեղեցի ունեն ընդամենը հինգը, մնացյալ գյուղերին, տարբեր միջոցառումների ընթացքում գյուղապետերի միջոցով կամ մեկը մյուսի միջոցով տեղյակ ենք պահում: Այստեղ ամեն մեկը, եթե չասեմ երկու, ապա մեկ ավտոմեքենա կունենա»:

Մեր հարցին՝ մարդիկ այստեղ բարեկեցիկ կյանքո՞վ են ապրում, Տեր Տիգրանը պատասխանեց. «Համեմատաբար այո, դուք Ախալքալաքում չեք տեսնի մուրացկան, չունենք: Մեր գյուղերի ժողովուրդը կարողանում է նորմալ ապրել, չի դժգոհում, արժանապատիվ ձեւով կարողանում են իրենց կյանքն ապահովել»: 

Եկեղեցիների կամ փոքրիկ աղոթատեղիների ստեղծումը չի քննարկվել, ամեն մեկն այստեղ հնարավոր է, որ պապական ինչ-որ սրբավայր կամ աղոթատեղի ունենա, որտեղ ժողովուրդը գնում, իր մոմավառությունն է անում: Տանն էլ կարելի է մի անկյուն ունենալ, բայց դա չի նշանակում, որ պիտի ազատվենք եկեղեցի գնալուց ու պատարագի մասնակցելուց:

Վստահեցրեց, որ այն կարծրատիպը, թե տղամարդը եկեղեցի չպիտի գնա՝ կոտրվել է. «Եթե մի տասը տարի առաջ եկեղեցի գնացող մարդուն կարող էին մատնացույց անել, հիմա՝ ոչ: Առաջին հարցադրումը, որ անում էին՝ քեզ ինչ է եղել, որ եկեղեցի ես գնում: Եվ թուլություն էին համարում, եւ հոգեկան ու բարոյական խնդիրներ էին համարում, բայց հիմա այդ կարծրատիպը կորել է: Տղամարդը զգաց, որ եկեղեցու պահողն ինքն է»:

Տպել
1114 դիտում

Հայկական ստորաբաժանումը առաջիկայում լիովին պատրաստ կմեկնի Սիրիա. Դավիթ Տոնոյան

Կարգադրվել է բարձրացնել զինվորականներին տրվող ներքնաշորերի որակը. Դավիթ Տոնոյան

Արցախում կայացել է մարտավարական զորավարժություն. ՊԲ-ն ներկայացնում է լուսանկարներ

Բուռն քննարկումներից հետո ՀԱԿ-ը որոշել է չմասնակցել արտահերթ ընտրություններին

Հայաստանի մի մասում անձրեւ, մյուսում՝ ձյուն է սպասվում. ԱԻՆ-ը հորդորում է անցնել ձմեռային անվադողերի

Գալուստ Սահակյանին փոխարինելու է Նաիրա Կարապետյանը

Պարգեւատրվել են լավագույն պարտադիր ժամկետային զինծառայողների ուսուցիչները

Դատախազությունն ուսումնասիրում է Հակոբ Հակոբյանի հայտարարությունը՝ կեղծ դեղեր գնվելու մասին

Հիմա էլ որպես ընդդիմություն են ստում. վերջին վարիանտ՝ Սերժ Սարգսյանը չէր հրաժարվի նաեւ ժողովրդի դեմ չերյոմուխա կիրառել

Քաղաքապետը Միջազգային պարալիմպիկ կոմիտեի նախագահի հետ հանդիպմանը կարևորել է պարասպորտի զարգացումը

Քրեական հեղինակություն Շալիկոյի սպանությունը նախապատրաստելու համար մարզիկին մեղադրանք է առաջադրվել

Ամփոփվել են ՎՏԲ-Հայաստան Բանկի #երբշահումես  մարքեթինգային արշավի արդյունքները

Աննա Հակոբյանը Մոսկվայում է. հանդիպումների ժամանակ ներկայացրել է իր ծավալած գործունեությունը

Վարչապետի խորհրդականը՝ ռեյտինգային թեկնածու

Ազգային ժողովի արձակումից հետո նոյեմբերի 11-ին տեղի կունենա առաջին լիագումար նիստը

Թուրքիային Քեմալ Օքսուզին հանձնելու միջնորդությունը ստացվել է ԱՄՆ-ի միջնորդությունը բավարարելուց հետո

Քունջութի յուղից և մածուկից մինչև դիզայն ու փրոդաքշն. սփյուռքահայերի բիզնեսը Հայաստանում (տեսանյութ)

Աննա Հակոբյանն այցելել է սիրված դերասան, թատրոնի ռեժիսոր Արմեն Ջիգարխանյանին

Տնակից դուրս չեն գալիս, որ նպաստ ստանան. Գյումրու ավագանին 2 ուղերձ հղեց կառավարությանը

Հ. Մարությանի որոշմամբ ապամոնտաժվել է ևս մեկ ինքնակամ շինություն, այս անգամ՝ Գյուրջյան փողոցում