Ոստիկանությունը Էջմիածնի քաղաքապետի գրառումը հանցագործության մասին հաղորդում չի ընդունել

Էջմիածնի քաղաքապետարանի կողմից վերջին տարիներին տարեկան 7 միլիոն 200 հազար ՀՀ դրամի ծաղիկ կամ ծաղկեպսակ ձեռք բերելու հետ կապված Էջմիածնի քաղաքապետի ժամանակավոր պաշտոնակատար Դիանա Գասպարյանը իրավապահ մարմիններին չի դիմել: Այս մասին մեր զրույցում ասաց վերջինս՝ նշելով, որ կարծում է՝ այս խնդրում առերեւույթ հանցակազմ, որպես այդպիսին, չկա, բայց ոստիկանությունն իր գրառումը կարող է ընդունել որպես հաղորդում հանցագործության մասին.

«Կան հնարավոր չարաշահումներ, կասկածելի երեւույթներ: Իրավիճակը գնահատելով՝ ես իրազեկել եմ հանրությանը, եւ իմ գրառումը իրավապահ մարմինները կարող են ընդունել նաեւ հաղորդում հնարավոր հանցագործության մասին, եւ հետագայում իրենք գնահատականներ տան: Ես այս պահին կարող եմ միայն կասկածելի թվացող փաստերը վեր հանել»,- ասաց Դիանա Գասպարյանը:

Վերջինս ֆեյսբուքում գրառում էր կատարել Էջմիածնի քաղաքապետարանում կատարած հնարավոր չարաշահումների մասին, որտեղ, մասնավորապես, ասված էր.

«Սիրելի՛ համաքաղաքացիներ,

Գնումների գործընթացների մեր ուսումնասիրությունների արդյունքում պարզվել է, որ Էջմիածնի քաղաքապետարանը վերջին տարիներին տարեկան 7,200,000 ՀՀ դրամի ծաղիկ կամ ծաղկեպսակ է ձեռք բերել մի Ա/Ձ-ից: Մաթեմատիկական պարզ հաշվարկները ցույց են տալիս, որ տարիներ շարունակ Էջմիածնի քաղաքապետարանը ամսական 600,000 ՀՀ դրամի կամ օրական 20,000 ՀՀ դրամի ծաղիկ կամ ծաղկեպսակ է ձեռք բերել: Թե ինչ նպատակով է դա արվել, անհայտ է, սակայն, կարծում եմ, բոլորիս համար ակնհայտ է, որ համայնքային համեստ բյուջեի համար սա անթույլատրելի շռայլություն է եւ միջոցների անհարկի վատնում:

Առայժմ այսքանը»,- գրել էր Էջմիածնի քաղաքապետի ժամանակավոր պաշտոնակատարը:

Նա իր գրառման մեջ նաեւ նշել էր, որ նմանատիպ բացահայտումները շարունակական են լինելու: Մեր հարցին՝ այս պահին կա՞ն այլ չարաշահումների հետ կապված բացահայտումներ, Գասպարյանն ասաց, որ փակագծեր հիմա չի բացի. «Բայց կարող եմ ասել, որ շատ հետաքրքրական է լինելու ոլորտը»,- հավելեց նա:

Իսկ ոստիկանությունից տեղեկացանք, որ չարաշահումների վերաբերյալ հանցագործության մասին հաղորդում չեն ստացել:

Օրեր առաջ էլ Դիանա Գասպարյանն ավագանու նիստում Մանվել Գրիգորյանին Էջմիածնի պատվավոր քաղաքացու կոչումից զրկելու համար ֆեյսբուքյան քվեարկություն էր նախաձեռնել: Այս պահին քվեարկության արդյունքները 93 % կողմ եւ 3% դեմ հարաբերությամբ են:

Մեր հարցին՝ Գասպարյանն արդեն որոշում կայացրե՞լ է, Էջմիածնի քաղաքապետի ժամանակավոր պաշտոնակատարը պատասխանեց, որ այս քվեարկությունը սկսել է, քանի որ նախքան ավագանու նիստում հարցը բարձրացնելն իրեն հետաքրքիր է հանրության արձագանքը.

«Ի դեպ, տարօրինակ պահ եղավ, որ վերջին դեպքերից ու բացահայտումներից հետո տարբեր քաղաքներ իրար հետեւից սկսեցին զրկել պատվավոր քաղաքացու կոչումից, բայց եթե ապացուցվի Մանվել Գրիգորյանի մեղադրանքը, պարզ կլինի, որ հենց Էջմիածինն է այն քաղաքը, որն ամենաշատն է տուժել»,- մեր զրույցում ասաց Գասպարյանը:

Նա նաեւ նշեց, որ որպես իրավաբան կարող է ասել, որ չի խախտվում անմեղության կանխավարկածը, որովհետեւ պատվավոր քաղաքացի կոչումն, ըստ էության, իրենից իրավական որեւէ բան չի ենթադրում.

«Եւ այս հարցը մենք պարզապես բարոյական հարթության մեջ ենք դիտարկում: Ինչ վերաբերում է այն մտահոգությանը, թե քաղաքում այլ խնդիրներ էլ կան, մինչ այս, կարող եմ ասել, որ սա չի նշանակում, թե քաղաքական ավելի կարեւոր խնդիրներ չունի: Քաղաքն ունի խնդիրներ, եւ այս հարցը, ի թիվս այլ հարցերի է ներառվում օրակարգում»,- «Հայկական ժամանակ»-ի հետ զրույցում ասաց Դիանա Գասպարյանը:

Էջմիածնի ավագանու նիստը կկայանա հուլիսի 24-ին: Ինչպես նշեց քաղաքապետի պաշտոնակատարը՝ հանրությունը հնարավորություն կունենա հետեւել եւ իր աչքով տեսնել՝ ավագանու անդամները կողմ են քվեարկում Մանվել Գրիգորյանին Էջմիածնի պատվավոր քաղաքացու կոչումից զրկելու հարցին, թե՝ դեմ:

Տպել
6219 դիտում

Երթևեկության կազմակերպման փոփոխություն Երևանի Սասունցի Դավիթի և Բելինսկու փողոցների խաչմերուկում

Բակո Սահակյանը Փարիզում հանդիպել է Ֆրանսիա-Արցախ բարեկամության շրջանակի անդամների հետ

Սամբոյի աշխարհի առաջնությունում հայաստանցի սամբիստները նվաճեցին երեք մեդալ

Իտալիայի Ազգային հետազոտությունների խորհրդի նախագահը հետաքրքրված է ՀՀ նախագահի քվանտային տեսությամբ

ՀՀԿ-ն գալիս է որպես ընդդիմություն՝ ունենալով Արցախի անվտանգ ապագան իր օրակարգի 1-ին կետ. Վ. Սարգսյան

Ձյան ու մերկասառույցի պատճառով արդեն ահազանգեր կան, մեքենա է արգելափակվել. ԱԻՆ

Հայաստանում ձյուն է տեղում, դժվարանցանելի են Դիլիջանի ոլորանները, որոշ տեղերում մառախուղ է, մերկասառույց

Արարատի աղբավայրից վտանգավոր արտանետումներ այլևս չեն լինի, աղբը թաղել են, մի մասը՝ մշակել

«Արզնի կաթ»-ը հերքում է բուսական յուղի մասին հրապարակումը. սեփական կովերի կաթն է օգտագործում

Հոգեկան խնդիրներ ունեցող հարևանուհու պատճառով տունը մոխրակույտի է վերածվել. տանտիրուհին օգնություն է խնդրում

Սոցիալ Դեմոկրատ Հնչակյան կուսակցությունը չի մասնակցի ընտրություններին. գաղափարական սկզբունքի խնդիր է

Քրեական գործեր՝ հոգեբուժարաններում արձանագրված խախտումների վերաբերյալ

«Քաղաքացու որոշում» ՍԴԿ-ն հրապարակել է ցուցակի առաջին 31 թեկնածուների անունները

Վարորդներին խորհուրդ է տրվում երթեւեկել ձմեռային անվադողերով

Ես կլինեմ ՀՀԿ-ի կենտրոնական հարձակվողը. Մենուա Հարությունյան

Դեկտեմբերին արտահերթ ընտրություններ կլինեն նաեւ Ուրցաձորում, համայնքի ղեկավար են ընտրելու

«Ազգային Առաջընթաց» կուսակցության ցուցակը կին է գլխավորում

Գլխավոր դատախազությունը կարճել է Հայաստանում Քևին Օքսուզի դեմ հարուցված քրեական գործը

Գողություն Աբովյան փողոցի սրճարաններից մեկում. որոնվում է տեսապատկերված անձը (տեսանյութ)

ՀՀ գյուղատնտեսության նախարարի պաշտոնակատար Գեղամ Գևորգյանն այցելել է «Սպայկա» ընկերություն