Պոլիկլինիկայի բժիշկները շոյվել են աշխատավարձի սպասվող բարձրացումից, բայց ոգեւորված չեն

Օգոստոսի մեկից բարձրանալու է առողջության պահպանման առաջնային օղակի բուժաշխատողների աշխատավարձերը: Նրանց թիվը շուրջ 10 հազար է: Տեղեկությունը երեկ հայտնել է Առողջապահության նախարար Արսեն Թորոսյանը՝ սոցցանցի ուղիղ եթերում: Նա ասել է, որ դա հնարավոր է դարձել՝ բյուջետային միջոցների տնտեսումների հաշվին: Խոսքը 700 միլիոն դրամի մասին է: Թորոսյանը չի բացառել, որ մոտ ապագայում այդ բուժաշխատողների աշխատավարձը բարձրացնելու եւս մեկ հնարավորություն կարող է ստեղծվել:

«Բյուջետային միջոցների ներքին տնտեսումների հաշվին մենք կարողացել ենք հասնել նրան, որ սույն թվականի օգոստոսի 1-ից բարձրացնելու ենք պոլիկլինիկաների եւ ամբուլատորիաների բժիշկների եւ միջին բուժանձնակազմի աշխատավարձը՝ մոտ 15%-ով: Կարողացել ենք 700 միլիոն դրամի տնտեսումը ուղղել հենց բուժաշխատողների աշխատավարձերի բարձրացմանը»,- ասել է նախարարը:

«Ես կարծում եմ՝ այս բարձրացումը պետք է շարունակական լինի, եւ մենք այդ ուղղությամբ էլի ենք աշխատելու: Մոտ ապագայում դրա մասին հավելյալ ինֆորմացիա կհաղորդենք: Բայց միեւնույն ժամանակ ուզում եմ խնդրել եւ կոչ անել մեր բուժաշխատողներին, հատկապես առաջնային օղակի, որը ես շատ եմ կարեւորում. իսկապես արդարացնել իմ եւ մեր քաղաքացիների վստահությունը ձեր նկատմամբ եւ բարձրացնելով այդ վստահությունը՝ կանխարգելել հիվանդությունները ու թույլ չտալ, որ դրանք զարգանան եւ ավելի խորանան: Մենք պետք է ռադիկալ փոփոխությունների ենթարկենք առողջության առաջնային պահպանման օղակը, եւ հավանաբար կմտածենք մեխանիզմներ, որպեսզի բժիշկների եւ բուժհաստատությունների փոխհատուցումը լինի ոչ միայն մարդաշնչով, այլեւ կատարողականի, այսինքն՝ արդյունքների վրա հիմնված: Հետեւաբար ուզում եմ, որ ավելի զգոն լինեք եւ կատարեք ձեզ վրա դրված այդ ծանր պարտականությունը պատվով»,- եզրափակել է առողջապահության նախարարը:  

Առողջապահության նախարարությունից առայժմ չեն պատասխանել մեր հարցմանը, որով հետաքրքրվել էինք, թե հատկապես ինչ տնտեսումների մասին էր նշում նախարարը եւ այդպիսի ինչ օրինակներ կան: Թե առաջիկայում ուրիշ ի՞նչ խնայողություններ կլինեն եւ էլի որքա՞ն հնարավոր կլինի բարձրացնել առաջնային օղակի բուժաշխատողների աշխատավարձը, նույնպես հայտնի չէ: Իսկ մինչ այդ, հայտարարված հավելումը նրանց կարծես առանձնապես չի ոգեւորել: Համենայնդեպս, դա այդպես էր մեզ հետ զրուցած բուժաշխատողների դեպքում:

Իհարկե, նրանք շոյված էին ոլորտի պատասխանատուների այդ ուշադրությունից, բայց եւ նշում էին, որ իրենց ցածր աշխատավարձերի պայմաններում 15 տոկոսով բարձրացումը էական ոչինչ չի փոխելու: «Այնքան ցածր է մեր աշխատավարձը, որ 15 տոկոս բարձրացնելը ինչ պիտի փոխի: Ամբողջ օրը այստեղ եմ, 60 հազար դրամ եմ ստանում: Դա նորմալ չէ»,- ասաց Երեւանի N1 պոլիկլինիկայի սրտաբանը: Հաջորդ ամսվանից նրա աշխատավարձը փաստորեն կկազմի 69 հազար դրամ:

Թերապեւտները վարձատրվում են՝ ըստ սպասարկվող բնակչության քանակի: Նրանցից մեկն ասաց, որ իր սպասարկման տարածքում 1 600 անձ է հաշվառված: Աշխատավարձը 93 հազար դրամ է: Օգոստոսից աճը կկազմի 13 հազար 950 դրամ՝ ընդհանուր առմամբ հասնելով գրեթե 107 հազարի:

«Շոյված ենք, որ նախարարը հիշել է մեր մասին, որ հասկացել է, որ առաջին օղակի բժիշկները իրոք չարքաշ աշխատանք են կատարում եւ անշնորհակալ գործ են անում: Շատ շոյված ենք դրա համար, ուղղակի 15 տոկոսը այդ էական փոփոխությունը չէ»,- ասաց թերապեւտներից մեկը, որը, ինչպես եւ մեզ հետ զրուցած մյուս բուժաշխատողները, չցանկացավ անունը հրապարակել: Նա, միեւնույն ժամանակ, դժվարացավ ասել, թե որքան պետք է վարձատրվի բժիշկը՝ կատարած աշխատանքի դիմաց վարձատրությունն արդարացի համարելու համար. «Չգիտեմ, չեմ կարող ասել: Ցանկությունները շատ մեծ են, երկրի հնարավորությունները, պարզ է, որ քիչ»: Ինչ վերաբերում է աշխատավարձի չափը որոշելու գործող մեխանիզմին, երբ կարեւոր է բնակչության թիվը, նա կարծիք հայտնեց, որ դա ճիշտ տարբերակ չէ, եւ ինքը կնախընտրեր, որ բժիշկների աշխատանքը չափվեր՝ ըստ դրույքի:

«Ինչ է նշանակում՝ ընկնենք բնակչության հետեւից, որ մեզ տասը դրամ փող ավելացնեն: Դրույք պիտի լինի: Ամեն մի բժիշկ պետք է ունենա մեկ դրույք, կես դրույք, եւ այդ դրույքի համար պետք է հստակ վարձատրության չափ լինի»,- աշխատավարձի անկայունությունն ընդգծեց թերապեւտը:

«Մենք գոհ ենք, որ մտածել են մեր մասին, բայց դա մի քիչ քիչ է այս աշխատանքի համար: Իհարկե, միշտ, ինչքան էլ ստանանք, պիտի ասենք՝ քիչ է: Չենք բավարարվի: Բայց գոնե բյուջեի հնարավորությունների սահմաններում եթե ոչ մաքսիմալին, գոնե միջինին հասցվի: Հիմա մենք մինիմալից էլ մինիմալն ենք ստանում: Ինտելիգենցիան՝ բժիշկները, մանկավարժները արհամարհված էին մինչեւ այսօր: Բժիշկը պետք է ապահովված լինի, որ ուրիշ ոչ մի բանի մասին չմտածի: Միայն մտածի հիվանդին բուժելու մասին»,- ասաց N1 պոլիկլինիկայի մեկ այլ թերապեւտ:   

Ընդհանրապես առաջնային օղակում աշխատող բժիշկների վերաբերյալ դժգոհությունները բնակչության շրջանում շատ են: Մեր զրուցակից թերապեւտը չթաքցրեց, որ դա կարող է ուղիղ համեմատական լինել բժշկին վճարվող աշխատավարձին: «Ինչ-որ մի տեղ այդպես է: Գիտե՞ք ինչ, երբ վարձատրվում ես, աշխատանքդ գնահատվում է: Օրինակ ես եկել եմ առավոտյան, ժամը 13:30 աշխատանքս վերջացել է: Բայց մինչեւ հիմա նստած եմ, որ այս կիսատ աշխատանքները ավարտեմ: Մինչեւ ժամը 15:00-16:00-ն մնում եմ: Երբ վարձատրվում ես, արդեն ասում ես՝ դե ոչինչ: Ահա խնդրեմ, նայեք կտրոնները, այ այսքան հիվանդ եմ ընդունել՝ 20-30: Երեւի սրա կեսի չափ էլ արագության տակ առանց կտրոնի եկել են, էլ չեմ հարցրել՝ կտրոն ունես, չունես, արագ-արագ ընդունել եմ: Միայն հինգ հոգու համար անգլերենով հատուկ տեղեկանք եմ լրացրել՝ Չինաստան մեկնելու համար: Ամեն մեկի վրա երեւի մեկ ժամ է ծախսվել: Այս ծանրաբեռնվածությամբ աշխատել եմ: Պարզ չէ՞, որ փող չստանամ, պիտի դժգոհեմ: Որ ստիմուլ չի լինում, շատ ժամանակ զայրույթդ թափում ես հիվանդի վրա, նյարդայնանում ես՝ անկախ քեզնից: Բայց որ ստիմուլ կա, փող կա, հաճույքով ես աշխատում»,- ասաց պոլիկլինիկայի բժիշկ-թերապեւտը, որի սպասարկման տարածքում 3 հազար բնակիչ կա: Աշխատավարձը 130 հազար դրամ է: Բարձրանալուց հետո կկազմի 149 հազար 500 դրամ:

Տպել
8027 դիտում

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում