ԵԼՔ դաշինքի պահպանման հարցով քննարկումներ կա՞ն. ՔՊ-ականները իրարամերժ պատասխաններ են տալիս

Հուլիսի 16-ին իշխող Քաղաքացիական պայմանագիր կուսակցությունը բացեց հերթական գրասենյակը: Յուրաքանչյուր շաբաթը մեկ գրասենյակ բացելը իշխող կուսակցության համար դարձել է սովորական երեւույթ: Նախորդ շաբաթ ՔՊ-ն մեծ շուքով գրասենյակ բացեց Էրեբունի վարչական շրջանում, երկու օր առաջ էլ բացել էր Աջափնյակում: Այս անգամ շամպայն-ֆուրշետի ուղեկցությամբ ՔՊ-ն գրասենյակ բացեց Երեւանի Շենգավիթ վարչական շրջանում:

Ինչպես «Հայկական ժամանակ»-ին փոխանցեց կուսակցության վարչության անդամ, կրթության ու գիտության նախարար Արայիկ Հարությունյանը՝ Քաղաքացիական պայմանագիր կուսակցության վարչությունը նախատեսել է մայրաքաղաքի բոլոր վարչական շրջաններում մեկական գրասենյակ բացել: ՔՊ-ականները չեն թաքցնում, որ աջ ու ձախ կուսակցական գրասենյակներ բացելով՝ նախապատրաստվում են Երեւանի ավագանու առաջիկա արտահերթ ընտրություններին:

«Մենք կարեւոր գործընթացի մեջ ենք, որովհետեւ այն, ինչ արել ենք, հիմա պետք է ընտրություններով ամրագրենք բոլոր տեղերում: Երեւան քաղաքում այս գրասենյակների բացումը շատ կարեւոր նշանակություն ունի: Առաջիկայում մենք պատրաստվում ենք ստանձնել Երեւան քաղաքի իշխանության պատասխանատվությունը: Այս գրասենյակները միտված են նրան, որ լավագույնս դա անենք եւ մեր ժողովրդին համախմբենք Քաղաքացիական պայմանագիր կուսակցության շուրջ»,- «Հայկական ժամանակ»-ի հետ զրույցում, մասնավորապես, ասաց Արայիկ Հարությունյանը:

Հարությունյանի փոխանցմամբ՝ թեկնածուի հարց ներկուսակցական կուլիսներում չի եղել, իսկ գրասենյակների բացումն էլ պայմանավորեց այն հանգամանքով, որ շատերն են ցանկանում աջակցել կուսակցությանը եւ ներգրավվել քաղաքական գործընթացներին:

«Գրասենյակները որպես այդպիսին կազմակերպչական կենտրոններ են՝ յուրաքանչյուր վարչական շրջանում: Տեսնում եք, որ յուրաքանչյուր վարչական շրջանում մեկ գրասենյակ ենք բացում, որտեղ մարդիկ կգան եւ տեղեկատվություն կստանան, իրենց հարցերը կտան, պատասխաններ կստանան: Նախորդ իշխանությունների նման լայնորեն չենք տարածվում»,- ասաց կուսակցության վարչության անդամը:

Արայիկ Հարությունյանն անդրադառնալով հուլիսի 16-ին տապալված քաղաքապետի ընտրությանը եւ պատասխանելով մեր հարցին, թե՝ արդյո՞ք այսպիսով` ՔՊ-ն չի նպաստում, որ Երեւանի կառավարումը ձախողվի, պատասխանեց.

«Այն գործընթացները, որոնք տեղի են ունենում, պետք է համապատասխանեցվեն համաքաղաքային եւ համապետական ընտրություններին եւ այդ քայլը ուղղված էր դրան, որպեսզի ժողովուրդը որոշի, թե որն է լինելու այն քաղաքական ուժը, որը պատասխանատվություն է ստանձնելու: Երեւանի ձեւավորված ավագանու ուժերի հարաբերակցությունը չի արտահայտում քաղաքական ներկայիս իրավիճակը: Այսինքն՝ Հանրապետական կուսակցությունը չունի աջակցություն հանրապետությունում եւ Երեւան քաղաքում, բայց ինչպես խորհրդարանում, այնպես էլ Երեւանում ունի մեծամասնություն»,- նշեց նա:

Արայիկ Հարությունյանը նշում է, որ կուսակցության համար այժմ կարեւոր է ամուր ավագանու կազմի ձեւավորումն ու ընտրություններին ուժեղ թիմով մասնակցելը:

«Այս փուլում կարեւոր է ընդհանուր ցուցակի հարցը քննարկելը, որովհետեւ ընտրվելու է ավագանի, որը զբաղվելու է քաղաքի ղեկավարմամբ: Առաջիկայում նաեւ ցուցակի առաջին թեկնածուի հարցը կքննարկվի»:

Հարցին՝ պե՞տք է քաղաքապետի թեկնածուն լինի Քաղաքացիական պայմանագիր կուսակցության ներկայացուցիչ, Արայիկ Հարությունյանը պատասխանեց, որ դա պարզ կլինի քաղաքական գործընթացների արդյունքում:

Քաղաքացիական պայմանագիր կուսակցությունը հստակ որոշում չունի ինչպես Երեւանի ավագանու, այնպես էլ Ազգային ժողովի արտահերթ ընտրությունների մասնակցության ձեւաչափի մասին: ՀԺ-ի հարցին՝ ՔՊ-ի վարչության նիստում քննարկվո՞ւմ է մասնակցության ձեւաչափը, Հարությունյանը պատասխանեց. «Վարչության մակարդակով քննարկում չկա»:

Դիտարկմանը, որ մեկ-երկու ամիս առաջ Լուսավոր Հայաստան կուսակցությունից հայտարարում էին, որ կա ԵԼՔ դաշինք եւ ԵԼՔ-ից առանձին գործող Քաղաքացիական պայմանագիր կուսակցություն, արդյո՞ք այս հայտարարությունը դեռ ուժի մեջ է, Արայիկ Հարությունյանն ասաց. «Այդ ժամանակահատվածում արված հայտարարությունների փուլն ավարտվել է»:

Տարածքային կառավարման եւ զարգացման նախարար, Քաղաքացիական պայմանագիր կուսակցության վարչության անդամ Սուրեն Պապիկյանը մեր զրույցում փոխանցեց, որ հարցը, թե ՔՊ-ն ինչ ձեւաչափով է գնալու ընտրության, ակտիվ քննարկվում է կուսակցության վարչությունում:

«Քննարկումները շարունակվում են եւ երբ վերջնական արդյունքներն ունենանք, այդ մասին կխոսենք: Իհարկե, վարչության նիստում քննարկվում է: Վարչությունը մեր կուսակցության կառավարման մարմինն է»,- ասաց եւ միաժամանակ տեղեկացրեց, որ բացի ՔՊ-ի վարչությունում հարցը քննարկվելուց քննարկվում է նաեւ ԵԼՔ-ի երեք կուսակցություններից ձեւավորված մի քանի հոգանոց աշխատանքային խմբերում:

Պապիկյանը եւս հրաժարվեց ասել, թե ավագանու արտահերթ ընտրություններում ով է գլխավորելու ՔՊ-ի ցուցակը, կամ ովքեր են լինելու կազմում:

Անդրադառնալով ՔՊ-ականների այն իրարամերժ կարծիքներին, որ կուսակցության ներսում քննարկվում կամ չի քննարկվում դաշինքի պահպանման հարց, նշենք, որ քննարկումների առկայության մասին խոսել է նաեւ վարչապետը:

«Այդ հարցով քննարկումները շարունակվում են, եւ մենք վերջնական որոշում այս պահի դրությամբ չունենք: Հնարավոր է՝ առանձին, հնարավոր է՝ դաշինքով»,- Բրյուսելի օդանավակայանում ասել էր Նիկոլ Փաշինյանը:

Տպել
4445 դիտում

Մահացել է Սարդ-մարդու, Երկաթե մարդու, Հալքի, Ֆանտաստիկ քառյակի, Իքս մարդկանց «հայրը»

Նիկոլ Փաշինյան, Լենա Նազարյան, Արարատ Միրզոյան. հայտնի է «Իմ քայլը» դաշինքի առաջին տասնյակը

ԿԸՀ-ի որոշմամբ, ավագանու անդամ Արամ Մանուկյանի լիազորությունները դադարեցված են, նրան կփոխարինի Միքայել Թումանյանը

Դաշնակցության անունից առաջադրվելու եմ պատգամավորի թեկնածու, պատվի հարց է. Գեղամ Մանուկյան

Պաշտպանն ուշադրության կենտրոնում է պահում խաղաղ հավաքների ժամանակ մարդկանց իրավունքների երաշխավորման հարցը

Կոռուպցիայի դեմ պայքարն ու բարեփոխումներն առաջնահերթություն են. Փաշինյանը՝ ԵՄ դեսպաններին

Դիլիջանի ոլորաններում, Սյունիքի մարզի Գորիս և Քաջարան քաղաքներում մառախուղ է

Արագ հավաքովի, սենդվիչային տարբերակով թաղամաս. Ա. Մեսչյանն առաջարկում է համալրել բնակֆոնդը

«Ղեկը աջ» նախաձեռնությունը վաղը Կառավարության մոտ մեծ բողոքի ակցիա կիրականացնի

Կան պաշտոնյաներ, որոնք ստանում են 1 մլն դրամից ավելի թոշակ. Թանդիլյանն առաջարկում է չափ սահմանել

20-ամյա կնոջը դաժան ծեծի ենթարկած 30-ամյա տղամարդը նախկինում երեք անգամ դատապարտված է եղել

Արցախի ԱԳՆ ղեկավարն ընդունել է ԵԱՀԿ գործող նախագահի անձնական ներկայացուցչին

ՊԲ հրամանատարն ու Անջեյ Կասպրշիկը քննարկել են շփման գոտում տիրող իրավիճակը

Մինչեւ վերասարքավորում կատարելը իրենք չեն կարող այդ մեքենան շահագործել. Արմեն Փամբուխչյան

1988 թ. երկրաշարժի զոհերի հարգանքի տուրքի բոլոր միջոցառումները կկազմակերպվեն բարձր մակարդակով. Ցոլակյան

Ոստիկանին փորձում են անհիմն ազատել աշխատանքից. նա դիմում է ՀՀ ոստիկանապետին

Վերաքննիչը բեկանեց Շահեն Հարությունյանին տուգանելու մասին Վարչական դատարանի որոշումը

Իմ երեխան, իմանալով, որ մեքենան անսարք է, ասել է՝ ես չեմ վարի. զինծառայողի ծնողները մանրամասներ են պատմում

Ախալցխայում հայկական դպրոցի աղջիկներին մի քանի օր հետևել է Պակիստանի քաղաքացի. նրան ձերբակալել են

Քառօրյա պատերազմի ժամանակ մարտական հերթապահություն իրականացրած ՀՊՏՀ ուսանողների բաց նամակը վարչապետին, ԿԳ նախարարին