Զորակոչիկները չպետք է վճարեն բուժօգնության համար. Արսեն Թորոսյան

Կենտրոնական հավաքակայանում այսօր լրագրողների հետ զրույցում ՀՀ առողջապահության նախարար Արսեն Թորոսյանը ասաց, որ զորակոչիկները չպետք է վճարեն բուժօգնության համար ոչ ամբողջությամբ, ոչ էլ նույնիսկ մասամբ։

Առաջին անգամ չէ, որ զորակոչիկների մոտ այնպիսի առողջական խնդիրներ են հայտնաբերվում, որոնք կարելի էր հաղթահարել, եթե ժամանակին սկսեին բուժումը կամ վիրահատություն անեին։ Բայց ոչ բոլորն են կարող եւ ուզում վճարել դրա համար:

Նախարարը վստահ է, որ ավելի ճիշտ է նման օգնություն ցուցաբերել զորակոչից առաջ` 16-18 տարեկանում:

«Քթի միջնապատն ուղղելը կամ ատամները բուժելն ավելի լավ է անել զորակոչից առաջ, որպեսզի հետո զինվորին չտանեն հոսպիտալ»,- ասաց նախարարը` միաժամանակ ավելացնելով, որ բարոյական տեսանկյունից սխալ է պահանջել, որ դրա համար վճարեն զինվորների ընտանիքները:

Ծառայության հետ անհամատեղելի հիվանդություններին նախկինի նման կհետեւեն նաեւ զորակոչից հետո՝ զորամասերում։ Նախարարն ավելացրեց, որ նման հիվանդություններ բացահայտելու դեպքում զինվորն անհապաղ կզորացրվի:

Թորոսյանը նաեւ խոսեց այն մասին, որ Հայաստանում ամառային զորակոչին իրականացվում է պիլոտային ծրագիր՝ կապված զինկոմիսարիատի բժշկական հանձնաժողովի հետ: Նա նշեց, որ պաշտպանության նախարարության ռազմաբժշկական վարչության իր կոլեգաների հետ խոսել է զորակոչի շրջանում հանդիպող խնդիրների, դրանց լուծման ուղիների մասին: Քննարկվել են նաեւ արդեն իրականացվող պիլոտային ծրագրի ընթացքը, որը փորձարկման է դրվել Նոր Նորքի զինկոմիսարիատում:

«Այդ ծրագիրը ենթադրում է հետեւյալը, զինկոմիսարիատի բժշկական հանձնաժողով, որպես այդպիսին, չկա: Դրա փոխարեն այդ գործառույթները կատարում է 3 պոլիկլինիկա, փաստացի՝ զինկոմիսարիատի հանձնաժողովը տեղակայված է լինում այդ 3 պոլիկլինիկայում: Դա դրել ենք որպես փորձ՝ հասկանալու համար, եթե լավ աշխատի, ապա տարածենք նաեւ մյուս զինկոմիսարիատների վրա: Իհարկե, պոլիկլինիկաների անձնակազմի անփորձության պատճառով արձանագրվել են որոշ թերություններ, որոնց մի մասը տեղում արագ շտկել ենք, մի մասին էլ ընթացքում ենք անդրադառնում»,- ասաց Արսեն Թորոսյանը:

Առողջապահության նախարարը տեղեկացրեց, թե պայմանավորվածություն է ձեռք բերվել այն մասին, որ պիլոտային այս ծրագիրը շարունակվի նաեւ մյուս զորակոչին՝ միգուցե միացնելով եւս մեկ մարզային զինկոմ, որպեսզի հաշվի առնվեն նաեւ մարզերի առանձնահատկությունները:

Տպել
1855 դիտում

Ն. Փաշինյանին շնորհավորական հեռագիր է հղել ՀԱՊԿ գլխավոր քարտուղարի պաշտոնակատար Վ. Սեմերիկովը

Սենատը հաստատել է Լին Թրեյսիի թեկնածությունը Հայաստանում ԱՄՆ դեսպանի պաշտոնում

«Սուրբ Գրիգոր Լուսավորիչ» բժշկական կենտրոնի տնօրենի պաշտոնում նշանակվել է Արման Հովակիմյանը

Կենդանաբանական այգում ուսումնասիրությունների արդյունքները կներկայացվեն հանրությանը. Վիրաբյան

ԱՄՆ-ի «Հայ դատի» հանձնախումբը պաշտոնյաներին կոչ է արել չխուսափել «Ցեղասպանություն» բառն օգտագործելուց

Ստեփանծմինդա – Լարս ավտոճանապարհը փակ է տրանսպորտային բոլոր միջոցների համար

Ձեր օրինակը կարող է վարակիչ լինել. Մարիան Ստրեյֆ-ֆելլերը՝ Աննա Հակոբյանին (լուսանկարներ)

Բուռն պայքար ու հաղթանակ. Հարություն Ուռուտյանը շնորհավորել է Նիկոլ Փաշինյանին ու Սասուն Միքայելյանին

Իսակովի պողոտայում 4 մեքենա է այրվել. կան տուժածներ

Լրագրողին ծեծի ենթարկելու մեջ մեղադրվող ոստիկանները դատապարտվել են տուգանքի

ՀՀԿ-ն գնաց, մնաց ՀՀԿ-իզմը

ՀԱՊԿ գլխավոր քարտուղարի նշանակման հարցը դեկտեմբերի 6-ին չի լուծվել և չէր կարող լուծվել. Եղոյանը արձագանքում է Նազարբաևին

ԵՊԲՀ դիպլոմը կճանաչվի Շրի Լանկայի բժշկական խորհրդի կողմից

Գյումրու 102-րդ ռազմակայանի զինծառայողին կալանավորել են

Մահացածները եղել են մարդատար ավտոմեքենայում. մանրամասներ Սյունիքի ավտովթարից

Ղազախստանում ՀՀ դեսպան Գագիկ Ղալաչյանն իր հավատարմագրերը հանձնեց ՂՀ նախագահին

Նիկոլ Փաշինյանը հեռախոսազրույց է ունեցել Վրաստանի վարչապետ Մամուկա Բախտաձեի հետ

Իրական ընդդիմությունը ԱԺ-ից դուրս է ձեւավարվելու. ինչպես են պայքարելու արտախորհրդարանական ուժերը

ՀՀ ՊՆ է այցելել Մարդու իրավունքների պաշտպանի գրասենյակի պատվիրակությունը

Նազարբաեւը Բելառուսի թեկնածուին աջակցությունն է հայտնել ՀԱՊԿ գլխավոր քարտուղարի պաշտոնում