ԱԺ-ի Ընտրական օրենսգրքի հանձնաժողովի անդամները մի կերպ են ընդհանուր հայտարարի գալիս

Ընտրական օրենսգրքի շուրջ քննարկումների ժամանակ ՀՅԴ-ից Արմեն Ռուստամյանն ասաց, որ բոլոր ընտրակարգերի մոդելներում էլ կան թերությունների, ուստի իրենք առաջարկում են բաց ցուցակներով համամասնական ընտրություն: Այս դեպքում ընտրողը ոչ միայն ձայն է տալիս այդ կուսակցությանը, այլեւ որոշում է, թե այդ ցուցակից ովքեր կարող են ընտրվել՝ իր ձայնը տալով այս կամ այն թեկնածուին:

Ռուստամյանը նշեց, որ այս մոդելը կարեւոր է նաեւ կուսակցությունների կայացման տեսանկյունից, քանի որ ներկուսակցական ժողովրդավարությունը կայացնելու խնդիր կա:

«Դրա լավագույն ձեւը ժողովրդի մասնակցությամբ կուսակցությունների ներկուսակցական քաղաքականության որոշումն է: Ընտրությունների ժամանակ այդ բաշխման հարցում ժողովրդի մասնակցությունը շատ կարեւոր է»,- ասաց Ռուստամյանը:

Ռուստամյանի խոսքով, իր առաջարկած համակարգը կարող է բերել նաեւ խնդիրներ. «Առաջինը այն է, որ քվոտաների հարցը չի լուծվում, բայց ո՞վ ասաց, որ ժողովուրդը պետք է քվոտա տա, դա ժողովրդավարության հետ կապ չունի: Ես դեմ չեմ, որ լինեն քվոտաներ, կանանց քվոտա, մարզերի քվոտա եւ այլն: Համաձայնեք, որ քվոտաները ժողովրդավարության հետ աղերս չունեն: Գուցե խրախուսում են կանանց ներկայությունը, մարզերի ներկայությունը, բայց դրանք արհեստական պրոցեսներ են, որտեղ ժողովրդի կամքը չկա: Երկրորդ խնդիրն այն է, որ հաշվարկի փուլում գործընթացը բարդանում է: Բայց դրանք հարցեր են, որոնք երկրորդական են, քանի որ գլխավոր խնդիրը ժողովրդավարության մակարդակի բարձրացումն է»:

Արմեն Ռուստամյանը ընդգծեց, որ իրենք կողմ են քվոտավորման գաղափարին եւ կարելի է տարբեր լուծումներ գտնել: Մասնավորապես, եթե X կուսակցությունը ստացել է 10 մանդատ եւ, ըստ օրենսդրության պետք է այդ 10-ից 3-ը կին լինի, ապա առավելագույն ձայներ ստացած 3 կանայք կարող են ընտրվել: Նույնը կարելի է անել մարզերի ներկայացվածության հարցում:

Անդրադառնալով փակ ցուցակներով համամասնական ընտրակարգին, ՀՅԴ ներկայացուցիչն ասաց, որ դրա գլխավոր թերությունն այն է, որ կուսակցության վերնախավն է որոշում հերթականությունը եւ մեկ անձը իր հեղինակությամբ «պառավոզի» էֆեկտով կարող է իր հետեւից խորհրդարան տանել մյուսներին, որոնց հասարակությունը կարող է չի էլ ճանաչում: Նա նկատեց, որ այդ խնդիրը կա նաեւ տարածքային ցուցակների դեպքում, երբ ինչ-որ մեկը շատ ձայն է ստանում եւ իր ստացած ձայներով այդ տարածքից ընտրվում են նաեւ այլ թեկնածուներ, որոնց ընտրողը չի ճանաչում:

Ռուստամյանն ընդգծեց, որ ԱԺ-ն համապետական մարմին է եւ ընտրությունն էլ պետք է լինի համապետական, ոչ թե տարածքներով, անկախ նրանից՝ այդ տարածքները մեծ են, թե՝ փոքր:

ԵԼՔ-ից Էդմոն Մարուքյանն էլ նշեց, որ գործող ընտրակարգը, որը նախատեսում է ռեյտինգային ընտրակարգով ընտրություն, հանգեցրեց նրան, որ տարածքներում մրցակցություն էր գնում միլիարդատերերի եւ քաղաքական գործիչների միջեւ, դրա արդյունքում քաղաքական գործիչները հայտնվել են ծանր իրավիճակում:

«Շատ դժվար էր այդ պայմաններում քաղաքական խոսք տեղ հասցնել եւ գաղափարների պայքար տեղի չէր ունենում: Հիմա կառավարությունն առաջարկում է անցնել այն 100 տոկոսանոց համամասնական ընտրակարգին, որի մասին ընդդիմությունը միշտ խոսել է: Երբ ասվում է փակ ցուցակ, դա, բնականաբար փակ չէ: Դա ցուցակ է, որը կազմում է քաղաքական ուժը, որը ներքին քննարկումների ժամանակ պետք է այնպես անի, որ մարզային ներկայացվածություն ունենա: Եթե մարզերից մարդիկ չի ներգրավում, այդ մարզերից ձայներ չի ստանա: Այսինքն՝ վտանգը, որ կունենանք երեւանցիների խորհրդարան, այդ վտանգը կա նաեւ կուսակցության ներսում»,- ասաց Մարուքյանը:

Ինչ վերաբերում է ՀՅԴ առաջարկին, ընտրությունների գնալ բաց ցուցակներով, երբ ընտրողը կարող է կուսակցությանն ընտրելուց բացի ընտրել նաեւ այդ կուսակցությունից իր նախընտրած անձին, Մարուքյանը նշեց, որ դա եւս լավ տարբերակ է, քանի որ խոսքը թեկնածուների ռեյտինգավորման մասին է հանրապետության տարածքով մեկ: «Մենք կարող ենք բոլոր տարբերակները քննարկել, բայց այսօրվա գործող ընտրակարգը վատն է»:

Նիստի ավարտին թեժ քննարկում տեղի ունեցավ հանձնաժողովականների միջեւ: Որոշվեց կրկին հանդիպել եւ որոշել՝ արդյո՞ք յուրաքանչյուր խմբակցություն է ներկայացնում իր առաջարկը կառավարություն, թե՞ խմբակցությունները միասին են մեկ տարբերակ առաջարկում։ Այս հարցի շուրջ քննարկումն այնքան ձգձգվեց, որ հանձնաժողովականները մի կերպ համաձայնության եկան:

Տպել
2157 դիտում

Մարզիչը պարզաբանում է՝ ինչու է աշխարհի առաջնություն գնում ոչ թե Ջուլֆալակյանը, այլ Չալյանը

Ծխախոտի գովազդի համար՝ 800 000 դրամ տուգանք, ղեկին ծխելու համար՝ 10-50 հազար. նոր օրինագիծ

Ղարաբաղում հրադադարի ռեժիմը ցանկացած պահի կարող է խախտվել. քաղաքագետ

Հայտնի գաղտնալսման գործով ԱԱԾ տնօրեն Արթուր Վանեցյանը եւ ՀՔԾ պետ Սասուն Խաչատրյանը տուժող են ճանաչվել

ՀՀ պատմության մեջ առաջին անգամ դիրքապահները ստացել են տարաներով ջրեր ողջ ձմռան համար. Հովհաննիսյան

Ալավերդու պղնձաձուլական գործարանի աշխատանքային կոլեկտիվի բաց նամակը՝ վարչապետ Նիկոլ Փաշինյանին

Վարդենիս-Սոթք ճանապարհահատվածի հիմնանորոգումը կավարտվի ժամկետից շուտ

Ջոն Բոլթոնի այցը Հարավային Կովկաս մեսիջ է ՌԴ-ին. Ռեյգանի նախկին խորհրդական

ԱԳ նախարարի տեղակալ Աշոտ Հովակիմյանի հանդիպումն ԱՄՆ պետքարտուղարի փոխտեղակալ Ջորջ Քենթի հետ

Ադրբեջանի՝ ԼՂ հակամարտությանը կրոնական երանգ տալու փորձերն անթույլատրելի են. Էդուարդ Շարմազանով

Վարչապետի հրաժարականից առաջ կառավարությունը հաստատեց նոր Ընտրական օրենսգիրքը եւ ուղարկեց ԱԺ

ՀՀ ազատոճայինները վերջին հավաքն են անցկացնում աշխարհի առաջնությունից առաջ

Ռուսական թատրոնը նոր գեղղեկավար ունի. կռիվն ավարտվեց

Շիրակում կոռուպցիոն քրեական գործերով վերականգնվել է պետությանը պատճառված 91 մլն դրամի վնասը. դատախազություն

Ոստիկանությունը շատ ավելի հանդուժող էր, հատկապես հեղափոխության վերջին օրերին. Հունան Պողոսյան

ԼՂ հակամարտությունը չի կարող կարգավորվել առանց «գրավյալ տարածքների որոշակի մասի վերադարձի». Միլս

ԱԱԾ տնօրեն Արթուր Վանեցյանի հայտարարությունը դատախազությունն ուսումնասիրել ու հանցակազմ չի գտել

Մանրամասներ՝ Տարոն Մարգարյանի ունեցվածքի մասով հարուցված քրեական գործից

«Կոնգրես» հյուրանոցի հետ կապված էմոցիոնալ հայտարարություն եմ արել, սպասվում է ԱԱԾ-ի տեսանյութը. Վանեցյան

Մայրը բողոքել է, որ 3 օր է՝ իր տղան բժիշկների պատճառով կոմայի մեջ է. ՔԿ-ն քննություն է տանում