73-ամյա միայնակ թոշակառուի դեմ հայցը 6 տարի է՝ լուծում չի ստանում. բաց նամակ վարչապետին

17/07/2018 schedule22:20

73-ամյա միայնակ թոշակառու Շուշանիկ Բինգոլցյանը բաց նամակ է հղում վարչապետ Նիկոլ Փաշինյանին՝ հուսալով, որ արդեն 6 տարի ձգձգվող դատական քաշքշուկը՝ կապված ապօրինի շինության քանդման հետ, ի վերջո լուծում կստանա:

Թոշակառու կնոջ նամակը ներկայացնում ենք ամբողջությամբ.

ՀՀ վարչապետ՝ պ-ն Ն. Փաշինյանին

քաղաքացի Շուշանիկ Բինգոլցյանից

ք. Երևան, Հրանտ Շահինյան փ., 9 տ. 

 

                          Հարգելի պարոն վարչապետ, 

Գրում եմ Ձեզ, քանի որ գտնվում եմ ծայրահեղ ծանր ու գրեթե անհույս վիճակում հարևաններիս՝  Արտաշես Հովհաննիսյանի և նրա կնոջ՝ Լուսինե Հարությունյանի կողմից 03.09.2012 թ.  իմ դեմ ուղղված 17,65 մ² և 5.172.000 դրամի պահանջով բացարձակ անհիմն ու անհեթեթ  հայցի  պատճառով, որի քննությունը արդեն 6 տարի է, ինչ ամենօրյա տագնապով լցնում է իմ կյանքը, ջլատում իմ նյարդերը,  փորձում համբերությունս ու վերին ճշմարտության հավատս: 

Այս գործի (ԵԿԴ/1947/02/12) քննությունը սկսվել է  ոմն Վարմօն Ռիելթի ՍՊ ընկերության կազմած անգրագետ գրության հիման վրա  ներկայացված հայցի ընդունման օրը, երբ դատարանը որոշում է ընդունել արգելանքի տակ դնել իմ տունը և միայն  դրանից հետո, արձանագրելով, որ այն  «չի բավարարել դատարանի մոտ առաջացած էական փաստերի մասով օբյեկտիվ դիրքորոշում հայտնելու առումով», 11.12.2012 թ. նշանակվել է դատական փորձաքննություն: Այն կատարվել է  տեղում շատ տարօրինակ պայմաններում՝ ակնհայտ չարաշահումներով  11.04.2013 թ., սակայն ես և այդ գործընթացին վկա ընկերուհիներս որոշեցինք այնուամեայնիվ սպասել դրա եզրակացությանը:  

Փորձագետներ Ա. Է. Գարանֆիլյանի և Տ. Վ. Ալեքսանյանի  տված առաջին եզրակացությունը  ըստ էության, արդյունք չտվեց, քանի որ պարզվել էր, որ եզրակացություն կայացնելու համար անհրաժեշտ են էական նշանակություն ունեցող կադաստրային փաստաթղթեր, և դրանց տրամադրման համար փորձագետները դիմել էին դատարանին:   Տեսնելով, որ դատարանը պարզապես նիստեր է հրավիրում, անտեսելով այդ պահանջը՝  ես, ճարահատված,  դիմելել եմ պետկադաստրին, ապահովել այդ էական նշանակություն ունեցող փաստաթղթերը և ներկայացրել դրանք  դատարան՝  փորձագետներին տրամադրելու նպատակով: Չնայած դրան, նույն փորձագետների 17.10.2016 թ. կայացված վերջնական եզրակացության մեջ, անտեսելով  իրենց կողմից  պահանջված այդ փաստաթղթերը՝  հողամասերի X և Y կոորդինատները նույնիսկ չեն ակնարկում:  Բացի դրանից, եզրակացության մեջ կան մի շարք դրույթներ, որոնք կասկած են հարուցում թե' փորձագետների մտավոր կարողությունների և թե' նրանց բարոյական կերպարի վերաբերյալ:

Այսպես, օրինակ, նշելով, որ հայցադիմումի մեջ նշված 17,65 մ²-ի մի մասը՝ 8,65 մ² ապօրինի զբաղեցնում է մեկ այլ հարևանի՝ այսինքն Հ. Շահինյան փ. 9ա տան տիրոջ՝ Մելս Պինգոլցյանի կողմից, հանգիստ գումարում են այդ թիվը Հ. Շահինյան փ. 9 տան տիրուհուս՝ Շուշանիկ Բինգոլցյանիս: Բացի դրանից, փորձագետների կատարած անփույթ և, ըստ երևույթի, կողմնակալ  չափագրման պատճառով, իմ հողամասի չափսերը 0,4 մ լայնությամբ տարբերվում են իմ սեփականության վկայականում և համապատասխան կադաստրային փաստաթղթերում արձանագրված չափսերից:  Դա պարզ երևում է իմ փաստաբան՝ Նիվետա Բադալյանի  կողմից բազմաթիվ միջնորդություններից և հատկապես  22.03.2018 թ. դատարանին ներկայացված միջնորդությունից և դրան կից  փաստաթղթերից, որոնք անհերքելիորեն ապացուցում են դատարանի կողմից նշանակված փորձաքննության կեղծ և անհիմն լինելը: Մինչ այդ մեր կողմից դատարանին  ներկայացվել  են ևս մի շարք միջնորդություններ նույն բովանդակությամբ, ներկայացվել է  բաց նամակ՝ հասցեագրված երկրի ղեկավարությանը, գերատեսչություններին, քաղաքական տարբեր ուժեր ներկայացնող պատգամավորներին՝ փաստերով և հիմնավորումներով,  որը հրապարակվել է «Առավոտ» թերթում («Տարեցների կյանքն ու նրանց սեփականության իրավունքը վտանգված են» 04.10.2017 թ.), սակայն դրանց մեծ մասը մնացել է անպատասխան, իսկ պատասխանների իմաստն այն էր, որ քանի դեռ գործը դատարանում է՝ այլ գերատեսչություններ իրավունք չունեն միջամտելու դրա աշխատանքներին:

Այս նամակով մենք կրկին փաստում ենք, որ դատարանը սիստեմատիկ կերպով մերժում է  մեր արդար պահանջը նոր՝ միակ իրավասու փորձագիտական մարմնին՝ Գեոդեզիայի և քարտեզագրման ՊՈԱԿ-ին դիմելու մասին՝ օբյեկտիվ և բազմակողմանի փորձաքննություն նշանակելու մասին: Մեր կողմից  22.03.2018թ. ներկայացված  միջնորդությունը՝ կից փաստաթղթերով  չի ուսումնասիրվել դատարանի կողմից, նույնը կարելի է ասել նաև   06.07.2018 թ. միջնորդության մասին , որում մենք փաստել ենք նաև, որ փորձաքննության փոխարեն դատարանի նշանակած և կատարած տեղատեսությանը  չափումներ չի կատարել և չէր էլ կարող կատարել, և կրկին պահանջ է ներկայացրել կրկնակի փորձաքննություն կատարելու մասին ՝ հետևյալ հանձնարարությամբ՝

  1. Կատարել երկու կից հողամասերի համատեղ հանույթը, մեկ A4 ֆորմատի վրա ներկայացված կոնտուրների բեկյալների երկարությամբ՝ շրջադարձային կետերի կոորդինատներով, ինչպես նաև փակ կոնտուրներով ներկայացված հողամասի մակերեսներով:
  2. Նույն կից ներկայացված հողամասերի մեջ տալ երկու հարևան շինությունների արտաքին կոնտուրների հանույթները՝ բեկյալների երկարությամբ, նրանց շրջադարձային կետերի կոորդինատներով: Եթե առկա է շինության ինչ-որ մասի համադրումը կից հարևանությամբ գտնվող հողամասի կամ շինության հետ, ապա ցույց տալ ինչպես հողամասերի, այնպես էլ շինությունների համադրված մասերի փակ կոնտուրները՝ դարձյալ այդ կոնտուրների բեկյալների երկարությամբ՝ շրջադարձային կետերի կոորդինատներով և այդ փակ կոնտուրներով պարփակված մակերեսներով:

 Այդ միջնորդությունը նույնպես մերժվել է՝ 13.07.2018 թ. դատավոր՝ Արայիկ Մելքումյանի որոշմամբ:

    Ի՞նչ հետևություն կարելի է անել դրանից:

    Հետևությունն այն է, որ ոչ ես, ոչ էլ ՀՀ դատա-իրավական համակարգի և դրա հետ սերտորեն կապված փորձագիտական հիմնարկների  զոհ դարձած այլ  քաղաքացիները չենք կարող ապացուցել մեր անմեղությունը  և ազատվել շինծու մեղադրանքներով   իրենց «պարտապան» դարձնելու և տարիներ շարունակ դատական քաշքշուկների միջոցով հալածող «մասնագետներից»:

     Իմ ընկերները, որոնք տեղյակ են 11.04.2013 թ. կատարված փորձաքննության ընթացքին

և որոնք փորձագետների կողմից նշված գործիքներով կատարել են իմ հողամասի չափագրունը՝ համոզվել են, որ դրա չափսերը այս պահին չեն համապատասխանում

պետկադաստրի ներկայացրած քարտեզի և իմ սեփականության վկայականով  ինձ  պատկանող  հողամասին, սակայն ես ո'չ թե նախատեսվածից  ավել տարածք  օգտագործելու, այլ ճիշտ հակառակը՝ որ նախկին հարևանիս՝ Երվանդ Պինգոլցյանին որոշակի տարածք զիջելու պատճառով , ես դրանից  բավականաչափ պակաս տարածք եմ օգտագործում:

     Ինչ վերաբերվում է իմ ավտոտնակի տանիքին, որից հոսող «անկազմակերպ անձրևաջրերը» 5.172.000 դրամի (ըստ փորձագետների՝ դեռ ավելին՝ 5.969.588 դրամի)՝  վնաս են պատճառել հայցվորներին պատկանող Հ.Շահինյան փ. 9/1 տանը, ապա

  1. Ավտոտնակը՝ իր 7.1 մ լայնությամբ ամբողջությամբ գտնվում է ինձ պատկանող հողամասի տարածքում, իսկ բակի լայնությունը 0,4 մ. պակաս է օրինականորեն ինձ պատկանող տարածքից;
  2. Ավտոտնակի և Հ.Շահինյան փ. 9/1 տան միջև գտնվում է մոտ 10 մ հողամասը ;
  3. Ավտոտնակի չափսերը 1960 թ.-ից չեն փոխվել և չէին կարող ինքնըստինքյան աճել 40 սանտիմետրով՝ հողագնդի կեղևը, ճիշտ է, աճում է, բայց ոչ այդ արագությամբ ;
  4. Հայցվորները գնել են իրենց պատկանող տունը և հողամասը հենց այն վիճակում, ինչ գտնվում է այսօր, հետևաբար չկա որևէ ապացույց առ այն, որ ես որևէ գործողությամբ վնաս եմ պատճառել նրանց: 

Հետևաբար ինձ հարկավոր է ազատել  Ա. Հովհաննիսյանի և նրա կնոջ՝ Լ. Հարությունյանի կողմից ներկայացված շինծու մեղադրանքից, և հանել տանս վրա դրված արգելանքը:  

Եթե իմ կողմից ներկայացված և գործի մեջ առկա փաստերն ու ապացույցները բավարար չեն, դատարանը պետք է բավարարի նոր փորձաքննություն կատարելու մեր միջնորդությունը:

 Ես ուրիշ ճանապարհ կամ ելք չեմ տեսնում:

 Հարգելի պ-ն վարչապետ,

Դուք երբևիցէ  չէ՞ք մտածել ՀՀ նախկին իշխնավորների շահերը պաշտպանող  դատա-իրավական համակարգին սերտորեն առնչվող փորձագիտական ինստիտուտների և նրանց կողմից տրված  կեղծ փորձաքննությունների չափսերի մասին:   Ցավոք սրտի, իրերի բերումով ես բազում առիթներ եմ ունեցել երկար  մտածելու դրա մասին   և գտել եմ, որ հողի չափագրման  հմուտ մասնագետների թիվը շատ սակավ է, իսկ  իմ հարևան Ա. Հովհաննիսյանը այդ մասնագետներից  մեկն է:  Հարկ է նշել, որ իմանալով հանդերձ Ա. Հովհաննիսյանի կողմից կատարված ապօրինի շինարարության մասին և չունենալով նույնիսկ դրանց օրինականացման համար անհրաժեշտ դիմումը, քաղաքապետարանի աշխատակիցները արդարանում են նրանով, որ չեն կարող մերժել կամ արգելել այն, ինչի մասին դիմում չեն ստացել: Այնինչ հայտնի է, որ ապօրինի շինությունը չի կարող հենց այդպես գոյատևել՝ այն պետք է կամ օրինականացվի, կամ էլ քանդվի:  Դրան , մասնավորապես, անդրադարձել է նաև «Հետք»-ը՝ «Հարևանը ընդդեմ հարևանի» 18. 12.2017 թ. հոդվածով), որում ներկայացված են նաև ԵԿԴ/ 4776/ 02/15 գործով  ապացույցներ, սակայն 

Ա. Հովհաննիսյանը, ըստ երևույթի, ապրում է այն համոզմամբ, որ «իր դեմ խաղ չկա», և որ օրենքը իր համար չէ, որ գրված է:

 Իմ բերած տվյալների ճշմարտացիությանը  և իմ դեմ ուղղված Ա. Հովհաննիսյանի և Լ. Հարությունյանի  17,65 մ² և 5.172.000 դրամի հայցի կեղծ և շինծու բնույթը ակնհայտ դարձնելու համար  բավական է նույնիսկ ներկայացված փաստաթղթերի և փաստարկների անաչար համադրումը, կամ, եթե նոր, առավել ճշգրիտ չափումներ պահնջվեն՝ նոր փորձաքննություն կատարելը: Սակայն, քանի որ հայցվորների նպատակը   ոչ թե արդարության վերականգնումն է, այլ ինձ հալածելը և «օրենքի ուժով»  իմ կյանքի և սեփականության վրա ոտնձգություն անելը,  ապա պարզ է, որ նրանք կարող են դիմել ցանկացած օրինազանցության՝ իրենց նպատակին հասնելու համար, այդ թվում նաև փորձագետներին և դատավորին կաշառելով կամ սպառնալով:

 Ճշմարտությունը բացահայտելու համար այսօր էլ բավական է, որ Բարձրագույն դատական խորհրդը  կամ որևէ այլ իրավասու գերատեսչության  կողմից իմ բաց նամակների հետքերով անհապաղ պատշաճ փորձաքննություն նշանակի՝ վերը նշված հարցադրումներով և դրանից հետո տեսնել  Գեոդեզիայի և քարտեզագրման ՊՈԱԿ-ի եզրակացությունը: Սակայն, եթե ՀՀ օրենսդրությամբ որևէ գերատեսչություն չի լիազորված  նման փորձահննություններ նշանակել՝ քաղաքացիների բողոքների էությունը ճշտելու նպատակով՝ ապա ՀՀԿ-ին անթաքույս  ծառայող դատարանները՝ իրենց հետ կապված փորձագիտական հիմնարկներով հանդերձ՝ կշարունակեն նոր հանցագործություններ գործել՝ օրենքի անունով:

Ես մասնագիտությամբ երաժիշտ, 73 տարեկան միայնակ թոշակառու եմ,  1957 թվից ապրում   եմ հորս կառուցած և այժմ սեփականության իրավունքով ինձ պատկանող տանը՝  ք. Երևան, Հ. Շահինյան փ. 9 տ. հասցեով, և մինչ 2011 թ. մշտապես շրջապատված եմ եղել սիրալիր և կամեցող հարևաններով:  Ծնողներս ու ես  հնարավորինս անում էինք ամեն ինչ՝ մեր հարևանների բարօրության համար և 03.11.2004 թ.  կնքված   հողի բաժանման պայմանագրով ինձ սեփականության իրավունքով հատկացված  տան հետ կապված որևէ հարցով  դատարան գնալու առիթ չեմ ունեցել:  Մենք մշտապես զիջել ենք մեր հարևաններին,՝ մինչ 14.04.2011 թ. երբ եկան այս հարևանները և իրենց ապօրինի պահանջներով և գործողություններով խաթարեցին իմ կյանքի բնական ընթացքը:

Փառք Աստծո, այս 7 տարիների ընթացքում ես՝ ընկերներիս օգնությամբ կարողացել եմ դիմանալ այս հարևանությանը, և ես դեռ  հույս ունեմ, որ կտեսնեմ  մի նորմալ փորձաքննության արդյունքներ և դրա հիման վրա կայացված  մի արդարացի որոշում՝ ՀՀ դատարանի կողմից՝ Աստծո և Ձեր օգնությամբ:

 Սիրով և հարգանքով՝

Շ. Բինգոլցյան 

17.07.2018 թ.

 

Տպել
3061 դիտում

ՀՀ վարչապետն ու ՆԱՏՕ-ի գլխավոր քարտուղարը քննարկել են Հայաստան-Ադրբեջան խաղաղության պայմանագիրը

Տրոլեյբուսը հայտնվել է խրամուղում. շինարարը կտուգանվի

Նիկոլ Փաշինյանը շնորհավորել է Վլադիմիր Պուտինին

Վարչապետի որոշմամբ` նշանակվել է ՊԵԿ նախագահի առաջին տեղակալ

Մենք դավաճան, հող ծախող չենք, ձեր թիկունքում ոչ մի բան չենք անելու, թողեք այս ճանապարհով գնանք. Փաշինյանը՝ տավուշցիներին

«Երևան Սիթին» տուգանվել է 10 միլիոն, «Հայփոստ»-ը՝ 2,6 միլիոն դրամով

Առանձնապես խոշոր չափի «Մեթամֆետամինի» ապօրինի շրջանառություն երիտասարդ կնոջ և տղամարդու կողմից. նրանք կալանավորվել են

Նիկոլ Փաշինյանը «TikTok»-ում նոր շարք է սկսել (տեսանյութ)

Ընդդիմությունն ասում է՝ Տավուշի գյուղերն ուզում է տա, Խրեմլուի ղեկավարը ո՞վ է. Փաշինյան

Պակիստանում երկրաշարժ է գրանցվել

Փետրվարին 150 հարկ վճարողի մոտ արձանագրվել է ՀԴՄ կիրառման կանոնների խախտում. հայտնի է տուգանքի չափը

Կոտայքում միմյանց բախվելուց հետո մեքենաներից մեկը գլխիվայր շրջվել է. կա տուժած

Մի քանի ժամ լույս չի լինի Երևանի և 7 մարզի մի շարք հասցեներում

Որ բանկերի քարտապանները կարող են օգտվել հետվճարի ծրագրից

ԵՄ արտգործնախարարները վերահաստատել են իրենց աջակցությունը Հայաստանին

Դիլիջանի ոլորանները փակ են բեռնատարների համար, մի շարք շրջաններում ձյուն է տեղում

ԱԺ-ն նոր պատգամավոր ունի. Դավիթ Կարապետյանը երդմամբ ստանձնել է պատգամավորի մանդատը

Բախվելուց հետո մեքենաներից մեկը բռնկվել է. ներսում հայտնաբերվել է 4 ուղևորի դին, վարորդի վիճակը ծանր է (լուսանկարներ)

«Միր» քարտերը կդադարեն աշխատել Հայաստանի գրեթե բոլոր բանկերի բանկոմատներում

Միքայել Վարդանյանը Մասիսին նվիրել է 117 մլն դրամ արժողությամբ աղբահավաք մեքենաներ և 230 աղբաման

Սահմանը կանցնի իմ տան միջով, զինվորների ներկայության դեպքում ինչպե՞ս ենք ապրելու էդ տանը. վարչապետը պատասխանել է բնակչին

Սա մեր ապագան կառուցելու միակ տարբերակն է, հեշտ հարց չէ. վարչապետը՝ Կիրանցի բնակիչներին (տեսանյութ)

Վարչապետը տիկնոջ հետ ներկա է գտնվել «...և նորից Գարուն» ներկայացմանը (լուսանկարներ)

Ինչ պայմանավորվածություն է ձեռք բերվել Փաշինյանի՝ Տավուշ այցի ժամանակ. մանրամասներ (լուսանկարներ)

Ես չեմ վիրավորում, ասում՝ «գյադեն հերդ ա», քոքից բռնվեք, կհանդիպենք․ Հովհաննես Դավթյանը՝ Արզաքանցյանին

Մենք պետք է թույլ չտանք պատերազմի սկսում․ ինչ է ասել վարչապետը տավուշցիների հետ հանդիպմանը

Պուտինն իրեն լեգիտիմություն տվեց՝ այլանդակությունները շարունակելու համար, ՌԴ-ին բարի ճանապարհ դեպի գերեզման. Սուքիասյան

Երևանն այս տարի կունենա 20 հա տարածք զբաղեցնող տնկարան, կտնկվի 2000 ծառ

ԱՄՆ-ն մտադիր չէ շնորհավորել Ռուսաստանի նախագահին ընտրություններում հաղթելու համար․ Պատել

Ամեն խաղի պետք է պատրաստվենք, ինչպես վերջինի․ Հարոյանը՝ Կոսովոյի հավաքականի հետ խաղի մասին

Հայաստանի և Մալթայի ԱԳՆ պաշտոնյաների խորհրդակցությունների ընթացքում անդրադարձ է եղել ՀՀ-ԵՄ գործընկերության խորացմանը

ՌԴ ԿԸՀ-ն ավարտել է ձայների հաշվարկը․ ընտրողների 87,28% քվեները Վլադիմիր Պուտինինն է

Նռնակ, պայթուցիչ ու փամփուշտներ․ Կապանի բնակիչը փրկարարական ջոկատում հանձնել է ԼՂ-ից բերված զինամթերքը

Վրաստանի ԱԺ կրթության հանձնաժողովի նախագահը գալիս է Հայաստան․ մանրամասներ

Մկրտչյանը ԱՄՆ ՄԶԳ փոխկառավարչի հետ քննարկել է ԼՂ-ից բռնի տեղահանվածներին աջակցության հարցում համագործակցությունը

Ինչ իրավիճակ է ՀՀ ճանապարհներին ժամը 20։00-ի դրությամբ

Վրաստանը պետք է ավելին անի Ռուսաստանին զսպելու համար․ ՆԱՏՕ-ի գլխավոր քարտուղար

Երկու երիտասարդ վիճել են տաքսու վարորդի հետ, ապա դանակահարել ուղևորին

Պուտինը հանդիպել է ՌԴ նախագահի թեկնածուների հետ, առաջարկել շարունակել ակտիվ համատեղ աշխատանքը

Հայաստանը հստակ դիրքորոշում ունի հասնել խաղաղության․ նախագահը հանդիպել է ֆրանսիացի մտավորականների հետ