Օրբելյանին պաշտոնից ազատելու լուրը Մակունցը չի մեկնաբանում, Օրբելյանը ասուլիսով հանդես կգա

Լուրեր են պտտվում, որ ՀՀ մշակույթի նախարար Լիլիթ Մակունցն արդեն մի քանի օր է՝ զբաղված է Ալեքսանդր Սպենդիարյանի անվան օպերայի եւ բալետի ազգային ակադեմիական թատրոնի տնօրեն, գեղարվեստական ղեկավար Կոնստանին Օրբելյանին փոխարինող գտնելու գործով:

ՀԺ-ն տեղեկության իսկությունը ճշտեց մշակույթի նախարարությունից: Նախարարի խոսնակ Անի Սմբատյանն ասաց, որ արդեն մի քանի անգամ է՝ նախարարին դիմում է նույն հարցի պատասխանը ստանալու ակնկալիքով, սակայն Լիլիթ Մակունցը չի մեկնաբանում: «Քանի որ լրատվամիջոցներից էլի էին հետաքրքրվել, տիկին Մակունցին դիմեցի, սակայն չմեկնաբանեց: Նախարարն անգամ չցանակացավ նշել՝ կա՞ արդյոք որեւէ խնդիր, թե՛ ոչ, միայն ասաց. «Այս պահին չեմ մեկնաբանում»»,-ասաց Անի Սմբատյանը:

Փորձեցինք հասկանալ, թե Օպերային թատրոնում ինչ է կատարվում եւ ինչ մթնոլորտ է տիրում, սակայն առաջին հայացքից նորմալ թվացող պատասխաններ ստացանք, թեեւ Օրբելյանին տնօրենի պաշտոնից ազատելու կասկածները լիովին չփարատվեցին: Ալեքսանդր Սպենդիարյանի անվան օպերայի եւ բալետի ազգային ակադեմիական թատրոնի PR մենեջեր Վահագն Զաքարյանն ասաց, որ ամեն ինչ նորմալ է, թատրոնն աշխատում է իր բնականոն հունով:

Ավելին՝ վաղը հուլիսի 19-ին, Օպերային թատրոնում տեղի է ունենալու Կոնստանտին Օրբելյանի մամլո ասուլիսը: «Կամփոփվի Թատրոնի 85-րդ թատերաշրջանը, կներկայացվեն առաջիկա ծրագրերը, ինչպես նաև անդրադարձ կլինի Ռուսաստանի Մեծ Թատրոնում առաջիկա շաբաթ ներկայացվելիք Արամ Խաչատրյանի «Գայանե» բալետի ցուցադրությանը: Մամլո ասուլիսին կհաջորդի «Ա. Սպենդիարյանի անվան օպերայի եւ բալետի ազգային ակադեմիական թատրոն. «Արշակ Բ» հայկական առաջին օպերայի 150-ամյակը» թեմային նվիրված մեկ նամականիշով փոստային բացիկի մարման հանդիսավոր արարողությունը: Այնուհետև տեղի կունենա Տիգրան Չուխաջյանի «Արշակ Բ» օպերայի ցուցադրությունը՝ ՀՀ ժողովրդական արտիստ Բարսեղ Թումանյանի եւ ՀՀ վաստակավոր արտիստ Անահիտ Մխիթարյանի մասնակցությամբ»,-ասաց Վահագն Զաքարյանը:

Նշենք, որ Օրբելյանը 2016 թվականի մարտին նշանակվել էր Ալեքսանդր Սպենդիարյանի անվան օպերայի եւ բալետի ազգային ակադեմիական թատրոնի գեղարվեստական ղեկավար, հետագայում նաև՝ նույն թատրոնի տնօրեն: 2015 թվականի մայիսի 12-ին Սերժ Սարգսյանը Կոնստանտին Օրբելյանին պարգեւատրել էր Բարեկամության շքանշանով:

Տպել
5100 դիտում

Ucom-ի աջակցությամբ Արցախում կայացավ Դիջիքեմփ 2018-ը

Նախապես ծրագրված սպանդ. Մարտի 1-ի տասը զոհերի մահվան հանգամանքները

Օգոստոսի 17-ին ակտիվորեն մասնակցեք վարչապետ Փաշինյանի հանրահավաքին. Ազատամարտիկների դաշինք

Կարկուտն Ազատանում 8000 տոննայից ավելի կարտոֆիլ է ոչնչացրել

Քայլերթ, հեծանվաերթ, գույներ. YIC-ն Գյումրիում տոնել է Երիտասարդների միջազգային օրը

Կոչ օգոստոսի 17-ի հանրահավաքի կապակցությամբ

ՎՏԲ -Հայաստան Բանկը սահմանել է անվանական կրթաթոշակ լավագույն ուսանողի համար  

Ոստիկաններն առևանգել են Ռ. Քոչարյանին Հաագայի դատարանին հանձնելու ստորագրահավաքի բլանկները

ՇՊՀ նախկին պրոռեկտոր Անահիտ Ֆարմանյանին կալանավորելու որոշում է կայացվել,նա հետախուզվում է

Լեւոն Բարսեղյանն ընտրվել է ՇՊՀ հոգաբարձուների խորհրդի նախագահ

Տեսանյութ. Սուրեն Փ.-ն միացավ մեր բարեգործական ծրագրին

Ողբերգական ավտովթար Լոռիում. ՊՆ զինծառայող է մահացել (լուսանկարներ)

Մարտի 1-ի գործով կատարված խուզարկությունից հետո ձերբակալվել է Հովիկ Աբրահամյանի եղբայրը

Ոստիկանական բարձր մակարդակի ստեր. Մարտի 1

Բացառիկ ընտրություններ ենք ունենալու. ՀՀ ոստիկանապետ

ՎՏԲ-Հայաստան բանկը մեկնարկում է ավտովարկերի գնման գործընթաց

Հայտնի են այն ոստիկանների անունները, ում արձակած գնդակներից մարտի 1-ին զոհվել է 4 քաղաքացի

Հայտարարություն Ռոբերտ Քոչարյանի ձերբակալության կապակցությամբ

Մարտի 1-ի հրոսակները. ովքեր էին սեւազգեստ գրոհայինները

ՀԱՅԲԻԶՆԵՍԲԱՆԿԻ նախագահը հանդիպել է Արցախի պետնախարարին