Սկանդալների մեջ հայտնված Աճեմյանի հեռանալն Աղաջանյանը չի մեկնաբանում, սպասում է վարչապետին

Կառավարության աշխատակիցները թերանալու, «կիքսեր» թույլ տալու եւ սայթաքելու իրավունք չունեն, իսկ եթե թերանում են, ապա բանը հասնում է նրան, որ աշխատանքից ազատվում են՝ սեփական դիմումի համաձան: Համենայնդեպս, վերջին իրադարձությունները եւ դրանց հանգուցալուծումները նման եզրահանգում կատարելու առիթներ են տալիս: Մի քանի օր առաջ ականատես եղանք հստակ դեպքերի, երբ կառավարության աշխատակազմի ներկայացուցիչներ հայտնվեցին սկանդալի կենտրոնում, իսկ դրանից անմիջապես հետո հայտարարեցին աշխատանքից դուրս գալու մասին: Տպավորություն է, որ սկանդալի կենտրոնում հայտնված պաշտոնյաները Նիկոլ Փաշինյանի կառավրությունում տեղ չունեն:

Մասնավորապես, առաջին փոխվարչապետ Արարատ Միրզոյանի մամուլի խոսնակ Կարպիս Փաշոյանը իր հարցազրույցներից մեկի ժամանակ նշել էր, որ պետք է ապրիլյան պատերազմում զոհված տղաներին հանգիստ թողնել: «Մանկահասակ դեմքով տղան, երեւի այդ պահին չի հասկացել, թե ինչ է անում»,- մասնավորապես, Ռոբերտ Աբաջյանի մասին ասել էր նա:

Փաշոյանի այս խոսքերը դարձան երկրի թիվ մեկ քննարկման թեման: Նրա կարծիքից սրտնեղեցին ապրիլյան պատերազմի մասնակիցները եւ զոհվածների հարազատները, իսկ նախկին իշխանության ներկայացուցիչներն էլ առիթը բաց չթողեցին վարկաբեկել կառավարությանը: Ու թեեւ Փաշոյանի ընկերական աստղաբույլը փորձեց «արդարացնել» եւ սրբագրել նրա խոսքերը, բայց արդյունքում սկանդալն ավարտվեց նրա աշխատանքից ազատվելու դիմում գրելով:

Կարծիքը մեկնաբանեց նաեւ Արցախի բանակի հրամանատար Լեւոն Մնացականյանը: Այս թեմային անդրադարձավ վարչապետ Նիկոլ Փաշինյանը: Նա իր վերջին ուղիղ եթերի ժամանակ ոչ բաց տեքստով, բայց անդրադարձավ Փաշոյանի խոսքերին: Վարչապետը խոսելով Ռոբերտի կերպարի մասին ասել էր. «Ռոբերտի կերպարը առաջին իսկ օրվանից ինձ հուզել է, նա ինձ համար մեր նոր սերնդի ամենաուժեղ կերպարներից մեկն է»,- նշել էր վարչապետը:

Թեմային, սակայն, չի անդրադառնում Կարպիս Փաշոյանի վերադաս Արարատ Միրզոյանը, որը եւս ֆեյսբուքում գրառումներ կատարելու, աշխատանքից ուշ տուն  լուրը հանրությանը հայտնելու մեծ սիրահար է: Նա դեռ չի մակագրել Փաշոյանի դիմումը, փոխվարչապետերի որոշումների բաժնում հրամանը չկա:

Սրանից զատ քննարկումների թիրախում էր հայտնվել նաեւ վարչապետի գործերի արդեն նախկին կառավարիչ Գեւորգ Աճեմյանը: Աղմուկը նրա շուրջ սկսվեց, երբ հայտնի դաձավ, որ նա «Կյանքի խոսք» հավատքի անդամ է, հետո շարունակվեց «Աշտարակ կաթ» ընկերության նախկին եւ ներկա սեփականատերերի հին տարաձայնություններին միջամտելով: Աճեմյանի շուրջ ծագած սկանդալն ավարտվեց՝ «կառավարությունում թերթ կարդացող-պատմողներ կան» հայտարարությամբ: Այս դեպքերից հետո նա եւս աշխատանքից հեռանալու դիմում գրեց:

«Սիրելի ընկերներ, այսօր հրաժարականի դիմում եմ ներկայացրել վարչապետի աշխատակազմի գործերի կառավարչի պաշտոնից։ Ուրախ եմ, որ լավ թիմում եմ աշխատել։ Չեմ կարծում, թե կրոնական հայացքներս, առաջին նախագահի հասցեին արած արտահայտությունս, «Աշտարակ կաթի» եւ թերթեր չգնելու պատմությունները, որոնք հասարակական հնչեղություն ստացան, իրենց պատշաճ բացատրությունները չեն ստացել իմ կողմից։ Բայց եւ այնպես, բոլորս պետք է հաշվի նստենք որոշակի իրողությունների հետ եւ իրականությանը ճակատ առ ճակատ հանդիպենք։ Իմ աջակցությունն եմ հայտնում ներկայիս գործադիր իշխանությանը։ Ուժերիս ներածին չափով օգնական եմ լինելու նրան։ Լավ մնացեք»,- մասնավորապես հայտնել էր Գեւորգ Աճեմյանը:

«Հայկական ժամանակ»-ի հետ զրույցում Աճեմյանը նշեց, որ աշխատանքից ազատվելու դիմում գրել է սեփական նախաձեռնությամբ: Նա միաժամանակ չհերքեց, որ վերոնշյալ չորս իրադարձությունները կապ ունեն իր ազատման հետ:

«Հասարակության արձագանքն իմ հավատի, առաջին նախագահի հասցեին ամիսներ առաջ հնչեցրածս արտահայտության, կառավարության թերթեր չվերցնելու եւ Աշտարակ կաթի կողմերի հետ հանդիպման մասով բնականաբար ազդեցություն ունեցել է որոշմանս վրա»,- ասաց  նա:

Աճեմյանից հետաքրքրվեցինք՝ արդյո՞ք աշխատակազմից կամ հենց վարչապետը նրան առաջարկել է դիմում գրել, մասնավորապես, «Աշտարակ կաթ»-ի գործերին միջամտելու համար: Վերջինս նշեց, որ իրեն այդ թեմայի հետ կապված որեւէ զգուշացում չի եղել, բայց նաեւ չբացառեց, որ առաջիկայում կլինի:

«Ինձ ոչ ոք չի պարտադրել դիմում գրել, հետեւաբար եթե Աշտարակ կաթի մասով դիրքորոշում լիներ, կարծում եմ, կհայտնեին ինձ, բայց հնարավոր է՝ հայտնեն էլ, քանի որ ենթադրում եմ՝ մոտ օրերս գուցե հանդիպեմ վարչապետի կամ Էդուարդ Աղաջանյանի հետ։ Բացի այդ, մոտ օրերս վարչապետը հնարավոր է live ունենա կամ ինչ որ հարցազրույց եւ եթե կարիք լինի, կարծում եմ, կանդրադառնա ինձ»:

Հարցին էլ՝ նախապայման եղե՞լ է, որ որեւէ «կիքս» թույլ տալու դեպքում պետք է դիմում գրի եւ հեռանա, նախկին պաշտոնյան ասաց. «Պաշտոնը ստանձնելիս վարչապետի հետ հանդիպում չեմ ունեցել»։

Գեւորգ Աճեմյանը կարծում է, որ իր դիմումը մակագրվել է:

Երեկ «Հայկական ժամանակ»-ին ամբողջ օրվա ընթացքում չհաջողվեց վարչապետի աշխատակազմի ղեկավար Էդուարդ Աղաջանյանից որեւէ պարզաբանում ստանալ գործերի կառավարչի աշխատանքից ազատվելու պատճառների վերաբերյալ: Միաժամանակ նրա հեռախոսազանգին պատասխանած անձը գրանցեց մեր հարցերը՝ ավելի ուշ պատասխաններ տալու համար, բայց այդպես էլ խուսափեցին մեկնաբանել թեման:

ՀԺ-ին հայտնի դարձավ, որ վարչապետի աշխատակազմի ղեկավարը թեման մեկնաբանելու մտադրություն չունի: Նա սպասում է Նիկոլ Փաշինյանի հուլիսի 20-ի ասուլիսին, որտեղ թերեւս այդ թեման եւս կքննարկվի:

Տպել
6235 դիտում

Երեւանում 28-ամյա երիտասարդը ինքնասպան լինելու համար նախ կտրել է նախաբազուկը, ապա 3 ածելի կուլ տվել

Մեկը գնում է ԿԳԲ, մեկը՝ միլիցիա, երրորդը՝ Արմենտել. Շիրազը կարմիր ասֆալտի երես չի տեսնի

Թող հավատի ջահը լուսավորի հայ ժողովրդի ուղին. Հռոմի պապը շնորհավորական ուղերձ է հղել Մխիթարյան միաբանությանը

Ես անպայման կզբաղվեմ, կպարզեմ ով է թեկնածուի նկատմամբ քաղաքական տեռոր անում. վարչապետ (տեսանյութ)

Վրաստանում ՀՀ քաղաքացին բռնվել է ոստիկանին կաշառք առաջարկելիս, պարտավորեցրել են 3000 լարի տուգանք մուծել

«Նուբարաշեն» քրեակատարողական հիմնարկի դատապարտյալի ծանրոցում հաբեր ու կաթոցիկ է հայտնաբերվել

Լևոն Արոնյանի կինը հեծանվով 1800 կմ տարածություն կանցնի Թուրքիայով եւ Իրանով դեպի Հայաստան

ՀՀ ԶՈՒ-երի,ՊԲ-ի կողմից իրավիճակը լիովին վերահսկվում է. Ն. Փաշինյանը՝ Արցախի դիրքերում (լուսանկարներ)

Հ. Աբրահամյանի եղբայրը գյուղի ձկնաբուծարանը սնուցող խողովակներն ապամոնտաժել, ուղղությունը փոխել է դեպի իր ձկնաբուծարան

«Հայկական գնդակից» սպանվել է Ադրբեջանի ԶՈւ զինծառայող, ԶԼՄ-ները հայտնում են եւս մեկ սպանվածի ու վիրավորի մասին

Վարչապետ Նիկոլ Փաշինյանն այցելել է Արցախի պաշտպանական դիրքեր

Լուսանկարների միջոցով ցուցադրվեց աղետալի հրդեհի պատճառով վերացած Սարյանի գործերը

Մենք պատրաստ ենք խաղաղ բանակցային գործընթացի, սակայն պատրաստ ենք նաեւ պատերազմի. վարչապետ (տեսանյութ)

Հետաձգել եմ Նյու-Յորք այցս՝ քվեարկելու, նոր մեկնելու համար. վարչապետը կքվեարկի ու կմեկնի ԱՄՆ

Քրեական հեղինակություն Չարբախցի Գեղամի մոտ լուրջ հիվանդություն է հայտնաբերվել. վիրահատությունը հետաձգվել է

Սեպտեմբերի 21-ին՝ Անկախության տոնին, զորահանդես չի լինելու, ծախսվելու է մոտ 100 մլն դրամ

Emmy 2018-ի հաղթողներն ու կարմիր գորգի աստղերը

Բակո Սահակյանը, Նիկոլ Փաշինյանն ու զինվորականները՝ արջերի ընկերակցությամբ Արցախում (տեսանյութ)

Երեւանում կբացվի սիրիահայերի ձեռքի աշխատանքների ցուցահանդես-վաճառք

Օլիգարխ ընտանիքից երիտասարդներ են ամուսնանում եւ որոշել են, որ իրենց նվերների` զարդերի գումարը փոխանցեն մեր հիմնադրամին