Հրեշատակի թեւերով մարդիկ չկան. ՊԵԿ նախագահը՝ Ալրաղացի Լյովիկի քրոջ որդու՝ Պիտուլի մասին

ՊԵԿ նախագահ Դավիթ Անանյանը կառավարության նիստից հետո անդրադառնալով մամուլի տեղեկություններին, ըստ որոնց՝ Բագրատաշենի մաքսակետի պետ է նշանակվել Պիտուլ մականունով հայտնի Արթուր Գասպարյանը, որն Ալրաղացի Լյովիկի՝ Լեւոն Սարգսյանի քրոջ որդին է եւ ՊԵԿ նախկին ղեկավարության հովանավորյալը, պարզաբանել է.

«Այդ անձնավորությունը Ալրաղացի Լյովիկի քրոջ որդին չէ, քանի որ նա քույր ունի, բայց քույրը տղա չունի: Ինչ-որ հեռավոր ազգակցական կապ ունեն, այնուամենայնիվ: Մամուլի հաղորդագրությամբ հերքումը տվել էինք, որտեղ նաեւ գրված էր, որ ըստ աշխատակիցների, տվյալ անձնավորությունը կամ պաշտոնյան, ինքը մասնագիտական առումով պատրաստված չէ եւ կոռուպցիոն առումով որոշակի մտահոգություններ են հայտնել մեր աշխատակիցները: Ես ուղղակի ծառայողական քննություն եմ նշանակել, որի արդյունքում կպարզվի՝ աշխատակիցները նման բան ասել են, թե՝ ոչ, եւ, ընդհանրապես, այդ մարդը այդպիսի որակական, չակերտավոր ասած, բաների մեջ վերապահումները տեղին են, թե՝ չէ»,- հայտարարեց ՊԵԿ նախագահը:

Դիտարկմանը՝ դուք նշանակում եք, հետո ծառայողական քննություն նշանակում, հնարավոր չէ՞ նման նշանակումներ չանել, թե՞ կադրեր չկան, Դավիթ Անանյանն արձագանքեց.

«Կադրեր կան, եւ կադրերը շատ են: Կարեւորը այն չէ, թե մենք ինչ որոշումներ ենք ընդունում, կարեւորն այն է՝ մենք որոշումների գերին ենք մնում, թե՝ չէ: Եթե մենք որոշում ենք ընդունել եւ տեսնում ենք, որ մեր որոշումներում որոշակի առումով վերապահումներ կան, մենք ուրիշ որոշումներ ենք ընդունում եւ անցնում առաջ: Եթե ձեզ թվում է, որ իմ անելիքն առավոտից երեկո դարդ անելն է՝ վայ էս ինչ կադր նշանակեցի… կներեք, դրանում չի իմ անելիքը: Իմ անելիքը հարկային վարչարարությամբ հարկային եկամուտներն ապահովելն է եւ հարկային հսկողություն իրականացնելն է եւ մաքսային, այո, բայց կադրերի միջոցով: Դուք գնահատեք մեր աշխատանքը, այլ ոչ թե օրինակ Անանյանը լավ կադրային քաղաքականություն է իրականացնում, թե՝ չէ»:

Մամուլը գրել էր. «Պիտուլը Ալրաղացի Լյովիկի՝ Լեւոն Սարգսյանի քրոջ որդին է եւ ՊԵԿ նախկին ղեկավարության հովանավորյալը, որը հեղափոխությունից հետո շարքային տեսուչից միանգամից նշանակվեց Բագրատաշենի մաքսակետի պետ։ Մաքսակետի աշխատակիցների խոսքերով՝ իրենք երբեք այդքան անգրագետ, միեւնույն ժամանակ այդ կարգի կաշառակեր ղեկավար չեն տեսել։ Ի դեպ նշենք, որ Պիտուլը՝ Արթուր Գասպարյանը, նախկինում երեք դրվագով անցել է կաշառքի գործով»,- գրել էին թերթերը:

Դավիթ Անանյանն ասաց, որ հնարավոր չէ համակարգ ներգրավել մարդկանց, որոնք բացարձակապես մաքուր են եւ հրեշտակի թեւեր ունեն: ՊԵԿ նախագահը խոստովանեց, որ այս կամ այն կադրային նշանակումը կարող է սխալ լինել.

«Եթե ձեզ թվում է, որ մենք պետք է բերենք անձանց, որոնք պետք է լինեն բացարձակապես մաքուր եւ հրեշտակի թեւերով, չի լինում նման բան: Սա այն համակարգն է, որը պետք է անընդհատ ինքնամաքրմամբ զբաղվի»:

Այնուհետ Անանյանը հայտարարեց, որ հուլիսի 9-ից առ այսօր ՊԵԿ-ում քննվող եւ նոր հարուցված քրեական գործերով, պետական բյուջե է վերականգնվել 2,5 մլրդ դրամ:

Կառավարության նախորդ նիստում ՀՀ վարչապետ Նիկոլ Փաշինյանը հայտարարել էր պետությանը հասցված 20 մլրդ 622 մլն դրամի մասին, որից այդ պահի դրությամբ բյուջե է վերականգնվել 800 մլն դրամը, իսկ այսօր այդ թիվը հասել է 2,5 մլրդ-ի:

«Եթե հիշում եք՝ 800 մլն էր մուտքագրվել: Մոտ օրերին նորից մուտքագրումներ կլինեն»,-ասաց Անանյանը:

Հարցին՝ մուտքագրումները կապահովվեն նո՞ր բացահայտումների ընթացքում, Անանյանը պատասխանեց, որ նոր բացահայտումներ լինելու դեպքում կտեղեկացնեն հանրությանը, եթե լիազորված լինեն դա անել:

Տպել
5583 դիտում

Ն. Փաշինյանին շնորհավորական հեռագիր է հղել ՀԱՊԿ գլխավոր քարտուղարի պաշտոնակատար Վ. Սեմերիկովը

Սենատը հաստատել է Լին Թրեյսիի թեկնածությունը Հայաստանում ԱՄՆ դեսպանի պաշտոնում

«Սուրբ Գրիգոր Լուսավորիչ» բժշկական կենտրոնի տնօրենի պաշտոնում նշանակվել է Արման Հովակիմյանը

Կենդանաբանական այգում ուսումնասիրությունների արդյունքները կներկայացվեն հանրությանը. Վիրաբյան

ԱՄՆ-ի «Հայ դատի» հանձնախումբը պաշտոնյաներին կոչ է արել չխուսափել «Ցեղասպանություն» բառն օգտագործելուց

Ստեփանծմինդա – Լարս ավտոճանապարհը փակ է տրանսպորտային բոլոր միջոցների համար

Ձեր օրինակը կարող է վարակիչ լինել. Մարիան Ստրեյֆ-ֆելլերը՝ Աննա Հակոբյանին (լուսանկարներ)

Բուռն պայքար ու հաղթանակ. Հարություն Ուռուտյանը շնորհավորել է Նիկոլ Փաշինյանին ու Սասուն Միքայելյանին

Իսակովի պողոտայում 4 մեքենա է այրվել. կան տուժածներ

Լրագրողին ծեծի ենթարկելու մեջ մեղադրվող ոստիկանները դատապարտվել են տուգանքի

ՀՀԿ-ն գնաց, մնաց ՀՀԿ-իզմը

ՀԱՊԿ գլխավոր քարտուղարի նշանակման հարցը դեկտեմբերի 6-ին չի լուծվել և չէր կարող լուծվել. Եղոյանը արձագանքում է Նազարբաևին

ԵՊԲՀ դիպլոմը կճանաչվի Շրի Լանկայի բժշկական խորհրդի կողմից

Գյումրու 102-րդ ռազմակայանի զինծառայողին կալանավորել են

Մահացածները եղել են մարդատար ավտոմեքենայում. մանրամասներ Սյունիքի ավտովթարից

Ղազախստանում ՀՀ դեսպան Գագիկ Ղալաչյանն իր հավատարմագրերը հանձնեց ՂՀ նախագահին

Նիկոլ Փաշինյանը հեռախոսազրույց է ունեցել Վրաստանի վարչապետ Մամուկա Բախտաձեի հետ

Իրական ընդդիմությունը ԱԺ-ից դուրս է ձեւավարվելու. ինչպես են պայքարելու արտախորհրդարանական ուժերը

ՀՀ ՊՆ է այցելել Մարդու իրավունքների պաշտպանի գրասենյակի պատվիրակությունը

Նազարբաեւը Բելառուսի թեկնածուին աջակցությունն է հայտնել ՀԱՊԿ գլխավոր քարտուղարի պաշտոնում