Դուք հիմա ինձ ստիպում եք. նախարարը՝ Գարեգին Բ-ի հրաժարականը պահանջողին պաշտոն տալու մասին

Կրթության եւ գիտության նախարար Արայիկ Հարությունյանը՝ անդրադառնալով հարցին, թե մտահոգություն չունի՞, որ Հայաստանի պետական տնտեսագիտական համալսարանի Գյումրիի մասնաճյուղի տնօրեն է նշանակվել «Նոր Հայաստան, նոր Հայրապետ» նախաձեռնության անդամ Կարեն Պետրոսյանը, պատասխանեց.

«Եթե ես մտահոգություն հայտնեմ, դրանով կմիջամտեմ բուհերի աշխատանքին: Դուք հիմա ինձ ստիպում եք, որ ես դա անեմ»:

Հարցին, թե ընդհանրապես այդ թեմային չե՞ն անդրադառնալու, նախարարն արձագանքեց. «Գնահատական կհնչի, երբ հարցերը լուծվեն»:

«Նոր Հայաստան, նոր Հայրապետ» նախաձեռնության անդամ Կարեն Պետրոսյանը հուլիսի 21-ին նշանակվել է ՀՊՏՀ Գյումրու մասնաճյուղի տնօրենի պաշտոնակատար:

Նա հայտարարել է, որ կաթողիկոսի հրաժարականին ուղղված բողոքի ակցիաները չեն դադարեցնելու եւ դա իր նոր աշխատանքին չի խանգարելու, աշխատանքային ժամերին զբաղվելու է աշխատանքով:

ՀՀ կրթության եւ գիտության նախարար Արայիկ Հարությունյանը լրագրողների խնդրանքով անդրադառնալով սոցիալապես անապահովներին դասագրքերի եւ այլ աջակցություն տրամադրելու հարցին, ասաց, որ դրանք համայնքային խնդիրներ են: Նա նշեց, որ առանձին հարցերին կմիջամտեն, երբ որ խնդիրներ կլինեն, կքննարկեն, բայց շրջաբերականներ այդ թեմայով չեն ցանկանում, որ լինի: Անդրադառնալով մինչեւ թվով տասը աշակերտ ունեցող դպրոցների ճակատագրին, Արայիկ Հարությունյանն ասաց, որ այդ դպրոցները այս պահին գործում են եւ փորձագետները նախագծեր են ներկայացնում:

«Մենք կածում ենք, որ ֆինանսական արդյունավետության հարցը կարող ենք լուծել հետեւյալ կերպ, երբ տվյալ փոքր եւ հեռավոր համայնքներում ստեղծենք կրթամշակութային կենտրոններ, որը իր մեջ կներառի դպրոց, նախակրթարան, մանկապարտեզ, մշակութային կենտրոն եւ կդառնա տվյալ համայնքի կարեւորագույն կենտրոններից մեկը»,- ասաց նա:

Նա նկատեց, որ Հայաստանում ընդհանուր կրթական ցենզը շատ է ընկել, այդ թվում՝ նաեւ մեծահասականների շրջանում:

«Մենք միջնաժամկետ կտրվածքով նախատեսում ենք, որ տվյալ կրթական կենտրոնները նաեւ կրթական ծառայություններ կմատուցեն մեծահասակներին»,- ասաց նա:

Ինչ վերաբերում է ավելի վաղ բարձրաձայնված տարրական դասարանների լիցենզավորման հարցին, Արայիկ Հարությունյանն ասաց, որ ներկայումս դպրոցները նախապատրաստվում են սեպտեմբերի մեկին, փորձում են իրենց լիցենզիաները համապատասխանեցնել ունեցած հզորություններին, ինչը թեեւ ժամանակավոր լուծում կլինի եւ հաջորդ տարիներին, երբ լինի էլեկտրոնային գրանցում, դպրոցները այլեւս հնարավորություն չեն ունենա մեծ քանակությամբ իրենց լիցենզիաներից ավելի աշակերտներ ընդունել: Հարցին, թե հասարակության մի մասը ցանկանում է վերադառնալ տասնամյա կրթությանը, նախարարն ասաց, որ այդ դեպքում հասարակության մի մասը պետք է ունենա նոր կրթության եւ գիտության նախարար:

«Ես կողմ եմ 12-ամյա կրթությանը եւ հասարակության այդ հատվածին չեմ ասում կարճ ժամանակում, բայց մեկ, երկու, երեք տարում կհամոզեմ, որ 12-ամյա կրթությունը լավ համակարգ է»,- ասաց նա:

Ինչ վերաբերում է այսօրվա իր գրառմանը, նա ասաց, որ բանկերի անուններ չի տալու: Նա ասաց, որ նախկինում իրեն եւս փորձել են ուղղորդել, սակայն նա այլ բանկից է օգտվել: Նշենք, որ նախարարը գրառում էր կատարել, ըստ որի՝ նախկինում որոշ ԲՈՒՀ-եր եւ ուսումնական այլ հաստատություններ ուղղորդել են իրենց աշխատակիցներին՝ հաշիվներ բացել կոնկրետ բանկերում եւ իրենց աշխատավարձերը ստանալ այդ բանկերի քարտերով: Այդ ուսումնական հաստատությունների ղեկավարներին կոչ է անում՝ այսուհետ զերծ մնալ նման ուղղորդումներից եւ չխոչընդոտել իրենց աշխատակիցներին օգտվել այլ բանկերի ծառայություններից:

Տպել
3278 դիտում

Արտակարգ պատահար Գյումրիում. մեքենան հարվածել է ընթացող գնացքին (տեսանյութ)

Թուրքիայում շուրջ 16 միլիոն մարդ սովի է մատնված, աղքատ է բնակչության 60 տոկոսը. զեկույց

Գյումրիում քիչ առաջ պոլիէթիլենային տոպրակի մեջ դրված նորածին տղաներ են հայտնաբերվել

Կոտայքի մարզում 36-ամյա քաղաքացին ընկել է ջրանցքը. վիճակը միջին ծանրության է

ԲՀԿ-ում պայթյո՞ւն է սպասվում. պատգամավորները սկսել են միմյանց մասին սկանդալային հայտարարություններ անել

Սուրեն Պապիկյանը ներկայացրել է Արմավիրի նորանշանակ մարզպետին

Վստահ եմ՝ ամեն ինչ անում եք, որպեսզի զգոնությունը սահմանների վրա չպակասի, ընդհակառակը, ավելի բարձրանա. նախագահ

Էջմիածնում կլանները գլխատված են. Ն. Փաշինյանը՝ թեկնածուի հայտարարության մասին

Արմավիրում անակնկալ հյուրասիրություն, աղ ու հաց էին կազմակերպել Ն. Փաշինյանի համար (տեսանյութ)

Ինքնիշխան պետության ներքին գործերի մասին դեսպանը խոսել է առանց շփոթմունքի. Զախարովան՝ Միլսի ելույթի մասին

Նկար, յուղանկար, ջրանկար. Սյունիքի նախկին մարզպետի ունեցվածքն ու թանկարժեք իրերը

Չորս մարդու մահվան պատճառ դարձած ավտովթարի դեպքի առթիվ գործ է հարուցվել, բեռնատարի վարորդը ձերբակալվել է

ՀՀ-ն կարող է լավ հարթակ լինել ՌԴ-ից Իրան դեղեր ու բուժտեխնիկա արտահանելու առումով. Ա. Թորոսյան

Փոխվարչապետի պաշտոնակատար Մհեր Գրիգորյանն ընդունել է Արցախի պետնախարարի գլխավորած պատվիրակությանը

«Թումո»-ն բարեկամության լավագույն օրինակ է. Հայկ Մարությանը հանդիպել է Փարիզի քաղաքապետ Անն Իդալգոյի հետ

Նոր ընդդիմությանը սպասելիս. դրա ձեւավորումը անկասելի է

Երևանի քաղաքապետ Հայկ Մարությանը ներկա է գտնվել Փարիզում «Թումո» կենտրոնի բացմանը

Աննա Հակոբյանը եւ մաեստրո Տիգրան Մանսուրյանն այցելեցին Մաթեւոսյան կենտրոն-թանգարան

Արթիկում վիճաբանության ընթացքում 16-ամյա տղային դանակահարելու կասկածանքով ձերբակալվել է երկու անձ

Երգիչ Արա Մարտիրոսյանը սրտի ծանր վիրահատության է ենթարկվել․ մանրամասներ