Վառեց, ծափ տվեց, գնաց. Երեւանի Նոր Խարբերդ թաղամասն անմարդկային պայմաններում է (տեսանյութ)

Շենգավիթ վարչական շրջանի Նոր Խարբերդ թաղամասը, մեղմ ասած, անտեսված է: Մոտ 4000 տնտեսություն ունեցող թաղամասում վիճակը սահմանամերձ ամենավատ պայմաններում գտնվող գյուղերից էլ վատ է: Նոր Խարբերդի բնակիչներն իրենց բազմաթիվ անլուծելի խնդիրներով դիմել են «Հայկական ժամանակ»-ի խմբագրությանը:

Նոր Խարբերդում այսօր թիվ մեկ խնդիրը խմելու եւ ոռոգման ջրի խնդիրն է: Բնակիչների խոսքով՝ մի քանի տարի առաջ, երբ «Վեոլիա ջուր»-ը ոչ մի խողովակ չէր փոխել, ամեն ինչ հիասքանչ էր, իրենց սառնորակ ջրին էլ ջուր չէր հասնում: Այսօր նրանք օրվա մեջ երկու ժամ են ջուր ունենում, որը խմելու եւ կերակուր պատրաստելու համար պիտանի չէ:

Խողովակները վնասվելուց հետո հները կտրել են, նոր՝ ավելի անորակ ու նեղ խողովակ տեղադրել, այսօր մոտ 30 ընտանիք այդ խողովակով եկող ջրից է օգտվում: «Էդ նեխած ջրի համար ամիսը 5 հազար դրամ գումար եմ տալիս, ահավոր է, ճաշ ես սարքում, չես կարողանում ուտել, համ է գալիս, միայն հիգիենայի համար ենք օգտագործում»,- ասաց քաղաքացիներից Աշխեն Բադալյանը, որը վեց տարի է՝ ինչ տեղափոխվել է Նոր Խարբերդ:

Բնակիչները փաստեցին, որ ջուրն անորակ է եւ առողջության համար խիստ վտանգավոր, մի քանի տարի առաջ տարել են լաբորատոր հետազոտության, պարզվել է՝ նորմայից կոշտ է: Ջրի մեջ կան ժանգի մնացորդներ, հող, քար, փայտ, միջատներ, սակայն ուզած, թե չուզած գործածում են, իսկ խմելու եւ կերակուր պատրաստելու ջուրը գնում են:

«Վեոլիա ջուր» ընկերության հետ պայմանագրեր են կնքել, բաժանորդներ են, բայց դա հարցին լուծում չի բերում: Բնակիչներից Արամ Նիկողոսյանի խոսքով՝ բազմիցս դիմել են «Վեոլիա ջուր» ՓԲԸ-ին եւ տարբեր ատյանների: «Ասում են՝ իրենց հիշում են ընտրությունից-ընտրություն: Ընտրությունների ժամանակ էլ գալիս խաբում գնում են»,-ասաց նա:

Բնակիչների ջրաչափերը դրսում են, ամեն մեկինն իր տան դիմաց, փողոցի մի փոքրիկ փոսի մեջ: «Մենք բաժանորդներ ենք «Վեոլիա ջուր» ՓԲԸ-ին, ունենք օրինական փաստաթղթեր, սակայն ջրի գումարը մեզնից տեղի բնակիչներից մեկն է գանձում՝ ամեն անգամ օդում թիվ կրակելով»,- ասում են նրանք:

«Վերջին խայտառակ ընտրություններից առաջ, երբ կային ընտրակաշառքներ եւ այլն, մեր հարեւաններից մեկը՝ Հարութ Հարությունյանը, որոշեց մեր բոլորի հաշվին գումար աշխատել: Մեր հարևանը հայտարարեց, որ եթե ուզում ենք այդ ջրից մենք էլ օգտվել, թեեւ բոլորս բաժանորդներ ենք եւ ունենք պայմանագրեր, յուրաքանչյուրս պարտավորված ենք վճարել մոտ 50 հազար դրամ, քանի որ խողովակները փոխելու հետ կապված որոշ ծախսեր նա արել է սեփական միջոցներով»,- պատմեց Անի Մուղնեցյանը:

Վերջինիս խոսքով՝ արդեն վեց ամիս է՝ բնակիչները ջրի գումարը փոխանցում են քաղաքացի Հարութ Հարությունյանին: Որ բաժանորդի համար ինչքան գումար ասում է, մենք դա տալիս ենք իրեն, եւ չգիտենք՝ բաժանորդ ենք, ենթաբաժանորդ ենք, թե ինչ ենք, մենք առհասարակ գոյություն ունենք, թե՝ չունենք»:

Հարութ Հարությունյանի հետ մեր ներկայությամբ հեռախոսազանգի միջոցով կապ հաստատեցին բնակիչները, վերջինս ասաց, որ դիմում է գրել եւ հրաժարվելու է իր «լիազորություններից»:

Բացի կենսական ամենակարեւոր բաղադրիչից՝ խմելու ջրից, Նոր Խարբերդի բնակիչներն ունեն ճանապարհի, աղբահանության, ինչպես նաեւ գազի խնդիր: Զավեշտալին այն է, որ Երեւանի ավագանու ընտրություններից առաջ տվյալ թաղամասը «գազիֆիկացվել է», սակայն գազատար խողովակները հասել են մինչեւ Նոր Խարբերդ մտնող ճանապարհ, այդտեղ էլ վերջացել:

«Տարոն Մարգարյանը մի երկու տարի առաջ եկավ, երեք կիլոգրամանոց գազի բալոնը բերեց դրեց՝ ինքը վառեց, ինքը ծափ տվեց, թողեց գնաց, մենք էլի մնացինք առանց գազ: Հեռուստատեսությամբ էլ հայտարարեցին, իբր Նոր Խարբերդը գազիֆիկացվել է»,-պատմեցին բնակիչները:

Ասում են՝ եկել տներ են առել, վերանորոգել, սակայն իրենց երեխաներն այսօր իրենց հետ չեն ապրում, որովհետեւ չկան նվազագույն կենցաղային պայմաններ, գազ, ջուր, տրանսպորտի միջոց, էլ չեն խոսում թաղամաս տանող ճանապարհի գարշահոտության եւ նեխած աղբի մասին, որը երեկոյան ժամերի փողոցային շներն են հավաքվում ցիրուցան անում, հետն էլ ուշ ժամին փողոց դուրս եկածների վրա հարձակվում: Ամառը փոշի, ձմեռը ձյուն, աշունը ցեխ:

Նոր Խարբերդում բնակիչներ կան, որոնք 20 տարուց ավելի է՝ այդտեղ են ապրում, սակայն չեն պատկերացնում, թե տվյալ թաղամասը կոնկրետ ինչ է, որ վարչական շրջանի մեջ է մտնում: «Եթե համայնք ենք, թող ասեն՝ համայնք է, եթե վարչական շրջանի մի մաս է, ապա այդկերպ թող վարվեն, կամ գյուղի կարգավիճակ տան, ո՞վ է տեսել մայրաքաղաքի մի մաս համարվող նման թաղամաս 21-րդ դարում»,- ասում են նրանք:

Ինչ վերաբերում է Շենգավիթ վարչական շրջանին, ապա վստահեցնում են, որ այն ոչ մի անգամ տեղի ոչ մի խնդրով երբեւէ չի զբաղվել: Անկախ ամեն ինչից, քաղաքացիները պարտաճանաչ կատարում են աղբահանության, ջրի եւ այլնի վճարումները: Ասում են՝ չմատուցված ծառայության համար կատարում են վճարումներ, քանի որ երեխաների հետ կապված, եթե ինչ-որ տեղեկանքի կարիք է լինում, տվյալ վայրից պարտադիր հիշեցվում է, որ չեն վճարել եւ տեղեկանք էլ չեն տրամադրում:

տեսանյութ՝

Տպել
2534 դիտում

Վաղվանից Հայաստանի զգալի մասում սպասվում են տեղումներ, հիմնականում՝ ձյան տեսքով

Նիկոլ Փաշինյանն այսօր մեկնում է Արագածոտնի մարզ. հանդիպումներ կլինեն Աշտարակում և Ապարանում

Ինչ արժե նախընտրական գովազդի 1 րոպեն. 100 հազարից մինչև հազար դրամ՝ մարզերում ու Երեւանում

Ջիգարխանյանի նախկին կնոջը 250 ժամյա հարկադիր աշխատանք է տրվել. նա պատրաստ է ավլել փողոցները, բայց մեղավոր չի զգում

ԿԸՀ-ն հրապարակել է ընտրություններին մասնակցող ուժերի համապետական և տարածքային ցուցակները

Շերեմետեվո օդանավակայանի թռիչքուղում ինքնաթիռը ոչ թե կենդանու, այլ մարդու է հարվածել՝ ՀՀ քաղաքացու

ԿԸՀ-ն հրապարակել է ընտրողների թիվը մարզերում ու Երևանում. մարզերից ամենաշատ ընտրողները Կոտայքում են

Անցկացվել են հայ-գերմանական երկկողմ ռազմաքաղաքական խորհրդակցություններ

ԲՀԿ-ն արտահերթ ընտություններին կմասնակցի 169 թեկնածուով, 7 հոգին ինքնաբացարկ է հայտնել

Փաշինյանը իրականացրել է նախընտրական քարոզչություն` աշխատանքային ժամին. ՀՀԿ շտաբ

Վթար Կիևյան և Մոնթե Մելքոնյան փողոցների խաչմերուկում, բախվել է 5 մեքենա. կան տուժածներ

ԼՂ հակամարտությունում մարդկանց իրավունքներն ու անվտանգությունը առաջնահերթություններ են. ԱԳ նախարար

Դավիթ Տոնոյանը ժամանել է Քեմփ Մարմալ ռազմաբազա, որտեղ ծառայում են հայ խաղաղապահները

Պեկինում տեղի է ունեցել «Նոր Հայաստանը եւ նրա տարածաշրջանային կարեւորությունը» թեմայով գիտաժողով

Եռագույն փողկապն աղքատությունն ու արտագաղթը չի վերացնում, գնաճը շարունակվում է. Շարմազանովը՝ վարչապետին

Նոյեմբերի 20-ի դրությամբ համաներմամբ ազատ է արձակվել 501 դատապարտյալ

Եւ մի տանիր զմեզ ի փորձություն ...

Տեղի կունենա մոմավառություն՝ ի հիշատակ բալետի արտիստ Վահագն Մարգարյանի

Քրտնաջան և թափանցիկ աշխատանքի ակնկալիքով. քաղաքապետը ներկայացրել է Քանաքեռ-Զեյթունի նոր ղեկավարին

էրեբունու զանգվածային անկարգությունների գործով ինքնակամ ներկայացած անձը Մասիսի սպորտդպրոցի տնօրենն է