Վարչապետը ՊԵԿ նախագահի հետ քննարկում է ունեցել կառույցի սկանդալային պաշտոնյաների մասին

Նոր կառավարությունում գործում են երեք խումբ ներկայացնող մարդիկ՝ հին, նոր եւ մարդիկ, ովքեր, լինելով հին ժամանակներում աշխատած, նոր ժամանակներում փոխել են իրենց կարգավիճակը։ Նման կարծիք հայտնեց Նիկոլ Փաշինյանը՝ խոսելով կադրային քաղաքականության մասին:

«Սա վերաբերվում է բոլորին, այս իրավիճակը նոր է ե՛ւ հին կադրերի համար, ե՛ւ նոր կադրերի համար, ինչպես նաեւ այն կադրերի համար, ովքեր փոփոխության շրջանում նաեւ կարգավիճակի փոփոխության են ենթարկվել։ Եւ կառավարության, նաեւ իմ վարած քաղաքականության ամենակարեւոր խնդիրը, որ լուծել եմ առաջին փուլում՝ հեղափոխության անցնցում հաղթանակը ֆիքսելն է, իսկ հիմա պետք է հասկանանք, որ տեղի է ունենում ադապտացիայի շրջան, որը վերաբերում է բոլորին»։

Փաշինյանը նշեց, որ բոլոր երեք խմբերը, բառի լավ իմաստով, հարմարվելու են իրավիճակին, լինելու են նաեւ մարդիկ, ովքեր չեն հարմարվի իրավիճակին, եւ դա անխուսափելի է. «Հայաստանում տեղի ունեցածը շարքային փոփոխություն չէ, դա գործելաոճի փոփոխություն է, դա նպատակների փոփոխություն է, դա մեր ազգային եւ պետական ամբիցիաների փոփոխություն է»։

Վարչապետը նշեց, որ առաջիկայում կառավարությունն աշխատելու է կադրային ռեզերվ ձեւավորելու վրա՝ օգտագործելով նաեւ Սփյուռքի ներուժը։

Նիկոլ Փաշինյանը պատասխանելով «Հայկական ժամանակ»-ի այն հարցին, թե ինչո՞վ են պայմանավորված ՊԵԿ կադրային նշանակումները, քանի որ յուրաքանչյուր նոր պաշտոնյայի հետեւում սկանդալների շարք է թաքնված: Մասնավորապես, խոսքը ՊԵԿ փոխնախագահ Ռաֆիկ Մաշադյանի, Կարեն Կարապետյանի մասին է: Վարչապետից հետաքրքրվեցինք՝ ՊԵԿ-ում կադրային փոփոխություններ սպասվո՞ւմ են, քանի որ տպավորություն է ստեղծվել, թե իր ասած կախարդական փայտիկը ՊԵԿ-ի կողքով չի անցել:

«Հայաստանում դժվար է գտնել կադրային նշանակումներ, որոնք նեգատիվ կարծիքներ չեն առաջացնի: Ինչ վերաբերվում է ՊԵԿ նշանակումներին, կառավարությունը ՊԵԿ նախագահ է նշանակել եւ քաղաքականությունը, այդ թվում նաեւ միջին օղակների քաղաքականությունը, վարում է ՊԵԿ նախագահը: Ես չեմ պատրաստվում առանձին դեպքերի հետեւից գնալ, բայց ես չեմ պատրաստվում անարձագանք թողնել այն անհանգստությունները, որոնք մարդիկ ունենում են: Ես այս թեմայով ՊԵԿ նախագահի հետ մի քանի խոսակցություն եմ ունեցել: Հույս ունեմ, որ այդ խոսակցությունը կբերի կոնկրետ արդյունքներ, եթե չի բերի այդ արդյունքները, ապա կհասնի իմ արձագանքելու ժամանակը»,- ասաց նա:

Միաժամանակ Նիկոլ Փաշինյանն ընդգծեց, որ նման փոփոխություններից հետո որոշ համակարգերի կայունությունն անհրաժեշտություն է: Բերելով ոստիկանության, հարկային եւ մաքսային կառույցների օրինակը՝ Փաշինյանը նշեց, որ այնտեղ հեղափոխական փոփոխություններ չեն արել: Ըստ նրա՝ նման քայլերի չեն դիմել, որպեսզի ապահովեն համակարգերի կայունությունը:

Նիկոլ Փաշինյանը նշեց, որ կադրային հեղափոխություն տեղի չի ունեցել, բայց շուտով հասնելու են այդ էջին: «Կադրային հեղափոխություն չի նշանակում, որ գերանդին վերցնելու ենք եւ հնձենք բոլորին»,- ասաց նա:

Նիկոլ Փաշինյանը միաժամանակ նշեց, որ կախարդական փայտիկը հաջողությամբ գործում է:

«Կախարդական փայտիկի հետ ամեն ինչ կարգին է, այն իր գործը անում է եւ կանի»,- մասնավորապես, ասաց Նիկոլ Փաշինյանը:

Տպել
1578 դիտում

Ինչ արժե նախընտրական գովազդի 1 րոպեն. 100 հազարից մինչև հազար դրամ՝ մարզերում ու Երեւանում

Ջիգարխանյանի նախկին կնոջը 250 ժամյա հարկադիր աշխատանք է տրվել. նա պատրաստ է ավլել փողոցները, բայց մեղավոր չի զգում

ԿԸՀ-ն հրապարակել է ընտրություններին մասնակցող ուժերի համապետական և տարածքային ցուցակները

Շերեմետյեվո օդանավակայանի թռիչքուղում ինքնաթիռը ոչ թե կենդանու, այլ մարդու է հարվածել՝ ՀՀ քաղաքացու

ԿԸՀ-ն հրապարակել է ընտրողների թիվը մարզերում ու Երևանում. մարզերից ամենաշատ ընտրողները Կոտայքում են

Անցկացվել են հայ-գերմանական երկկողմ ռազմաքաղաքական խորհրդակցություններ

ԲՀԿ-ն արտահերթ ընտություններին կմասնակցի 169 թեկնածուով, 7 հոգին ինքնաբացարկ է հայտնել

Փաշինյանը իրականացրել է նախընտրական քարոզչություն` աշխատանքային ժամին. ՀՀԿ շտաբ

Վթար Կիևյան և Մոնթե Մելքոնյան փողոցների խաչմերուկում, բախվել է 5 մեքենա. կան տուժածներ

ԼՂ հակամարտությունում մարդկանց իրավունքներն ու անվտանգությունը առաջնահերթություններ են. ԱԳ նախարար

Դավիթ Տոնոյանը ժամանել է Քեմփ Մարմալ ռազմաբազա, որտեղ ծառայում են հայ խաղաղապահները

Պեկինում տեղի է ունեցել «Նոր Հայաստանը եւ նրա տարածաշրջանային կարեւորությունը» թեմայով գիտաժողով

Եռագույն փողկապն աղքատությունն ու արտագաղթը չի վերացնում, գնաճը շարունակվում է. Շարմազանովը՝ վարչապետին

Նոյեմբերի 20-ի դրությամբ համաներմամբ ազատ է արձակվել 501 դատապարտյալ

Եւ մի տանիր զմեզ ի փորձություն ...

Տեղի կունենա մոմավառություն՝ ի հիշատակ բալետի արտիստ Վահագն Մարգարյանի

Քրտնաջան և թափանցիկ աշխատանքի ակնկալիքով. քաղաքապետը ներկայացրել է Քանաքեռ-Զեյթունի նոր ղեկավարին

էրեբունու զանգվածային անկարգությունների գործով ինքնակամ ներկայացած անձը Մասիսի սպորտդպրոցի տնօրենն է

Ոստիկանները Շենգենյան վիզայի կեղծման դեպք են բացահայտել. վիզան 6500 եվրո է արժեցել (տեսանյութ)

Ժողովուրդ ջան, հավատացե՛ք Նիկոլ Փաշինյանին, քանի դեռ ինքը հակառակը չի ապացուցել. Արփինե Հովհաննիսյան