Իտալիայի պատվո հյուպատոսը Գյումրու Ռուսթավելին ինքնագլուխ է քանդում. գլխավոր ճարտարապետ

20/07/2018 schedule20:18

Գյումրու Ռուսթավելի փողոցը երեկվանից է սկսել քանդել Իտալիայի պատվո հյուպատոս Անտոնիո Մոնտալդոն: Այն, որ հենց իր հրահանգով է քանդվել փողոցը, հյուպատոսը չի հերքում, ավելին, այսօր տարածք շտապած Գյումրու քաղաքապետարանի աշխատակիցներին անհարգալից ընդունել եւ գոռգոռոցով ճանապարհել է: Այս մասին ասաց Գյումրու քաղաքապետ Սամվել Բալասանյանը:

«Մեղավորը սկսել է հարձակվել, էն էլ բղավելով: Մոնտալտոն քանդել է Ռուսթավելին, էս մարդը չի հասկանա, գիտի, թե Գյումրին իր սեփականությունն է լրիվ: Երկու հատ շենք է ձեռք գցել էն իշխանությունների ժամանակ, հլը հետները կհամագործակցենք, մի հատ էլ մեր վրա գոռում է: Նրա հետ օրենքի սահմաններում աշխատեք, վերջը դրսի հյուպատոս է, ես ինչ ասեմ»,-բարկացած ասաց քաղաքապետը:

Երկու շենք ասելով, Գյումրու քաղաքապետը նկատի ունի Ռուսթավելի փողոցում գտնվող «Վիլլա Կարս» հյուրատունը եւ Գյումրու նախկին Խաշխանա կոչված շենքը, որոնք սեփականության իրավունքով պատկանում են Իտալիայի պատվո հյուպատոս Անտոնիո Մանտալդոյին:

Մոնտալդոն հիմա քանդում է Ռուսթավելի փողոցի մայթին գտնվող նախկին Խաշխանայի տարածքը, որտեղ սեփական բիզնես ունի՝ կերամիկայի արտադրամաս: Անտոնիո Մոնտալդոն մեկնաբանությունից զերծ մնաց, տարածքում մեկը, ով ասաց, թե հյուպատոսի օգնականն է, պատմեց, որ շինարարական թերություն է գտել հյուպատոսը, դրա համար էլ շտկում է: Ըստ օգնականի, շինարարական այդ թերության պատճառվ ջրահեռացման համակարգի խնդիր կա, որը շենքը խոնավացնում է:

Գյումրու քաղաքապետարանի գլխավոր ճարտարապետ Հենրիկ Գասպարյանը ՀԺ-ի հետ զրույցում նշեց, որ Իտալիայի հյուպատոսն այս աշխատանքները սկսել է առանց քաղաքապետարանի հետ համաձայնեցնելու, անգամ տեղյակ չի պահել: Շենքը իրենն է, բայց մայթը՝ ոչ: Հետո էլ, ինչ հիմնավոր պատճառ էլ ունենար Մոնտալդոն, պետք է  քաղաքապետարանին չանտեսեր, իսկ այս պարագայում ստացվում է, որ հյուպատոսն ապօրինաբար է քանդում Ռուսթավելին, ինքնագլուխ:

Անկախ Գյումրու քաղաքապետի զայրույթից եւ ճարտարապետի ուղղորդումից, հյուպատոսի հրահանգով բանվորներն ամբողջ օրը շարունակեցին սկսած գործը: Սրան զուգահեռ Գյումրու քաղաքապետարանը Մոնտալդոյին պարտավորեցրել է հնարավորինս արագ, կարճ ժամկետում, մայթը վերականգնել, բերել նախկին տեսքին:

Հիշեցնենք, որ այս փողոցը հիմնանորոգվել եւ բացվել էր 2017 թվականի օգոստոսի 18-ին՝ Կումայրի պատմական միջուկի զարգացման ծրագրի շրջանակներում՝ ՀՀ նախկին վարչապետ Կարեն Կարապետյանի նախաձեռնությամբ:  

Տպել
2912 դիտում

Ավետիսյանի որդուն պատկանող «Գոլդեն Փելես»-ը գրանցված է օֆշորային ընկերության վրա. Վանեցյանը չբացառեց, որ գործը կկարճվի

Առաքել Մովսիսյանի վերաբերյալ գործն ԱԱԾ-ն կարճել է. Արթուր Վանեցյան

«Կոնգրես» հյուրանոցի գործով Սեդրակ Քոչարյանը հարցաքննվել է. ԱԱԾ տնօրեն

Նարեկ Սարգսյանի բնակարանից հայտնաբերված նկարները պատկանում են Սարյանի վրձնին. ԱԱԾ տնօրենը հաստատեց

Ես հույս ունեմ, որ դեռեւս երկար տարիներ կպաշտոնավարեմ. Արթուր Վանեցյան

Գործադուլ եւ դասադուլ ՇՊՀ ավագ դպրոցում

Ընթացիկ եվ ոչ միայն. 2006թ. մտնում ենք առանց իմունիտետի

Պատասխան. այդ տիկին Քոչարյանը ես եմ

Չի տեսնում. ԼՂ հարցի կարգավորումը հեռու է

Կոմիտասի պողոտայի երթեւեկելի մասի վրա լուսացույցներ կդրվեն. ոստիկանություն

Գյումրու քաղաքապետարանի բնակկոմունալ բաժնին կախարդական փայտիկ է պետք

Միհրան Հարությունյանը ժամանակից շուտ հաղթանակ տարավ MMA-ում իր 2-րդ մենամարտում

Ոստիկանության 5 ծառայողի շնորհվել է ոստիկանության լեյտենանտի կոչում (տեսանյութ)

Լարսի ճանապարհը բաց է. ձյուն, բուք, մերկասառույց, մառախուղ, դժվարանցանելի ճանապարհներ՝ ՀՀ-ում

Հայկ Դեմոյանը նշանակվել է «Ավրորա» նախաձեռնության գործառնությունների գծով տնօրեն

Արցախի նախագահն ընդունել է ՀՅԴ Բյուրոյի ներկայացուցիչ Հրանտ Մարգարյանին. ինչ են քննարկել

Վերաքննիչը գտել է, որ Ռոբերտ Քոչարյանն անձեռնմխելի չէ

Քաղաքավարությունը շփոթում են թուլության հետ. Փաշինյանը՝ Գարեգին Բ-ին

Մենք արդեն դադարեցրել ենք կենդանիների սպանդի ամոթալի պրակտիկան. Հայկ Մարության

ԱԺ ընտրություններին 442 ենթադրյալ հանցագործության դեպքերից 6-ով քրգործեր են հարուցվել. դատախազություն