«Փյունիկ» ֆուտբոլային ակումբը 3 նոր խաղադաշտ է կառուցում: Այս մասին «Հայկական ժամանակ»-ի հետ զրույցում հայտնեց ակումբի սեփականատեր, գործարար Արթուր Սողոմոնյանը: Տարածքը վարձակալությամբ վերցրել է ՀՀ ԱԺ նախկին պատգամավոր Աշոտ Աղաբաբյանից: 1 խաղադաշտ կա, 3-ի աշխատանքները ընթացքի մեջ են: Դրանք նախատեսվում է ավարտել սեպտեմբերին:

«Մենք հիմա կառուցում ենք նոր դաշտեր: Մեր շնորհակալությունը Աշոտ Աղաբաբյանին, որը մեզ դրա համար հող տրամադրեց Կիլիկիայում: Որոշել ենք շատ արագ տեմպով 3 նոր դաշտ կառուցել, ու արդեն սկսել ենք գործը: Հուսով ենք՝ կհասցնենք, ու սեպտեմբերից երեխաները կունենան դաշտեր, ու ես կարծում եմ՝ դրանք ավելի որակով, ավելի ժամանակակից կլինեն, քան առաջվա դաշտերը, որտեղ նրանք պարապում էին»,- ասաց Սողոմոնյանը:

Նախկինում «Փյունիկը» մարզվում էր Հայաստանի ֆուտբոլի ֆեդերացիայի նախագահ Ռուբեն Հայրապետյանի ընտանիքին պատկանող ենթակառուցվածքներում: Ակումբը նույնպես նախկինում եղել է նրա ընտանիքինը: 2017 թ. ամռանը Հայրապետյանը ակումբը առանց փոխահատուցման տվել էր Սողոմոնյանին: Նաեւ թույլ էր տվել, որ ֆուտբոլիստները մարզվեն ենթակառուցվածքներում: Այս տարվա հուլիսի սկզբին, սակայն արգելել է:

«Զարմացած եմ այդ քայլերից, որոնք Ռուբեն Հայրապետյանն արեց, բայց դա նրա որոշումն է, ես ի՞նչ կարող եմ անել: Ամեն դեպքում մենք գտանք ճանապարհը, որով կարող ենք հարցերը լուծել»,- ասաց նա:

Այս պահին մարզումներ անցկացնելու տեղ մոտ 700 սաներն ու 40 մարզիչները չունեն: Տարածք չունենալու պատճառով ակումբի գլխավոր թիմը խնդիրներ է ունեցել Եվրոպա լիգայի 2018-19 մրցաշրջանի որակավորման առաջին փուլի «Վարդարի» դեմ տնային խաղից առաջ: Մարզվելու հնարավորություն է ստացել «Բանանց» ֆուտբոլային ակումբի շնորհիվ, որ դաշտ է տրամադրել: Այսուհետ ակումբի սաները կմարզվեն վարձակալած տարածքներում, քանի դեռ «Փյունիկի» ղեկավարություն սեփական մարզաբազա չի կառուցել:

«Վարձակալելու ենք, բայց լավ պայմաններով: Վարձակալելու ենք մինչեւ չկառուցենք մեր բազան: Հուսով եմ՝ այս տարի արդեն կսկսենք կառուցել մեր բազան: Դա արագ չի լինի, ժամանակ է պահանջում, որովհետեւ ուզում ենք եվրոպական ստանդարտներով բազա կառուցել: Հուսով ենք՝ 1 տարում կամ մաքսիմում տարիուկես անց այդ հարցը լուծված կլինի»,- ասաց նա:

Մարզադպրոցի սաները այս շրջանում արձակուրդում են: Այն պետք է ավարտվեր օգոստոսին, սակայն հաշվի առնելով շինարարական աշխատանքները՝ մարզումները կվերսկսվեն սեպտեմբերից: Ինչ վերաբերում է ակումբի գլխավոր թիմին, այն հանդիպումներին պատրաստվում է Ձորաղբյուրում՝ Երեւանի «Արարատի» մարզաբազայում:

«Շնորհակալ ենք «Արարատին», որ մեզ տրամադրեցին իրենց բազան: Այն քաղաքականությունը, որը վարում է ֆեդերացիան... ես հուսով եմ՝ երբ կփոխվի ղեկավարությունը, մենք իրար հետ իրավիճակը կուղղենք, ու հայկական ակումբները կքայլեն առաջ»,- ասաց նա:

Սողոմոնյանը կարծում է, որ թիմը Ձորաղբյուրում կմարզվի առնվազն 6 ամիս: Հույս ունի, որ սեպտեմբերին կայանալիք ՀՖՖ նախագահի ու գործկոմի ընտրությունների արդյունքում ղեկավարությունը կփոխվի, ու իրենց կթույլատրեն մարզվել ֆեդերացիայի բալանսի վրա եղող խաղադաշտերում: Նոր մրցաշրջանում  տնային հանդիպումները, ինչպես նշված է ՀՖՖ պաշտոնական կայքում, «Փյունիկը» անցկացնելու է Վազգեն Սարգսյանի անվան «Հանրապետական» մարզադաշտում:

Տպել
1924 դիտում

Հանդիպել են ՄԱԿ-ի Խաղաղ հավաքների և միություններ կազմելու հարցերով հատուկ զեկուցողն ու Ա. Միրզոյանը

Նորմալ երկիր ա դարձել, մեր վարչապետը օրինականություն ա մտցրել, էդ քիչ ա՞. քրեական հեղինակություն Նորատուսցի Արա

Քոչարյանի պաշտպանը Վճռաբեկ է ներկայացրել ապացույց, թե ինչպես են ըստ Քոչարյանի ցուցարարները Մարտի 1-ին կրակում

Ն. Փաշինյանն այցելել է «Մեգերյան կարպետ» ընկերություն, աշխատանքային ընթրիք ունեցել Հարվարդի շրջանավարտների հետ

Արցախի ՄԻՊ-ն ու Աննա Հակոբյանը քննարկել են մարդու իրավունքներին եւ մարդասիրական խնդիրներին առնչվող ծրագրերը

Հոգով ու սրտով կապված եմ եղել մարզիս հետ. Վահրամ Բաղդասարյանը դիմում է լոռեցիներին

ԿԸՀ-ն բաշխել է ընտրությունների տեղամասային հանձնաժողովների նախագահների ու քարտուղարների պաշտոնները

Ցուկերբերգն արգելել է Facebook-ի գրասենյակում Apple սմարթֆոնների օգտագործումը

Եղանակային պայմաններից ելնելով շարունակում է փակ մնալ Վերին Լարս տանող ճանապարհը

Եթե որևէ պրոֆեսոր ֆինանսական վնաս է պատճառել, ապա դա Գագիկ Եթիմյանն է. ՎՊՀ-ում զայրացած են

Զվարճալի միջադեպերի պատճառով Հայկ Կասպարովի տեսահոլովակը պատրաստելը ձգձգվել է

Տեղացած ձյունը մի շարք ճանապարհներին դժվարություններ է առաջացրել (լուսանկարներ)

Նոյեմբերի 15-ի դրությամբ համաներմամբ ազատ է արձակվել 484 դատապարտյալ

2 խնդիր, ինչի համար Հովհաննես Մարգարյանը չի մասնակցի ընտրություններին

«Իմ քայլը» դաշինքի նախընտրական ցուցակում ընդգրկված է 8 լրագրող. ովքե՞ր են նրանք

Ըստ դիմումի՝ Հայաստանում ստեղծվել է ֆինանսական բուրգ հանդիսացող կազմակերպություն. հարուցվել է քրգործ

Ստեփանավանի 2 բնակչի մեղադրանքներ են առաջադրվել՝ բնակարաններից գողություններ կատարելու համար

Ձյուդոյի ՀՀ առաջնության որակը լավացել է, խոստումնալից մարզիկներից 1-ը գուցե պատժվի. մարզիչ

Մեկնարկել է «Հայաստանի հմտություններ» ազգային մրցույթի եզրափակիչ փուլը

Անակնկալ ստուգումներ Երեւանի մանկապարտեզներում. հայտնաբերվել են խախտումներ, կլինեն հետեւանքներ (լուսանկարներ)