Վարձով ապրող նախարարը հավելյալ 100 հազար է ստանում, իսկ վարձով ապրող դերասանն ի՞նչ անի

Կոնստանտին Ստանիսլավսկու անվան ռուսական դրամատիկական թատրոնում շարունակվում են դժգոհությունները: Բացի այն, որ այստեղ բողոքներ են հնչում գեղարվեստական ղեկավարից, պակաս չեն նաեւ բողոքները աշխատավարձերից:

Դերասան Մանվել Խաչատրյանը, որը 11 տարուց ավելի է՝ Կոնստանտին Ստանիսլավսկու անվան ռուսական թատրոնում է աշխատում, վստահեցնում է, որ թատրոնում աշխատելով ընտանիք պահել հնարավոր չէ: Դերասանի վստահեցմամբ՝ ստիպված է թատրոնից դուրս հազար ու մի բանով զբաղվել, որպեսզի կարողանա ընտանիքը պահել:

«Մեր թատրոնում դերասաններ կան, որ ցերեկը կամ երեկոյան ներկայացում են խաղում, հետո վազում են սրճարան՝ մատուցող աշխատելու: Այն երեխան, որը մեկ ժամ առաջ հեքիաթ էր նայում ու այդ հեքիաթի հերոսն իր համար պիտի հեքիաթային էլ մնար, մեկ ժամ չանցած հեքիաթը ջարդվում է ու մնում է մատուցողը, որը երեխային պաղպաղակ է հրամցնում: Կամ երեկոյան, երբ դու ներկայացման մեջ ինչ-որ ուժեղ կերպար ես մարմնավորում եւ հանդիսատեսը քեզ այդպիսին է ընկալում, մի քանի րոպե անց դու նույն հանդիսատեսի հետ կռացած հայտնվում ես միեւնույն տրանսպորտում: Նման բաները շատ անհամատեղելի են, դերասանն այսօր չի կարողանում արժանապատիվ կյանքով ապրել: Թավշյա հեղափոխության ժամանակ պայքարի դուրս գալու իմ գլխավոր պատճառներից մեկն այն է եղել, որ դերասանը կարողանա արժանապատիվ կյանքով ապրել»,- ասաց Մանվել Խաչատրյանը:

Դերասանը 2007 թվականից աշխատել է տարբեր թատրոններում եւ երբ վերջնականապես համոզվել է, որ այլեւս հնարավոր չէ Հայաստանում նորմալ կյանքով ապրել, որոշել է արտագաղթել. «Հենց այդ ժամանակ էլ սկսվեց ՀՀ վարչապետ Նիկոլ Փաշինյանի քայլարշավը՝ ընդդեմ Սերժ Սարգսյանի կառավարման երրորդ ժամկետի, Ջաջուռից ես միացա իրեն եւ հավատացի, հավատացի, որ մեր երկրում իրավիճակ կփոխվի եւ հիմա հույսով սպասում եմ»:

Դերասանն անդրադարձավ կառավարության հունիսի 15-ի նիստում միաձայն ընդունված որոշումներից մեկին, ըստ  որի՝ մոտ 800 հազար դրամ աշխատավարձ ստացող նախարարներին բնակարանի վարձի համար հավելյալ 100 հազար դրամ է տրամադրելու: 

«Կառավարությունը տարբեր պետական պաշտոնյաների արտոնություններ է տալիս, նախարարները հավելյալ 100 հազար դրամ են ստանում, որ բնակարանի վարձավճար տան, իսկ վարձով ապրող դերասանը, որը ստանում է 80 հազար դրամ, կարծում եմ՝ գոնե 50 հազարով կարելի էր նրան էլ օգնել: Դերասանի առաքելությունը ոչ մի կերպ պակաս կարեւոր չէ ազգային արժեքների, մշակույթի զարգացման եւ պահպանման գործում»,-ասաց դերասանը: Մանվել Խաչատրյանի կարծիքով՝ Հայաստանում դերասաններն աչքաթող են արված:

«Պետք է թատրոնում կոռուպցիոն սխեմաներ մշակել, որ դերասանը կոռուպցիայով զբաղվի, կառավարությունը ստիպված լինի թատրոնում կոռուպցիան բացառելու համար աշխատավարձ բարձրացնել»,- կատակով ասաց դերասանը: Մանվել Խաչատրյանի համոզմամբ՝ երկրում փոփոխություն կտեսնի այն ժամանակ, երբ փոփոխություն զգա իր ընտանիքում, երբ քիչ թե շատ կարողանա ապահովել իր երկու անչափահասներին. «Պետությունը սկսվում է ընտանիքից, երբ իմ ընտանիքում զգամ փոփոխություն հենց այդ ժամանակ էլ կասեմ՝ ձեր ցավը տանեմ»:

Մտահոգություն հայտնեց, որ թատրոնի մասին օրենք այդպես էլ չունեցանք եւ մշակույթի նախարարությունը ձեռնամուխ չեղավ այդ հարցին: Վերջինիս խոսքով՝ թատրոնում ռեժիսորը ունի հեղինակային իրավունքներ եւ բազմաթիվ արտոնություններ, իսկ դերասանը, որն իր դերի ստեղծողն է ու հիմնական պատասխանատուն է՝ չունի ոչ մի հեղինակային իրավունք:

Չնայած բոլոր ֆինանսական դժվարություններին, Մանվել Խաչատրյանը մնում է այն համոզմանը, որ արվեստագետը պետք է անկախ լինի եւ քաղաքականության մեջ չխորանա. «Ես ամեն կերպ փորձում եմ անկախ մնալ եւ եթե հանկարծ ինչ-որ խնդիր տեսնեմ, կարողանամ ազատ բարձրաձայնել, ինչպես որ այն ժամանակ եմ միշտ ասել: Չնայած մի քանի ամիս առաջ իմ աչքերով տեսա «Սերժիկ հեռացիր» վանկարկող արվեստագետներից մեկին, որի թափահարվող ձեռքին օրեր առաջ Սերժի կողմից ընծայված նվերն էր»:

Տպել
12376 դիտում

Գործարարները պատրաստակամություն են հայտնել աջակցել «Իմ քայլը» հիմնադրամին ոչ միայն ֆինանսապես

Քիչ առաջ Վանաձորում բերման են ենթարկել «օրենքով գող» Օշականցի Գեւորիկի եղբորորդուն

Հայկական ստորաբաժանումը առաջիկայում լիովին պատրաստ կմեկնի Սիրիա. Դավիթ Տոնոյան

Կարգադրվել է բարձրացնել զինվորականներին տրվող ներքնաշորերի որակը. Դավիթ Տոնոյան

Արցախում կայացել է մարտավարական զորավարժություն. ՊԲ-ն ներկայացնում է լուսանկարներ

Բուռն քննարկումներից հետո ՀԱԿ-ը որոշել է չմասնակցել արտահերթ ընտրություններին

Հայաստանի մի մասում անձրեւ, մյուսում՝ ձյուն է սպասվում. ԱԻՆ-ը հորդորում է անցնել ձմեռային անվադողերի

Գալուստ Սահակյանին փոխարինելու է Նաիրա Կարապետյանը

Պարգեւատրվել են լավագույն պարտադիր ժամկետային զինծառայողների ուսուցիչները

Դատախազությունն ուսումնասիրում է Հակոբ Հակոբյանի հայտարարությունը՝ կեղծ դեղեր գնվելու մասին

Հիմա էլ որպես ընդդիմություն են ստում. վերջին վարիանտ՝ Սերժ Սարգսյանը չէր հրաժարվի նաեւ ժողովրդի դեմ չերյոմուխա կիրառել

Քաղաքապետը Միջազգային պարալիմպիկ կոմիտեի նախագահի հետ հանդիպմանը կարևորել է պարասպորտի զարգացումը

Քրեական հեղինակություն Շալիկոյի սպանությունը նախապատրաստելու համար մարզիկին մեղադրանք է առաջադրվել

Ամփոփվել են ՎՏԲ-Հայաստան Բանկի #երբշահումես  մարքեթինգային արշավի արդյունքները

Աննա Հակոբյանը Մոսկվայում է. հանդիպումների ժամանակ ներկայացրել է իր ծավալած գործունեությունը

Վարչապետի խորհրդականը՝ ռեյտինգային թեկնածու

Ազգային ժողովի արձակումից հետո նոյեմբերի 11-ին տեղի կունենա առաջին լիագումար նիստը

Թուրքիային Քեմալ Օքսուզին հանձնելու միջնորդությունը ստացվել է ԱՄՆ-ի միջնորդությունը բավարարելուց հետո

Քունջութի յուղից և մածուկից մինչև դիզայն ու փրոդաքշն. սփյուռքահայերի բիզնեսը Հայաստանում (տեսանյութ)

Աննա Հակոբյանն այցելել է սիրված դերասան, թատրոնի ռեժիսոր Արմեն Ջիգարխանյանին