Պտղավանում հրդեհի պատճառով այրվել են մեծ թվով խաղողի այգիներ. վնասը հասնում է 2,6 միլիոնի

Երեկ Տավուշի մարզի Այրում խոշորացված համայնքի մեջ ներառված Պտղավան համայնքի վարչական տարածքում մեծ հրդեհ է տեղի ունեցել, ինչի հետեւանքով խաղողի այգիներ են այրվել եւ գյուղացիները կրել են մեծ կորուստներ:

Մեր զրույցում Այրում համայնքի ղեկավար Արայիկ Պարանյանը դեպքի վերաբերյալ մանրամասներ ներկայացրեց:

- Պարոն Պարանյան, հրդե՞հ է տեղի ունեցել երեկ Պտղավանում:

- Չմշակվող տարածքներից հրդեհ է բռնկվել, որից հետո ուժեղ քամու պատճառով տարածվել է մոտակայքի խաղողի այգիներում, մինչեւ հրշեջ մեքենան Նոյեմբերյանից եկել է, 30-40 րոպե անցել է: Դա էլ արդեն լուրջ ժամանակահատված է, որի ընթացքում քամին հրդեհը բերեց, ամբողջ խաղողի այգիները այրվեց:

- Ինչի՞ց է բռնկվել հրդեհը:

- Հրշեջները փորձաքննություն են նշանակել, առայժմ չգիտենք:

- Ի՞նչ չափի վնաս է եղել:

- Ամբողջովին այրվել է: 5.4 հեկտար այգի է վառվել, մոտ 4 հեկտար էլ խոտածածկ է վառվել: 11 հոգու դաշտ է եղել, մոտավոր հաշվարկով այդ տարածքում 3-ից 3,5 տոննա բերք ենք ստացել: Ընդհանուր պետք է լիներ 20 տոննա խաղող, որը այրվել է:

Դրա կիլոգրամը, այստեղ գործարանն ընդունում է 130 դրամով, բազմապատկելով կորստի թվի հետ՝ ստանում ենք մոտ 2 մլն 600 հազար դրամի վնաս: Բայց, սա զուտ 2018 թվականի բերքի կտրվածքով: 1 հեկտարում մոտավորապես նախատեսվում է 2500 հատ տնկի, 1 տնկին  էլ արժի 700-800 դրամ :

- Փոխհատուցում տրամադրելո՞ւ են:

- Մարդիկ այսքան աշխատել են, տարին էլ մի քիչ բարենպաստ չէր, այդքան ոռոգեցին, այսքան մշակեցին ու հիմա նման խնդիր եղավ: Մենք անգամ ցրտահարություն ու կարկտահարություն ենք ունեցել, որոնք մասսայաբար վնաս են պատճառել, բայց մեզ պատասխանել են, որ քննարկվում է, կառավարությունը կորոշի փոխհատուցման կարգը:

Եթե հիմա այս պահին ջրային տնտեսության կոմիտեն լրացուցիչ ոռոգման համար ջուր հատկացնի, միգուցե եւ որոշ մասը հնարավոր լինի վերականգնել:

- Նման դեպքեր էլի եղե՞լ են, փոխհատուցում այդ դեպքերում եղե՞լ է:

- Այո, անցած տարի այստեղ փոթորիկ եղավ, մոտ 40 հոգու տանիքներ են վնասվել Պտղավանում: Եկան հաշվարկեցին վնասները, բայց փոխհատուցում չարվեց:

Հ.Գ. Քիչ հետո ՀԺ-ն Ջրային տնտեսության կոմիտեի լրատվության բաժնից տեղեկացավ, որ արդեն իսկ լրացուցիչ ջուրը մատակարարվում է` ինքնահոս եղանակով եւ պոմպակայանից: Հարցին, թե արդյո՞ք այդ լրացուցիչ ջրի համար պետք է գյուղացիները վճարեն, պատասխանեցին, որ քննարկումների արդյունքում որոշվել է, որ թե՛ ինքնահոս, թե՛ մեխանիկական ջուրը կտրամադրվի անվճար: Տեղեկացրեցին նաեւ, որ հրդեհը վաղուց մարված է, իսկ ջուրը արդեն մատակարարվում է: Վստահեցրին, որ գյուղապետի հետ խոսել են եւ նա խոստացել է  շատ արագ սկսել վերականգնման աշխատանքները:

Տպել
2279 դիտում

Գործարարները պատրաստակամություն են հայտնել աջակցել «Իմ քայլը» հիմնադրամին ոչ միայն ֆինանսապես

Քիչ առաջ Վանաձորում բերման են ենթարկել «օրենքով գող» Օշականցի Գեւորիկի եղբորորդուն

Հայկական ստորաբաժանումը առաջիկայում լիովին պատրաստ կմեկնի Սիրիա. Դավիթ Տոնոյան

Կարգադրվել է բարձրացնել զինվորականներին տրվող ներքնաշորերի որակը. Դավիթ Տոնոյան

Արցախում կայացել է մարտավարական զորավարժություն. ՊԲ-ն ներկայացնում է լուսանկարներ

Բուռն քննարկումներից հետո ՀԱԿ-ը որոշել է չմասնակցել արտահերթ ընտրություններին

Հայաստանի մի մասում անձրեւ, մյուսում՝ ձյուն է սպասվում. ԱԻՆ-ը հորդորում է անցնել ձմեռային անվադողերի

Գալուստ Սահակյանին փոխարինելու է Նաիրա Կարապետյանը

Պարգեւատրվել են լավագույն պարտադիր ժամկետային զինծառայողների ուսուցիչները

Դատախազությունն ուսումնասիրում է Հակոբ Հակոբյանի հայտարարությունը՝ կեղծ դեղեր գնվելու մասին

Հիմա էլ որպես ընդդիմություն են ստում. վերջին վարիանտ՝ Սերժ Սարգսյանը չէր հրաժարվի նաեւ ժողովրդի դեմ չերյոմուխա կիրառել

Քաղաքապետը Միջազգային պարալիմպիկ կոմիտեի նախագահի հետ հանդիպմանը կարևորել է պարասպորտի զարգացումը

Քրեական հեղինակություն Շալիկոյի սպանությունը նախապատրաստելու համար մարզիկին մեղադրանք է առաջադրվել

Ամփոփվել են ՎՏԲ-Հայաստան Բանկի #երբշահումես  մարքեթինգային արշավի արդյունքները

Աննա Հակոբյանը Մոսկվայում է. հանդիպումների ժամանակ ներկայացրել է իր ծավալած գործունեությունը

Վարչապետի խորհրդականը՝ ռեյտինգային թեկնածու

Ազգային ժողովի արձակումից հետո նոյեմբերի 11-ին տեղի կունենա առաջին լիագումար նիստը

Թուրքիային Քեմալ Օքսուզին հանձնելու միջնորդությունը ստացվել է ԱՄՆ-ի միջնորդությունը բավարարելուց հետո

Քունջութի յուղից և մածուկից մինչև դիզայն ու փրոդաքշն. սփյուռքահայերի բիզնեսը Հայաստանում (տեսանյութ)

Աննա Հակոբյանն այցելել է սիրված դերասան, թատրոնի ռեժիսոր Արմեն Ջիգարխանյանին