Ինչպե՞ս մեկ օրում մաքրել ՀՀ-ն աղբից եւ սկսել ապրել մաքուր երկրում․ կանցկացվի մաքրության օր

26/07/2018 schedule11:24

Հայաստանը միանում է համաշխարհային շարժմանը․ առաջին անգամ սեպտեմբերի 15-ին Հայաստանում կանցկացվի Համաշխարհային մաքրության օրը։ Նախատեսվում է, որ շարժմանը կմասնակցի մինչեւ 100 հազար մարդ՝ սկիզբ դնելով նոր սովորույթի։ 

Ինչպես հայտնում են IDeA հիմնադրամից, 2018 թ․ սեպտեմբերի 15-ը Համաշխարհային մաքրության օր է հայտարարված։ Շարժմանն արդեն միացել է 150 երկիր՝ ԱՄՆ-ն, Կանադան, Բրազիլիան, Արգենտինան, Ռուսաստանը, Ֆրանսիան, Իսպանիան, Գերմանիան, Իռլանդիան, Իտալիան, Բելգիան, Հորդանանը, Իրանը, Ղազախստանը, Ադրբեջանը, Վիետնամը, Ինդոնեզիան, Ճապոնիան, Քենիան, Տանզանիան, Մոզամբիկը, Հարավ Աֆրիկյան Հանրապետությունը, Ավստրալիան եւ այլն։ Այս տարի համաշխարհային շարժմանը միացել է նաեւ Հայաստանը։

Բազմաթիվ հայերի խիզախության եւ հետեւողականության շնորհիվ այսօր երկրում ստեղծվել է բացառիկ հնարավորություն՝ ինքնուրույն որոշելու սեփական ճակատագիրը եւ ապրելու մեզ համար ցանկալի պայմաններում։ Նոր Հայաստանում աղբն անհանդուրժելի է։

Ինչպե՞ս մաքրել երկիրն աղբից մեկ օրում

10 տարի առաջ՝ 2008 թվականին էստոնացի ձեռնարկատեր Ռայներ Նիլվակը հրավիրեց իր չորս ընկերներին եւ առաջարկեց նրանց փորձել երկիրը մաքրել աղբից։ Գաղափարը խենթ էր թվում, սակայն 2008 թ.-ի մայիսի 3-ին երկրի փողոցներ դուրս եկավ 50 հազար մարդ։ Ակցիան վերածվեց մեծ կամավորական շարժման, որը սկզբում գործում էր միայն Էստոնիայում, իսկ այս տարի նպատակ է դրել աղբից ազատել ամբողջ Երկիր մոլորակը։

World Cleanup Day Հայաստանը նախաձեռնել է «Հայաստանի զարգացման նախաձեռնություններ» (IDeA) հիմնադրամի կամավորների մի խումբ։ Մեկ ամսվա ընթացքում նախաձեռնությանը միացավ մի քանի կարեւոր գործընկեր. Armenia Tree Project-ը, WWF Հայաստանը, ՀՀ Բնապահպանության նախարարությունը։

Ամեն օր նորանոր գործընկերներ հայտարարում են նախագծին մասնակցության մասին։ Նախատեսվում է, որ փողոցներն ու շրջակա միջավայրն աղբից ազատելու նպատակով Հայաստանում իրենց ուժերը կմիավորեն մինչեւ 100 հազար հոգի։ Նախաձեռնությանն արդեն միացել են Դիլիջանի Համայնքային կենտրոնը, Re-Apaga նախաձեռնությունը, UWC Դիլիջանի դպրոցը, Proper Company-ն, Ամերիաբանկը, TriClub-ը, «Վերադարձ Հայաստան» հիմնադրամը, Aurora Baréalisse Marketing & Branding agency-ն, Սանիթեք Հայաստանը, ՀՀ Տարածքային կառավարման եւ զարգացման նախարարությունը, ՀՀ Կրթության եւ գիտության նախարարությունը, ԱՄՆ խաղաղության կորպուս, ՄԱԶԾ հայաստանյան գրասենյակը, ԱՄՆ դեսպանության Երեւանյան կանաչ թիմը։

World Cleanup Day-ը Հայաստանում տարբերվում է միջազգային շարժումից նրանով, որ չի լինելու մեկ օրվա ակցիա, այլ դառնալու է սկզբնակետ՝ որից հետո կփոխվի բնակչության վերաբերմունքը աղբի հանդեպ եւ կձեւավորվի նոր սովորույթ՝ ապրել մաքուր երկրում։ 

Ի՞նչ է լինելու սեպտեմբերի 15-ին եւ ինչպե՞ս կարելի է մասնակցել

Կազմակերպիչները կպատրաստեն եւ նախագծի պաշտոնական էջին կհրապարակեն 11 քարտեզ՝ ըստ Հայաստանի մարզերի։ Յուրաքանչյուր քարտեզ բաժանված է լինելու գոտիների, որոնք համակարգվելու են տեղի առաջնորդների կողմից։

Ցանկացած մասնակից կարող է մաքրել իր բակը, ինչպես նաեւ բացել իր մարզի քարտեզը, ընտրել առավել հարմար գոտին եւ գնալ այնտեղ։ Ակցիան մեկնարկում է շաբաթ օրը ժամը 10-ին եւ տեւելու է երեք ժամ։ Առաջնորդը կպատմի մասնակիցներին աղբի տեսակների եւ Հայաստանում դրանց տեսակավորման ձեւերի մասին, ցույց կտա տեղանքը եւ կօգնի աշխատանքի ընթացքում։ Տարածքում իրականացվելու է տեսա եւ լուսանկարահանում, նախատեսված է նաեւ հայտնի մարդկանց մասնակցություն։ Տեղի առաջնորդը կհետեւի, որպեսզի հավաքված թափոնը բարեհաջող դուրս տարվի։

World Cleanup Day լայնածավալ գովազդային արշավը Հայաստանում կմեկնարկի օգոստոսի 15-ին։ Ամփոփիչ տեսահոլովակը նախագծի մասին կտարածվի միջազգային ԶԼՄ-ներով՝ Հայաստանում ակցիայի արդյունքներն աշխարհին ցույց տալու համար։

Ի՞նչ է նախատեսված աղբի հավաքագրումից բացի

Նախաձեռնության կրթական ծրագրի շրջանակում ՀՀ Կրթության եւ գիտության նախարարության հետ համատեղ բոլոր դպրոցներում կանցկացվեն դասախոսություններ՝ շրջակա միջավայրի պաշտպանության ձեւերի, ինչպես նաեւ ամենօրյա սովորությունների մասին, որոնք մեղմացնում են էկոլոգիական հետքը։

Այսօրվա դրությամբ երկրում առկա թափոնների մասին լիարժեք տեղեկատվություն չկա, այդ իսկ պատճառով հետազոտություններ են անցկացվելու՝ շրջակա միջավայրի ներկա վիճակը գնահատելու եւ երկարատեւ նախագծի համար հիմք ստեղծելու համար։

Հայաստանի քաղաքներում կանցկացվեն առցանց եւ օֆլայն ակցիաներ, որոնց նպատակը կլինի հանրության ուշադրությունը հրավիրել թափոնների խնդրի վրա եւ ցույց տալ այդ խնդրի լուծման ուղիները։

Կինոթատրոններում թրեյլերներ են ցուցադրվելու՝ առողջ էկոլոգիական սովորությունների մասին։

Նախաձեռնության կազմակերպիչները նախատեսում են աշխատել տեղական եւ միջազգային կազմակերպությունների հետ, որպեսզի մեկ տարի անց մեզանից յուրաքանչյուրը կարողանա իր շուրջը նայել եւ ասել․ «Ի՞նչ է, մեզ մոտ միշտ չէ՞ որ այսպես մաքուր է եղել»։

«Սկսել երկուշաբթի օրվանից» երբեք չի ստացվում, դրա համար էլ մենք Հայաստանում մաքուր ապրելու սովորությունը ձեռք կբերենք շաբաթ օրը՝ սեպտեմբերի 15-ին, Մաքրության միջազգային օրը։

Ինչպե՞ս դառնալ մասնակից

World Cleanup Day-ը միջազգային կամավորական շարժում է եւ դրան կարող է միանալ յուրաքանչյուր ոք։ Առաջիկա ամսվա ընթացքում կարելի է դառնալ նախաձեռնության առանցքային գործընկերներից մեկը։ Միացե՛ք, եթե ցանկանում եք ապրել մաքուր, գեղեցիկ Հայաստանում։

 Տվյալ պահին անհրաժեշտ են․

  • Տեղի առաջնորդներ
  • Հետաքրքրված մարդկանց խմբեր, որոնց միջոցով կարելի է տարածել տեղեկատվությունը
  • Լուսանկարիչներ եւ օպերատորներ
  • Ռեստորանների եւ սրճարանների սեփականատերեր եւ մենեջերներ
  • Մեդիա գործընկերներ
  • Ֆինանսական նվիրատուներ

Ի երախտագիտություն գործընկերների՝ նրանց ներդրման համար, կազմակերպիչները ստեղծելու են մեծ ժամանակավոր գեղարվեստական վահանակ, որի վրա լինելու են բոլոր նրանց անունները, ովքեր մասնակցել են նախագծին եւ որը տեղադրվելու է Երեւանի կենտրոնում։ Այդ ամենը զուգորդվելու է վառ արշավով լրատվամիջոցներում ու սոցիալական ցանցերում։

Ռեստորանները, որոնք միացել են ակցիային, կառաջարկեն տեղի առաջնորդներին անվճար ընթրիք երկու հոգու համար՝ ի նշան երախտագիտության նրանց մասնակցության համար։ Իրենց մասնակցությունն արդեն հաստատել են The Club-ը, InVino-ն, Tapastan-ը եւ մյուսները։

Կազմակերպիչների հետ կարելի է կապվել գրելով ակցիայի պաշտոնական ֆեյսբուքյան էջին՝ https://www.facebook.com/wcdarmenia, կամ էլեկտրոնային հասցեին՝ [email protected], http://cleanuparmenia.org/։

Տպել
2448 դիտում

Երեւանում 28-ամյա երիտասարդը ինքնասպան լինելու համար նախ կտրել է նախաբազուկը, ապա 3 ածելի կուլ տվել

Մեկը գնում է ԿԳԲ, մեկը՝ միլիցիա, երրորդը՝ Արմենտել. Շիրազը կարմիր ասֆալտի երես չի տեսնի

Թող հավատի ջահը լուսավորի հայ ժողովրդի ուղին. Հռոմի պապը շնորհավորական ուղերձ է հղել Մխիթարյան միաբանությանը

Ես անպայման կզբաղվեմ, կպարզեմ ով է թեկնածուի նկատմամբ քաղաքական տեռոր անում. վարչապետ (տեսանյութ)

Վրաստանում ՀՀ քաղաքացին բռնվել է ոստիկանին կաշառք առաջարկելիս, պարտավորեցրել են 3000 լարի տուգանք մուծել

«Նուբարաշեն» քրեակատարողական հիմնարկի դատապարտյալի ծանրոցում հաբեր ու կաթոցիկ է հայտնաբերվել

Լևոն Արոնյանի կինը հեծանվով 1800 կմ տարածություն կանցնի Թուրքիայով եւ Իրանով դեպի Հայաստան

ՀՀ ԶՈՒ-երի,ՊԲ-ի կողմից իրավիճակը լիովին վերահսկվում է. Ն. Փաշինյանը՝ Արցախի դիրքերում (լուսանկարներ)

Հ. Աբրահամյանի եղբայրը գյուղի ձկնաբուծարանը սնուցող խողովակներն ապամոնտաժել, ուղղությունը փոխել է դեպի իր ձկնաբուծարան

«Հայկական գնդակից» սպանվել է Ադրբեջանի ԶՈւ զինծառայող, ԶԼՄ-ները հայտնում են եւս մեկ սպանվածի ու վիրավորի մասին

Վարչապետ Նիկոլ Փաշինյանն այցելել է Արցախի պաշտպանական դիրքեր

Լուսանկարների միջոցով ցուցադրվեց աղետալի հրդեհի պատճառով վերացած Սարյանի գործերը

Մենք պատրաստ ենք խաղաղ բանակցային գործընթացի, սակայն պատրաստ ենք նաեւ պատերազմի. վարչապետ (տեսանյութ)

Հետաձգել եմ Նյու-Յորք այցս՝ քվեարկելու, նոր մեկնելու համար. վարչապետը կքվեարկի ու կմեկնի ԱՄՆ

Քրեական հեղինակություն Չարբախցի Գեղամի մոտ լուրջ հիվանդություն է հայտնաբերվել. վիրահատությունը հետաձգվել է

Սեպտեմբերի 21-ին՝ Անկախության տոնին, զորահանդես չի լինելու, ծախսվելու է մոտ 100 մլն դրամ

Emmy 2018-ի հաղթողներն ու կարմիր գորգի աստղերը

Բակո Սահակյանը, Նիկոլ Փաշինյանն ու զինվորականները՝ արջերի ընկերակցությամբ Արցախում (տեսանյութ)

Երեւանում կբացվի սիրիահայերի ձեռքի աշխատանքների ցուցահանդես-վաճառք

Օլիգարխ ընտանիքից երիտասարդներ են ամուսնանում եւ որոշել են, որ իրենց նվերների` զարդերի գումարը փոխանցեն մեր հիմնադրամին